اقتباس:
المشاركة الأصلية كتبت بواسطة أمين محمد سليمان
عم ماجد و الحلوين سلام ..
اخترت مداخلة آمال دي عشان فيها إختصار لوجهة النظر المعاكسة لوجهة نظري :
واضح يا آمال إنو الناس الشايفه في خلل في اللائحة في مسالة الناس البتجي تصوت و تمشي أكتر بكتير جدا من الناس الما شايفنها مشكلة، البوست ده و كل البوستات الناقشت الموضوع ده بتثبت الكلام ده .
في مداخلة عميقة جدا لمبر ( ما عارفها في ياتو بوست ) لخص فيها مساؤي تصويت الاعضاء الما بشاركو في المنتدي و لا عندهم وجود هنا و كيف إنو الكلام ده بيناقض العملية الديمقرطية شكلا و مضمونا بمشاركتهم في إتخاذ القرار في مكان لا يهمهم أصلا . و بينسف مبدأ المحاسبة المهم جدا في العملية الديمقرطية ...
أظنك بتتفقي معاي يا آمال إنو الطائفية كانت سبب أساسي من أسباب فشل التجارب الديمقراطية، عدم الوعي في السودان الشقيق بجيب لينا الأحزاب الطائفية دي تحكم سنة وراء سنة لسبب واحد و بسيط : إنو منسوبيها بصوتو بالاشارة !! ليه يا آمال عايزة الناس هنا تصوت بالاشارة ؟! و كيف الناس دي من الأساس تقبل تصوت بالاشارة ؟! البصوتو بالاشارة للاحزاب الطائفية كان عذرناهم بالجهل، الناس البتجي بالايميلات دي، نعذرهم بشنو ؟! و كان هبشتيهم تلقيهم كلهم (متمشدقين ) و ممكن يدونا محاضرات عن الديمقراطية بالساعات الطوال !!
أنا وقفت في صف انك من حقك تحشدي من تشائي للتصويت لمن تشائي ما عشان ده كان تصرف سليم من وجهة نظري، لكن عشان ما كان في حاجة بتجرمو في اللائحة، هسي أنا ضدك تماما عشان اللائحة دي تتغير و ما يكون في سكة لحشد ناس ما عندهم علاقة بهذا المكان سوي انهم يوما ما طلبو الانتماء إليه، و المقارنة بين جنسية الفرد و عضويتو مقارنة عجيبة جدا لانو مافي أي علاقة ...
أنا في رايي إنو المقترحات القالها ماجد دي مقترحات عميقة جدا لتلافي مشكلة التصويت بدون المشاركة دي، و العندو مقترح أحسن, يقدمو، لكن لازم يكون في بند في اللائحة يمنع الزول الما بشارك هنا إنو يصوت ....
|
شكرا ياامينو علي خصي بالرد
ورغم اني ريلي فيل سيك من القصة دي
ولقيت فيها ما لقيت من اساءة وقذف وتلغيز واخيرا دعا ومناصفة
كأننا ياخ بنصوت لرئاسة الكون
المهم سعادتو النور كفاني الرد بمداخلتو الواعية كالعادة
وفعلا المسألة معقدة جدا وماها بالتبسيط الختيتوا دا
ومثالك بتاع الطائفية والتصويت بالاشارة ماعندو علاقة
وكأنك بتشير لناس بتم خمهم وامكن تضليلهم كمان والواحد فيهم يحفظوهو شكل الرمز ان تيك ذا بوكس انا واثقة جدا انو عدد كبير لو ما كل الصوتوا ناس متابعين وعارفين الحاصل هنا معقولة بس ياامين تقارن لي جماهير الطائفية البتعتمد علي الاميين والبتم تجيشهم بالعاطفة الدينية والقبلية والجهوية وبراهنوا علي عدم وعيهم ويتم تغبيشو عمدا وتزييف ارادتهم بزول ماحي اميتو الكومبيوترية وعضو اسفيري معتبر خلينا الاعتبارات التانية بس دي بتأهل الزول يكون مسئول من صوتو وعارف بسوي في شنو وما من الحكمة ابدا نتهم العضوية دي بتهمة زي دي مش كفاية عليهم غايبين وخلايا نايمة وفئام
تجي المسألة التانية الهي عاملا ليكم حسكنة علاقتو بالمكان وقلت دي برضو بتحكما عوامل عديدة يجب نراعيها منها ظروف العضو الشخصية وزي ماقال ليك النور انا لو غبت مية سنة بكون عارفة الداير هنا
في مسألة مهمة جدا ياامين وغايبة علي الناس
مساواة الاعضاء في الحقوق والواجبات امام الائحة دا مبدأ اساسي ومهم وعدم فتح الباب ام الاستثناءات ناس القانون بقولو القانون كلما كثرت استثناءته كلما قلت هيبته لانو دا بعتبر ثغرات ممكن تنفذ منها اختراقات اخري وبغري بمزيد من الاستثناءت وبالتالي الخروق والثقوب
حدرة
ماتبقي لي زي بابكر عباس وتثبت علي قصة تحشدي ياهم الكلمتين الفي الفيسبوك الجابو لي البعاعيت واصحابي النبهتهم للتصويت في انتخابات الامانة عشان مافي اي زول يصلبط فيني حشد لانتخابات المجلس في ناس كايسة ليها سبب وتبرير
