(إن تحمل عليه يلهث أو تتركه يلهث)

[كيشو]

المشاركة الأصلية كتبت بواسطة بابكر عباس

طبعا معروف!
وبعد دا، فات علينا كلنا!
يبدو انو فعلا كورتنا فكت!
وحات سيدي الحسن، يا ماجد، تثبت لي ولو بنسبة 20% انو هُبل ممكن يكون معني بيهو زول غير شليل، وحات سيدي الحسن، تاني المنتديات دي، ما أقرب ليها.

المشاركة الأصلية كتبت بواسطة كيشو

عليكم الله شوفو الزول دا !
تربط نفسك بي تفسيرات الآخرين وأمزجتهم ؟ إتا يا زول ركبت التونسية ؟
هسي تلقى عبد المنعم يفتش في تلفون ماجد تاج عشان يخلص منك

بعدين إتا لو شايف شليل دا هبل ما تواجهو براك ياخ، عايز تشيل ماجد وزرها مالك ؟

[الفاتح]

كلام نواعم



الوجه القمئ للعنف ما بيلاقى بقبول في ساحة الحوار إللي بتتباين فيها الآراء والميول والأمزجه ، فبالتالي لابد من وجه أكتر وجاهه من العنف السايبري.. الوجه أبو شامه ده بيتمثًل في الترغيب 1 عشان يحفظ موية وشوالسايبرية.. لأنو أي زول موتور ما بيكتفي بإظهار وشو القميء بل بحوجه إلى صورة إيجابية تعزز نرجسيتو وأناهو المثالي..
بالإضافة إلى إنو العلاقة القايمه على المغالطه وإبراز العضلات السايبرية ما بتصمد كتير فلا بد من وجه إيجابي يعمل على موازنتها.. فالمتحدث هنا بيتحدث بلسانين بين فظ ومباشر+ وبين بيطنطن بكلام نواعم ما مباشر 2..
الطنطنة بكلام نواعم هو الأكتر فاعليه في منتدى حوار طيبوني جداً بيثمًن أي فكرة بتاعة باركوها يا جماعه لافًه جمبو .. فكلام نواعم هو الأكتر نجاعة على المدى البعيد وعلى مستوى تجّذر السيطرة.. فبإمكانو إنو يؤثر على الناس زي ما عايز.. إذا عايز يوقف المشاكل يوقفها ، وإذا عايز يهيجها يهيجها.. لأنو ما بتقدر تتنبأ بسلوكو.. وياتو وشي حيطلًعو هل وشو القمئ وللا وشو الناعم .. فعشان كده الناس بتختا دربو..
في كلام نواعم بتتم الإستعانة بمختلف مبادئ التعزيز البتتمثل في إنو السلوك بتحكمو نتايجو ، فإذا عجبك سلوك 3 وعايزو يتكرر ما عليك إلا تقدًم السبت ، وإذا لقيت سلوك ما عجبك ما عليك إلا تبستفو أو تخليهو يطلع بي نتايج ما مرضيه 4.
من بين مبادئ التعزيز البيتم إستعمالها في كلام نواعم إسلوب التعزيز الفارقي..
بمعنى : يا تكون معانا ياود عمك ونكفل ليك كل التقدير والإحترام لتكرمك بالإنضمام لينا في المزرعة السعيدة ، وكل المحظيات بتلاقيها زيك زي أي قطيع مننا..
أو ننبذك طرفاً قصيًا 5 ، وما تنال أي حاجه من عليفة تدليلنا .
بعديها بتجي الحوجة للمكانة والتقدير للزول البتخاطبو من خلال إستمالتو وسحبو من ال( هم) البيمُثلوا الصوت المخالف لرأيو.. وهنا بالتحديد ينتهج سياسة التعزيز المتقطًع البيولًد سلوكيات ما قابله لإنها تقيف على المستوى القريب..
في النوع ده من التعزيز لمتقطًع يكون كل واحد باًلي راسو.. في حالة إنو إستمالو فلان وخلوهو براهو .. مافي زول بيتنبأ بسلوكياتو.. يقرًب من يشاء ، ويعز من يشاء ويذل من يشاء..
يرحًب.. ويقرًب.. بعديها يتجاهل وينسى
إستعمال آلية التعزيز المتقطًع ده من ماجد تاج بتضخًم من (أنا)هو ، بوتخلًي ساحة الحوار في حالة تعبئة متواصلة و combact .. أها العدو ويصل وين.. إتحالف مع منو ؟ في مستوى تنشيني وللا لسه بعيد ؟
ويبقى التابع / المستمال.. زي التاجر.. في حالة توقع للربح والخسارة في مكانتو وحظوتو في المنتدى السايبري الإفتراضي ده ، الحاجه البتخليو يفقد سيطرتو على ذاتو وأداة طيعة لسي السيد ..
ويبلغ التعزيز المتقطًع ده أوجو بالمستمال بالعقاب إللي قد يتخذ شكل سحب التعزيز أو الإقلال منو أو تحل عليهو لعنتو.. وما يكون قدًام المستمال إلا الرضوخ والتبعية.. فيتلاعب سي السيد بمستميلو بين إغداق العطايا و وتوزيع صكوك الغفران ، وبين سحب البساط ده من تحتو..
شان تاني

