راكوبة المجادعات.. النمة والدوباي

[imported_تماضر حمزة]

المشاركة الأصلية كتبت بواسطة علاء ابو حريرة

بدور الشد بدور الركبة فوق الشوح
بدور شقة فريق المنهن مجروح
يا شيخ طرقي يا حداد سفينة نوح
لزمي الصبر مني اليقين ما يروح

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟


ولد دا مبالغة

[مي هاشم]

المشاركة الأصلية كتبت بواسطة تماضر حمزة

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟


ولد دا مبالغة

خلاس قمتي على جنّك ودايرة تجنّنيني معاك؟؟!!


بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

[imported_تماضر حمزة]

المشاركة الأصلية كتبت بواسطة مي هاشم

خلاس قمتي على جنّك ودايرة تجنّنيني معاك؟؟!!


بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

بدور ال في الوريد وروحي جوات روحو
بدور الوصفي في مجمل غناو وشروحو
ودّر هالعقل مجنون وطال في سروحو
ومانفعوا الشيوخ والقبة راجية ضروحو

شيخي قال ليك ياحبببة

[imported_أسعد]

بصق الدم والموخرة زاحفة تجري
اصلو ولدا في البطن نمبر ثري
ورقص فوق سطح القمر البحري
اصلو مرق من فخذ امو بت البكري



^___^

[imported_طارق صديق كانديك]

المشاركة الأصلية كتبت بواسطة تماضر حمزة

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟


ولد دا مبالغة

المشاركة الأصلية كتبت بواسطة مي هاشم

خلاس قمتي على جنّك ودايرة تجنّنيني معاك؟؟!!


بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

الراس هسي كابس ياقول مي هاشم

خلّني اخسر فيهو كتير( قهوة والله ) ياقول تماضر

وعُقبن نباصر الجية

[imported_تماضر حمزة]

ياوجدي ياشييييييين

أنا قهوتي غالية والله

[مي هاشم]

المشاركة الأصلية كتبت بواسطة تماضر حمزة

بدور ال في الوريد وروحي جوات روحو
بدور الوصفي في مجمل غناو وشروحو
ودّر هالعقل مجنون وطال في سروحو
ومانفعوا الشيوخ والقبة راجية ضروحو

شيخي قال ليك ياحبببة

ملاحظة المشيخة..


بدور اللّغَبّش المِنّ العَجاجة مَسوحو
بريدو الرّاكز وكتين الرّجال بيسوحو
شايل قلبي عِندو وعقلي داك ممسوحو
دروَشْ وانجذَبْ..سمّوني غرقان سوحو

[مي هاشم]

المشاركة الأصلية كتبت بواسطة طارق صديق كانديك

الراس هسي كابس ياقول مي هاشم

خلّني اخسر فيهو كتير( قهوة والله ) ياقول تماضر

وعُقبن نباصر الجية

عليك النبي انت راسك ده قعد يكبس يعني زي راسي كدي ؟؟
(عيني بارده ياخ)gap
ثم إنك ما أظن خسايرك بتكون كبيرة برضو زي تماضر

جيتك يا الرفيق بندورا تب.. وهو نحن لاقين

[imported_تماضر حمزة]

المشاركة الأصلية كتبت بواسطة مي هاشم

ملاحظة المشيخة..


بدور اللّغَبّش المِنّ العَجاجة مَسوحو
بريدو الرّاكز وكتين الرّجال بيسوحو
شايل قلبي عِندو وعقلي داك ممسوحو
دروَشْ وانجذَبْ..سمّوني غرقان سوحو

حوحو دي جننتيها جن
عليه نحوّل القافية

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة

[مي هاشم]

المشاركة الأصلية كتبت بواسطة تماضر حمزة

حوحو دي جننتيها جن
عليه نحوّل القافية

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة

أحّــووو
سمح .. نغيّرا ..gap

ممكن أعمل داونلود للقافية الجديدة وأجيك؟

[مي هاشم]

المشاركة الأصلية كتبت بواسطة تماضر حمزة

حوحو دي جننتيها جن
عليه نحوّل القافية

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة

أها.. جيت

بريد العارِف المتموم عِلِم ودرايه
بدور سمح الخصال بالعفـّة رافع رايه
فارساً يكشف المكتوم كأنّو مِرايه
عجب عينيَّ سيد الناس حبيبي برايا




يا جماعة نادوا ود عثمان ينزل غنية لكابلي (يوم حبّي ويوم هنايا..يوم لاقيتو حبيب برايا)
ياخي بكرّر فيها برايا دي بصورة تبكّي..

[مي هاشم]

يا الشّلتَ الهموم من قـُمتَ ما اتنعـّمتَ
نضّام للحديس في لمّـة ما اتْبَعّمتَ
مَسخان السّنين يا روحي بيك طعّمتَ
يا اب قلباً حنين سلامو دمعه وعَمْته

[مي هاشم]

أنا بت الرجال في الدُّنيا مـا بتدنّا
عِنْ قـول الصّدِق والله ما بسْتنـّا
ما بكسِر نَضِم في المّشية ما بتــّنـّا
بحفظ للتراث ما قلت اتمدّنـّا

[imported_عبده سعد]

يامى جد بدورنا فى سماها تضوى.
الحازقة وشديدة وعارفة إش بتسوى.
جننت الحروف معناها ديمة مدوى.
الكوراك ضرب والذئآب بتعوى .

[مي هاشم]

المشاركة الأصلية كتبت بواسطة عبده سعد

يامى جد بدورنا فى سماها تضوى.
الحازقة وشديدة وعارفة إش بتسوى.
جننت الحروف معناها ديمة مدوى.
الكوراك ضرب والذئآب بتعوى .

خجّلتني ياخ


يا عبدو الحروف والله جَت محَشوره
ما حازقي وشديدي بدورلي حبّة شوره
شوف كلمات تماضر شارّه شَو ماسوره
والعجيب كانديك جدعاتو مِي محصوره