تحياتى اخى فى الانسانية
كتبت:
اقتباس:
المشاركة الأصلية كتبت بواسطة الجيلى أحمد
تحياتى اخى فى الانسانية
كتبت:
ماقدرتا افهم بشكل جيد خطابك عاليه,
بس الفكرة بتاعتو وصلتنى ..
وانا متفق معاك فى جزء ضخم منها, وذلك فيما يتعلق ب أو او او ..
فكلها تفتح دوائر السؤال وتشرع مقدرة التفكير والبحث دون عائق متخلف
وتابوهات بليدة..
الاله حاجة شخصية ياسيد
والايمان امر شخصى..
الدولة والمؤسسات بتاعتا ماعندها حاجة بتلزما بى قناعتك الشخصية دى..
لو داير ليك دولة تنجز ليك المشروع دا, أهو قدامك مشروع الجبهة الاسلامية
فى السودان الشقيق,
الحصل انو الدولة جرت
والناس جرو
وتحول المليون ميل مربع لى ملايين المقهورين
قهر يتوالد من قهر
ولاأحد يدرى قرار تهلكة الاسلام السياسى هذه
وتقول لى برضو الشريعة..
أنا ياشابحااديك اقتراح صغير
انت لو عاجباك الشريعة دى طبقا فى روحك
وفى الناس العندك عليهم سلطة, وشوف براك
قدر شنو انت حاتتحول لزول ميت همو الاوحد انو الناس الحولو تموت زييو
أول هام
بكون ماعندك حاجة اسما رأى تانى
انسان عايش براهو.. لأنو مافى ديمقراطية ببتصالح مع شريعة لاتقبل الرأى الآخر..
تانى هام بتلغى المجتمع الانسانى وارثو وحضارتو وكل الأشياء المتعوب عليها لملايين السنين وبتنسف المكتبات.. وتودر لى شهوة القراية بتاعت
البحث والبحيت..
وهو مايعنى انو مادام فى شريعة وقوانين سماوية, مافى داعى ذاتو لى وجودى أنا كبشر..
يعنى ياشاب ربنا كان من الاول من الفكرة دى ويعملا اوتاماتيك
تالت هام
أنا بفتكر انو الرب اكبر منك ومنى ومن كل الصراعات الأرضية
رابع هام ماتجى يازول هنا عشان تقشر بايمانك بى الله لأنو المسألة دى بينك وبينو ..
سادس هام وهو الاهم
كن دومآ بخير
|
اولا معليش على التاخر في الرد لانو ماعندي نت في البيت وامبارح انا اوف
يلا نجي لي كلامك الثمح
الفوق دا
انا ماحارد عليه لانو الحتة الواقف فيها خالد الصائغ و(بكه الذي) اذا اتحسمت
حاتنحلا كل العقد المربوطة في طريق الاسلام دي
لكن خليني ارد علي المقتبس الاتي
اقتباس:
المشاركة الأصلية كتبت بواسطة الجيلى أحمد
تشرع مقدرة التفكير والبحث دون عائق متخلف
وتابوهات بليدة..
|
الصراحة وصف الاسلام والتمسك بيه(صراحة ولا ضمنا) بالتخلف والرجعية
والبلادة..الخ بيزعل
ارجو انك تبتعد عنو
قصة وضع الحدود الاسلامية كمقدمة للوصول الى نتيجة ان الاسلام دين تخلف
تمهيدا لي تركه او عدم الاحتكام ليه دي قصة ميتة سايgap
ياشاب ياجذاب فكرة وجود الله عموما والاسلام خصوصا مدعومة بحجج عقلية
صعب انكارها الاسلام دين راعي الخلا ودين العالم
لانه بيستند على حجج عقلية صلبة في ذهن كل ذي عقل
يعني يكفي اني اقول ليك قال الله تعالى
(أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ)
او اقول ليك قال الله تعالى(أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ )
وما حايكون عندك رد وحانرجع للنقطة الوقف فيها خالد الصايغ وبابكر عباس(بكه الذي)
لكن انا حا امشي ابعد من كده شوية وبرضو حا احيلك للحجج العقلية
لكن بعد ما اوريك انك بعيد جدا من ماتدعي من عقلانية
طيب لو جينا لي العلم والمنطق بنلقا الكلام عن الحدود في الاسلام
او مايعرف بمشكلة الشر او فلسفة الشر (القاديننا بيه العلمانيين ومن لف لفهم)
بنلقاها عبارة عن معرفة نظرية (تنظير عقلي محض زي ماقال محسن خالد)
تنظير عقلي ظني غير يقيني غير قطعي تنقصه الحجة العقلية القوية