------------------------------------------
1/

لذلك يا أخي : حقو نكون عاقلين .. وكل واحد فينا قدر سنه ومكانته .. ونوقف القصة دي لحدي هنا

2/

البوست الاخير اللي اعتقدت فيه ( بفعل بابكر عباس أنك المعني بهُبل ) ما كان بيخصك )

+

لذلك بقولها ليك بالواضح ما كنت قاصد أنك قليل أدب

في حين إنو لسانو الفظ والمباشر واضح في البوستين
3/

للحق بعد قريت بوست كانديك الاخير ، وقبله طبعاً بوست النقد الذاتي للاخ الجيلي وقفت شوية فيما يجري

4/

ما ستؤول اليه كل القصة دي ( فيما يتعلق بالعبط الدائر بيني وبينك دا ) ما ممكن يكون فيه مكسب لواحد فينا ، أي نعم ممكن أتقدم عليك كم خطوة ـ لأني عرفت بالضبط كيف ومتين ممكن أدورك وأخليك تظهر الجوانب القبيحة فيك

5/

لو واصلت معاك في نهاية القصة ح أدفعك للانسحاب من المنتدى سواء طائعاً أو من خلال جرك للوقوع في شرك التوقيف مرة بعد مرة ـ ودي ساهلة زي ما شايف

لذلك يا أخي : حقو نكون عاقلين .. وكل واحد فينا قدر سنه ومكانته .. ونوقف القصة دي لحدي هنا

6/

أنا ما كان عندي نزاع معاك خلافاً للاخوان مهند ولنا ونبراس

[عادل عسوم]

