عندما رقصت مايا بين عبد الله جعفر وإبراهيم الكامل

[عكــود]

المشاركة الأصلية كتبت بواسطة فيصل سعد

عكود،، الزول الوسيم في طبعه دايما هادي
ليك السلام و التقدير و الاحترام، و الواحد
تاني الا يلكزك بمحنة انا عاذرك
تب و عارفك مشغول في عوم ناس بانكوك و كدا،
بخصوص الكاديلاك فهو اكيد مع ناس "من يرغب من
القبائل" و محسوب معاك تب.. أما لو دايرني ابقى
شمعة فادينا طلة في خاص بالأعضاء و طالبنك مداخلة
و تعقيب و خاطرة و رأيك يهمنا..

ابقى طيب..

سلام فيصل،

لعبت لك الباص في (خاص بالأعضاء) وإنت ما قصرت في التهديف؛
الله يجيب العواقب سليمة.

[عكــود]

المشاركة الأصلية كتبت بواسطة هيثم علي الشفيع

عمدتنا الحبيب

قرأت الخيط الذي أهديتنيه من أوله لآخره

ولو كنت أعرف كيفية الإقتباس من بوست آخر
لاقتبست منه المداخلة الأخيرة للأخت (سمراء)
وهي تطلب منك مواصلة ما بدأه الخال العزيز عليه رضوان الله ومغفرته...



أرجو شاكراً من الإدارة الفنية
نقل "نسخة" من البوست المعني لمنتدى الحوار

على أن تتكرم -مشكوراً-
أخي عكود
بتكملة ما بدأه الراحل الغالي..

(وإن كان في ذلك بعض ثقل في نفسك)
أو

كما بدا لي..

حبابو الشاعر هيثم،

طلبك بعمل نسخة من البوست نحوله للعوض.

المواصلة في نفس البوست صعبة يا هيثم، لكن مافي ما يمنع تناول بعض أشعاره في بوست منفصل.

تحياتي.

[الرشيد اسماعيل محمود]

المشاركة الأصلية كتبت بواسطة طارق صديق كانديك

ده الكلام زااااتو البخلينا (نبرعم) ياقول بابكر عباس

غايتو إنت برعمتك ماها من الكلام بس
المهم في الموضوع:

دا بوست مجيّه، ومداخلات عبد الله جعفر اللاحقة، جعلت منه مهرجاناً وكرنفال!

[ناصر يوسف]

المشاركة الأصلية كتبت بواسطة الرشيد اسماعيل محمود

غايتو إنت برعمتك ماها من الكلام بس
المهم في الموضوع:

دا بوست مجيّه، ومداخلات عبد الله جعفر اللاحقة، جعلت منه مهرجاناً وكرنفال!

ومداخلتك انت كمان يا حبوب

[فيصل سعد]

المشاركة الأصلية كتبت بواسطة عكــود

سلام فيصل،

لعبت لك الباص في (خاص بالأعضاء) وإنت ما قصرت في التهديف؛
الله يجيب العواقب سليمة.

عوجة تب مافي، انا عندي مأمورية بغيب أسبوعين
و برجع أن شاء الله،، ابقى عشرة على المبادئ، و انت
قدرها و سداد و ياكا شيال التقيلة يا عمدة

[يحي عثمان عيسي]

بين مايا وريتا

هكذا داهمتني .. فأنا شاهدت مايا حين رقصت وأنا قبلت ريتا حينما التصقت ... لا اقارن بين مايا بين ريتا لكن هكذا داهمنني مايا ثم ريتا ... لافكاك..

بين ريتا وعيوني.. بندقيهْ
والذي يعرف ريتا ، ينحني ويصلي
لإلهٍ في العيون العسليّهْ
..
وأنا قبّلت ريتا
عندما كانت صغيره
وأنا أذكر كيف التصقتْ
بي، وغطّت ساعدي أحلى ضفيره
وأنا أذكر ريتا
مثلما يذكر عصفورٌ غديره

آه .. ريتا
بيننا مليون عصفور وصوره

ومواعيد كثيره

أطلقتْ ناراً عليها.. بندقيّهْ
إسمُ ريتا كان عيداً في فمي
جسم ريتا كان عرساً في دمي

وأنا ضعت بريتا .. سنتينِ.
وهي نامت فوق زندي سنتين
وتعاهدنا على أجمل كأس ، واحترقنا
في نبيذ الشفتين
وولدنا مرتين!

