برنامج أغاني و أغاني/ النسخة ال11

[imported_الزوول]

الأغنية الأولى
خاتي ايدي فوق الوجعه - عطا الكنيبلي
مكارم بشير

....

[youtube]http://www.youtube.com/watch?v=q8GJIF6YLVA[/youtube]

[imported_الزوول]

الأغنية الثانية
جاي ليك والدنيا عندك طفلة.... محمد سفلة
هاني عابدين
....

[youtube]http://www.youtube.com/watch?v=HPwtdnYOMuY[/youtube]

[imported_الزوول]

الأغنية الثالثة

الأمل الرحل –كلمات صـــلاح البــوج
أحمد بركات الزين
....

[youtube]http://www.youtube.com/watch?v=nmmNLdR4too[/youtube]

[imported_الزوول]

الاغنية الرابعة
عودة المفقود - صلاح البوج
حسين الصادق

......

[youtube]http://www.youtube.com/watch?v=IgzLhQYncqs[/youtube]

[عكــود]

الشايقية يمتنعون

وأمير الأمين برضو!

سكتنا يا العوض، بس اعتقد هيثم مستثنى .

[imported_هيثم علي الشفيع]

المشاركة الأصلية كتبت بواسطة عكــود

وأمير الأمين برضو!

سكتنا يا العوض، بس اعتقد هيثم مستثنى .

والله يا عمدة

إستثناءك في محلو - كشايقية لندن ..و......كدة-

لكن قريتو بعد .......خلااااااااااااااااااااااااااااااس....دخل العضمgap

دحين

أعفوني الليلة

يا جيتكم راجع بعد تشوفوا حلقات غير دي

يا ... كمان.....



نتلاقى (في المِتِل دي)

[عكــود]

حلقة اليوم بدت بصاحب الصوت الجميل مهاب، لكنه ارتقى مرتقى صعبا فحاول مع ابو داؤود، فلم يوفق.
ابو داؤود صعب عليك.. 10/4.

بعده أحمد الصادق، ويعجبني فيه انو محافظ على مستواه، برافو وو 10/1.

أحمد بركات أدى أداء باهت ونايص 10/4..

حسين الصادق برّد علينا شوية وأبدع كالعادة 10/8.

هاني ورفيقته كانوا ختام جيد للحلقة، 10/8.

[عكــود]

ياخوانا افتقد الفنان زول الله في البوست ده.

عساه بخير.

[imported_الزوول]

يا أخوانا
عمنا السر قدور عندو مشكلة في الربط بين الأشياء
طيب شوفو معاي
الكلام في الحلقة الحادية عشر مفروض عن الاذاعة السودانية بمناسبة مرور 76 سنة على انشائها
وهو كما قال يريد الكلام عن ثلاثة من الرواد
بدأها بالحديث عن الاستاذ محمود أبو العزائم
لما عايز يختار اغنية
ما لقى مناسبة الا وأن الاستاذ محمود كان يحب ابوداؤد
رابط واهن جداً ومبرر ضعيف عشان يعلل اختياره للأغنية
أبو العزائم كان ناقد فني
ولا بد أن في تاريخو معارك نقدية تمحورت حول بعض الاغاني
كان ممكن عمنا السر يحكي عنها ثم يجيب لينا الأغنية مثار الجدال
مش يسوي زي المسطول الرسل تهنئة بالعيد :بمناسبة أعياد الاستقلال المجيد

أتمنى لكم رحلة ممتعة جعلها الله ولادة ميسرة وانتصارا لفريقنا
....
بالمناسبة الود أداها بصورة جيدة بالرغم من صعوبتها
والتحية برضو لعوض أحمودي
....
أحمد الصادق شايفك جاملتو يا أباذر
والموضوع ده فيهو إن ... يا رااااجل تديهو واحد كامل؟
تكونش قابض منو؟
....

[imported_جيجي]

بعد التحية
غايتو في غتاتة بتاعت شوايقة هنا
عكود والزول اعترفوا انها الحلقة. من اجمل الحلقات فاقت حلقة الامس بمراحل
مهاب ابدع في الحب دواه ايه
صحي هوالحب دواه ايه
اما احمد بركات ابدع ومسح تاريخ هدى عربي في ياناس انتو. وين انتو مابنتو
الله. الله
النصيحة فاطنتكم حلوة وغناية وكلها مشاعر

[عكــود]

أحمد الصادق شايفك جاملتو يا أباذر
والموضوع ده فيهو إن ... يا رااااجل تديهو واحد كامل؟
تكونش قابض منو؟

لازم نكرمو، ده شهر الرحمة يا العوض..

بس هو ليه مصر إنو يغني!!

[عكــود]

المشاركة الأصلية كتبت بواسطة جيجي

بعد التحية
غايتو في غتاتة بتاعت شوايقة هنا
عكود والزول اعترفوا انها الحلقة. من اجمل الحلقات فاقت حلقة الامس بمراحل
مهاب ابدع في الحب دواه ايه
صحي هوالحب دواه ايه
اما احمد بركات ابدع ومسح تاريخ هدى عربي في ياناس انتو. وين انتو مابنتو
الله. الله
النصيحة فاطنتكم حلوة وغناية وكلها مشاعر

سلام يا عرجونة،

مهاب صوتو سمح بالحيل، بس ما كان يجازف ويغني أغاني الفيل الكبير.. أكبر منو كتير والله،. ثم برضو ما قصرت معاهو 10/4 لي زول غنى لأبو داؤود.. سمحة والله.