المشاركة الأصلية كتبت بواسطة شليل

كلام نواعم



الوجه القمئ للعنف ما بيلاقى بقبول في ساحة الحوار إللي بتتباين فيها الآراء والميول والأمزجه ، فبالتالي لابد من وجه أكتر وجاهه من العنف السايبري.. الوجه أبو شامه ده بيتمثًل في الترغيب 1 عشان يحفظ موية وشوالسايبرية.. لأنو أي زول موتور ما بيكتفي بإظهار وشو القميء بل بحوجه إلى صورة إيجابية تعزز نرجسيتو وأناهو المثالي..
بالإضافة إلى إنو العلاقة القايمه على المغالطه وإبراز العضلات السايبرية ما بتصمد كتير فلا بد من وجه إيجابي يعمل على موازنتها.. فالمتحدث هنا بيتحدث بلسانين بين فظ ومباشر+ وبين بيطنطن بكلام نواعم ما مباشر 2..
الطنطنة بكلام نواعم هو الأكتر فاعليه في منتدى حوار طيبوني جداً بيثمًن أي فكرة بتاعة باركوها يا جماعه لافًه جمبو .. فكلام نواعم هو الأكتر نجاعة على المدى البعيد وعلى مستوى تجّذر السيطرة.. فبإمكانو إنو يؤثر على الناس زي ما عايز.. إذا عايز يوقف المشاكل يوقفها ، وإذا عايز يهيجها يهيجها.. لأنو ما بتقدر تتنبأ بسلوكو.. وياتو وشي حيطلًعو هل وشو القمئ وللا وشو الناعم .. فعشان كده الناس بتختا دربو..
في كلام نواعم بتتم الإستعانة بمختلف مبادئ التعزيز البتتمثل في إنو السلوك بتحكمو نتايجو ، فإذا عجبك سلوك 3 وعايزو يتكرر ما عليك إلا تقدًم السبت ، وإذا لقيت سلوك ما عجبك ما عليك إلا تبستفو أو تخليهو يطلع بي نتايج ما مرضيه 4.
من بين مبادئ التعزيز البيتم إستعمالها في كلام نواعم إسلوب التعزيز الفارقي..
بمعنى : يا تكون معانا ياود عمك ونكفل ليك كل التقدير والإحترام لتكرمك بالإنضمام لينا في المزرعة السعيدة ، وكل المحظيات بتلاقيها زيك زي أي قطيع مننا..
أو ننبذك طرفاً قصيًا 5 ، وما تنال أي حاجه من عليفة تدليلنا .
بعديها بتجي الحوجة للمكانة والتقدير للزول البتخاطبو من خلال إستمالتو وسحبو من ال( هم) البيمُثلوا الصوت المخالف لرأيو.. وهنا بالتحديد ينتهج سياسة التعزيز المتقطًع البيولًد سلوكيات ما قابله لإنها تقيف على المستوى القريب..
في النوع ده من التعزيز لمتقطًع يكون كل واحد باًلي راسو.. في حالة إنو إستمالو فلان وخلوهو براهو .. مافي زول بيتنبأ بسلوكياتو.. يقرًب من يشاء ، ويعز من يشاء ويذل من يشاء..
يرحًب.. ويقرًب.. بعديها يتجاهل وينسى
إستعمال آلية التعزيز المتقطًع ده من ماجد تاج بتضخًم من (أنا)هو ، بوتخلًي ساحة الحوار في حالة تعبئة متواصلة و combact .. أها العدو ويصل وين.. إتحالف مع منو ؟ في مستوى تنشيني وللا لسه بعيد ؟
ويبقى التابع / المستمال.. زي التاجر.. في حالة توقع للربح والخسارة في مكانتو وحظوتو في المنتدى السايبري الإفتراضي ده ، الحاجه البتخليو يفقد سيطرتو على ذاتو وأداة طيعة لسي السيد ..
ويبلغ التعزيز المتقطًع ده أوجو بالمستمال بالعقاب إللي قد يتخذ شكل سحب التعزيز أو الإقلال منو أو تحل عليهو لعنتو.. وما يكون قدًام المستمال إلا الرضوخ والتبعية.. فيتلاعب سي السيد بمستميلو بين إغداق العطايا و وتوزيع صكوك الغفران ، وبين سحب البساط ده من تحتو..
شان تاني

------------------------------------------
1/

2/

+

في حين إنو لسانو الفظ والمباشر واضح في البوستين
3/

4/


5/




6/

ليتك ترحم الناس من لُغَتِكَ السمجة هذه وثقافتك التي تقدح ياشليل.
لا ادري...
اليس لهذا المنتدى من حُكَماء ينبرون لقول الحقيقة؟!
اقسم بالله بأني قد قبلت اعتذار الزميل الجيلي (هناك) برغم أنه لم تفوتني (اشارته) السالبة التي تنسف اعتذاره من أساسه -وقد بينها مشكورا الزميل ماجد من قبل- فوقفت مليا قبل أن اقبل الاعتذار...لكنني وبعد صلاة ركعتي استخارة قررت تغليب حُسن الظن فيه واحتسبت لله كل ما نابني منه من أذى وادماء كل ذلك عشما في أن نمُدّ -جميعا-الخُطى سيرا على (سكك) الايجاب وايساعا لسوح المحبة وفضاءاتها حتى يظل هذا المنتدى منارة للثقافة والتنوير لا مرتعا للُّغَةِ السمجة والأحكام الفطيرة والمرادات التي تجلب الشنآن والمقت لصاحبها قبل أن تصل الى غريمه...
أقولها بصدق الى كل من يجد في نفسه اهلية لأن يكون حكيما بيننا:
الرأي قبل شجاعة الشجعان
فاذا هما اجتمعا لنفس حرة
بلغت من العلياء كل مكان
فلا يجرمنّا شنآن قوم أو محاباة آخرين بأن لانعدل...أعدلوا فهو اقرب للتقوى
اللهم قد بلغت فاشهد

