ملاحظات حول مقترح تعديل اللائحة ...

[رأفت ميلاد]

المشاركة الأصلية كتبت بواسطة أسامة معاوية الطيب

أستاذ رأفت ميلاد
وصفت بعض الأقلام بالنزيهة وهي التي ريحتك ... ما يشي بان التي جلبت لك الاكتئاب ليست نزيهة ( عربي الله والرسول)
وبعد دا قت ليك اجهد لاحترم رأيك ... تاني داير شنو ؟
ياخي الواحد بقى محتار

المشاركة الأصلية كتبت بواسطة سارة

يا اسامة انا زيك فهمت من مداخلة رأفت انه الاقلام المنتقدة ما نذيهة
لكن بس ركزت فى جملة رفضه لثغرات اللائحة وعموما ايا كان وصف
المنتقدين فتجى اهمية الامر المنتقد بالدرجة الاولى على الاقل هنا
فى هذا البوست
اللائحة فيها خلل وخلل تبين وضوحه خلال الانتخابات الفائتة ودا راي
انا سارة الحل كيف دا المهم.

يا سارة وأسامة محاولة لوى عنق الكلام وتحوير إشادتى بى كيشو تعتبر أهانة للباقين أسلوب ما عندى الرغبة أجاريكم فيهو .. وبعتبره أبتعاد عن اللب ودخول فى مهاترات ..

رأيى واضح ويظل رأييى .. كتبته بإستفاضة وبدون غمز ولا لمز بالحقائق والأسماء لتوصيله بصريح العبارة وفى النهاية رأى المجموعة هو الذى ينفذ .. فياريت نترك تصيد بعضنا البعض وكل واحدا يفند رأيه

ويا سارة رأيك فى خلل اللائحة يظل رأيك ولا تستطيعين فرضه بل مناقشته

[أسامة معاوية الطيب]

المشاركة الأصلية كتبت بواسطة رأفت ميلاد

يا سارة وأسامة محاولة لوى عنق الكلام وتحوير إشادتى بى كيشو تعتبر أهانة للباقين أسلوب ما عندى الرغبة أجاريكم فيهو .. وبعتبره أبتعاد عن اللب ودخول فى مهاترات ..

رأيى واضح ويظل رأييى .. كتبته بإستفاضة وبدون غمز ولا لمز بالحقائق والأسماء لتوصيله بصريح العبارة وفى النهاية رأى المجموعة هو الذى ينفذ .. فياريت نترك تصيد بعضنا البعض وكل واحدا يفند رأيه

ويا سارة رأيك فى خلل اللائحة يظل رأيك ولا تستطيعين فرضه بل مناقشته

أستاذ رأفت انت في حل من إعادة شرح كلامك ... بس دايرك تعرف حاجة انا ما بتصِّيد !!
بعدين فكرة التصيُّد دي بتديني إحساس انو صاحبا طارح نفسو فارق كدا لمان نحن قاعدين ليهو ... عشان كدا بتعامل معاها كفكرة كوميدية

[سارة]

رأفت
نقطة سطر جديد
انا بقترح يتم تعديل اللائحة خاصة فيما يتعلق بالانتخابات وما يصاحبها
من دعاية وتصويت .
ان تكون فى آليه لضبط المصوتين يعنى المفروض تكون فى طريقة
تحدد من هو من يستحق ان يدلى بصوته مع محاولة تمكين اى عضو
من التصويت ما امكن.
مسألة الدعاية والتحشيد يجب ان تتم قبل بدء الاقتراع وتتوقف تماما
اثناء عملية التصويت.
من حق اى عضو الدعاية فى المكان الذى يريحه مع الالتزام بوقف
الدعاية بعد بدء التوصيت.
فيما يخص العضوية النائمة او الخاملة من حق اى عضو تفعيل حسابه
ولكن عليه الاتصال مباشرة بالادارة وليس بواسطه عضو وفى حالة تعذر
على العضو الاتصال باحد طاقم الادارة يجب على العضو المرسل نيابة
ان يخاطب الادارة فى العام بمعنى ان فلاناو فلانة يحاول الاتصال بكم
فارجو تفعيل حسابة بارسال باستورد على ايميله ايميلها.
مهم جدا ان من يدلى بصوته ان يكون على اقل تقدير متواجد بالمنتدى
ثلاثة اشهر
ودا زى ما اسلفت اقتراح ما فرض واتمنى تكون لغتى واضحة
ومافيها همز ولا لمز.

