هل هي هجمة مرتدّة وللا الكورة دي بايعنها ؟!!!

[مهند الخطيب]

عجيب هو أمر شدّاد .....!

ظل حينا من الدهر يتشدق بانجازات يظن أنه هو بارئها من عدم ،، ولولاه ماكانت ولاكانت كرة ...!

ولم يشبعه هذا بل طاااااار الى جنيف يطلب ود الفيفا ورئيسها السيد بلاتر علّه ذات يوم يصبح رئيسا للاتحاد الافريفي ، فما كان من السيد بلاتر (المفتح) الا ان يختار السيد حياتو ..... والسؤال ليه اختار حياتو ؟!!

شداد قال انو اتلعب لصالح مجسوبيات وحاجات تانيه حامياهو (قر قر قر قر )
أنا ماعارف حقيقة انو الزول ده كان فات الحال بعده بيخرب جات من وين ؟
آآآآآآآآآآآآآآه يابلادي كم فيك من شداد يظن أنه هو الواحد

خستكــــــة:
شداد قال الكورة دي بايعنها ، وانا قلتا دي هجمة مرتدة والقون حااااااااااااااااااار ، أها النشوف كلام منو الصاح شداد الأناهو عااااااليه وكلامو نئ وللا العبد الفقير لله ..... ودقي يامزيكا
يتبع ..........

[omrashid]

والله يالرباطابي يا خوي ما بفهم في الكوره ومكجناها عدييييييييييييييييييل كدا --

بس منتظره النشوف كلام منو الصاح --لكن واثقه انك نجييييييييييييييييص


مع الود

[بركات الشريف]

المشاركة الأصلية كتبت بواسطة omrashid

والله يالرباطابي يا خوي ما بفهم في الكوره ومكجناها عدييييييييييييييييييل كدا --


مع الود

اخوي الرباطابي
انا ما بفهم كمال شداد
الراجل لسع فاكر نفسه في سنوات السبعينات، موضة الهيبيز والشعر المنكوش، ولا زلت اذكره وهو يتجول في مقهى النشاط بالتي شيرت والجينز المقطع، ولأنه في كلية الاداب قسم الفلسفة، يحوز معتبر نفسه افلاطون او سقراط...يعنى الدكتور عينة من عينات المثقفين السودانيين الذين انقطعوا عن الجذور وتعلقوا بحبال غسيل الحضارة الغربية دون ان يقوموا بتشغيل ماكينات عقولهم التى وهبهم الله لها، لتنتج لنا ما يصل بين الحضارتين. فالدكتور ومن لف لفه (غريب ديار وغريب اهل) كما يقول احد الفنانين
لا استفدنا منه كورة ولا استفدنا منه علما

[مهند الخطيب]

العزيزة / أم راشد

والله يادوك الحكاية حيرتنا عديل !! عارفة ليه ؟ لأنو والله الزول ده فقد دليل وزي مابيقول أهلي (طشّ طشّة ودالجاك)...
الله لحال الكورة في البلد كان ده هو الولد

بس منتظره النشوف كلام منو الصاح --لكن واثقه انك نجييييييييييييييييص

كلنا منتظرين يادوك وتسلمي على النّجيض

[مهند الخطيب]

الجميل بركات

اخوي الرباطابي
انا ما بفهم كمال شداد
الراجل لسع فاكر نفسه في سنوات السبعينات،

عارف ياخوي المشكلة مامشكلة كده وبس الراجل يأسف على ماقد فوّت(أو ذاك ظنه) انه كان سيفعل ويفعل ويفعل ... فما كان منه الا ان بهرج نفسه حتى صدق هو نفسه والآن يسعى بالـ....... ،، مااااااااااعلينا ...
بعدين مالاحظتا انو في عهد الزول ده اتحول الاتحاد لحظيرة قوالات وفلان سوا وفلانة عملت وفلان يمسكوهو كده ليه وفلانة ماعارف شنو .... مش ده هو الاتحاد اللي بيتبجح انو هيكلو براهو ؟!!!!!!!!!!!!
جاي تاني.......

[رأفت ميلاد]

الأخوان بركات الشريف والرباطابى

تحياتى

لم تنصفوا دكتور شداد بأى حال من الأحوال ...
ولم أراكما تناهضون روضة الحاج

........