[ماجد تاج]

ـ

في النوع ده من التعزيز لمتقطًع يكون كل واحد باًلي راسو.. في حالة إنو إستمالو فلان وخلوهو براهو .. مافي زول بيتنبأ بسلوكياتو.. يقرًب من يشاء ، ويعز من يشاء ويذل من يشاء..
يرحًب.. ويقرًب.. بعديها يتجاهل وينسى
إستعمال آلية التعزيز المتقطًع ده من ماجد تاج بتضخًم من (أنا)هو ، بوتخلًي ساحة الحوار في حالة تعبئة متواصلة و combact .. أها العدو ويصل وين.. إتحالف مع منو ؟ في مستوى تنشيني وللا لسه بعيد ؟
ويبقى التابع / المستمال.. زي التاجر.. في حالة توقع للربح والخسارة في مكانتو وحظوتو في المنتدى السايبري الإفتراضي ده ، الحاجه البتخليو يفقد سيطرتو على ذاتو وأداة طيعة لسي السيد ..
ويبلغ التعزيز المتقطًع ده أوجو بالمستمال بالعقاب إللي قد يتخذ شكل سحب التعزيز أو الإقلال منو أو تحل عليهو لعنتو.. وما يكون قدًام المستمال إلا الرضوخ والتبعية.. فيتلاعب سي السيد بمستميلو بين إغداق العطايا و وتوزيع صكوك الغفران ، وبين سحب البساط ده من تحتو..
شان تاني

شليل

ـ


مرحب يا شليل ..

ما تفهم غلط . مش معنى كلامي دا أنو ح أقيف من انتقادك

أو أخلي الاعتراض على ما يمكن أن أجده محل اعتراض مما أنت مسئول عنه هنا

لا

أنا بتكلم عن العبط ، يستمر الخلاف لكن يكون منتج ومقيد بأخلاقيات ..

الاخلاقيات دي إن لم تتوفر لديك أو لدي نستمدها من اللائحة ..

ومن حياءنا من المارين هنا ..

لكن أخليك كدا مرة واحدة طبعاً ما ممكن ..

ع العموم أنا زي ما بيقول الشرع بديك مهلة تلاتة يوم تاخد فيها رأيك برواقة ..

وبعدها برضو بتعامل معاك بالشرع ..

تحياتي وتقديري



ـ

[ماجد تاج]

المشاركة الأصلية كتبت بواسطة بابكر عباس

نفترض انو الخيار بتاع انو هبل مقصود بيهو مهند الخطيب ككبير للآلهه؟؟
زول داير ينقد الأمين العام؟ البضيرو شنو من إنفاعل الأمين العام وتهوره وفتل البوست؟؟

ـ

لا يا عم بابكر مش مهند ..

مهند للحق أنا استحيت من ترفعه في المواجهة الاخيرة وتقديمه لمصلحة المنتدى

وبرضو دار حوار بيني وبين أخوان هنا لقيت فيه لوم شعرت أنه صادق فيما يتعلق بمهند

هُبل هنا مش مهند .. ومهند ما معني برضو بالبوست داك

بعدين كورتك فكت لأنك لو رجعت لبداية البوست ومداخلة البروف

كنت فهمت مين هو هُبل الذي لا أرغب في إثارته من البداية

دي معركة وفق تكتيك ( أبسط يا سليطين * دي بتجيك في جرح )

وما ح أثبت ليك حاجة

لأنو عامل مهم من عوامل بقاءي هنا هو كتاباتك يا دكتور



ـــــــــــــــــــــــــــــ

* سليطين دا لا انت ولا مهند ولا شليل ..
دا زول عارف نفسه .



