اقتباس:
المشاركة الأصلية كتبت بواسطة مهند الخطيب
* عضو المكتب السياسي بالحزب الديمقراطي الليبرالي .. مسئول الادارة والتنظيم بالحزب.....
*ناشط سياسي
تم اعتقاله .
|
و نعم!
يا جماعة حددوا لينا
هسع نحن نحنس منو؟
المناضل عيدروس و لّ الشفيف حافظ و لّ الصديق مهند، من الحردي؟
يا أخي كلو شئ و لا عيدروس دا
يا أخي ناس الحزب الليبرالي ديل أنا والله بريدم؟
تصدقوا عادل عبد العاطي في مشروعو بتاع قانون الأحوال الشخصية قال:
يجب منع زواج الأقارب (أبناء العمومة و الأخوال) بالقانون!
صدقوا عادل قاصد يطبقوا القانون دا في السودان دا!
و الله قاصد السودان!
لو ما مصدقني أسألو عيدروس دا قبل ما يحرد؟
أنا شايف نقلب البوست دا، لبوست ترحيب بعد ما كلام الصديق مهند، طلع كلام ساكت!
عيدروس مرحب بيك في سودانيات و إن شاء الله ما تطلع زي صاحبك حافظ،
أول ما ينزنق في حوار يعمل فيها مزنوق في الشغل و يقول ليك أنا موجود في "ريموت أريا" أو يتبنى ليهو مشروع حردة!
حنسناك عليك الله ما تحرد
و لو داير أغنية حرم النور بتاعة : ما تزعل حبيبي خسمتك بالرسول
بهديها ليك! أنا ما بخسر حاجة! قبل كدا الأغنية دي أنا هديتها لأخونا سابقا طارق الحسن بالشرقية
