اقتباس:
المشاركة الأصلية كتبت بواسطة تستقيم،دل عسوم
يازول امتداد ناصر شنو وسريحة شنو؟
رأفت دا بالكتير كدا من ديم القنا وتكسيهو الكان سايقو لي يوم الليلة راقد خردة جمب سينما النيلين (انا غايتو سمعتا جزو من الكلام دا منو هو زاتو) فما يغشك ساي النصراني دا 
أما فك الرهاين وقديم السبت انا بالجد ناويهو ومش كدا وبس انا ناوي أخش معاك في استثمارات تقيلة وكدا لكن بي صراحة وبدون مدسة ياابوالشباب اعتذارك بتاع الشيوعيين الطلبتو مني داك ماعافيهو ليك 
|
يا زول الشيوعيين ملح الأرض و سند مستضعفينها، أعمدة التنوير و الوعي، صناديد مقاومة الدكتاتورية و الظلم و الاستبداد، رمز التضحية و البذل و العطاء، عنوان الشفافية و طهارة اليد و التفاني فى حب الوطن و نكران الذات، و هم أصحاب الرصيد العالي في كبرياء و عزة و شموخ الشعب و الوطن. هذه حقائق ثابتة يجب أن تضمن في جغرافيا و تاريخ السودان..
أما بعد،، و أن عدنا لمناقشة مصالحنا المشتركة، فأنت المستنير المتعلم، و الباشمهندس المحترف، لازم يكون عندك الحد الأدنى من المرونة لأن تفصل و تفك التشابك و الارتباط بين البزنس و القناعات الذاتية لشركاء المستقبل
،، سنقنعك بمودة أن تسير في هذا الدرب، تماما كما اقنعنا صاحبك بكة أن يفك الارتباط بين الرسالة الثالثة و شعارات المنتدى
و تيقن يا معلم ان توفرت الثقة، قطعا ستسير الأمور إلى الامام، كيف تتوفر الثقة و تركز و تزداد و تستديم، دي فنون و تنمية مهارات نحنا بندرسها بقروش و كدا، و ما بنتبرع بيها و نفكها في السايبر مجانا
لكن اكراما لك الأرضية الصلبة في هذا الأمر هو "حسن الظن"
ابقى طيب..