ـ

[أمين محمد سليمان]

سلام شليل
بوستك ده نفس فكرة بوست ماجد بهناك، الاساءة و الاساءة ثم الامعان في الاساءة ، و بعد داك تفتحو بوستات كل واحد يحلل و ينظر في التاني كأنو تسامى عن الهتر، كأنو إحترم نفسو و إحترم الناس !!
فيا عزيزي واصلو في شتايمكم و واصلو في هتركم ، بس بالله ارحمونا من تنظيراتكم و محاولات كل واحد تصوير إنو التاني غلطان، لانو واحد فيكم غلطان مافي : غلطانين نحن المتحملين - و عليكم الله اعذروني على الكلمة دي - سخفكم الابى ينتهي ده !!

[ود الخير]

سوداني أدوه منصب مهم في الدولة قام رفض، قالوا ليه مالك رفضته؟؟
قال ياأخ السودانيين ديل هسه أمسك المنصب دا، بكره يجيبو لي دكّ الحصص بتاعي من زمن الكُتاب.

انت يا شليل حصل معاك العكس!
الزول لو عاوز يمسك عليك حاجة، يقول ليك انت ياأخ لما كنت مسؤول في سودانيات،(دورة أغني لشعبي...) إتربطه وانت في محل مسؤولية، والغريبة لا إنت ولا الإدارة *ما طبقتو ولا الحد المافي زاتو! من أدبيات الربط.
يعني إنت إنت في الإيقاف مشرف وفي العادي شليل... يعني هسة لو مرقوك
بالباب بتجي متلب بي شُباكك داك وتقول لود الخير انت مأكلك من حرام ومشربك من حرام . وانت يا غبي ما عارف انو ود الخير من التسعينات متغرب
عن بلده وما خلى ليه أعمال شاقة ما إشتغلها... وجايي انت يا معتوه تتكلم عن كيف اكسب رزقي . انا هيّن بأكلها في حناني ..لكن ابسط شئ تعمله انك ترفع يدّك من شئون إدارة سودانيات لأنك بعد أسلوبك دا لو قعدته حا تكون خصم على سمعة ومكانة ومصير هذا المحل.







*الله يعينكم على الماسورة دي!



أأسف للأسلوب دا....

[صديق عيدروس]

المشاركة الأصلية كتبت بواسطة أمين محمد سليمان

سلام شليل
بوستك ده نفس فكرة بوست ماجد بهناك، الاساءة و الاساءة ثم الامعان في الاساءة ، و بعد داك تفتحو بوستات كل واحد يحلل و ينظر في التاني كأنو تسامى عن الهتر، كأنو إحترم نفسو و إحترم الناس !!
فيا عزيزي واصلو في شتايمكم و واصلو في هتركم ، بس بالله ارحمونا من تنظيراتكم و محاولات كل واحد تصوير إنو التاني غلطان، لانو واحد فيكم غلطان مافي : غلطانين نحن المتحملين - و عليكم الله اعذروني على الكلمة دي - سخفكم الابى ينتهي ده !!

[الفاتح]

المشاركة الأصلية كتبت بواسطة عادل عسوم

تنويه للقراء من خارج سودانيات:
السيد شليل -باللغة والسياق والمفردات طي هذا المفترع- هو المشرف المسئول عن منتديات (نوافذ) في سودانيات...
ونوافذ هذه بها كل ما يرفد عصب الثقافة والابداع من منتديات كمنتدى القصة والكلمة والشعر وغير ذلك كثير...
اي باختصار (شليل) هو المشرف على الثقافة والابداع في سودانيات
تأمّل (الحقوق محفوظة لاصحابها)

عزيزو اللذيذو من خارج سودانيات :
نظراً للتشويش المتعمد على هذه القناة ، يرجى ضبط رسيفراتكم على التردد التالي:
ص 1.. المداخلة 105
http://sudanyat.org/vb/showthread.php?t=27504&page=7
الوضع : أفقي.. عشان تكون بمحاذاة نهج مداخلاتو ، وليه ما بيحب تواجدي في أيتها ملف..
مشاهدة ممتعه

[الفاتح]

