بعض وصفات التداوي بالأعشاب

[عكــود]

..... ناخد بريك ونواصل إن شاء الله

[عكــود]

المشاركة الأصلية كتبت بواسطة عكــود

سلام جنابو،

القرض فعلا سرو عجيب وما ناسيهو، بس كويس إنك شرحت فوايدو وطريقة استخداماتو، بما فيها الملاية القديمة .
وما دام جبت طاريهو، أضيف ليك فايدة أخرى فعالة خالص لامتصاص الحِبِن والنشرة
والورم الخازن.
تغلي حبات القرض حتى يتحول لون الماء للبني الغامق.
يترك ليبرد، ثم تغمر قطعة شاش في المحلول حتى تتشرب تماماً.
تلف موضع الورم بالشاش وتربطه عليه. نتيجتو فعالة وفورية، ينزّل كل الصديد الخازن في الورم وتشعر بالراحة.
من فوائده أيضاً عرفت إنو فيه علاج للسحائي، حمانا الله وإياكم، لكن ما عارف طريقتو.

تسلم جنابو والمسوح ما يكون فقط بالقرض وزيت السمسم

إضافة:

محلول القرض يفيد أيضاً أورام الأضراس والأسنان.
تعطن قطعة من القطن وتضعها على الضرس وتضغط عليها وتتركها أطول فترة ممكنة، وبالشفاء إن شاء الله.

[عايد عبد الحفيظ]

سلاااام يا عمدة
أنا حفيد التيمان بأمى لها الرحمة والمغفرة
آمنة خالد حمزة رحمة
حمزة واحد من التيمان واللى هم فى حقيقتهم
ما تيمان ، أشقاء ما بتفارقوا إلا فى النوم .
أومن بالأعشاب وعندى معاها قصة
فى التسعينات وأنا فى عطبرة جاتنى ألآم بالبطن
مقاومة لكل أدوية ، حبوب او حقن، والألم بزيد مع الأكل
تابعت مع أخصائيئ الباطنية بعطبرة ومستعمل كل
الوصفات البلدية خصوصاً الحلبة ، اخدت منها كميات
مهولة.
بعد شهرين مع الألم وتوقفى من الأكل حولونى لبروف
سليمان صالح فضيل ، الوقت داك شخصت نفسى
بسرطان فى المصران وقلت للبروف، ضحك وقال
لى إتوهمت .بعد إسبوعين عمل لى منظار فى إبن
سينا وكان مديرها العام الوقت داك .
المصران كان نضيف لكن متهيج،قال لى أبعد من
الأدوية الكتيرة والتوتر، قلت ليه الأدوية ساهلة
المشكلة التوتر .
إطمأنيت لكن الوجع ماراح والإسهال الموية مستمر مشيت لخال لى فى سوق أمدرمان .
شارع العطارات، شكيت ليه برضو ضحك مع إنو يا عمدة
حالى ما كان بضحك ،ضعفت لدرجة بقيت ما بقدر البس
بنطلون، عضام وشى ظهرت ، أدانى عسل نحل طلب آخده
الصباح على الريق بدون موية لفترة، وأدانى حاجة كده إسمها
النخوة الهندية بعد كل وجبة، يومين تلاتة والفسحة إتماسكت
والألآم إختفت ورجعت آكل
للوجع كان بسوقونى مستشفى يدونى مورفين أوبثدين
كان ممكن أدمن .
النخوة الهندية ما فارقتنى فى قعادى وسفرى وحسى
محتاج ليها .

[بابكر مخير]

المشاركة الأصلية كتبت بواسطة عكــود

سلام حبيبو،
صاح كلامك ونبهت للنقطة دي في شرح الطريقة.

.

يا ريت لو أدليت بدلوك معانا، وإن كان أنا عارف أخواننا الدكاترة والصيادلة حذرين في التعليق على الأدوية البلدية ما لم تكون مدعمة بدراسات معتمدة.

