اقتباس:
المشاركة الأصلية كتبت بواسطة ناصر يوسف
فعل جميل نتمني أن يري النور بمثل ما خططتم له ،، أو هكذا أظنكم سائرين في الفعل العام الذي ظللتم تنشدونه دوماً ،، بالتوفيق وقشَة ما تعتر ليكم ولخططكم *
* وبرضو لها معنيً آخر موجباً
قالت عضوة سودانيات البت السودانية الحقة لي للأخ عكود قبل أيام عن تجربتها في ذاتِ الموضوع:
حاولنا كتير بإننا نتعامل مع النساء في مسألة تجريب الجهاز ،، وهو جهاز خاص بفحص أورام الثدي ،، تعبنا كتير جداً عشان نقنع بيها النساء ديل بضرورة عمل الفحص ،،، وبحمد الله قِدرنا نجري فحصاً لعدد كبير مِنهِن بعد جهد والنتيجة المُؤسفة ،،،، 90% شايلات المرض وحايمات بيه وهِ، ما عارفات ،، 
أرجو الإتصال بالأخت منال كوكو عضوة سودانيات وإستصحابها في الأمر ،، هذا مجرد إقتراح للجنة المُنظمة
ـــــــــــــــــــــــــــــــــــــــــــــ
الإقتباسات أدناه يجب أن تنأي بمنأي عن الفعل السوي الكبير الذي أنتم بصدده ،، ومزيداً من الدعم بالرأي أو بالفعل ،،
|
اقتباس:
المشاركة الأصلية كتبت بواسطة أحمد محمد زين حسين
بسم الله الرحمن الرحيم
سلامات يا مهند
اول حاجة اتمنى انك تركز معاي عشان كلامي ما حا يكون مرتب شديد
اولا هناك خطأ حصل من قبل الزول الدعا الناس للاجتماع المزعوم ده لانو اللجنة الانت بتتكلم عنها دي عندها رئيس واعضاء غير الانت كتبتهم في لستتك دي وكونو ابراهيم فرح يزعل ده من حقو وعبارة (قشة ما تعتر ليكم دي) اهون بكتير من الكلام الانت كتبتو
تاني حاجة انت شخصيا اخطأت في حق ابراهيم خطأ كبير جدا بمداخلاتك المقتبسات ديل واقل حاجة اوصف بيها كلامك ده انو صادم وخالي من ادنى درجات التقدير لمجهود زول زي ابراهيم وكلنا شاهدين على مجهوداته في الفعاليات السابقة وواجب عليك اتعتذار للاخ ابراهيم
النجيضة يا مهند مطلوب منك تكتب اعتذار في ذات البوست للاخ ابراهيم فرح وتبطل خطابك المتعالي ده
وكمان ما تحرد عشان ما تبقى طفل برضك وتبقى اللجنة كلها اطفال
|
اقتباس:
المشاركة الأصلية كتبت بواسطة أحمد محمد زين حسين
نهارك سعيد يا ابو رحيق
والله القصد من الكلام ده كلو نحنا ما عايزين نفقد زول زي ابراهيم ومسالة زي دي لو ما انحلت اسي تاني ما بتنحل وافتكر انو اعتذار مهند لا يعيق مسيرة العمل بل يدفعها الى الامام بل عدم اعتذاره يعرقل مسيرة هذا المشروع
|
الاعزاء ناصر واحمد زين ومن سار بدربهم ، حقيقة ولاختصار اللغط الدائر هنا حول خلافي مع الصديق ابراهيم فرح (الذي لم اشكك في تفانيه في الليالي السابقة ) وقد عملت معه في أربع منها ، وحتى لا أعرقل مسيرة المشروع كما قال احمد زين وفي قوله شئ من الحكمة ورجوعا لاني مازلت لم أجد في نفسي بعد مايسوقني للاعتذار عن خطأ لم أرتكبه ولست ممن يعتذرون ترضية ، عليه أنسحب طائعا من اجل استمرارية المشروع واحمل خلافي مع ابراهيم الى مظانه فقد كتب فيه هنا اكثر مما كتب عن المشروع نفسه وكم الطاقة العقلية التي بعثرت فيه ربما كانت اكتشفت علاجا جديدا لسرطان الثدي في مراحلة المتأخرة!!
وكما قال احمد زين كيلا يفقد المشروع شخصا بحجم ابراهيم فرح ....
أرجو من الاخوة تقاسم تكليفاتي ولهم العتبى والتجلة فردا فردا ....
ملحوظة أولى:
اني اعد انسحابي فعلا يصب في مصلحة المشروع والفعالية وهما أهم من مهند او ابراهيم وغيره لحساسية الموضوع ولانه يقدم باسم سودانيات فاذا عدّ البعض انسحابي (حرداً) فلا بأس فالأخير أثبت أن له سوقا رائجا بالمنتدى ....!
ملحوظة ثانية:
أرجو من السيد مقرر اللجنة قيادة هذا البوست الى مراميه .....
ولكم جميعا تقديري .....