إن بقى البندر ركازك كان أخير ليك المحل


إتكلمت في المداخلة رقم 10 عن الدور الوظيفي للقطيع على المستوى النفساني ، وكنت على ثقة إنو بعد ما أكتب كلامي ده حيجي القطيع يديني أمثلة أعزز بيها حجتي.. وكأمثلة على كلامي إنهم أدوات رصد لرغباتو ويتطاقشو في تنفيذها.. فرغبة ماجد تاج في قفل الباب ده إتطاشق عليها كل عادل عسوم 1الزول البحرص على إنو كلما أواجهو أنزع منو عباية الورع والتقوى إللي ما خايله عليهو.. وود الخير بإعتبارو زعيم الغنم القاصية في فهمو وإستيعابو وإللي أدلى بدلوو في ( اللبيدو) الفقرة البتقول :

يقوم السيد الأنا المثالي يديهم مساحة تحرك من المبادرة عشان يتحملو شوية وزر ،ما ممكن السيد ( الأنا المثالي) يحمل أثقال أوزارو براهو.

بحمل أوزار سي السيد بما يجيد بيهو فهمو القاصر بقولو

وانت يا غبي ما عارف انو ود الخير من التسعينات متغرب
عن بلده وما خلى ليه أعمال شاقة ما إشتغلها... وجايي انت يا معتوه تتكلم عن كيف اكسب رزقي

دي الغنماية القاصية في فهمهما وإللي ختمت مداخلتها ب

لأنو بعد أسلوبك دا لو قعدته حا تكون خصم على سمعة ومكانة ومصير هذا المحل.

إن بقى البندر ركازك كان أخير ليك المحل 2

لاياخ.. هسي بإسلوبك بتاع (غبي ومعتوه ) صنًفت نفسك بإنك بتعلو بمكانة ومصير هذا المحل..
محلك الطبيعي زريبة سي السيد يا ود الخير ، تاكل من عليفة عقدو النفسية وتجتراها قبلك.. ما تتكلم عن سمعة ومكانة ومصير هذا المحل قبل ما تكمًل عليفتك.

-----------------------------
1/
ليتك ترحم الناس من لُغَتِكَ السمجة هذه وثقافتك التي تقدح ياشليل.
2/ العميري

[الفاتح]

الواقفه بقبضتها ونزعة الثيموس


الآليات السابقة اللي إستخدمها سي السيد ما بتغطًي معاو ، فبيحتاج لشوية ترويض ذاتي... لأنو بيتمكن من خلال الضغوطات الخارجية 1 من الرضوخ الداخلي للذات والتعايش مع الذات المغلوب عليها..


الصورة المغلوب على أمرها دي بتشكًل جرح نرجسي لسي السيد ، لأنو بتتأذي صورة الذات وتفقد قيمتها وإعتبارها ، الصورة إللي بتناضل على إنو ما تكون مشخشخه أو مهزوزة ، صورة الواقفه بقبضتها .


ففي حالة تعذر توجية الغضب إلى الخارج ، بيقوم يرتد إلى الذات ويحطًم صورتو في الوكت نفسو إللي بيثار فيهو الحزن على الخسارة والفقدان المرتبطين بإنعدام القيمة والحصانة وتحقيق الذات .. فبيتحالف الغضب المرتد إلى الذات مع الحسره الحاجه البتبخًس من مشاعر تبخيس الذات ..
هنا بيظهر الإكتئاب إللي بيتغذى من مشاعر الذنب نظراً للعجز والخساره.. بعديها بيبدأ مسلسل إدانة الذات والإنتقام منها 3.. تتلاقى مشاعر الذنب الذاتيه مع عملية التأثيم المرفوضة من ال (هم ) .. الأصوات الفي منبر الحوار الداعية لإيقاف السجال الدائر ده ، الحاجه البتعزز من مشاعر الذنب وتدفعو للرضوخ..
وعلى سي السيد إنو يتعايش مع ثالوث الخطأ والتقصير وإحتمال الإدانة ذاتياً.. بالإضافة لإنو يتعايش مع الغضب المرتد على الذات والحيصعًد بدورو من حدة تشدد الأنا الأعلى ودروشتو..
وبالتالي يتكون لسي السيد :
عدد واحد أنا أعلى ما مروًض يقوم بجلد ذاتو ما عليهو إلا يرضخ ليهو ويجتًر إكتئابو معاهو إلى حين إشعار آخر..

