محاولة للحاق بالركب، عسى ولعل،،

[بابكر مخير]

عينيك
فيها ما فيها ووجنتيك يا إلاهي وإتا جاهي،،
حصرتني في كورنر حتى الشتات منهو بقآ "سك"،،
تعجبت الليالي من هول الهالة الحوالين عينيك...
وإنطمست في وجدان أحاسيسي ووووو..
الي ما نهاية...

بداية سطور لموضوع عسى نلحق فيهو بركب من تملكوا بيوت العنكبوتات...
يا أخوانا اللغة السههههههههههههههههلة مالها


أنا غايتهو بقصد ناس معينين،
أريتهو يدونا "كجة" في رؤياتهم بي لغتن تتفهم..
الرسول فيكم عات كما جبرتو بي خاطري وسهلتوها...


وإتو يا باقي الحبان،،
حتى لو مجاملة سآكت من طرف الكيبورد،،
بي نقرة شجعوني





ملحوظة،،
طبعن نوع الكلام الكبييييييييييييير دآك كيبوردي ظاتهو مجافيهو وما فيهو...

[لحن الحياة]

بابكر
مخير الله عاد
دي نقرة كيبورد للتشجيع على اللغة السهلة

[بابكر مخير]

المشاركة الأصلية كتبت بواسطة لحن الحياة

بابكر
مخير الله عاد
دي نقرة كيبورد للتشجيع على اللغة السهلة

يا زولة من حسي مرشحك "سوبرمودريتر" للدورة الجآية

[أميرى]

المشاركة الأصلية كتبت بواسطة بابكر مخير

يا زولة من حسي مرشحك "سوبرمودريتر" للدورة الجآية

قال دعها فإنها مأمورة

فأكتفي بي بوش كارب تلك الليلة

القلم يا بيكو ليهو رافع فسيبك من العفريته وقوم بي نمرة أربعة
و....كرو كرو كش و عينك ما تشوف إلا النور

مين طفا النور؟

[مرافي]

المشاركة الأصلية كتبت بواسطة بابكر مخير

يا أخوانا اللغة السههههههههههههههههلة مالها


...

ورحم الله رجلا سهلاً اذا كتب
وسمحاً اذا كتب
آآآآي والله اللغة السهلة ماااااااالا...!!!!عيبوها لي...

[الرشيد اسماعيل محمود]

محاولة للحاق بالركب، عسى ولعل،،

قريتها رُكَب، جمع رُكبة..
قلت عمّك دة يا ربي يكون مالو..
وداير يلحق بيها وين..؟
وهي ظاتها فاتتو كيف..؟

المهم:
قلت لي أدّونا الساهلة..

[أسعد]

اقطع فيها كف
ما مهم القول أو الفعل ، المهم النية ياخ

[بله محمد الفاضل]

لولوة شديدة صاح
لولوها لمن جابت الزيت
حكاية والله

ضحكتني حكاية اللغة الملولوة المجافية كيبوردك وما فيهو
تكون دي بتظهر لي ناس ولي ناس لا
يعني هسع أميرى المشوطن دا
وناس الرشيد ديل
يكون كيبورديهم مشبوك مع ناس الفرزدق ديلاك
ولا كيف

إتا لخبطا في بعض بتمرق بدرب تاني
ما تقرعا
خلها بتقوم تتلاقى معاهم
ما تسمع كلام مرافي دي تقوليك
وتمش تجيب من بيت كلاوي جرير والنفري ذات نفسو


تحياتي واحترامي

[الطيب بشير]

.
يا عميد البوليس .. كيقك؟
اللغة السهلة؟
دي عكس العملة الصعبة صاح؟
أهلآ بيك يا جميل
.