[محمد علي الجراح]

المشاركة الأصلية كتبت بواسطة سارة

رأفت
نقطة سطر جديد
انا بقترح يتم تعديل اللائحة خاصة فيما يتعلق بالانتخابات وما يصاحبها
من دعاية وتصويت .
ان تكون فى آليه لضبط المصوتين يعنى المفروض تكون فى طريقة
تحدد من هو من يستحق ان يدلى بصوته مع محاولة تمكين اى عضو
من التصويت ما امكن.
مسألة الدعاية والتحشيد يجب ان تتم قبل بدء الاقتراع وتتوقف تماما
اثناء عملية التصويت.
من حق اى عضو الدعاية فى المكان الذى يريحه مع الالتزام بوقف
الدعاية بعد بدء التوصيت.
فيما يخص العضوية النائمة او الخاملة من حق اى عضو تفعيل حسابه
ولكن عليه الاتصال مباشرة بالادارة وليس بواسطه عضو وفى حالة تعذر
على العضو الاتصال باحد طاقم الادارة يجب على العضو المرسل نيابة
ان يخاطب الادارة فى العام بمعنى ان فلاناو فلانة يحاول الاتصال بكم
فارجو تفعيل حسابة بارسال باستورد على ايميله ايميلها.
مهم جدا ان من يدلى بصوته ان يكون على اقل تقدير متواجد بالمنتدى
ثلاثة اشهر
ودا زى ما اسلفت اقتراح ما فرض واتمنى تكون لغتى واضحة
ومافيها همز ولا لمز.

فيها وفيها ...

بس بسيط ما كتير

والاجمل انو بسيط يا ساره

[سارة]

المشاركة الأصلية كتبت بواسطة محمد علي

فيها وفيها ...

بس بسيط ما كتير

والاجمل انو بسيط يا ساره

ابو حميد كيفنك والبنية وامها
بقينا ما عارفين نقول كلمة
فى المنتدى من غير من ينوبنا
رايش معتبر
نسوى شنو
الله فى قاسى مافى

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

بس دايرك تعرف حاجة انا ما بتصِّيد !!

بس إنت بتدردق روحك براك يا رأفت
المهم:
أنا أظن إنو لوائح الامم المتحدة ما لقت نقاش قدر دة!!، عددية مهولة من البوستات الاتفتحت عن اللائحة ولها، وللآن مافي محصلة يتوافق عليها الناس، ولا شنو ما عارف!، بتخيّل لي ليس المهم كيف ومتي نتحدّث عن اللائحة، ولكن الاهم من ذلك كيف نحتكم إليها.
نحن دايماً في حالة بحث دائم عن سُبُل ووسائل ضابطة لسلوكياتنا مع الآخرين، وبالمقابل لسلوكيات الآخرين معنا. الثغرات اللائحية القاعدين نحسها كل مرّة، ليس من قصور في اللائحة الموجودة سلفاً، بل قصور في التطبيق والالتزام، كلنا شركاء فيه، إدارة وأعضاء، ولا ينكر ذلك إلا مُكابر.
بدلاً من محاولاتنا اللامتناهية لتكريب اللائحة، ربّما يجدر بنا تكريب تطبيق ما هو موجود، وحينها ربّما لن تتبدّي لنا سوءات لائحية نبحث عنها لنغطي عليها بورق توت الاجتهاد، ثم نتكلها في أعلي أيقونة بالمنبر.

وهذا رأيي فيما حدث ويحدث، وبرضو مكفول باللائحة

[رأفت ميلاد]

المشاركة الأصلية كتبت بواسطة أسامة معاوية الطيب

أستاذ رأفت انت في حل من إعادة شرح كلامك ... بس دايرك تعرف حاجة انا ما بتصِّيد !!
بعدين فكرة التصيُّد دي بتديني إحساس انو صاحبا طارح نفسو فارق كدا لمان نحن قاعدين ليهو ... عشان كدا بتعامل معاها كفكرة كوميدية

با أسامة طبعاً أشرح وأعيد كلامى دى حاجة راجعة ولى حق القرار وما مستنى حل من زول .. وبعدين لامن تقول لى:

المشاركة الأصلية كتبت بواسطة أسامة معاوية الطيب

أستاذ رأفت ميلاد
وصفت بعض الأقلام بالنزيهة وهي التي ريحتك ... ما يشي بان التي جلبت لك الاكتئاب ليست نزيهة ( عربي الله والرسول)
وبعد دا قت ليك اجهد لاحترم رأيك ... تاني داير شنو ؟
ياخي الواحد بقى محتار

الكلام ده ما عندى ليه تعبير آخر غير (تصيد) .. أنا قلت كلام طول عرض .. يعنى دى الحتة العايز تنسفو بيها .. ياخ أنا عافيك من الموافقة عليهو .. بس ما تقولنى كلام ما قلتو .. لا تحتار ولا أحتار .. الأمور واضحة جداً

[رأفت ميلاد]

