راكوبة المجادعات.. النمة والدوباي

[سجمان]

المشاركة الأصلية كتبت بواسطة رأفت ميلاد

أبشرك آ جنا جبنالك جنس مصلاية
لاعاد كيس مخدة ولا شرشف ملاية
تمم قعادك وبل شوق الوالده بالكفاية
وتعال صادى ما ناسينا من الوصايا

فيك النضم بقصر.. وصوفنا تشابي
ليك يا ملك ما بكفي فيكا خطابي
بعد جهز البرش قطّعت لي أسبابي
لي بازل بشد سرجي واعبي جُرابي

الكسرة البجيك طايووقا مالي الركوة
والتمليكا ديك كتر عليها الدكوة
للكشتينة جهز تربيزة ألّت مكوة
وماب يحلى اللعب دون خرخرات أو شكوة

[سجمان]

المشاركة الأصلية كتبت بواسطة جيجي

غايتو الناس يودوهم سويسرا وهم في رواكيبهم

مهما بعدت من دار الجدود ولحافي
ما بنساهو ريد نيلاً مِسقّى فيافي
سويسرا ان بقيت في الدنيا زيها مافي
أم "شٍعٍب" التكون زي خيمة الغذافي

[عبده سعد]

ياسجمان حبابك بنقولك العوافى.
والكل بى هنا بستقبلوكا حوافى.
وكتين جيت خلاص تانى شفقات مافى.
وزى ناس (جيجى )ديل مو ناس كلاما جافى.
خليهون هناك ناسا صقيعا خرافى.
وراكوبتك تهبهب نسام يفوق أوصافى.

[عبد المنعم حضيري]

المشاركة الأصلية كتبت بواسطة سجمان

لهجك يام نفل شفخانة للمتوجع
وفمك في السكات والنضمي فوقو مبدع
بعد الشيب ضرب حالي العلي مو مشدّع
ياني دغورك المن ريدو ليك متصدّع

لهجك يا ام نفل تمر الشمال البقّع
وفمك ودعة مرسوم بمقاس الشُفّع
صدرك بقنابل الدانة وقا المدفع
حرّ الشيب إلا معاك شبابي بيرجع

[عبده سعد]

الزول الحنين ولهيجو فينا مبدع.
ومن شيلوا التقيل مايل عدييل متفدع.
عنب الشام شفايفو وجمرو فينا مولع.
وخليهو الفراق قرَب تعالى مسرع.

[عبده سعد]

ويابت حمزة مالك ساوالنا بدل الفاقد.
وسجمان من سنين راكوبتو موقدا مناقد.
جيناها وإجدعنا نمينا واحد واحد.
ومابصح تصدومى سجمان وذهنو الشارد.

[سجمان]

المشاركة الأصلية كتبت بواسطة عبده سعد

ياسجمان حبابك بنقولك العوافى.
والكل بى هنا بستقبلوكا حوافى.
وكتين جيت خلاص تانى شفقات مافى.
وزى ناس (جيجى )ديل مو ناس كلاما جافى.
خليهون هناك ناسا صقيعا خرافى.
وراكوبتك تهبهب نسام يفوق أوصافى.

لي النضم السمح مشتاق دموعي توشّل
ومن الغيبة جيت شايل العذر متوسل
شيطان الشعر يا خل علي متفسل
وكل ما اقول اجيك يخرت عزيمتي ينصّل

[تماضر حمزة]

عبده احسن ليك

[ابرا]

المشاركة الأصلية كتبت بواسطة تماضر حمزة

عبده احسن ليك

[تماضر حمزة]

الود الخرافي الفات وصوفك عَدَّى
فوقو ندارة فوقو غلاوة ما بتنعدَّا
وما دامك مفارق للبشيقك مُدّة
أياني كافرابك وعن هواك مرتدَّة

[عبده سعد]

يابت همزة ماتكربى الكلام وتشدى.
وسجمان بى ظروفو راايق مزاجو مندى.
بدور سمح النضم والحديث المرضى.
وإيه الدنيا غير لمات وكيفن سريع بتعدى.

[عبده سعد]

المشاركة الأصلية كتبت بواسطة ابرا

عشانك وخاطرك غالى ياابرا.

[سجمان]

المشاركة الأصلية كتبت بواسطة عبد المنعم حضيري

لهجك يا ام نفل تمر الشمال البقّع
وفمك ودعة مرسوم بمقاس الشُفّع
صدرك بقنابل الدانة وقا المدفع
حرّ الشيب إلا معاك شبابي بيرجع

هدل عرجونو
ماح بالصدير حيّرني بي مكنونو
أنا البهديني من زولي السرف ماعونو
تصيبو الصرعة والمرض البزيد طاعونو

[سجمان]

المشاركة الأصلية كتبت بواسطة تماضر حمزة

الود الخرافي الفات وصوفك عَدَّى
فوقو ندارة فوقو غلاوة ما بتنعدَّا
وما دامك مفارق للبشيقك مُدّة
أياني كافرابك وعن هواك مرتدَّة

الوُد الشده لي رويحتي زاد واحتد
لي ديفة الخلا القلبت بداوتي مودة
أسباب الغياب ان ما انجلن لا بد
باكر من صباح بعلن حروب الردة

[عبد المنعم حضيري]

المشاركة الأصلية كتبت بواسطة سجمان

الوُد الشده لي رويحتي زاد واحتد
لي ديفة الخلا القلبت بداوتي مودة
أسباب الغياب ان ما انجلن لا بد
باكر من صباح بعلن حروب الردة

الود الورد في وريدي اهداك وردة
اتمحق الصبر في رجاك حيلي انهد
لا لميت لماك اللملم رويحتي وصد
زيد هجراني يا السويت قليبي مخدة