محمــود عبــد العزيــز .. (شاهــد من المدرجـات) ..

[أميرى]

المشاركة الأصلية كتبت بواسطة محي الدين عوض نمر

قلت لي يااميري تصافحكم الملئكة في الطرقات

الكلام دة ما بالنسبة ليك

ياخ برغم حبي لي حوته أبدا ما بحب أمشي ليو حفلة عشان ال(...) دي
البين القوسين حاجة كدة بي حرف اللام وماشة بي صيغة الجمع أسأل منها مهند

[nezam aldeen]

مسعد حنفي ياحبيب تحياتي كلما مررت عبر الحكاوي ،،

ربما يكون هناكـ وجه شبه بين محمود وخضر بشير انا لم انتبه له ،، ولكن ياحبيب أعدكـ بالبحث في الموضوع في ذات فرصة اخرى .

لكــ كل الأمنيات الطيبات وخليكـ قريب .

[nezam aldeen]

اقتباس:
المشاركة الأصلية كتبت بواسطة محي الدين عوض نمر
وهــــــى حيــاة محمود ،، كما كل أشياءه :
(أغانيه ،، جماهيره ،، حفلاته ،، وأشرطة الكاسيت ،،،
تصرفاته ،، حكاويه ،، ملابسه ،، أمزجتــه ... )

لا تخضــع لقوانيـــن العــاديــة ،
ولا تدخــل فــي أطــار المتوقع ..

هـــي بعــض المشاهــد وبعض الحكاوي ،
نرويهــا فربمــا كانت توثيقا لحيــاة أحدهــم يوما ما ..



يواصل ..

[ناصر يوسف]

بيد أنني أراه الآن يترسب من بين الأيادي
فمن يلحق به .. من ؟؟؟

وهذا ما ظللت أردده كل مرةٍ عن هذا الشاب الجميل

أللهم أشفه وعافه يا رحيم يا لطيف يا خبير
وتظل أكفنا مرفوععةً لرب العالمين بأن ينعم عليه بعاجل الشفاء

أكتب يا محي الدين عنه أكتب عنه كل شئ أكتب وحسب

وأدعو له الله بأن يمن عليه بعاجل الشفاء

[خضر حسين خليل]

ماغريبة يا محمود إذ هي نفس الرصة ونفس الجبهة ونفس الناس ونفس الأيام الرحل فيها (صوت المغني حزين) ، سبعتاشر يناير 1996 رحل أبو الهول مصطفي ـ ألفين واتناشر رحلو فيها ناس عظيمين بالحيل ، وخفنا عليك شديد ـ انت هسي بالكلام الحايم ده ما (فيها من عودة) خلاس شكلك مشيت بهناك .

يا محمود والله انت ما قصرت خالص انعشت وجملت ليالي الناس ـ سأظل انا خضر حسين مديناً لك بالكثير أولاها يامحمود انك كنت جزءاً أصيلاً من وجداني أولاها برضو إني كنت إحترمك كمغنٍ وكمطرب وكشاب عندو رسالة بقدم فيها في وطن مملوء بالأنبياء الكذبة . كنت زول براك راس مالك حنجرة ونوارس بعزفوا بي وراك راسمالك طيبة ورجالة سودانيين بعرفوا وين من المفروض انو يسوقوا خطاويهم عشان تمش الحياة خطوات ولا قدام ولا قدام .

انت سويت العليك وأكتر ومافي ـ لا حزب لا كذب لا ايتها كائن ممكن يزايد علي القدمتو ـ انت قدمت شغل كويس والقدمتو ده يا محمود في جماعات واحزاب وفرادي ما قدموه ـ ما حأقول ليك قدمت الوعي لشعبك ولا حأقول ليك قدمت التضحيات ولا عايز اقول ليك قدمت الوطن ـ يكفيك يا ود المزاد انك غنيت ـ قدمت صوتك لي شعبك ـ قدمت عشمك قدمت ياخ روحك للناس ـ وقفت براك ـ غنيت براك ـ سويت براك ـ ياخ إنت السويتو ماشوية يا ود ابوك .
يامحمود
لو وشوش صوتت الريح في الباب
بسبقنا الشوق قبل العينين

ــــــــــــ
شكراً يا محي الدين لهذا النفاج الصادق

[مبر محمود]

لمحمود المحبة، المحبة والأغنيات!
شكراً ياعكود على رفع محمود عالياً، شكراً على لفتة التضامن النبيلة.

[أبوصفوان]

المشاركة الأصلية كتبت بواسطة فتحي مسعد حنفي

محمود عبد العزيز أراه امتداد لعبقرية خضر بشير فكلاهما يغني لنفسه

فتحي مسعد حنفي
كلام من ذهب ، هذا هو الابداع في أعظم تجلياته