النفاق فى السياسة الدولية---

[Hassan Farah]

بالامس ركض السيد السكرتير العام للامم المتحدة الكورى كيمون الى البيت الابيض ليشكى السودان للسيد اوباما بان طرد 13 من منظمات العمل الطوعى من بين 183 منظمة تعمل هناك يشكل خطرا على حياة اهل دارفور وان هذا الطرد يعتبر جريمة حرب--
شئ عجيب هذه السياسة الدولية-- انسى السيد كيمون ما راه فى غزة بام عينه فى زيارته لها قبل عدة اسابيع-- او الا يعلم السيد كيمون ان غزة هذة موصدة معابرها لمدة شهور لا يدخلها لا غذاء لا دواء-- تبا على هذا النفاق---

[النور يوسف محمد]

بسم الله الرحمن الرحيم
أخى حسن
هذه العين يا عزيزى .
تمت برمجتها مسبقاً
فلا ترى إلا ما يراه الساده
ولا ترى إلا ما يعجب الساده
ولا ترى إلا ما يسر الساده
حقاً فى السياسة تنفضح زيف الأخلاق

يا صديقى
الغرب وبعض من بنى جلدتنا تزعجهم جداً
كلمة ( الإسلام )

(والله غالب على أمره ولكن أكثر الناس لا يعلمون )
صدق الله العظيم

[ابو روضه]

المشاركة الأصلية كتبت بواسطة Hassan Farah

بالامس ركض السيد السكرتير العام للامم المتحدة الكورى كيمون الى البيت الابيض ليشكى السودان للسيد اوباما بان طرد 13 من منظمات العمل الطوعى من بين 183 منظمة تعمل هناك يشكل خطرا على حياة اهل دارفور وان هذا الطرد يعتبر جريمة حرب--
شئ عجيب هذه السياسة الدولية-- انسى السيد كيمون ما راه فى غزة بام عينه فى زيارته لها قبل عدة اسابيع-- او الا يعلم السيد كيمون ان غزة هذة موصدة معابرها لمدة شهور لا يدخلها لا غذاء لا دواء-- تبا على هذا النفاق---

الاخ حسن فرح ماذا باستطاعت الامين العام ان يفعل لقطاع غزة اذا كانت مصر نفسها تصر على حصار قطاع غزة ........ وحماس تتحمل ايضاً مسئولية عنما يدور هناك وتعطي شرعنة رسمية لكل ما تفعله اسرائيل
ثم ثانياً يا اخي حسن هناك مساعدات وهناك خطط اعمار بقطاع غزة رغم الصعوبات التي تواجه هذه المساعي . ........
بعدين اذا اراد محتل ان يدخل اي بلد بلا شك حيبحث عن المتناقضات الفيه واسرائيل مع مساندة امريكيا ليها برضه مستفيدة من المتناقضات في الداخل الفلسطيني ؟ في سوال مهم يا حسن قبل كيمون كان في الامين العام كوفي عنان منحدر من اصول افريقية وقبله كان بطرس غالي اصوله عربية كم مره زار كل منهما الاراضي الفلسطينية المحتلة ؟؟؟؟؟؟ زيارة كيمون تلك الا تدل بان هناك بداية حقيقية لنهاية الهيمنة الامريكية على مركز القرار العالمي وان بدأ تحقيق ذلك بعيداً بعض الشي ؟؟؟
واهم الاهم يا حسن
معقول كيمون ده هسي بس ما شي وقاطع ليه مسافات عشان ادي معلومة مغلوطة للرئيس الامريكي تجاه السودان مش ممكن كان يتم الكلام ده بتلفون ولا فاكس مثلاً ولافي تداعيات حدثت وسيحدث المزيد منها بعد طرد هذه المنظمات وبالمناسبة امريكيا وانت سيد العارفين ليست عضواً في المحكمة الجنائية ولكن لها نصيب كبير في المنظمات المطرودة . ومركزها داخل مجلس الامن والامم المتحدة هو ما دفع كيمون لتلك الزيارة لمحاولة ممارسة الضغط على الانقاذ من اجل التراجع عن هذا القرار الكارثة .. و في الاصل لن يحرك هذا القرار ساكناً في المحكمة الجنائية ان لم يزيد الوضع تعقيداً
لك التحيييييييييييييييييييييييييييية

[Hassan Farah]

الاخوان النور يوسف وابوروضة شكرا على المداخلات
الاخ النور الدين لا شك له دور محسوب عندهم لكن من الناحية الاخرى علاقتهم مع السعودية سمن على عسل-- ولا اظن ان جماعتنا اكثر تطرفا من السعودين-- الموضوع هو بسط الهيمنة لا غير--
الاخ ابوروضة كيمون وكوفى عنان وغيرهم كلهم ادوات فى يد القوى الامبريالية الا تذكر كيف تحكر كوفى عنان وسط نساء دارفور فى بداية الازمة-- وهل تعلم ان الممول الرئيس لمحكمة الجنايات الدولية هو المضارب المعروف جورج سورس الذى افلس بلدان جنوب شرق اسيا قبل عدة سنين بالعابه الغذرة فىالبورصة---