عدوانية الكوماج والمجابهه بتتحوًل إلى تأثيم مفرط وجلد للذات على شكل إكتئاب وتبخيس للذات ، يصاحبو رضوخ ..

هنا بتتحرك آلية التماهي بأي ( هو ) لافًي جمبو لأنو وضعية الجرح النرجسي وتبخيس الذات دي ما بيقدر يصمد بيها كتير ، يتماهى بال ( هو) ده ويسد بيهو الفراغ النشأ عن الخصومة بينو وبين ذاتو ، فبيشيل منو ويليًس في ثقوبو.. شجاعه ، جرأه ، منطق...أي حاجه .. قدًر ظروفك بس عشان يسد الثقوب دي.
الحاجه البتحولو لمستبد صغير يفرًغ عدائيتو دي على من هم أقل منو شأوا.. عشان يتوازن داخلياً ، ويحقق شوية مكاسب ذاتية..


وعلى غرار الأنا الما مروًض .. في أنا مروًض ، بيعمل مع أخوهو في دينامية ، لكن بتظل معرًضة لأي تحول مفاجئ.. لأنو مشاعر العدوانية والغضب ومشاعر الجرح النرجسي ، وجلد الذات بتظل موجوده في اللاواعي لليوم الأسود

فنزعة الثيموس البتمثل الأنفة والكبرياء والذي منو ، بتكون لابته في اللاوعي ومنتظرة لحظة ضعف في القمقم الوجودي البيسجن الزول البيتفوق عليك وهوب.. شبيك لبيك عبدك بين إيديك.. مافي حاجه بيوقفها..

تنتظر بتين تحوًل العدائية لبرًه ، وإعلان الحرب المقدًسه عليهم لتخليص المجتمع من شرورم 4.. فبيعمل سي السيد بإستمرار على وجود الحاشية/ القطيع ده إلى جانبو عشان يطلق العنان للعدوانية وتطال الجميع..لأنو الربحان الأول والأخير هو سي السيد المعبأ بحكمة الشر يعم والخير يخص ، طالما غيًر من مجرى العدوانية وعممها.

--------------------------------

1- الأصوات الداعية لتوقف الخلاف الدائر ده
الواقفه بقبضتها : هندية مثُلت في فيلم Dances with Wolves
2-
3- حيجي نموذج لقدًام.. بعد تلاته أربعه نقلات.. بس أكتل الرخين الجمب الملك ديل ( عادل وود الخير ).. وكش ملك..
4- المحاولات الدؤوبه من عادل عسوم وود الخير في فقرة هل تعلم أن شليل هو مشرف منتدى نوافذ

[ود الخير]

انت يا شليل قائل براك عندك كديسة؟؟
والله يا بن عمي فايتنك بالصبر بس!

غنامي وحولينا قرّبته! بس الله يرضى
كادر وما كادر ... دي دكسة عمرك، ومعاها إرتباطي يأخ ماجد
ديل شيلن بره... بعد داك بنتحملك مع المتحملين!

[ماجد تاج]

ـ



مضت يومين من المهلة ( تلاتة يوم حسب الشرع )


ـ

[الفاتح]

