اسامة الكاشف ..

[imported_أسامة الكاشف]

(تسخين للبوست وكده)

الأسايطة كيشو وكباشي
خضنا معاً غمار تجربة اثرت وجداننا جميعاً
لا أعتقد أن اي منا سيختار (لو قدر له)
ان يعيش تجربة مغايرة
اقتسمنا اللقمة وهم الوطن
كل من موقعه
اختلفنا حول الوطن واجتمعنا على حبه
لذا لم تكن خصومة فاجرة
كان خلاف محبة
ربنا يديم الود

[imported_أسامة الكاشف]

الأعزاء جيلي والفاتح
التقينا على وتر الكلام
تعارفنا عبر اثير ديوان خالد الحاج
رأيناكم رؤية البصيرة والقلب
لذا أحببناكم
سوسيولوجيا العلاقة الناشئة
عبر الأسافير تحتاج بحثاً
لماذا عزفتم لحني على وتر الروح
وتغلغلتم بين شغاف القلب
حتى تتسببوا لي بهذا الألم الجميل


حاشية:
غايتو خرمة سودانيات دي يا ناس مدني أخير منها خرمة صعود "عبد الحق"

[imported_فيصل سعد]

المشاركة الأصلية كتبت بواسطة أسامة الكاشف

حاشية:
والله يا أمال
خوفتيني عليك
يقوموا ناس ودسعد والخواجة الحاقدين ديل
يلبدو ليك تاني في البوستات
لكن غايتو لو فزت
بفتح ليك نافذة براك
وكان ما فزت بتسدر ليك
وأي شنكبة عنكبة
ألم ليك جيش اسايطة معتبر مسلح بالشوم
والموقع ده يولع شرار
تسلمي يا بت الشيخ

ما للدرجة دي يا حبوب
اي نعم نحن حاسدينك و بغرانيين
و كدا

و انت تستحق الشكر و الثناء
و التقدير يا اسامة لفكرك و عطاءك
الباذخ، و تأكد بان اي نتيجة في هذه الانتخابات
مكسبا للديمقراطية و المؤسسية و الشفافية و
تثبيتا لاركانها في هذه الديار ..

مجدد التحايا و
التوفيق للجميع ..

[imported_طارق صديق كانديك]

فقط لتسجيل تقديري واحترامي لقلم هذا الرجل الجميل .. !!

يقيني أن كل من في القائمة يستحق الفوز ... !!

غايتو أدينا واجب الممارسة .. وكم كنا نتمنى أن نكون بين أمثالكم لكنها الأشياء لا تأتي كما نحب .. !!

تحياتي لأسامه الكاشف ..

تحياتي يا آمال الشيخ . !!

مع التقدير

[imported_AMAL]

المشاركة الأصلية كتبت بواسطة كيشو

[align=justify]الأسايطة عندهم مرشحين اتنين هما أسامة الكاشف وشبارقة
وشبارقة دا كوم براهو، قمة في الرزانة وحسن الخلق جعله يحظى باحترام الطلاب في أسيوط، وقد كان رئيساً لأسرة الإنقسنا التي تضم الطلاب السودانيين بكلية العلوم بجامعة أسيوط
أعرف أن أسامة وشبارقة "عاصم" يشكلون دعماً لسودانيات لأنهم يعرفون كيف يخلقون علاقات اجتماعية بعيدة عن الانتماءات السياسية التي أفقدت السودان مساحات من الإبداع والتطور والرقي[/align]

سلام تاني ياكيشو

ماعندنا كلمة تب في شبارقة

انا كسرت تلج لي اسامة

راقد عندنا اليومين ديل

يلا كسر انت لي شبارقة

تحياتي لعموم الاسايطة

ووجودهم ضرورة في المجلس

[imported_AMAL]

المشاركة الأصلية كتبت بواسطة الجيلى أحمد

صباح الخيرات
امال ومى وشيخنا كيشو

اسامة الكاشف يستحق الاحتفاء
وتصويت الناس له ,
فقد عرفناه اديبآ لايشق له غبار
وسياسيآ
وزميلآ طيب الكلمة , متقن لمعنى مايود ايصاله

له صوتى معكم


__________________________

فى حقيقة الامر ان كل الرشحين والمرشحة
من الصعب الاختيار بينهم..