تسلم حبيبنا

يابا الحبيب، فعلا مرت عليا. إتا سيد العارفين بحال عمك (طبعا الأحنا "خالك") الشوف طشاش والسمع ما بنقاس وخليها علي الكريم يرحمنا من الخسيس الوسواس..
أها بتذكر في مكان ما في سودانيات، ذكرت أنه الزعيم أزهري كان ديمة بيجي لإبراهيم قاسم في إجزخانة أمدرمان لمن يكون حاسسس بي شيء والوالد في أغلب الاحيان ينصحة بأعشاب وأظني برضك ذكرتا ما يفيد بأن من 1075 لين 2021 وأنا صيدلي، مجال عملي في مكافحة المخدرات..
ساعدت في علاج "النشرة" وهي بتكون ذي رايش في طرف ضفر اصبع اليد وبيألم وقد يصل لي درجة إلتهاب... البحصل بالحشيش وتذوبه في إيثر الكحول وفي شاشة تلف بيهو المكان. بالكتير لي باكر، تلقى الوسخ كل يتجمع وبي طرف أبرة "معقمة" تقد الجلد ويخرج الوسخ ولمن يكون دم يعني الحتة نضفت.
طبعا لو زول بيضرب سجارة خضرا، براهو الوسخ بتجمع وممكن يشيله بالابرة دون عملية التجميع بالتقنية السابقة. ضغط دم العين برضها علاج الخضراء وهي كذلك مسكن للألم ونصح إستعماله لمرضى السرطان لتخفيف الألم وما ننسى اللبخة منهو في موقع عين السمك في جلدة القدم برضها علاج.
أمشي تاني أسألني ووالله؟ إلا نبقآ علي المريسي والكونياك والشوتات بتاع الإسلوفافيتسا وهي أشد فتكا من التكيلا والعرق المر وتصنع من البرقوق (Prunes) وهي "مُلين"

[عكــود]

المشاركة الأصلية كتبت بواسطة عايد عبد الحفيظ

سلاااام يا عمدة
أنا حفيد التيمان بأمى لها الرحمة والمغفرة
آمنة خالد حمزة رحمة
حمزة واحد من التيمان واللى هم فى حقيقتهم
ما تيمان ، أشقاء ما بتفارقوا إلا فى النوم .
أومن بالأعشاب وعندى معاها قصة
فى التسعينات وأنا فى عطبرة جاتنى ألآم بالبطن
مقاومة لكل أدوية ، حبوب او حقن، والألم بزيد مع الأكل
تابعت مع أخصائيئ الباطنية بعطبرة ومستعمل كل
الوصفات البلدية خصوصاً الحلبة ، اخدت منها كميات
مهولة.
بعد شهرين مع الألم وتوقفى من الأكل حولونى لبروف
سليمان صالح فضيل ، الوقت داك شخصت نفسى
بسرطان فى المصران وقلت للبروف، ضحك وقال
لى إتوهمت .بعد إسبوعين عمل لى منظار فى إبن
سينا وكان مديرها العام الوقت داك .
المصران كان نضيف لكن متهيج،قال لى أبعد من
الأدوية الكتيرة والتوتر، قلت ليه الأدوية ساهلة
المشكلة التوتر .
إطمأنيت لكن الوجع ماراح والإسهال الموية مستمر مشيت لخال لى فى سوق أمدرمان .
شارع العطارات، شكيت ليه برضو ضحك مع إنو يا عمدة
حالى ما كان بضحك ،ضعفت لدرجة بقيت ما بقدر البس
بنطلون، عضام وشى ظهرت ، أدانى عسل نحل طلب آخده
الصباح على الريق بدون موية لفترة، وأدانى حاجة كده إسمها
النخوة الهندية بعد كل وجبة، يومين تلاتة والفسحة إتماسكت
والألآم إختفت ورجعت آكل
للوجع كان بسوقونى مستشفى يدونى مورفين أوبثدين
كان ممكن أدمن .
النخوة الهندية ما فارقتنى فى قعادى وسفرى وحسى
محتاج ليها .

سلااام دكتور،
الحمد لله إنو واحد دكتور + واحد صيدلاني إتداخلوا وكتبوا تجربتهم .

