بوست بدل فاقد لعناية سجمان.

[رأفت ميلاد]

المشاركة الأصلية كتبت بواسطة تماضر حمزة

(كيفي ما فنجان وبن)

نشّابك رمى وزارع هواك ما حصدو
الصايب الرويح نشّن عليهو وقصدو
شلّخ جسمي بي نارو ولهيبو وفَصدو
شال منظارو حدّد قلبي حالاً رصدو

هسة عليك الله ديل لى سجمان .. أنا مشيت وين

[أمير الأمين]

المشاركة الأصلية كتبت بواسطة رأفت ميلاد

هسة عليك الله ديل لى سجمان .. أنا مشيت وين

واقف ورا بابكر منتظر الدور

[تماضر حمزة]

المشاركة الأصلية كتبت بواسطة آخـر المواني

والله صاح ..!

يعني ماف أمل خلاص ريد وانتهي

شي يزعل مش يا آخر المواني

[ابرا]

المشاركة الأصلية كتبت بواسطة تماضر حمزة

شي يزعل مش يا آخر المواني

منو القال ليك؟
خرماج اطلع برررررره

[بابكر مخير]

المشاركة الأصلية كتبت بواسطة أمير الأمين

واقف ورا بابكر منتظر الدور

أمير الحبيب
يا أخي إحنا حتى إنتخابات الإدارة
عفناها
عشان الإسم ما يتدبل
تاني يا الورايعي يا زول دبي يا أيتها تسمية تعرف المقصود
ما أنا في العمر ليا أسبقية
وفي الإسم علامته ما مطوية
مشروعة وعلم رايته مرفوعة
وقع ليك..
كان يكون ورآ "كوكي (عكود)"
تكون ليها فايدة مرجوووووووووووة

[آخـر المواني]

المشاركة الأصلية كتبت بواسطة تماضر حمزة

شي يزعل مش يا آخر المواني

الزعل براهو ما بفيد؛ غايتو ان بقي مافي طريقة لاستعادتها فتكون دي طامة كبري، عندنا فيها حاجات اجمل من جميلة وزي ما قلتي ما عندنا ليها أي نسخة

المشاركة الأصلية كتبت بواسطة ابرا

منو القال ليك؟
خرماج اطلع برررررره

تطلع روحك

كدي كلم قريب صاحبك دا وخليه يباصر ليه طريقة ياخ

[تماضر حمزة]

المشاركة الأصلية كتبت بواسطة أسعد

حاشك رماي والمتروس شوايب صيبو
هملن الزويل والشوال الغويش ما بجيبو
عيون قلواس البتصيد قرايضو ما بتطيبو
ولا بتحبر فوق خطوات عيوبات قبيبو




هييييييع

Oxford 6 Dec 2014 الشاعرة تماضر حمزة: http://youtu.be/2pneeivHp2c

هاك دي يا زاد وجدي

[تماضر حمزة]

المشاركة الأصلية كتبت بواسطة فيصل سعد

هييع بس، يا عزابي الجن
قاليك داتا و ضاعت
بعد كدا امشوا حبوا الترعة،،

معقولة يا مرهف زول يبدل النيل بالترعة?

[تماضر حمزة]

المشاركة الأصلية كتبت بواسطة معتصم الطاهر

(كيفي ما فواكه و رحيق .. وبس )

نشّابك رمى وشتيلة هواك فك دعاشو
القاصد الفؤاد نشّن والسهام ما طاشو
فصّد صدرى نصلو وطلّع خاشو
و سهم عينيك هدّد قلبي حالاً ناشو

هن صفت القلوب الدنيا تصفو معاها
والدنيا ام قدود ما بتدي تاني قفاها
للزول النضيف وبالسمح كافاها
ما جازاهو زول حتن ديونو عفاها

[تماضر حمزة]

المشاركة الأصلية كتبت بواسطة سجمان

غايتو يا تماضر كتر خيرك وبارك الله فيك..
في زول واحد غايتو كان خش البوست دا سوف أعلن انسحابي من سودانيات..

تجيك الكشة!
انت اسي البخشو ليك شوية?
جنس طمع..

[أسامة معاوية الطيب]

زولن قبيل سويتلو في بستان هوايا مفارش

اتلقيتو بي احضان عيوني وبي غنايا الراعش

وكيف سكنتو في القلب البخوّف وهارش

اسع فاتني روّح سان سيوفو وداعش

قطع أخدر ، مادام وجدي بقى شاعر لازم نتحسس مسدسنا ، كمان قبل الرشيد يجي ، غايتو جنس تهديد واحد

[تماضر حمزة]

المشاركة الأصلية كتبت بواسطة سجمان

أنا ما دخلت وفات علي..
أقفل وراي الباب علي..
ولا دخلت كمان وكت
لساتو عرق الريدة ني
شمرت ليك احساس جديد
موجاتو طالقات الوريد
بي شوق معتق ونبض حي..
أنا شلت ريدي عليك ندر
ساويهو لي ليلة قدر
كاوي الفؤاد شاويهو شي..
وطّنت بيك طفطيفي سر
شهلت بيك أحلام عُمر
وأصبحت بيك زول مستقر..

تاح تراح

غمازك نقر يايو ودقشبو أماني
بالجلة انفقه قلبي ومرق ورّاني
يام نفل الدغس شبيكو كم ورّاني
ودر فطرتي الوازناهو بالوراني

نووي

وانا ما دخلت ولا بخش
لي زول بيلعب بالحروف
يخم من احساسو ويرش
وأنا غايتو بس بكتب معاك
عل حراق الروح يفش
يا سايق البال بي مزاجك
وشاري في الروح غنيتين
يوم الفح التوب وابقى مارقة
جواهو بطويك مرتين
ويوم اعبر الشارع معاك
بنقسم لي جنتين
جنة:
في لحظة يقع توبي وتجرّو سريع عليك
وجنة ما عارف متين



بسّامك حرام مافيهو شي حقاني
دام بضرب الروح ومن وسط حزّاني
من وصفك تقول لي قلبك الورّاني
:
عندي حبيبة كاويها بتزيل احزاني

[تماضر حمزة]

المشاركة الأصلية كتبت بواسطة رأفت ميلاد

هسة عليك الله ديل لى سجمان .. أنا مشيت وين

انت هنا.

وأشارت لقلبها وعيونها كمان

[تماضر حمزة]

المشاركة الأصلية كتبت بواسطة أمير الأمين

واقف ورا بابكر منتظر الدور

بكة كمان بقيف في الصف؟

[تماضر حمزة]

المشاركة الأصلية كتبت بواسطة ابرا

منو القال ليك؟
خرماج اطلع برررررره

منو القال ليك بنتحمل فراق عينيك
وحاة الريدة ما بنقدر