المشاركة الأصلية كتبت بواسطة سارة

رأفت
نقطة سطر جديد
انا بقترح يتم تعديل اللائحة خاصة فيما يتعلق بالانتخابات وما يصاحبها
من دعاية وتصويت .
ان تكون فى آليه لضبط المصوتين يعنى المفروض تكون فى طريقة
تحدد من هو من يستحق ان يدلى بصوته مع محاولة تمكين اى عضو
من التصويت ما امكن.
مسألة الدعاية والتحشيد يجب ان تتم قبل بدء الاقتراع وتتوقف تماما
اثناء عملية التصويت.
من حق اى عضو الدعاية فى المكان الذى يريحه مع الالتزام بوقف
الدعاية بعد بدء التوصيت.
فيما يخص العضوية النائمة او الخاملة من حق اى عضو تفعيل حسابه
ولكن عليه الاتصال مباشرة بالادارة وليس بواسطه عضو وفى حالة تعذر
على العضو الاتصال باحد طاقم الادارة يجب على العضو المرسل نيابة
ان يخاطب الادارة فى العام بمعنى ان فلاناو فلانة يحاول الاتصال بكم
فارجو تفعيل حسابة بارسال باستورد على ايميله ايميلها.
مهم جدا ان من يدلى بصوته ان يكون على اقل تقدير متواجد بالمنتدى
ثلاثة اشهر
ودا زى ما اسلفت اقتراح ما فرض واتمنى تكون لغتى واضحة
ومافيها همز ولا لمز.

كلام جميل يا سارة .. بما أنو موجه لى أقول يكى أنا ما متوافق معاك فى أى جزئية من كلامك ده .. وما شايف فيه أى أنصاف فى تصنيف العضوية .. العضو بعد تسجيله يتمتع بكل الحقوق وملزم بكل الواجبات .. ولا أستطيع الموافقة على منح درجة أكبر من عضو لآخر مهما كانت الأسباب .. العضو يتوهط فور دخوله

[رأفت ميلاد]

المشاركة الأصلية كتبت بواسطة الرشيد اسماعيل محمود

بس إنت بتدردق روحك براك يا رأفت

ما فهمتها دى

[سارة]

المشاركة الأصلية كتبت بواسطة رأفت ميلاد

كلام جميل يا سارة .. بما أنو موجه لى أقول يكى أنا ما متوافق معاك فى أى جزئية من كلامك ده .. وما شايف فيه أى أنصاف فى تصنيف العضوية .. العضو بعد تسجيله يتمتع بكل الحقوق وملزم بكل الواجبات .. ولا أستطيع الموافقة على منح درجة أكبر من عضو لآخر مهما كانت الأسباب .. العضو يتوهط فور دخوله

احترم رايك يا رافت ولن اجبرك على تثنية رايى لكنى لا ارى تساوى
مع عضو يتم اربعة او تلاتة سنة ما يدخل المنتدى ويجى عشان يختار
من يقوم بادارة المنتدى مع احترامى لاى انسان واحترام حقه فى التصويت
لكن البجى بس عشان يدى صوته لزوله ويمشى لا اعتبره يخدم المنتدى
ولا ترقية المنتدى ولا مشاريعه ولا نشاطاته .
اتفق جزئيا مع كلام الرشيد انه اللائحة الموجودة رغم ثغراتها من وجهه نظرى
لكن لو تم تطبيقها يمكن تجنب الناس الكتير من المزالق خاصة فى الفقرتين
الانا اشرت ليهم وقلت محتاجين شرح فيما يخص الشتم والسب
هذه الفقرات للاسف تطبق او طبقت حسب الظروف يعنى كتير من الشتائم
والمسبات مرت مرور الكرام وكثير من محاولات الاقصاء برضو
مرت دون ان تطبق فيهم اللائحة كما يجب واتفاقى مع الرشيد فى انه
الجميع مسؤل اعضاء وادارة.

[الرشيد اسماعيل محمود]

المشاركة الأصلية كتبت بواسطة رأفت ميلاد

ما فهمتها دى

أفهمك وجهة نظري:
مداخلتك ممكن جدّاً تتقري علي الوجه القراها بيهو أسامة، لكن لأسباب كتيرة، أنا أستبعد قصدية كلامك في حتة النزيهة وما النزيهة القال عليهو أسامة. يعني رأفت كان ممكن عادي تقول انا ما قصدت كدة يا شباب، لكن يبدو إنّك مستند علي عرفة أسامة وسارة بيك وبأسلوبك البعيد عن التورُّط في حاجات من هذا القبيل.
عشان كدة قلت ليك دردقت روحك براك يا رأفت، التصرُّف الصحيح كان يلزمك تتراجع عن المفردة لو إتفهمت علي حسب ما فهمها أسامة وسارة ثمّ تمشي لي قدّام في النقاش.
مفردة "نزيهة" في مقام زي دة عادي ببتفهم علي أساس إنها مقابل لـ "غير نزيهة"، لكن شايفك اعتمدت علي حسن ظن الآخر بيك، ودي It depends .