فلهم التحية جميعآ لتصديهم للمسؤولية بحس
عال
رغم مشاغلهم

اتفق معك ياجيلي في صعوبة الاختيار

كلكم اقمار والله

بس اسامة لديه رؤية حول ادارة المنتدي

طرحها هنا

واستفدنا كثيرا في المجلس السابق من طرحه الموضوعي
ومساهماته النيرة في نقاش اللائحة

لذلك اري ضرورة وجوده في المجلس

تحياتي ياجيلي

[imported_AMAL]

المشاركة الأصلية كتبت بواسطة شليل

كل سنه وإنتي طيبة..
وين مسجلة غياب..

مع إحترامي وتقديري لكل المرشحين
وأمنياتي الطيبة ليهم بالفوز
إلا إنو أسامة الكاشف
بيمتلك قلم واعي وعميق ومتميز بطرحو
تواجدو ضروري في مجلس الإدارة..

سلام يافاتح وماك طيب

الغياب هو المسجل ياخ

احاول اقتلاع بعض الوقت

وكلو يهون في حب سودانيات التي اكتشفت ان الخروج منها ليس كالدخول اليها ابدا

تحياتي لكل المرشحين

ولاسامة صوتي جهرا

[imported_AMAL]

المشاركة الأصلية كتبت بواسطة kabashi

[align=justify]الأخت امال
تحياتي
الاخ أسامة الكاشف هو أهل لهذه الثقة فهو فوق إمتلاكه ناصية البيان صاحب روح مرحة ونفس تواقة للعطاء فقد ظل يبزلها في الحركة الطلابية غير أبه براحتها فخلد في ذاكرة الطلاب السودانين بمصر في مقدمة المناضلين الذين أثروا الحركة الطلابية ثقافة ووعي وكفاح مهما كان الثمن .
فله التحية [/align]

سلام كباشي

واعزاز

السودانيين بقولو

انشالله يوم شكرك مايجي

بس اعتقد ان سيرة اسامة السمحة تستحق الاحتفاء

ودا مايوم شكرك ياود الكاشف

[imported_أسامة الكاشف]

غايتو بالطريقة دي يا بت الشيخ يوم بتكتلي ليك زول
دقة نحاسك تخلي الزول يثبت للبطان
(رغم إني ربع جعلي)
تسلمي

ود سعد يا راقي
كلنا عارفنك معسكر حارسنا
ومراعي المنتدى وسهران عشانا
إنت لو في المجلس ولا ما فيهو
شريانك بنزف سودانيات
محل ما تكون بتسد

كانديك .. الدم لي الدم بحن
طالع من جوف المدينة الما بتعرف تهادن
وما بترضى أنصاف الحلول
تسلم يا راقي

[imported_طارق صديق كانديك]

المشاركة الأصلية كتبت بواسطة أسامة الكاشف

كانديك .. الدم لي الدم بحن
طالع من جوف المدينة الما بتعرف تهادن
وما بترضى أنصاف الحلول
تسلم يا راقي

كنت فيها منذ أيامٍ قليلة .. اذ كم أهوى هذه المدينة الوطن .. !!

كم سعدت حين التقيت صديقي ورفيقي الجميل محمد أحمد الهادي .... (جاد ) من بعد غيابٍ طويل لأكثر من اثني عشر عاماً .. !!

ثم شهدت فيها ليلة من ذات الليالي حين اجتمع حشدٌ من الرائعين على رأسهم الشاعر الانسان محمد نجيب محمد على واستاذ عبد العظيم عبد القادر ولفيف من شعراء المدينة الولود .. !!

كنت برفقة الدكتور طارق مصطفى ( سوسيو ) وهو يصنع الجمال والقفشات في فرحٍ لذيذ .. !!

وهي قد أنجبت أمثالك .. !!

آسف للاطالة والتداعي لكنه الحنين لا ينفك يؤزنا اليها ما وجدنا اليها سبيلا .. !!

احترامي

[imported_رأفت ميلاد]

المشاركة الأصلية كتبت بواسطة كيشو

[align=justify]الأسايطة عندهم مرشحين اتنين هما أسامة الكاشف وشبارقة
وشبارقة دا كوم براهو، قمة في الرزانة وحسن الخلق جعله يحظى باحترام الطلاب في أسيوط، وقد كان رئيساً لأسرة الإنقسنا التي تضم الطلاب السودانيين بكلية العلوم بجامعة أسيوط
أعرف أن أسامة وشبارقة "عاصم" يشكلون دعماً لسودانيات لأنهم يعرفون كيف يخلقون علاقات اجتماعية بعيدة عن الانتماءات السياسية التي أفقدت السودان مساحات من الإبداع والتطور والرقي[/align]

سلامات يا أمال
رغم شبارقة قطعة بحر مننا .. وأسامة نص مدنى .. دى ما بتخلينى متحير فى التصويت ..
أسامة نعم .. وشبارقة نهى ومليون نهى ..

