لماذا عبرت الدجاجة الطريق ؟

[معتصم الطاهر]

و لماذا لم يمهد لها " عمر الطريق" ..؟

[معتصم الطاهر]

تعبر الجدادة الطريق لتأكل فقط

فالدجاج لا يسعى للديك عادة و لكنه يستميله ( مع الاعتذار لناس بابكر فى التخصص) ..- جنس بشتنة -

و و تعبر لتأكل من الكوشة و الببارى الجداد بوديهو الكوشة

و لا تخرج الجدادة لتطلق رجليها ولا هملة ساى .. فإذا وجدت أكلها اكتفت عند أهلها ..

و ما دام فى كوشة فيها باقى أكل فالدني بخير ..تبقى المشكلة فى ناس البيت

طيب لو الكوشة أو بهناك للشارع مافى حاجة تاكلها أو ديك ..

ثم الجدادة قطعت الشارع ولا اغتربت .. الفرق واحد ؟

[معتصم الطاهر]

و ليه جدادة ما ديك ؟

[imported_أسعد]

ورد في كتاب (بليلة وسمنة)
ان جدادة متمردة قررت ان تقطع الطريق
فقامت قالت ليها امها (مخييييييرة لو قطعتي الطريق الناس بتشيل حالك)
قامت الجدادة ما سمعت من كلام امها وقطعت الطريق
اها من اليوم داك الناس شايل حالها ليوم الليلة




*يستفاد من القصة دي
انو الما بتسمع كلام امها الناس بتشيل حالها

[عبدالمنعم الطيب حسن]

المشاركة الأصلية كتبت بواسطة وجدي الأسعد الأسعد

وعقبال ما جدادتي تجازف وتقطع طريقا
لان ديكا ينتظرها في الضفة الاخرى

ارى ثمة دجاجة على وشك العبور
وديك على وشك العثور

قال ثم من قال
كتاكيت تمور

شكرا وجدي على المرور

[شليل]

المشاركة الأصلية كتبت بواسطة عبدالمنعم الطيب حسن

ارى ثمة دجاجة على وشك العبور
وديك على وشك العثور

قال ثم من قال
كتاكيت تمور

شكرا وجدي على المرور

أيه الشعر ده يا ود قبور!

[عبدالمنعم الطيب حسن]

المشاركة الأصلية كتبت بواسطة حسين عبدالجليل

اشاعة مغرضة في حق جداد الناس .
فالتي عبرت الطريق كانت دجاجة خلوية مطلوقة ساكت .
أما الدجاجة المنزلية , جدادة الناس المحترمين فلا تخرج من منزلها أبدا .

يعني جدادة البيت طردت جدادة الخلاء وعكست المثل
فقامت الاخيرة وعبرت على مضض

[عبدالمنعم الطيب حسن]

المشاركة الأصلية كتبت بواسطة رأفت ميلاد

منعم سلامات

أنت متأكد هى جدادة ولّ غنماية .. يمكن أنت لخبطتا والمقصود غنماية المقرن .. شوف عينى بتقيف فى حافة الظلط وبتكحل الشارع يمين وشمال قبال تقطع .. وكات جه بص بترجع لا ورا

نبيع الطماطم في سوق بحري وراينا غنمايات السوق تتلفت اليوم كلو
وهي مطمئنة وسط الحشود ... فكنت اقول للذي يتلفت كثيرا يازول مالك بتتلفت زي غنماية السوق .. وصلحني صديق من الجزيرة بان الذي يتلفت يتلفت هو جمل العصارة
ولكن تلك التي عبرت هي دجاجة والسؤال لماذا عبرت ...

[عبدالمنعم الطيب حسن]

المشاركة الأصلية كتبت بواسطة بابكر عباس

في محاولة منها لتحل محل اللحوم الحمراء في بلد تُقدر ثروته (الحمراء) ب103 مليون رأس!

الاسرة السودانية تاكل 1/4 لحوم حمرا كل اربعة ايام
يعني 1/16 من الكيلو كل يوم لو متوسط الاسرة 3 افراد فكل واحد قطعة لحم كاملة
اقل من 5 جرام ....
لو وجد الشعب اللحوم البيضاء لاكلها نيئة ...
بلد بها 100 مليون فدانا خصبا وكيلو طماطما ب25 الف جنيه
فتامل ...
لابد انها عبرت لان هنالك مشكلة ...

[عبدالمنعم الطيب حسن]

المشاركة الأصلية كتبت بواسطة معتصم الطاهر

و لماذا لم يمهد لها " عمر الطريق" ..؟

هذا لو انها عثُرت
ولكنها عبرت يبدو انها خافت منه ان يشويها وياكلها
هو واخوتن له
ثم يعطي الباقي لناس لها خبرة زي دا

http://sudanyat.org/vb/uploaded/2307_1346092769.jpg

[ناصر يوسف]

جدادتنا كاكت وباضت وطردت جدادتكم من الكَر ،، تقدر جدادتكم تكاكي وتبييييض وتطرد جدادتنا من الكَر ؟؟

كُر عليكم يا عيال عمي ،،، بقيتو بيييييييييض X بيض

والنعمنو كدي المرقت منكم ،،،، ما بتمرقلها من الجداد حِبيبة مرَقَه

هو صحي الجدادة عبرت الطريق ليييييه ؟؟؟

يمكن لابدالها فوق راي