[بركات الشريف]

عزيزى رافت وحياة ابتسامتك سؤالك وجيه...
في رأيك ان الدكتور يخدم قضية تهم السودان بينما روضة الحاج لا تخدم اى قضية فلماذا الهجوم على الدكتور وترك الاخرى تسرح وتمرح؟؟؟
هذا فهمي المتواضع لنقطتك.
والواقع ان اى شخص يرفع اسم السودان يستحق الوقوف معه ومساندته ولو باضعف الايمان..ينطبق ذلك على الدكتور وعلى روضة الحاج او محجوب شريف او غيرهم..
مشكلتنا مع الدكتور هي انغلاق تفكيره من حيث يفترض انه متحرر وقد توقفت عقارب الساعة عنده في عهد السبعينات، تغيرت الدنيا واخونا قافل و مكنكش على نفس المنظر، وهو يتعامل مع الأمور بطريقة ناس قريعتي راحت، اما مسألة التخطيط والترتيب والاستفادة من العلاقات العامة والشغل النجيض فهذه الامور لم يسمع بها الدكتور فلا عجب ان يطير منه المقعد...حليل زمان المحجوب والدكتور عبد الحليم محمد وفن العلاقات العامة الراقي حين كان الافارقة والعرب يصوتون للدكتور عبد الحليم دون ادنى تردد. وهو شغل لا اعتقد ان ستين من عينة شداد سيقومون به.
اما روضة الحاج فقد عملت شغل نجيض... نختلف معها او نتفق فهى الفتاة السمراء الناطقة باسم النيل، خلينا زى العراقيين، عندما فاز منتخبهم بكأس آسيا خرج هؤلاء الذين ينسفون بعضهم البعض وبصفة يومية خرجوا لاستقباله واختفت شيعة وسنة ولو لبضع ساعات

[مهند الخطيب]

عمنا رأفت ،،،،،، ازيك يارجل ياجميل والبركة في شداد الجابك لينا

لم تنصفوا دكتور شداد بأى حال من الأحوال ...
ولم أراكما تناهضون روضة الحاج

كل لبيب يفطن ، هو لم يترك لنفسه أرضا ينصف فيها ، ان ظن الانسان في نفسه عظمة وعلوا على المناكب وجب علينا أن نريه من الحق قبسا ،، علّه وعلّنا ......!

الرجل يفاخر بكثير من لاشئ -ولن أقول كذبا- وأضحت ياء المتكلم حرفه المفضل .

ياأخوانا مافي زول سمعو لسة قال (اتحادي ده) ؟؟؟

أما فيما يخص روضة الحاج فانا تحدثت في بوست العزيزة أم راشد عما انساق اليه البوست من فكرة الجهاد والمجاهدين وايمانهم بأفكارهم ...
روضة شاعرة مجيدة وموهوبة وليست أسطورية على صعيد الشعر وان كانت تمثل السودان - فوق رقابنا - ولكننا لن ننسى أن شيئا غير الحناء يقطر من أناملها ....
دم من هذا؟؟؟؟؟؟؟؟؟!

دمت عمنا رأفت سالما ......

[معتصم الطاهر]

اعطيكم دليل على فشل شداد


إلغائه الفئات السنية ومنافساتها

[مهند الخطيب]

المشاركة الأصلية كتبت بواسطة معتصم الطاهر

اعطيكم دليل على فشل شداد


إلغائه الفئات السنية ومنافساتها

عفارم ،،،،،،،،،،،،،،،،،
وتاني شنو ياباش ؟؟؟؟!!

كل لبيب يفطن ياباش ....... حيّاك.

[مهند الخطيب]

وياترى حيكون معاهو نفس الحاشية في الاتحاد الجديد ؟؟؟؟؟

يعني حيجيبو مجدي شمس الدين سكرتير للاتحاد تاني....؟!

وللا يمكن يكون عندو فكرة -السيد شداد- يبقى رئيس الاتحاد والسكرتير كمان ؟!!!!!

ودقي يامزيكة .......

[مهند الخطيب]

شمارات من جرايد :
شداد يبدي رغبته في ضم منصب سكرتير اللجنة الاولمبية الى رئاسة الاتحاد .......


ياريت العزيز شداد يعرف انو ماكل شي وللا الكل في الكل ........