اجدادك التيمان قدموا خدمة عظيمة للمجتمع السوداني، ربنا يرحمهم ويحسن إليهم.
النخوة الهندية أول مرة أسمع بيها، حأضيفها لمعلوماتي وصيدليتي المنزلية بس ورينا المقادير وطريق الإستخدام.
زي ما قال جنابو النور، كل الأمراض في ليها علاج من الطبيعة، بس كيف نعرفها ونعرف طريقة إستخدامها، وصدق رسول الله عليه أفضل الصلاة وأتم التسليم وهو القائل (إن الله لم ينزل داء -أو لم يخلق داء- إلا أنزل -خلق له- له دواء علمه من علمه وجهله من جهله، إلا السام) قالوا: يا رسول الله وما السام؟ قال "الموت".

[عكــود]

المشاركة الأصلية كتبت بواسطة بابكر مخير

يابا الحبيب، فعلا مرت عليا. إتا سيد العارفين بحال عمك (طبعا الأحنا "خالك") الشوف طشاش والسمع ما بنقاس وخليها علي الكريم يرحمنا من الخسيس الوسواس..
أها بتذكر في مكان ما في سودانيات، ذكرت أنه الزعيم أزهري كان ديمة بيجي لإبراهيم قاسم في إجزخانة أمدرمان لمن يكون حاسسس بي شيء والوالد في أغلب الاحيان ينصحة بأعشاب وأظني برضك ذكرتا ما يفيد بأن من 1075 لين 2021 وأنا صيدلي، مجال عملي في مكافحة المخدرات..
ساعدت في علاج "النشرة" وهي بتكون ذي رايش في طرف ضفر اصبع اليد وبيألم وقد يصل لي درجة إلتهاب... البحصل بالحشيش وتذوبه في إيثر الكحول وفي شاشة تلف بيهو المكان. بالكتير لي باكر، تلقى الوسخ كل يتجمع وبي طرف أبرة "معقمة" تقد الجلد ويخرج الوسخ ولمن يكون دم يعني الحتة نضفت.
طبعا لو زول بيضرب سجارة خضرا، براهو الوسخ بتجمع وممكن يشيله بالابرة دون عملية التجميع بالتقنية السابقة. ضغط دم العين برضها علاج الخضراء وهي كذلك مسكن للألم ونصح إستعماله لمرضى السرطان لتخفيف الألم وما ننسى اللبخة منهو في موقع عين السمك في جلدة القدم برضها علاج.
أمشي تاني أسألني ووالله؟ إلا نبقآ علي المريسي والكونياك والشوتات بتاع الإسلوفافيتسا وهي أشد فتكا من التكيلا والعرق المر وتصنع من البرقوق (Prunes) وهي "مُلين"

تحياتي يا حبيب الكل، ورحم الله والدكم والزعيم الأزهري.
يا (خال) لسع أملنا فيك كبير ربنا يمتعك بالصحة والعافية ويطوّل عمرك في الطاعات.
علاج النشرة بالحشيش، دي جديدة علي وبالتأكيد عندو خاصية مشابهة للقرض، في علاج النشرة وتجميع الصديد، أكرمكم الله، بس ما معروفة للعامة + صعوبة/خطورة الحصول عليه، وحيازته بتدخلك في حيص بيص، أسهل لينا القرض ده سُترة وصُلحة.

بمناسبة القرض، أيام كنت في مدينة الرويس كنت بتمشى كتير والرويس مكتظة بالأشجار، يوم ماشي شعرت بأني بمشي على ثمر من الشجرة الماشي تحتها، عاينت لقيت الأرض مفروشة بالقرض، طبعا تاني يوم جبت كيسي وجيت مليتو.
الرويس فيها كمية كبيرة من أشجار القرض والنبق.

اما عن الشوتات بتاع الإسلوفافيتسا، تسمى في رومانيا balinka de prune وهي كما وصفت حسب ملاحظاتي.