[بابكر مخير]

المشاركة الأصلية كتبت بواسطة Hassan Farah

الاخ ابوروضة كيمون وكوفى عنان وغيرهم كلهم ادوات فى يد القوى الامبريالية

عات يابا يحلوها كيفن؟؟؟
نعيش ونتعايش ولا؟
نجيب أندروس نموص فيهو كلامهم
ولا ياهو ما باقي إلا؟؟
نكبر جزمتنا وندوس بيها....
غايتو أنا وحسب فهمي (ما بحتاج أصغر "فهمي" لأنه أصلوهو صغير)
عالمنا التالت، المتخلف، الرجعي (دي تحتها خطين) بس ياهو بيتعامل بنظريت
يآ ن..را في زيركم يا نروح ما نجيلكم..
نايمين في الوهم ومكابرين،،
عايزين نضرب، نسلب، نسرق..
ما نزرع، ما نتعلم، ما نصنع..
وفي الأخر لمن نبقى عالة والعالم من حولنا يضج من وهمنا العايشينو،،
نقول لا
لا
لا




هو شنو..

[Hassan Farah]

المشاركة الأصلية كتبت بواسطة بابكر مخير

عات يابا يحلوها كيفن؟؟؟
نعيش ونتعايش ولا؟
نجيب أندروس نموص فيهو كلامهم
ولا ياهو ما باقي إلا؟؟
نكبر جزمتنا وندوس بيها....
غايتو أنا وحسب فهمي (ما بحتاج أصغر "فهمي" لأنه أصلوهو صغير)
عالمنا التالت، المتخلف، الرجعي (دي تحتها خطين) بس ياهو بيتعامل بنظريت
يآ ن..را في زيركم يا نروح ما نجيلكم..
نايمين في الوهم ومكابرين،،
عايزين نضرب، نسلب، نسرق..
ما نزرع، ما نتعلم، ما نصنع..
وفي الأخر لمن نبقى عالة والعالم من حولنا يضج من وهمنا العايشينو،،
نقول لا
لا
لا




هو شنو..

افو-- افو-- يا ودعمتى-- انت نسيت تاريخ اجدادك--ولا انقلبت black english man ----

[ابو روضه]

المشاركة الأصلية كتبت بواسطة Hassan Farah

الاخوان النور يوسف وابوروضة شكرا على المداخلات
الاخ ابوروضة كيمون وكوفى عنان وغيرهم كلهم ادوات فى يد القوى الامبريالية الا تذكر كيف تحكر كوفى عنان وسط نساء دارفور فى بداية الازمة-- وهل تعلم ان الممول الرئيس لمحكمة الجنايات الدولية هو المضارب المعروف جورج سورس الذى افلس بلدان جنوب شرق اسيا قبل عدة سنين بالعابه الغذرة فىالبورصة---

يا حسن فرح والله انا ماعارف انحنا عاوزين نصل لشنو بأنو الامين العام مشي امريكيا عشان يودي معلومات مغلوطة لامريكيا ؟ وده تكلمنا فيه
واذيدك من الشعر بيت
طيب الامم المتحدة وامريكيا تحت ما يسمى باصدقاء الايقاد تدخلوا في قضية الجنوب وبترحيب من كل الاطراف وكلنا يعلم الجهود البذلة المتجمع الدولي في تحقيق اتفاق السلام بصرف النظر عن بنود الاتفاق السوال طيب ما كانت عندهم الفرصة والانقاذ كانت في اشد حربها على بني جلدتها وعلى الدول المجاورة ليه الامم المتحدة وامريكيا ما استقلت ده ؟؟؟؟؟

طيب يا حسن

فيما يخصك ردك التاني انا طبعاً ما قلت ليك الامم المتحدة ولا اوكامبو ملائكة الرحمة السماوية ؟؟؟ وما اتيت به لا ينفي مسئولية الانقاذ عنما يحدث في دار فور وعن المذكرة برضه لانو المذكرة دي سبقته توصيات المفروض كان الانقاذ تستجيب ليها يا الحبيب
لك تحيييييييييييية

[Hassan Farah]