أحمد بركات يمكن حسنتو عندك انك قارنتي أداؤه مع أداء هدى عربي؛ لكن بصراحة ربُّنا تقديرو ماهو فايت ال 10/4 برضو.

عايزين تعليقك على حلقة النصري.. برضك مستثناه ،سيم سيم هيثم الشفيع.

بعدين فاطنتنا دي ياتا؟ ما فرزتها؛
تكوني قاصدي آمنة حيدر!
تحياتي

[عكــود]

سلام،

حلقة اليوم كانت عن الفنان صديق عباس وإيقاع المردوم.
نجمها، بدون منازع، كان المليجي ضابط الإيقاع، أبدع في الإيقاع الراقص البيحرّك الحجر.

المؤدين كانوا متقاربين في أدائهم، يتراوحوا بين 4 - 10/6، إنكلودينق أحمد الصادق.
الوحيد الذي شذّ عن القاعدة كان فرفور "عميد الحلقات" كما سمّاه السر قدور، تقييمي له 10/1.

ملاحظة، توزيع الفرص ظلم آمنة حيدر فـ حتّى الآن ما نالت فرصتها غير في أغنية أو أغنيتين منذ بداية البرنامج، بينما حسين الصادق - مثلاً - يجد فرصة في كل حلقة وكذلك هاني وهدى!
يا ربّي ليه؟

[imported_الزوول]

الحلقة الثاتية عشر
وكانت عن الفنان صديق عباس
الذي ولد عام 1942 وتوفي عام 2015
كان اول ظهوره ضمن فرقة نجوم كردفان التي ضمت عبدالقادر سالم وابراهيم موسى أبا وخليل اسماعيل وقد صاروا جميعا نجوما من نجوم الغناء القومي السوداني.
كان يمثل اللونية الكردفانية ولكنه استطاع ان يمزج بين الاداء الشعبية والغناء القومي
............
الأغنية الأولى:
عبر الأثير –
هاني عابدين ومهاب عثمان
هاني عابدين ..اجادة معهودة ...
بالنسبة لي خلاص طلعتو بره موضوع التقييم فهو يجيد دائما ما يؤديه
مهاب عثمان ... أجاد برضو
بس لا زلت مصر ان فيه شيئاً من المرحوم نادر خضر ... وبالتالي لمحة حبشية
مشيت افتش في عمكم قوقل على اجابة
طلعت بى سؤال اضافي : اسمو مهاب عبدالدافع عثمان
والبعض ينسبه للفنان عبدالدافع عثمان ويكثر ترداد هذه العبارة عنه (ابن الوز عوام)
فهل هذا حقيقي؟
....
نرجع للأداء ... (6 من 10)
أعتقد انهما يستحقان أكثر لولا الغلطة القاتلة (الضرستني)
(عبر الأسير) ... ما معقول يا شباب ..قليل من الاهتمام بالنطق الصحيح لا يضير
.......

...
الأغنية الثانية
حالنا كدة وانتو حاكم كيف
حسين الصادق يا سلام
بس قصيرة جداً ولكنه لا يزال محتفظاً بتقدير جيد جداً
(7 من 10)
...
الأغنية الثالثة
الله يصبرك يا قلبي
هدى عربي وأحمد بركات
جيدة ... انسترت معانا هدى عربي
أحمد بركات فيه بعض الملامح من معتز صباحي
ولكنه بصورة متوازنة جدا!
(6 من 10)
....
الاغنية الرابعة
الدنيا قسايا
احمد الصادق
أجمل أغاني الحلقة في رأيي
لا أنكر أن الأغنية سهلة الأداء ولكن أحمد الصادق قياسا بالحلقات السابقة أدى بامتياز
الفرقة الموسيقية أبدعت وجعلت الكل يرقص
وخاصة أن الايقاع هو ايقاع الذكر الصوفي
وجينات السودانيين مبرمجة مسبقاً على التفاعل مع هذا الايقاع
(8 من 10)
...
الالايا
جمال فرفور
لا أدري إن كان صوت فرفور شاخ وأصبح ضعيفاً
أم إنني مللته
ام أن الأغنية لم تساعده على ابراز محاسن صوته
عموما ... لم يعجبني أدائه بالرغم من اعجابي بالأيقاع الكردفاني المميز للاغنية
(2 من 10)
....
يا اخوانا
من أمثالنا الشايقية
(منو ..البقدر يقول لى حاجّة اتغتي..) * حاجّة دي اسم لإمرأة
هدى عربي دي مافي زول قادر يقولها حاجة ؟

[imported_أمير الأمين]

عصمت بكرى غنى مع هانى ومش مهاب. طبعا صوت عصمت اكثر انفتاحا وادى الغنية حقها وهانى مبدع كالعادة وشايف فى اغانى ما بنفعها معاها الدويتو خاصة لو اختلفت خامة الصوتين