أبقى طيب

[الجيلى أحمد]

أمس سادي وردية ليل، جبتا دفتري وسجلتا الوصفات دي كلها.
متابع بإهتمام لكل حرف يكتب هنا،
دا من أمتر البوستات المفيدة ياعمدة
شكرا ليك ولكل المتداخلين

[عكــود]

المشاركة الأصلية كتبت بواسطة الجيلى أحمد

أمس سادي وردية ليل، جبتا دفتري وسجلتا الوصفات دي كلها.
متابع بإهتمام لكل حرف يكتب هنا،
دا من أمتر البوستات المفيدة ياعمدة
شكرا ليك ولكل المتداخلين

سلام يا جيلي،
خليك قريب ولسع الجراب مليان.

فتحت البوست في المنتدى عشان الناس ترجعلو وانا ذاتي ارجعلو عند الحوجة.
ربنا يبعد المرض ويشفي كل مريض.

[عكــود]

لعلاج الإمساك عليكم بالحرجل، يغلى ويشرب ساخناً وأنصح بجعله أساسي بإضافته للشاي باللبن وحتى الشاي الأحمر، يكسبه طعم لذيذ خالص خاصة مع الشاي باللبن المقنن، أما إضافة القرقوش والمنين، فهي في حكم المستحب ولا علاقة له بعلاج الإمساك .
هنا في الخليج يسمونه الحَلول ومن عوايدهم غليه وتناوله كل فترة والتانية لتنظيف الباطن حتى ولو لم يعانوا من الإمساك.

من البذور المتعددة الفوائد، هي بذور الشيا، لو بحثتوا عنها في القوقل أو اليوتيوب تكتشفوا العجب! فهي مليّن طبيعي لاحتوائها على الألياف، وأيضاً وقاية ممتازة للبروستاتا وتساعد في صحة القلب وتخفيف الوزن. الإنتظام على تناولها يبعد عنك الإمساك تماماً بإذن الله بالإضافة لفوئدها المتعددة الأخرى.
ملعقة كبيرة منها في كوب من الماء أو الحليب الساخن يتُرك لنصف ساعة أو أكثرثم يتم تناولها.

اضغط هنا لمعرفة المزيد عن فوائد بذور الشيا

ممكن أيضاً إضافتها للشوفان بالحليب (الشوفان نفسه غني بالألياف ومليّن طبيعي)، وهنا ممكن تضيف عليهم ملعقة من بذور الكتّان وملعقة من حب الرشاد وديل بجي لفوائدهم وطريقة إستخدامهم في مداخلة لاحقة.

أبقوا طيبين

[أمير الأمين]

المشاركة الأصلية كتبت بواسطة عكــود

لعلاج الإمساك عليكم بالحرجل، يغلى ويشرب ساخناً وأنصح بجعله أساسي بإضافته للشاي باللبن وحتى الشاي الأحمر، يكسبه طعم لذيذ خالص خاصة مع الشاي باللبن المقنن، أما إضافة القرقوش والمنين، فهي في حكم المستحب ولا علاقة له بعلاج الإمساك .
هنا في الخليج يسمونه الحَلول ومن عوايدهم غليه وتناوله كل فترة والتانية لتنظيف الباطن حتى ولو لم يعانوا من الإمساك.

من البذور المتعددة الفوائد، هي بذور الشيا، لو بحثتوا عنها في القوقل أو اليوتيوب تكتشفوا العجب! فهي مليّن طبيعي لاحتوائها على الألياف، وأيضاً وقاية ممتازة للبروستاتا وتساعد في صحة القلب وتخفيف الوزن. الإنتظام على تناولها يبعد عنك الإمساك تماماً بإذن الله بالإضافة لفوئدها المتعددة الأخرى.
ملعقة كبيرة منها في كوب من الماء أو الحليب الساخن يتُرك لنصف ساعة أو أكثرثم يتم تناولها.

اضغط هنا لمعرفة المزيد عن فوائد بذور الشيا

ممكن أيضاً إضافتها للشوفان بالحليب (الشوفان نفسه غني بالألياف ومليّن طبيعي)، وهنا ممكن تضيف عليهم ملعقة من بذور الكتّان وملعقة من حب الرشاد وديل بجي لفوائدهم وطريقة إستخدامهم في مداخلة لاحقة.

