أسوأ عناوين للبوستات... وأجملها ...

[بابكر مخير]

المشاركة الأصلية كتبت بواسطة خالد الحاج

سلامات يا عمدة
طلعت "أوشاعة" مغرضة في خالك أن العملية لم تكن في الكتف وإنما بواسير
وأنا ما عارف العيب شنو يعني لو الزول عندو بواسير ؟
ما أهو ناصر عملها وقاعد في أمانة الله ؟ جدعوا يعني ؟
علي العموم لو التأكيد هنا بفيد (يسألني الله بي صمتها )
والحكاية كتف ولو حبيتوا أنشر ليكم التقرير الطبي
عالم وهم

أما البوست يا عمدة فبطني طمت منو جابت ليها زعل وكده
وأنا ناس عمك مخير ومن لف لفه من أحبابنا العجائز ما بدور زعلهم
لكن بحاول أواصل والشكية لله .

والله لا زعل ولا حاجة
يا الحبيب، قال ليك: إن ما متنا شقينا المقابر
17 سنة في أم الديمقراطية ما تكون أكسبتنا تقبل الرآي الأخر؟؟؟
وحتى بوستك ما هو رآي أخر هو نفس الرأي الأنا ذاتي بحملو،،، بس إتا إستعجلت وصارحت بيهو
مداخلاتي القصد منها حريرة الدلوكة
يديك الصحة وتنعم بيها ويديك العافية وتوزع منها

[مهند الخطيب]

المشاركة الأصلية كتبت بواسطة خالد الحاج

عشان نخلص من موضوع "البواسير" المزعوم هذا هو التقرير الطبي :

[align=center][/align]

وعشان مافي متلقي حجج يجيني يقول لي ده بالهولندي هنا صفحة للترجمة الفورية للعربية :

http://www.appliedlanguage.com/free_translation.shtml

فقط عليك بإختيار (Dutch to English) ووضع الكلمات الفي التقرير .

جاتكم نيلة

قرقرقرقرقرقرقرقرقرقر

هذا وان دل على شئ فيدل على انو حرقو وكان مافيها حاجة ياخال وعملا ناصر (الله يكشف حالك قال ليها الكاشف السألك منّو منو؟ ) مالك ناكرا كده ؟

عارف ياخال الـ(Medical Report ) ده ياما طلعنا زيو لامتحانات الجامعة وكمان مختوم لكن ياالله كان كتف؟!
أرقد عافية يازول ياجميل ومجبص ..

[abu qusai]

خلي روحك رياضية يا خال ....

البوست جميل جدا واصل فيهو ... يديك العافية .

أبو قصي

[فيصل سعد]

المشاركة الأصلية كتبت بواسطة خالد الحاج

أما البوست يا عمدة فبطني طمت منو جابت ليها زعل وكده
وأنا ناس عمك مخير ومن لف لفه من أحبابنا العجائز ما بدور زعلهم
لكن بحاول أواصل والشكية لله .

اذا كان المعلم، الكنج، الشفت، الكلس، ابن الذين آمنوا و عملوا الصالحات،... العبد لله ... مقصودا قصدا و محشورا حشرا و ملزوزا لزا بواسطة الخال الشقي الحقار ضمن عجائز بابكر اللافين "كرت و صينية و بترينات" فنقول له:

[align=center]كل الناس هنا ما بتخبر زعل
تزعل من منو و تزعل في شنو
كل الناس هنا كل الناس صحاب
كل الناس اهل و الما هم قراب
قربم العمل[/align]

و الشكية لله

تخريمة : تعال يا بابكر اخد ليك نقلة ،، سيد الزبدة قال اشوها قلنا ليو دايرينها شوربة و تحمير و سليقة تكفي الضيفان و ناس البيت. و قطع شك بوافق

[بابكر مخير]

المشاركة الأصلية كتبت بواسطة فيصل سعد

[color=#CC0000][size=5][align=center]كل الناس هنا ما بتخبر زعل
تزعل من منو و تزعل في شنو
كل الناس هنا كل الناس صحاب
كل الناس اهل و الما هم قراب
قربم العمل[/align]

والعمل يا تو الشغل ولا كتابة الفكيا وعلى قولك المحايا

المشاركة الأصلية كتبت بواسطة فيصل سعد

[color=#CC0000][size=5][align=center]
تخريمة : تعال يا بابكر اخد ليك نقلة ،، سيد الزبدة قال اشوها قلنا ليو دايرينها شوربة و تحمير و سليقة تكفي الضيفان و ناس البيت. و قطع شك بوافق

عليك الله يا فيصل،،، هو بلا كدي الناس مكجناني
مالك عاوز تولع نيران
القلتو كلو من قبل السطور دي مسحوب
وإن بي سبب أو دون أسباب

[الجيلى أحمد]

ياود الحاج

ياأخى انتا بتخجل من شنو؟
البواسير ماعيب يااخى..
فى النهاية مرض واذى تم استئصاله..
وبعدين الverslag الجايبو دا مابحلك,
هسى لو داير انا بظبط ليك واحد زيو..

حمد الله على السلامة وقلل من الحركة

[عصمت العالم]

الحبيب ود الحاج..
الفكره معطره..ولها شذى فواح..تسم بخفة الظل..وروح المرح...وبالطبع انا متمنى ان يكون ان لى فرصة ان اصعد للعلالى فوق..لكن ما باليد حيله..لان الموضوع اخضع للقياسات والمقاسات....وقانون الطول والعرض.....ونحن ننتظر فى الصف لاندرى متى وكيف...!!

اما بالنسبه لعنواين السلبه . والطول..فهذه لها قصة طريفه وهى تعنى الشرح والتدليل ..تهيئة للدخول فى صلب الموضوع..وهو تكنيك قديم للفت النظر بشكل يستدعى الاغراق..
نسال الله الهدايه للجميع..
واقول قولى هذا واستغفر الله لى ولكم...


وكل الاعزاز

[فيصل سعد]

عودة لزمن و لحظات جميلة مليانة الفة و مودة و محنة ..
و الذكرى ناقوس يدق في عالم النسيان ..

[rams]http://sudaniyat.net/up/uploading/center_alkhartoum.mp3[/rams]