اقتباس:
المشاركة الأصلية كتبت بواسطة بدري الياس
يااا عمك شايفك بقيت بتاع حِكَمْ علي آخر عمرك!!
كان الواحد يعمل ليك نفس عمايلك ويقول ليك: أشرح لينا قصدك من كلمة "كبر"، وتقصد شنو تحديداً بـ"سطوته"؟
لكن طالما الايام انتخابات علي قولك، خلينا ناخدا كده كحكمة "جاهزة" اصلو نحنا -كسودانيين- بنحب الجاهز..
وبالله اسمح لي اني استخدما، إن لزم الأمر..
إذا فهمت شي من الكتاب وعجبني، حا اجي اشحدو منك...
ولو أبيت تديني ليهو بكتفي بي قزازتين لبن ألبل واستخلف الله..
|
بدري الياس شخصيا؟
كدي يا أخوانا، خلونا نديكم نبذة صغيرة عن الشاعر الشفيف بدري الياس:
عندنا في الإمارات جمعية ثقافية إسمها "نادوس"، يوم تكون الفعالية غناء وطرب، بيكون مُقدم الفعالية عبد الله الخطيب (بيطري)
لكن يوم الفاعلية يكون أدب، حوار، تشكيل أو تدشين كتاب، اليوم داك مٌقدم البرنامج بيكون الأستاذ بدري الياس.
خلال السنوات السابقة دي، أي مثقف يزور الإمارات الشمالية بنزل مع بدري الياس (طبعا الكلام دا، قبل تحولات النفوذ الأخيرة).
أعتقد بعد النبذة دي، مع الحليب، بحضر ليك نسختين
نرجع للموضوع الأساسي:
مداخلتي كلها قصدت أسخر فيها من التحفظ الشديد من مثقفي فورأول في حواراتهم.