أبقوا طيبين

لالام وأمراض البطن افضل علاج مجرب هو قشر الرومان اليمني المجفف..ربع ملعقة صغيرة مرة واحدة سفوفة او مذاب في ماء أو مرتان في حالة استمرار الأعراض

[عكــود]

المشاركة الأصلية كتبت بواسطة أمير الأمين

لالام وأمراض البطن افضل علاج مجرب هو قشر الرومان اليمني المجفف..ربع ملعقة صغيرة مرة واحدة سفوفة او مذاب في ماء أو مرتان في حالة استمرار الأعراض

سلام أمير،
قشر الرمان المجفف ما جربتو وبضيفو لمعلوماتي وممكن يكون مفيد لأمراض أخرى أيضاً.
لكن باقيلك الحصول عليهو أسهل من الحصول على الحرجل!
المهم إنو الاتنين مفيدات.

[عكــود]

أواصل عن فوائد البذور.

للدهون الثلاثية:
القسط الهندي مع الحلبة.

للكوليسترول:
بذور الكتان، تُدرش (لا تُسحن) ويؤخذ منها نصف فنجان سفوفة على الريق. للمحافظة على الزيوت الطيّارة، لا ينصح بدرش كميات كبيرة وتركها فترة طويلة.

للقاوت:
ملعقة شعير مطحون في كباية شوب وإضافة الموية الباردة وملعقة عسل، يعني عصير الشعير للناس البعرفوهو، خاصة الكوامر . تؤخذ كباية صباح وكباية مساء. ويفيد الكلى أيضاً.
لا ينصح بالوصفة لمرضى السكري

لخشونة الرُكب:
ربع كيلو من كل من، بذور الكتان، حب الرشاد (أساسي وممكن يؤخذ لوحده) وبذور الشيا أخلطهم مع بعض (لا أقصد خلطهم بالخلاط، يعني كبهم مع بعض في برطمانية أو كيس). يؤخذ ملعقة من الخليط في كوب حليب/شاي أحمر/شاي بلبن ساخن، يُترك لمدة نصف ساعة أو أكثر قليلاً بتتكون مادة جلاتينية، ثمّ يؤكل حليب على بذور.
ممكن برضو أخذهم مع الشوفان أو حتى مع السلطة.
أكرّر، حب الرشاد أساسي وممكن الإستغناء عن بذور الكتان والشيا إن لم يتوفرا.

...يتبع

[عكــود]

اضغط هنا لمعرفة المزيد عن فوائد حب الرشاد للمفاصل

اضغط هنا لمعرفة المزيد من فوائد بذور الكتان

مع دعواتي بالشفاء لجميع مرضانا ومرضى المسلمين

[elmhasi]

السلام عليكم
الحبيب عكود والحضور الجميل ..
حقيقة موضوع جميل جدا وحيوي .. إتذكر كنت أبحث عن كتاب الطب البديل والتداوي بالاعشاب لاحد الدكاترة أو الكتاب السودانيين ..
ولم اجد اي نسخة للكتاب لا في دار الوثائق المركزية ولا ولا ...
كنت ناوي اعمل بيه بوست .. لانه بصراحة الكتب شحيحة جدا في هذا المجال بالتحديد ...
خاصة واننا كنا حتي اربعينات القرن الماضي نتداوي عند الشيوخ والفقراء والحبوبات...
قادر يا كريم ...

[عكــود]

وعليكم السلام أبو بكر،

فعلاً في السودان المراجع شحيحة في مجال التداوي بالأعشاب.
الحمد لله ربنا سخّر لينا قوقل وما قدامنا غير البحث والإستفادة من خبرات الآخرين، وهذا ما فعلته في البوست، فأنا مهتم جداً بمعرفة التداوي بالأعشاب وجربت الكثير منها بعد الإستيثاق من مصدر المعلومة وأتمنى أن أكون قدمت ما هو مفيد.

تحياتي