الهدر في منتدى الحوار بين الشرطي الثقافي والمزين والمروًج



الحاجه البتميز الإنسان عن الحيوانات إنو الإنسان كائن مفكًر معبًر.. نشاطو الذهني ما بيتوقف عن الأسئلة .. وحركيتها البتنتقل من التساؤل والتفسير للتدبير والتغيير.
فالتفكير من وجهة نظر نفسية بيعني المعالجة الذهنية للتصورات ، بقصد هادف ، فبيستخدم الناس خلالها الكلمات والمفاهيم والصور الذهنية .. والفكر بما هو نتاج التفكير يخدم غاية عظيمة هي سيطرة العقل على ما حولو وبالتالي سيطرة الإنسان على ذاتو وواقعو وصولا لصناعة مصيرو..
لكن هدر الفكر بيقود لهدر الكيان الإنساني ، فالتكفير الديني * السايبري زيو زي التجريم السياسي مافي فرق كبير بيناتم ، بيعمل على تعطيل الدماغ وما ينتجو من فكر تحليلي نقدي ، بخلاف إنو بيقدًم خدمة كبيرة لسي السيد الأعلى المتمثُل في السلطة اللي من مصلحتها إنها تعمل على تغبيش الوعي.
وبالتالي بيدفع الهدر إلى إنو الناس تقتصد في منتدى الحوار ، وتكون سجينة ( خاص بالأعضاء) أو أي نافذة بعيدة عن الحوار ، وإذا إتداخلت في الحوار ، تداخلها بيكون من باب إنها تسالم أو تعزًي أو تبارك
فبيتعطًل إستغلال الدماغ ويفضل منو جزو صغير يرسم ليك الخطوط الخضراء المسموح ليك أنك تتحرك فيها .
ودي حاجه ما منها فايدة.
فالثابت علمياإ إنو تشجيع الفكرمن خلال الحوار والنقاش بيحفًز المخ وبيولًد حالة من النشوة والحيوية والدينامية .. بالإضافة إلى إنو التحديات الفكرية وطرح الإشكالات المحتاجه لحلول بيساعد على تنشيط الشبكات العصبية في الدماغ .. فبمقدار ما تزداد التحديات الذهنية بمقدار ما نشطت الشبكات العصبية .. والعكس صحيح
كلما ساد في منتدى الحوار التزمًت والعصبية وهدر التاني والتجريم وفرض الراي الواحد ، كلما إتصلب الدماغ .وقلت كفاءتو.
وبتظهر الحاجه دي في قصور التخطيط والإنتباه وصناعة القرار ، وتدنى القدرة على ضبط النفس.. فكلما كانت القشرة الدماغية رقيقه كاما ما كان مافي إنضباط عقلي الحاجه البتفتح الطريق قدام السلوك الإنفعالي الإندفاعي.
وبالتالي هو هدر خطير للكيان الإنساني.

في وضعية زي دي يتحالف كل من سي السيد بإعتبارو ملك الهدر والشرطي الثقافي والرخًين بتاعنو ( عسوم ، وود الخير ) النصًبوا نفسهم بإنهم حماة لمنتدى الحوار وأوصياء على عقول الناس ، وحماة للدين من جغمسة الشيوعيين الغياظين العايزين يديرو دفة سودانيات ، ويعملوا على إنو يزيحوهم من طريقم ، عشان تحل الوجبات الفكرية السريعة بتاعة ( هل تعلم ! ) محلهم ، وبوستات قدًر ظروفك بتاعة (يتبع) .
دور الشرطي الثقافي مطلوب إذا عايز يتبرًك من منتدى الحوار ما عليهو إلا إنو يخش في عباية أخصائي تجميل ، يمكيج خطابو لإظهارو بمظهر جذاب ** عشان يروًج لسوقو ، ويدخل في تنافس مع باعة الكلام الأصفر ، طمعا في كسب القبول والرضى.
أما عادل عسوم كأخصًائي للترويج والتسويق للبضاعة الفاسدة دي ، فبيقوم بإستعمال كل بلاغتو من أجل تعطيل الحس النقدي وتعطيل التساؤل وصولاً لحالة تخدير ذهن محاورو لحشد مداخلتو بما تيسًر من أخال وأحسب وسرابات وبعض الذكر الحكيم متبوعة بمودتي وأيقونة خضراء..
فالحالات السايبرية دي بتعمل على إنو تغبَش الوعي.. ما بين الشرطي الثقافي والمزيًن والمروًج ..
لكن وين


---------------------------------------------------
*- بوست علاقة الحزب الشيوعي بالدين ، وعجز ماجد تاج عن الإتيان بوثائق – كما قال - تعضد حجتو
**- عادل عسوم ، و القشرة الخارجية لماجد تاج الشغال بيها في البوست ده.

[ماجد تاج]

ـ

عرفت بالضبط كيف ومتين ممكن أدورك وأخليك تظهر الجوانب القبيحة فيك

ـ