كل شئ،،، ولا الكدب،،،،
*بي📝 الحنين،،،،،،*
*د. علي الشيخ،،،،،،*
*كل شي ولا الكضب،،،،،*
جنبك قريب،،،،
دي اكتر اجابه متفقين عليها،،،
اكتر شعب بستعمل الموبايل غلطXغلط،،،
*نحن،،،،*
نحن بنجي الأول،،،، في الغلط،،،،
دي واقعيه،،، البطل حي يرزق،،،،
جنب بيته في حمار 🦓 سيده بربطه في الشارع،،،
ده الشاهد ،،،
البطل زول سوق،،،،
شاخت ليهو كم شيك طاير،،،، وهو راكي في بيته،،،
يوم صباحن بدري،،،، موبايله 📱 قعد ينبح،،،، عاين🙄 ليهو كده ،،،، عرف المتصل،،، تكل الموبايل،،،، و اتقلب على الجنبه التانيه،،،
الموبايل ينبح ساي،،، زي الشافع 🗣️ الكايس الشطر،،،،
بعد كم دقه كده،،،
زولنا فتح👀 ،،،، واخد ليهو مغغغغغه كده،،، و جدع ليهو سفه دقار قندراني ،،،
و بقى جاهز للرد،،،
الموبايل نبح،،، طوالي،،، زولنا داس الأخضر،،،📲
سلام يا حبيب👋
عليكم السلام🤝
وينك ضربته 📳 ليك كم مره
و الله الجوال 📴 بعيد مني
*(قولوا واحد/صفر)*
الليله مواعيدنا،،، صاح✔️
اي عارف🥶
اتحركت👣 علينا
اي ماشي على العربيه🚘
*(قولوا اتنين/صفر)*
تمام منتظرنك بالجبنه☕
لا،،،، لا اشربوا انتو🍵🍵🍵
انا قبيل شربت قهوتي☕
*(قولوا تلاته/صفر)*
و زولنا جدع الموبايل📴،،، و انقلب على الجنبه التانيه
بي سفته،،،
عدت نص ساعه🕖
الموبايل قعد ينبح📳
اها يا حبيب و صلت وين🤔
جاي بي شارع الغابه زحمه شديده،،، 🛂 زي الفي حادث⚠️ في الشارع،،،،
*(قولوا اربعه/صفر)*
تمام،،، نجهز الفطور🍅🥒🌶️🥬🥩🥚🍳🥘
لا،،، لا،،، افطروا
انا فطرت في البيت🤭
*(قولوا خمسه/صفر)*
*١٠٠٪* مافي مشكله،،،
الله يوصلك بالسلامه⛔
زولنا،،، يادوب قام من السرير،🛏️ جدع البطانيه،،، بزغ السفه🤤 ،،، شال البشكير ،،، ماشي على الحمام،،، فتح الماسوره🚰،،، قعدت تشخر ،،، تقول كانت نايمه معاهو،،،
زولنا كبس،،، ولعن،،، مشي على الموتور،،، يدوروا،،،، حليلك يا النايم علي حيلك،،، الكهرباء🔌 قاطعه ❌ من الصباح *مش البرمجه انتهت،،،*
زولنا قعد يطنطن براهو،،،
الجمله المتفق عليها من كل السودانيين،،،
*دي،،، بلد دي،،،*
*نحن المقعدنا فوقها شنو،،،*
مشي على البرميل،،، يادوب جازف ليهو نص جردل،،، خمش ليهو كوز ،،، و دخل على الحمام،،،
و بره الشافع ينبح،،،، الموبايل،،، زي المرأة فطمت جناها،،، قبال يشبع،،، و هو من وين،،، تجيب ليهو،،،
زولنا ،،، اتصرف،،، مسواك و حلاقة دقن😱 و حمام 🚿 ،،، كله بي نص جردل،،، ما مدعوم،،،
و هو بلبس الموبايل ينبح،،،
ضغط أخضر،،،📱
في نفس اللحظه و الموبايل فاتح،، 📳 قوم يا الحمار 🦓 المربوط في الشارع قصاد البيت، *هنق،،،* تقول بعمل في بروفه،،، *هنق ،،، هنيق ،،، صاح ،،،*
تهليل ،،،،،،
تكبير،،،،
هي لله،،،، هي لله،،،
وقبل زولنا يرد📱
جاته هجمه مرتده ⚽،،،
اسمع يا أخينا،،،
انت لسه في بيتكم؟؟؟
لا،،، لا،، انا قربت عليكم
*(قولوا سته/صفر)*
و دي نهايه المباره⚽
قال ليهو،،، اسمع انت زول كضاب و منافق و حرامي،،،،
ما بتخاف الله،،،
انت لسه من بيتكم ما مرقته
مش ده صوت الحمار المربوط قدام بيتك،،،
للتاريخ و للأجيال الجايه،،،
زمان بخوفونا،،، بقولوا لينا البكضب بودودهوا النار🔥🔥🔥
نحن كلنا كضب ساي النار دي بنخشها قبول خاص،،،، بي كضبنا،،،
من ما تصبح اي زول بفتش ليهو في كضبه يتخارج بيها،،،
اي سمسار،،، بحلف بالكضب،،،
اي تاجر،،، بكضب و هو عارف ده كويس،،،،
الكضب ده خشم بيوت ،،،،
و الكضابين ،،،، يشهوك في الكضب،،،
*كضب السياسيين،،، و المنظراتيه ،،،، ناس،،،، اتفقنا ،،، و قدمنا رؤيه،،، و نحن ،،،،، ده كضب ،،، زي الكضب ،،،،*
*بتحسم بي مجلس تشريعي،،،، بس،،،،*
زمان نحن صغار في لعبه كده،،، كنا بنحبها شديد،،،،
اسمها،،،،
*كم في الخط؟؟؟*
يا لب لب، كم في الخط؟
أمانة عليك تقطع أضنيك ما سته !!!
*كضبا كاضب*
*بخت الزول البجاوب✔️*
*د. علي الشيخ*
*الحنين*
*ينبع البحر - السعودية*
*٢ أغسطس ٢٠٢١*
|
