[QUOTE=آيات;394657]
عاين .
. ياخ من أمس انا مُحرجة اقول ليك :
بس غير جلابيتك دي وتعال[/QUOTE
اها - هاك دي - يمكن تغسل جلابيتي .. وتكويها كمان.
غنى ابراهيم احمد ابو جبل - الشهير بالكاشف هذه:
أسمر جميل عاجبني لونو
كحّل سواد الليل عيونو
***
عالي النخيل ما ضقنا تمرو
أسمر جميل ما حنّا عمرو
جسمي العليل إستحلى جبرو
شرْع الغرام حاير لأمرو
***
أسمر جميل فتّان بريدو
كل الخلود تتمنى ريدو
عقد الجلاد يا ناس يزيدو
عقد القلوب منصوب بجيدو
***
أسمر جميل فوق في سماهو
كل الخلود ترغب ضياهو
سهم اللحاف ساعة رماهو
صاب القليب سالت دماهو
***
أسمر جميل فاق في الوسامه
صفوة جمال وجهو إبتسامه
فوق الخديد عاجباني شامه
ومن العيون ياالله السلامه
***
أسمر جميل عاجبني لونو
كحّل سواد الليل عيونو