ويفتقر للدليل و المقدمات الضرورية (الفطرية الجبلية) البتساوى فيها العقلاء
قال شيخ الاسلام ابن تيمية « البرهان الذي ينال
بالنظر فيه العلم لا بد أن ينتهي إلى
مقدمات ضرورية فطرية فإن كل علم
ليس بضروري لا بد أن ينتهي إلى علم ضروري إذ المقدمات النظرية لو أثبت بمقدمات نظرية دائما لزم الدور القبلي أو التسلسل في المؤثرات في محل له ابتداء وكلاهما باطل بالضرورة واتفاق العقلاء من وجوه فإن العلم النظري الكسبي هو ما يحصل بالنظر في مقدمات معلومة بدون النظر إذ لو كانت تلك المقدمات أيضا نظرية لتوقف على غيرها فيلزم تسلسل العلوم النظرية في الإنسان والإنسان حادث كائن بعد أن لم يكن والعلم الحاصل في قلبه حادث فلو لم يحصل في قلبه علم إلا بعد علم قبله للزم أن لا يحصل في قلبه علم ابتداء فلا بد من علوم
بديهية أوليه يبتدؤها الله في قلبه وغاية البرهان أن ينتهي إليها» (درء تعارض العقل والنقل)
وكلامكم الفطير دا تتم صياغتو على شكل مقدمة ونتيجة(قالب فلسفي)
قطع يد السارق ورجم الزاني .... الخ هي ضد حقوق الانسان
(مقدمة)
الاسلام يأمر بها اذن الاسلام دين همجي رجعي غير صحيح الخ
(نتيجة)
واي زول عامل فيها عقلاني ويتبنى المستند العقلي الفطير دا بيقع في مغالطة او اكثر
من المغالطات العقلية التالية:-
1-Circular Logic الدور المنطقي
قطع اليد (منافي لحقوق الانسان ماسمح ماحلو ماظريف الخ) القال منو قال
( الامم المتحدة او الفلاسفة او المستنيرين او او او
(اي وهمة من الوهمات المحكومة بالزمكان))
طيب ليه قال كدا
قال كده عشان هو (منافي لحقوق الانسان ماظريف ماحلو مالذيذ الخ)
و دور بي حبيبي دور بي
2-Fallacy of Assertion الحنك العاضي
قطع اليد منافي لحقوق الانسان لانوهو فعلا منافي لحقوق الانسان(
)
3-argumentum ad populum اتباع نعاج( قطيع) العالم الغربي
قطع اليد (منافي لحقوق الانسان ماظريف بخوف
الخ) لانو في اوروبا والدول
المتغدمة مابيقطعوا اليد بملخوها ساي
ف شنو اختو الحنك العاضي والغلاط العقلي
الاسلام دين الله الخالد لي يوم القيامة وثبت بالادلة النقلية والعقلية القطعية
وكل ماذكر في القران هو الحق وكل ماهو سواه باطل باطل باطل
والتنظير العقلي(الظني) باطل وحكم الله هو الحق
قال تعالى(إن يتبعون إلا الظن وإن الظن لا يغني من الحق شيئا)
ومنطق الرد علي فلسفة الشر وكل انواع الحجاج العقلي
الغير منطقي العاضي الوهمي البليد الغبي زي البتعملوا فيهو هنا دا
ذكروا الله في القران
قال تعالى (وَكَيْفَ أَخَافُ مَا أَشْرَكْتُمْ وَلاَ تَخَافُونَ أَنَّكُمْ أَشْرَكْتُم بِاللّهِ مَا
لَمْ يُنَزِّلْ بِهِ عَلَيْكُمْ سُلْطَاناً فَأَيُّ الْفَرِيقَيْنِ أَحَقُّ بِالأَمْنِ إِن كُنتُمْ تَعْلَمُونَ)
وزي ما شايفين سيدنا ابراهيم ابطل الحنك العاضي بالاحالة لحجة اقوى واظهر
لان الخوف من الله جبلي فطري اولي قبلي حق على كل عاقل
والاحالة للحجة الاقوى معروفة عند الفلاسفة واستخدموها في نقض دعاوى فلاسفة الشك
المعرفي Skeptics
والفلاسفة المعاصرين بسموه Argument Shifting
او G. E. Moore's Shift
والاحالة(الشفتنج) بتكون لي حجة عقلية اقوى زي (قال الله) العندها بتتوقف الحجج
العبيطة العلى شاكلة الامم المتحدة والقطيع الغربي والاستنارة و و و و
ويبطل الكلام ويخنس الباطل ويندحر
ف شنو ما تتجملوا لينا بالعقلانية ساي
اظن كدا ممكن نرجع لي حتة البوست واقف
وننتظر (بكه الذي)
واخر هام وهو الاهم
كن دومآ بخير