المشاركة الأصلية كتبت بواسطة ابو روضه

يا حسن فرح والله انا ماعارف انحنا عاوزين نصل لشنو بأنو الامين العام مشي امريكيا عشان يودي معلومات مغلوطة لامريكيا ؟ وده تكلمنا فيه
واذيدك من الشعر بيت
طيب الامم المتحدة وامريكيا تحت ما يسمى باصدقاء الايقاد تدخلوا في قضية الجنوب وبترحيب من كل الاطراف وكلنا يعلم الجهود البذلة المتجمع الدولي في تحقيق اتفاق السلام بصرف النظر عن بنود الاتفاق السوال طيب ما كانت عندهم الفرصة والانقاذ كانت في اشد حربها على بني جلدتها وعلى الدول المجاورة ليه الامم المتحدة وامريكيا ما استقلت ده ؟؟؟؟؟

طيب يا حسن

فيما يخصك ردك التاني انا طبعاً ما قلت ليك الامم المتحدة ولا اوكامبو ملائكة الرحمة السماوية ؟؟؟ وما اتيت به لا ينفي مسئولية الانقاذ عنما يحدث في دار فور وعن المذكرة برضه لانو المذكرة دي سبقته توصيات المفروض كان الانقاذ تستجيب ليها يا الحبيب
لك تحيييييييييييية

الاخ ابو روضة يا اخى مافى خلاف بيننا--- الانقاذ هى التى ورطت البلد-- هى التى اعطت الاجانب الفرصة لكى يتدخلوا فى شئوننا يعنى تفتكر دفوعاتى هى من اجل الانقاذ يا اخى البلد فى خطر --الانقاذ جات وسوف تمضى-- زيها زي غيرها-- لكن يجب ان نحرص جميعا على ان يبقى الوطن حتى ولو دعى الامر ان ندافع عن الانقاز فى لحظة تاريخية ما-- اه من مرارة الحنظل---

[ابو روضه]

يا حسن ليييييييييييك تحية

طبعاً يا حسن انا ما قلت لنا ليك اوكامبو ملاك الرحمة الانسانية . وبعدين يا حسن الامم المنحدة وامريكيا تحت ما يسمى باصدقاء الايقاد كان لكل منهما دور كبير في التوصل لاتفاق سلام بين الشمال والجنوب بالرغم من التبائن الواضح بين مشكلة الجنوب ودار فور
سوال
. لو كان عندهم اي شر تجاه السودان واستعمار جديد وشنو ما عارف ما كان نفذوه من حرب الجنوب والظروف كانت مواتية اكثر من الان
؟
بعدين في حاجة تانية يعني لو افترضنا فساد اوكامبو حقيقة موضوعية يعني ده مبرر مشكلة دار فور ما تجد حل حتى هذه اللحظة ؟؟؟؟؟؟؟؟؟
ومعروف كيف تطور الامر بين المجمتع الدولي والانقاذ وكيف وصلت المذكرة للمحكمة الجنائية يا حسن هسي المفروض الناس تخت الكورة واطة وزي ما قال سليمان حامد قبيل تخاطب جذور المشكلة والغاء القوانيين المقيدة للحريات والديمقراطية ومحاكمة عادلة للمتسببين في جرائم بدار فور بكدة بتستطيع الانقاذ الخروج من الماذق غير كدة ما شايف ليهم طريق الا الطريق للاهي ويكون المؤتمر الوطني على نفسه جنى

[Hassan Farah]

( لو كان عندهم اي شر تجاه السودان واستعمار جديد وشنو ما عارف ما كان نفذوه من حرب الجنوب والظروف كانت مواتية اكثر من الان )

يا اخى وحبيبى ابو روضة-- الله يحليها وانشاءالله تربى فى عزك--- انت رجل طيب وكلك حسن نية--
يا عالم انتو صوفيين من بتوع سبحة اللالوب والله ايه----

[بابكر مخير]

المشاركة الأصلية كتبت بواسطة Hassan Farah

افو-- افو-- يا ودعمتى-- انت نسيت تاريخ اجدادك--ولا انقلبت black english man ----

غايتو يابا إلا تكون عايزني؟؟؟
أبقى نعامة
أخويا مش يحاكموهم بس ويحاكمونا معاهم، إحنا الرضينا بي همهم وقرفهم
ود الخال، إنتو وأنا
ركبوبنا ما مركبنا
ختونا في مكانن ما محالتنا
بعد كنا محل تقدير والكتير ثنا
كل سمعتنا السمحة؟! البشير لجنا
دى يا أخي إبليس من عجيب عمايلو إنحنا
والشياطين هللت بيهو وقالت:
بختنا


عايز تتابع الي أخرهو؟؟؟؟

[ابو روضه]