[رأفت ميلاد]

المشاركة الأصلية كتبت بواسطة الرشيد اسماعيل محمود

أفهمك وجهة نظري:
مداخلتك ممكن جدّاً تتقري علي الوجه القراها بيهو أسامة، لكن لأسباب كتيرة، أنا أستبعد قصدية كلامك في حتة النزيهة وما النزيهة القال عليهو أسامة. يعني رأفت كان ممكن عادي تقول انا ما قصدت كدة يا شباب، لكن يبدو إنّك مستند علي عرفة أسامة وسارة بيك وبأسلوبك البعيد عن التورُّط في حاجات من هذا القبيل.
عشان كدة قلت ليك دردقت روحك براك يا رأفت، التصرُّف الصحيح كان يلزمك تتراجع عن المفردة لو إتفهمت علي حسب ما فهمها أسامة وسارة ثمّ تمشي لي قدّام في النقاش.
مفردة "نزيهة" في مقام زي دة عادي ببتفهم علي أساس إنها مقابل لـ "غير نزيهة"، لكن شايفك اعتمدت علي حسن ظن الآخر بيك، ودي It depends .

يعنى أكضب يا الرشيد .. كلام كيشو تحديداً أقنعنى .. وكان عارفو وين كنت جبتو .. ليه ياخ نقعد نتزاوغ ونلف وندور .. أصلو موضوع الخلاف لازم الواحد بقرأ ويكتب بصدر مفتوح .. ما موقف تصلب فى الرأى .. ومافى زول بحدد ليك تكتب كيف ما لم تتعدى عليه بقبيح الكلام .. أنا قريت البوست وختيت وجهة نظرى مع كل الناس وأخترت ماجد فى رد عام .. زول داير يناقشنى مرحبابو .. لكن نقعد فى مفروض تكتب كده وما تكتب كده ما شغالا ولّ شنو

[سارة]

رافت ياخ طول بالك وزول قال ليك ولا بصدق انك بتكضب مافى
لكن انت بعضمة كيبوردك قلت( فى البدء أنتقل لى بعض الأكتئاب من جر بعض الكتابات والتعليقات ووصف ذلك بـ(اللا أخلاقية) .. ولكن أراحتنى أيضاً بعض الأقلام النزيهة مثل (كيشو) .
من استعمل لفظ اخلاقية انا شخصيا استعملته وتقريبا اسامة ايضا فبالتالى
من الطبيعى يتبادر لنا ان مداخلاتنا
لم تكن فى نظرك نذيهة والدليل انها اصابتك بالاكتئاب.
انا شخصيا تجاوزت النقطة دى عشان البوست مقصود منه مناقشة القصور
لكن شفت ردك للرشيد قلت نساهم يمكن الامور تمشى وكان ما مشت عليك
سيدى الحسن حق بابكر تعفى لى.

[سارة]

بالمناسبة اجيب ليك كلام مولانا تدفع كم

[الرشيد اسماعيل محمود]

المشاركة الأصلية كتبت بواسطة رأفت ميلاد

يعنى أكضب يا الرشيد .. كلام كيشو تحديداً أقنعنى .. وكان عارفو وين كنت جبتو .. ليه ياخ نقعد نتزاوغ ونلف وندور .. أصلو موضوع الخلاف لازم الواحد بقرأ ويكتب بصدر مفتوح .. ما موقف تصلب فى الرأى .. ومافى زول بحدد ليك تكتب كيف ما لم تتعدى عليه بقبيح الكلام .. أنا قريت البوست وختيت وجهة نظرى مع كل الناس وأخترت ماجد فى رد عام .. زول داير يناقشنى مرحبابو .. لكن نقعد فى مفروض تكتب كده وما تكتب كده ما شغالا ولّ شنو

في صلاة الجمعة، الامام جابوهو جديد، بدا يخطب ليك في الناس ورافع صوتو بي ثقة وحجة ومنطق وكلام مرتّب، واحد من الناس القدّام في الصف الاول، اتكيف كيف شديد، دخل يدو في جيبو مرق علبة برنجي، تخ شخط الكبريت وولع ليهو سيجارة.
الجماعة قالوا ليهو يا شيخنا، هوي يا زول، إلتفت قال ليهم باستغراب:
في شنو ياخوانا؟ ياخي الكلام القالو الزول دة كيّفني
المهم:
آي كيشو بقنعك، لكن أسامة معاوية برضو نزيه