آه .. ريتا
أي شيء ردّ عن عينيك عينيَّ
سوى إغفائتين
وغيوم عسليّهْ
قبل هذي البندقيهْ!
كان يا ما كان
يا صمت العشيّهْ

قمري هاجر في الصبح بعيداً
في العيون العسليّهْ
والمدينة
كنست كل المغنين ،
وريتا

بين ريتا وعيوني . بندقيّهْ

من لهذه النشوة التي غمرتني لمحمود درويش لعبد الله جعفر لابراهيم الكامل لعكود
ام لمايا وريتا

[يحي عثمان عيسي]

المبدع عليه رحمة الله معتصم الازيرق عشق ريتا فلحنها واداها بصوته الشجي كانت انيس غربتنا في ليالي القاهره ذاك الزمن الجميل وحين انهي معتصم الازيرق دراسته ونال الماجستير تلقف ريتا المهندس الطيب عثمان عيسي هو الاخر شجيّ الصوت نلتف حوله ونغوص ...
مايا من لها ...

[فيصل سعد]

المشاركة الأصلية كتبت بواسطة يحي عثمان عيسي

المبدع عليه رحمة الله معتصم الازيرق عشق ريتا فلحنها واداها بصوته الشجي كانت انيس غربتنا في ليالي القاهره ذاك الزمن الجميل وحين انهي معتصم الازيرق دراسته ونال الماجستير تلقف ريتا المهندس الطيب عثمان عيسي هو الاخر شجيّ الصوت نلتف حوله ونغوص ...
مايا من لها ...

سلامات يا يحي و عساك بالف خير،، انا بتذكر جيدا في 2005 في احتفال الجالية السودانية ختام منافسات دوري كرة القدم بمدينة هاملتون، اونتاريو، كندا، قابلت زول لطيف و ظريف و وناس اسمه معتصم الازيرق كان برفقة مصطفى مدثر و يحي فضل الله، دا نفس الزول له الرحمة أم تشابه أسماء؟؟، رحم الله معتصم الازيرق و هو قريب الفنان الأستاذ محمد الأمين على ما اعتقد و كتب له أغنية " يا منى أهدى إلى المهجة انفاسا و عطرآ اهرقت دنياك في دنياي انغاما و سحرا و تذوقت غراما منك مشبوبا و مرا يا هذارا باسم الطلعة فتانا اغرا فجر الالحان في قلبي اعلانا و سرا"

لكم التحايا..

[يحي عثمان عيسي]

المشاركة الأصلية كتبت بواسطة فيصل سعد

سلامات يا يحي و عساك بالف خير،، انا بتذكر جيدا في 2005 في احتفال الجالية السودانية ختام منافسات دوري كرة القدم بمدينة هاملتون، اونتاريو، كندا، قابلت زول لطيف و ظريف و وناس اسمه معتصم الازيرق كان برفقة مصطفى مدثر و يحي فضل الله، دا نفس الزول له الرحمة أم تشابه أسماء؟؟، رحم الله معتصم الازيرق و هو قريب الفنان الأستاذ محمد الأمين على ما اعتقد و كتب له أغنية " يا منى أهدى إلى المهجة انفاسا و عطرآ اهرقت دنياك في دنياي انغاما و سحرا و تذوقت غراما منك مشبوبا و مرا يا هذارا باسم الطلعة فتانا اغرا فجر الالحان في قلبي اعلانا و سرا"

لكم التحايا..

الحبيب فيصل
هو هو صاحب زورق الاحان هو هو اللطيف الوناس الظريف كيف لا شاعر وملحن وعازف عود من الطراز الاول صوت قوي شجي رحم الله معتصم الازيرق
تعرف يا ود سعد زي معتصم الازيرق ده هو البخلينا نكرم ابوبكر عباس لانو لو مدني انجبت فقط معتصم لكفاها وعشان عين نكرم الف عين
اعود لسؤالي
من لمايا ؟

[الرشيد اسماعيل محمود]

المشاركة الأصلية كتبت بواسطة يحي عثمان عيسي

تعرف يا ود سعد زي معتصم الازيرق ده هو البخلينا نكرم ابوبكر عباس لانو لو مدني انجبت فقط معتصم لكفاها

ياخي والله دا كلام من دهب! وفاء وامتنان وتقدير يعكس قيمة وقدر وعمق العلاقة بينكم والمبدع معتصم إزيرق!، الوفاء لمدينة بحالها، فقط لأنها أنجبت شخصاً واحداً كان له أثراً عميقاً في حياتك، لا عجب في ذلك؛ فالمدائن أيضاً أمهات!

..
كل مرّة بتأكّد إنو البوست دا بوست حميم ونديان وفخم!