[ناصر يوسف]

الجميل بابكر مخير

يا سيدي

بالعربي أكتب

بالساهله أكتب

بالهيروغلوفيه أكتب

بالتفكيكيه التنقيطية بالشنقيطي أكتب


وتبقي إنت ياكا ظااااااااتك حبيبنا

وبــــــــس

يا خي عيد سعيد والله

[سماح محمد]

عمو مخير
تحياتي

اللغة دي حاجة زي البصمة..
كل زول عندو نكهتو فيها..
البساطة محببة..وكمان الرمزية ولغة (المثقفاتية) عندها جماليتها
المهم الناس ما تتكلّف الشئ
أن تكتب من القلب
وبذهن منفتح..
والكلام الصادق..مهما كان إسلوبو بيصل

محبتي

[عبدالمنعم الطيب حسن]

الدكتور بابكر
سلام
بعضهم عندما تغلبوا الكتابه *
يعمل فيها مثقفاتي غامض
والحقيقه هولا مثقفاتي ولا حاجه
اي كتابه غير واضحه فاشله
لاتخدم اي هدف
هي بلا هدف اصلا
الشعر الحديث بعضه غامض بلا هدف وبلا معني
وبعضه ممتع حد النشوه
اي كتابه لا يستطيع القاريء العادي استيعابها
المشكله في كاتبها لا القاري
كاتبها يظل يحرث في البحر بلا تاثير
ولايمكن والحال كذلك ان نطلق عليه كاتب اصلا
* الاخ بابكر بعضهم يتهم كتاباتك بالغموض عن نفسي لا اجد اي غموض في كتاباتك
بل بالعكس اجدها ممتعه جدا ومختلفه وواضحه ....
* التاء المربوطه لا تعمل عندي فعفوا

[بابكر مخير]

المشاركة الأصلية كتبت بواسطة عبدالمنعم الطيب حسن

الدكتور بابكر
سلام
بعضهم عندما تغلبوا الكتابه *
يعمل فيها مثقفاتي غامض
والحقيقه هولا مثقفاتي ولا حاجه
اي كتابه غير واضحه فاشله
لاتخدم اي هدف
هي بلا هدف اصلا
الشعر الحديث بعضه غامض بلا هدف وبلا معني
وبعضه ممتع حد النشوه
اي كتابه لا يستطيع القاريء العادي استيعابها
المشكله في كاتبها لا القاري
كاتبها يظل يحرث في البحر بلا تاثير
ولايمكن والحال كذلك ان نطلق عليه كاتب اصلا
* الاخ بابكر بعضهم يتهم كتاباتك بالغموض عن نفسي لا اجد اي غموض في كتاباتك
بل بالعكس اجدها ممتعه جدا ومختلفه وواضحه ....
* التاء المربوطه لا تعمل عندي فعفوا

[glow1=#991f1f]ينصر دينك[/glow1]

[بابكر مخير]

المشاركة الأصلية كتبت بواسطة سماح محمد

عمو مخير
تحياتي

اللغة دي حاجة زي البصمة..
كل زول عندو نكهتو فيها..
البساطة محببة..وكمان الرمزية ولغة (المثقفاتية) عندها جماليتها
المهم الناس ما تتكلّف الشئ
أن تكتب من القلب
وبذهن منفتح..
والكلام الصادق..مهما كان إسلوبو بيصل

محبتي

يديك العافية يما،،
شكرن على المداخلة وكلامك في محله‘‘
القصد هو الأهم ما شكل الحروف..
________

إلا كتابة "القلب" دي كيفنها،،
"الباركر" سمعنا بيهو،،
قلم الرصاص، شوفناها،،

"القلب" دى قلم رصاص ولا قلم حبر...

[بابكر مخير]

المشاركة الأصلية كتبت بواسطة ناصر يوسف

الجميل بابكر مخير

يا سيدي

بالعربي أكتب

بالساهله أكتب

بالهيروغلوفيه أكتب

بالتفكيكيه التنقيطية بالشنقيطي أكتب


وتبقي إنت ياكا ظااااااااتك حبيبنا

وبــــــــس

يا خي عيد سعيد والله

كتابتك
شبعانة منك ورويانا،،
ترد الروح وتفرح،،
و"التنقيطية" تنقط عسل...

إلا لمن تدور، تدور...
و"بالتفكيكيه" بتفك ليك كلمات،،
إلا إتا برآآآآآآآآآآآآآآآآآآآك بتعرفها..
وإن كان؛؛
غضبك جميل ذي بسمتك