ماتقول لى يا كيشو شبارقة قمة شنو وأسيوط منو .. ياخ ده متلحنى فى الواحدة وهو برة المجلس .. يعنى كان دخل يجيب لى إعدام ..
يدى على قلبى مراقب إنتخابات عادل عسول .. واحد ظلامى والتانى عروبى .. ما شفته فى بوست حاتم .. بلا عطبرة بلا مسخرة بلا عمال فى إجازة

إحنا معاك يا ود الكاشف

[imported_أسامة الكاشف]

تسلم يا طارق
وعوداً حميدا

تسلم يا رأفت
لكن تعرف الأسايطة ديل ممكن تقدر عليهم
كل ما تلقى نفسك قريب من بوستهم أديهم غشوة
شوف كان ما الضبايح لي حد الباب
غايتو لو زرتنا بي هناك
حتكون ضيف عزيز
وشبارقة ده كان ما كفاك الترحاب
بقيف ليك تعظيم سلام
وكل ما تلاقيه في بوست
ذكره بالزيارة حيجر واطي
ديل الطريقة الوحيدة البتكفيك شرهم هي المحنة
فخليك حنين وما تعصر علي شبارقة شديد

[imported_شبارقة]

المشاركة الأصلية كتبت بواسطة AMAL

http://sudanorg.tk/vb/showthread.php?t=10079
الكثيرون هنا لا يعرفونه

[align=justify]نعم ... ولكننا نعرفه عن كثب ... فقد كان زميلا ً لنا إبـّان دراستنا الجامعية ... وكنا أولاد دفعة .. تميز بالأخلاق الفاضلة والأدب وحسن السلوك .

عرفناه مناضلا ً ثوريا ً ... متحدثا ً لبقا ً ... وخطيبا ً مفوها ً بإسم الجبهة الديمقراطية ضد نظام النميري في ذاك الزمن ... كنا شبابا ً وحديثي عهد بالسياسة ولكنني كنت معجبا ً بإثنين ممن يمتلكون ناصية الحوار في أركان النقاش والجمعيات العمومية... هما أسامة الكاشف وإبراهيم فتح الرحمن ... إطمأن إبراهيم فتح الرحمن لوجود أسامة في الساحة فأنتقل لجامعة الخرطوم ليثري أركان نقاشها هي الأخرى.

كان أسامة يردد في خطاباته الثورية تلك : الوحش يقتل ثائرا ً و الأرض تنبت ألف ثائر يا كبرياء الجرح لو متنا لحاربت المقابر .... هل تذكرها يا أسامة ؟

شكرا ً يا آمال ... شهادتنا فيه مجروحه ولكنه علما ً على رأسه نار.
[/align]

[imported_شبارقة]

المشاركة الأصلية كتبت بواسطة كيشو

[align=justify]أعرف أن أسامة وشبارقة "عاصم" يشكلون دعماً لسودانيات لأنهم يعرفون كيف يخلقون علاقات اجتماعية بعيدة عن الانتماءات السياسية التي أفقدت السودان مساحات من الإبداع والتطور والرقي[/align]

[align=justify]شكرا ً مولانا عصام ...

تشرفنا بمعرفتكم عن قرب .. شخصك الكريم وقريبك ود الكاشف .. وكم نتوق للتلاقي مرة أخرى ..

شكرا ً لسودانيز أون لاين التي جمعتنا بكم في البداية وشكرا ً لسودانيات التي وهبت لنا دارا ً ومستقرا ً ومتاع ... صدقا ً أنتما إضافة حقيقية لسودانيات ولكل موقع في الحياة ... فلكما الصدر دون العالمين أو القبر .
[/align]

[imported_شبارقة]

المشاركة الأصلية كتبت بواسطة رأفت ميلاد

أسامة نعم .. وشبارقة نهى ومليون نهى ..

[align=justify]

في النكتة قال ليهو : هنا نبكـِّيك وهناك نبكـِّيك

غايتو بره ولا ّ جوه ..فأنا وراك وراك والزمن طويل ...

ون قـَنقْ قضارف

غايتو (ون قـَنقْ) دي إلا تستعين في نطقها وترجمتها بسارة

شكرا ً لصراحتك وشفافيتك ... لكن برضو ما ح يشفعن ليك ... ح ألبد ليك في اللفة ... والمدفونة بتكسر المحرات ... والمكتولة ما بتسمع الصايحة [/align]