حسن جمعة سعيدة

يلا هم يورينا همتم ويطلعوا البلد من الدخلونا فيه ده .......... انحا ما قدر المعمة دي يا زول بس الجماعة ماشين في الماشين فيها وموسى هلال جند مزيد من الجنجويد ؟؟؟؟؟؟؟؟ وبالامس اختطف خمسة منظمة اطباء بلا حدود والمؤتمر الوطني بدفع السودان دفع للصدام مع المجتمع الدولي ؟؟؟؟
في الحالة دي يا حسن حقو الناس تعرف مصالحة وين يا اما الانقاذ تتوب وتنوب وترجع لارادة الشعب المطحون ده ولا يذهبوا في ستين داهية ومحاكمة فرد اهون من محاكمة شعب بكامله
لك تحيييييييية

[بابكر مخير]

المشاركة الأصلية كتبت بواسطة Hassan Farah

افو-- افو-- يا ودعمتى-- انت نسيت تاريخ اجدادك--ولا انقلبت black english man ----

غايتو يابا إلا تكون عايزني؟؟؟
أبقى نعامة
أخويا مش يحاكموهم بس ويحاكمونا معاهم، إحنا الرضينا بي همهم وقرفهم
ود الخال، إنتو وأنا
ركبوبنا ما مركبنا
ختونا في مكانن ما محالتنا
بعد كنا محل تقدير والكتير الثنا
كل سمعتنا السمحة؟! البشير لجنا
دى يا أخي إبليس من عجيب عمايلو إنحنا
والشياطين هللت بيهو وقالت:
بختنا


عايز تتابع الي أخرهو؟؟؟؟

[Hassan Farah]

المشاركة الأصلية كتبت بواسطة ابو روضه

حسن جمعة سعيدة

يلا هم يورينا همتم ويطلعوا البلد من الدخلونا فيه ده .......... انحا ما قدر المعمة دي يا زول بس الجماعة ماشين في الماشين فيها وموسى هلال جند مزيد من الجنجويد ؟؟؟؟؟؟؟؟ وبالامس اختطف خمسة منظمة اطباء بلا حدود والمؤتمر الوطني بدفع السودان دفع للصدام مع المجتمع الدولي ؟؟؟؟
في الحالة دي يا حسن حقو الناس تعرف مصالحة وين يا اما الانقاذ تتوب وتنوب وترجع لارادة الشعب المطحون ده ولا يذهبوا في ستين داهية ومحاكمة فرد اهون من محاكمة شعب بكامله
لك تحيييييييية

vvvالاخ ابوروضة صباحاتك بالخير
يا اخى ما ياهو دا ذاتو الخايفين منو ودا نتج من تدخل الاجانب يا اخى انا متاكد لو تركونا نحل مشاكلنا كنا حليناها من زمان-- لكن هم عندهم اجندة -قبل فترة ورد خبر وانا نزلتو فى سودانيات-- واحد امريكى اشترى فى الجنوب مساحة ارض قدرها 4000 كيلومتر مربع- وصرح بانه يعرف ان السودان سوف يتم تفكيكه والصومال خلصوا عليه وعدد من بلدان افريقيا--طيب نحن نقعد زى الدراويش نتفرج وننتظر حتى يلفواالحبل حول اعناقنا- او نحاول جمع صفوفنا ومواجهة مشاكلنارغما عن الغباين----

[Hassan Farah]

المشاركة الأصلية كتبت بواسطة بابكر مخير

غايتو يابا إلا تكون عايزني؟؟؟
أبقى نعامة
أخويا مش يحاكموهم بس ويحاكمونا معاهم، إحنا الرضينا بي همهم وقرفهم
ود الخال، إنتو وأنا
ركبوبنا ما مركبنا
ختونا في مكانن ما محالتنا
بعد كنا محل تقدير والكتير الثنا
كل سمعتنا السمحة؟! البشير لجنا
دى يا أخي إبليس من عجيب عمايلو إنحنا
والشياطين هللت بيهو وقالت:
بختنا


عايز تتابع الي أخرهو؟؟؟؟

اولا يا الحبيب حاشاك من التشبه بالنعام --لكن بالرغم من الوجعة والظلم والضيم الوقع علينا -لن اوافق على فش غبينتا بايدى اجنبية--هذا الوطن ان لم نفلح فى حل مشاكله بانفسنا فلن نستحقه وبالمناسبة وانت تعلم انى زرت السودان العام الفائت واقول لك رغما عن الفساد الواسع الانتشار-- هناك تنمية-- هناك طرق تبنى--- هناك خزانات -هذه حقائق لا تخفى على احد ثم هناك عملية سياسية فى تطور -- الحزب الشيوعى-- حزب الامة كلها عقدت مؤتمراتها -وهناك انتخابات قادمة-- كل هذا ناتج عن النضال الصبور للشعب-- الاجانب يريدون ان يفرملوا كل هذا-- ادعو الجميع بالتحلى بالوطنية الحقة والوقوف فى وجه التدخل الاجنبى----