[Abdullahi Gaafar]

عكود والاخوة الاصدقاء جميعا

التحية والتقدير
واسف غلي الغياب بسبب ظروف العمل
ربنا يرحم معتصم الازيرق ويسكنه فسيح جناته (كتبنا عنه نحن مجموعة في منبر سودانيز اون لاين علي ما اذكر كان في البوست محمد مدني والسمندل (نزار ) وأمين (هدهد) واخرين)
جد الكتابة في البوست دا بقت صعبة بوجود هذا الكم من مبدعي سودانيات
لي عودة ان شا الله في اجازة نهاية الاسبوع

عبد الله جعفر

[عكــود]

سلام يحيى والشكر كله على إضافاتك و ..
ريتا!

لمعتصم الرحمة والمغفرة وليت لمايا بمثله.
كثيراً ما يدور في خلدي تساؤل؛ لماذا نحتفي كثيراً ونستشهد بأشعار وأقوال شعراء وكتاب عرب وبيننا من هم/ن أفضل، أو ليس أقل؟
هل هو الإعلام القوي هناك والضعيف هنا؟
صراحة لا أملك إجابة مقنعة.

عندما يصادفني احتفاء بمحمود درويش، أحلام مستغانمي، البرغوثي، أمل دنقل، الشابي، إيليا أبو ماضي وغيرهم .. تقفز إلى الذاكرة أسماء مثل التجاني، جماع، عالم عباس، محمد المكي، حميد، محجوب شريف، القدال، ود بادي، روضة، عبد الله جعفر، إشراق ضرار وغيرهم/ ممن لم تسعفني الذاكرة بأسمائهم.

قال عالم عباس وهو يستجدي البسمة، حين وجد:

دعـني أنـيخ لك الـقصائد فـي محطات الزمان
فاطـلق أســاري مُــرْ كـما تـهوى لـديْ،
إذ ابـتـسمت قُــوىً تـكـاد الجِـنُّ تـرهبها
وإذ ولّــــى زمــــان الـمـعـجـزات
إنـــي إذا مـا اللـيل خـان
وأضـاع طيفك في خضم عبابه - وهتفت باسمك
مـا اسـتـجبت - أصـيح ، يـنبلج الـصباحُ
خـذني إلــيــك
إنــي اصـلي مـرةً اخـرى لـتأخذي لـديك
.. حـتى إذا صادفْتُ بـرقاً عـند بـسمتك التى
ضـــن الــزمــان بــهــا عــلـىّ
سـأذوبُ محترقاً سـعيدا فـي تـوهجها المقدس
كـالكـواكب فـي الــسديـم
لتظل نار البعث تخلق مـن رمادي عاشقا
صهرته كالعشاق بالأشواق حتى ضاء في الليل البهيم

تحياتي.

[عكــود]

المشاركة الأصلية كتبت بواسطة فيصل سعد

سلامات يا يحي و عساك بالف خير،، انا بتذكر جيدا في 2005 في احتفال الجالية السودانية ختام منافسات دوري كرة القدم بمدينة هاملتون، اونتاريو، كندا، قابلت زول لطيف و ظريف و وناس اسمه معتصم الازيرق كان برفقة مصطفى مدثر و يحي فضل الله، دا نفس الزول له الرحمة أم تشابه أسماء؟؟، رحم الله معتصم الازيرق و هو قريب الفنان الأستاذ محمد الأمين على ما اعتقد و كتب له أغنية " يا منى أهدى إلى المهجة انفاسا و عطرآ اهرقت دنياك في دنياي انغاما و سحرا و تذوقت غراما منك مشبوبا و مرا يا هذارا باسم الطلعة فتانا اغرا فجر الالحان في قلبي اعلانا و سرا"

لكم التحايا..

العزيز فيصل،

شكراً ياخي على تعهدك البوست بالمتابعة والإضافات.

تسلملنا.

[عكــود]

المشاركة الأصلية كتبت بواسطة الرشيد اسماعيل محمود

..
كل مرّة بتأكّد إنو البوست دا بوست حميم ونديان وفخم!

المشاركة الأصلية كتبت بواسطة Abdullahi Gaafar

جد الكتابة في البوست دا بقت صعبة بوجود هذا الكم من مبدعي سودانيات
لي عودة ان شا الله في اجازة نهاية الاسبوع

عبد الله جعفر

الرشيد وعبد الله،
سلام مطبوق ..

فخامة البوست وصعوبة الكتابة فيه، حصاد أيديكم.

دحين انكربوا وشدوا الضراع.

تحياتي.

[معتصم الطاهر]

غايتو انا بجي مع صاحب عبد الله جعغر