وجودي سوف يكون مزعج هنا لذلك اقدم اسفي وانسحابي

[imported_رأفت ميلاد]

عباس الشريف سلامات

ياخ الناس الفى البوست ده ما بتكره بعض زى ما توارد فى ذهنك .. الناس ديل بينهم إلفة كاملة .. وكل المكايدات والمجابدات الحاصلة محورها رفع البوست عالياً. نحن هنا بنحاول نمارس ديمقراطية كاملة .. وبكون الإنتقاد مباشر للإدارة المنتخبة وليست المعينة .. وأصدقك القول ما يحدث الآن (سابقة) لذا تجد الجميع فى ترقب وإنتظار ..

عموماً أتمنى تفهمك والإنتظار معنا .. حتى نرى خطاب الإدارة وبعدها لكل مقال حديث (بالحق) .. أنت ما عليك إلزام ولا يوجد أحد مجبر ولكن ثق صبرك سيكون مفيد لنا ومساعدة قيمة ..

وبعدين نحن ما شيوعيين (فينا) ولكننا ألوان الطيف .. وقصة الميدان دى أول مرة أعرفا لأنى أصلاً ما بقراها. لكن ثق مافى إنتماءات لكن لابدين للكيزان على المستوى الشخصى وليس سياسة المنتدى البتفرسنا أحياناً فى إكرام الكيزان ..

إذا كنت صاحب حق ستأخذ حقك ومافى لى زول جميلة عليك

تحياتى

[imported_عباس الشريف]

المشاركة الأصلية كتبت بواسطة عباس الشريف

الفرق شنو بين ديك ودي يا حبيبنا (( اخيرا ما تزعل مننا واحنا برضو اخوانك ... ولو كنت اكبر مننا طلعت زول هوين ولو اصغر مننا برضو هوين ...
بس يا ريت العترة تاخد بالا منك ...مع خالص تحياتي واحتراماتي
جنا لبعاقلة.
[color=#0000FF]يا خوي حصل خير المابتعرفوا تمها براك..........[/color]

[color=#0000FF]
جنا البعاقله انا ما مسكته مداخلتك فلفلتها واحده واحده فيها كلام استفزازي كثير ما انت احسن مني بلاغه ولا علما ولا جاها ولا وظيفتا ولا برلوم منتديات ولا ملزم اعرفك بي نفسي ولا اود اخوض مره اخري في مهاترات اريد ان اسموا بنفسي لذا كان مروري عليها مرور الكرام !!!!!!!!!!![/color]

[imported_رأفت ميلاد]

حقك من ود أبو عاقلة أو مع شليل تاخدو بضراعك .. البدخل بساندك ولا بساندم على كيفه .. والإدارة ما بتقدر تتدخل طالما لم يتعد الحديث اللياقة .. واللياقة هنا عالية شديد

أدى ود أبو عاقلة كويس كمل سكرنا

[imported_فيصل سعد]

المشاركة الأصلية كتبت بواسطة طيبان

يا فيصل سعد

اللائحة تمنع بنصها الصريح أن يكتب عضو متخارج بوست يعلن فيه أنو متخارج ..كان بإمكان الإدارة أن (تلحس) هذا البوست وتلحّقوا الزينين - أي البوستات الستّة -فتخرج هي من زرزرة الخوّاجة ..ويخرج عبّاس من مرمي نيران ود أب عاقلة التي غير صديقة ..

لم يسحب البوست للرد على الاخ عباس
لتاكيد ان وجوده غير مزعج، و ان المشكل
تحت مراجعة الامانة العامة كما جاء في
المداخلة التانية هنا :

المشاركة الأصلية كتبت بواسطة فيصل سعد

الاخ عباس الشريف:

السلام و التحايا :

ليس هنالك ازعاج في وجودك، و لسنا من يضيق صدرا
باعضاء و حوار، كل ما في الامر ان هناك مخالفات و
تهاترات سينظر الامين العام في امرها و سيفيدك بقراره ..
و حسب اللوائح ارجو عدم مناقشة اي اشكال هنا في بوست
علني، و يمكنك مراسلة الامين العام بالبريد الداخلي لاي استفسار
و توضيح ..

و لك الشكر ..

فيصل سعد
مشرف منتدى الحوار

شكرا للمرور و المشاركة
و وجهة نظرك مقدرة
و تجد كامل الاحترام يا طيبان ..

[imported_طيبان]

المشاركة الأصلية كتبت بواسطة عباس الشريف

عند اطلاعي علي جريدة الميدان علي النت لاحظت عنوان سودانيات اسفل الصفحه لم تأتي علي خاطرتي ان هذا الموقع طالما تم الاعلان عنه بجريدة الميدان موقع موجه ولكن حسب تفكيري الذي لم يذهب بعيدا قلته ياخي نسجل في الموقع ده امكن نلقي واحد من الشالوا معانا الصالح العام او واحد كان ممسوك معانا زمان او دفعه في احدي المراحل الدراسيه حنيه لزمن الصراعات السياسية وزمن الشلاقه كما ذكرت انت وفعلا كان الدخول للمنتدي غير مؤسس من قبلي وبطريقه عفويه ولم يدور بخلدي ان هذا المنتدي به صراعات باعتبار انني قد تجاوزت عمر الصراعات اذ ابلغ من العمر 40 عاما كانت فكرتي لتكوين صداقات وليس عداءات ولكن الجو المشحون هو ما اوقعني في حبل تلك الصراعات والملاحظ لبوست المشكله وبطبيعة تعاملي الساخره التي تخرج النكته لم اقصد بكلمة زريبه او مشتقاتها اهانة احد بل تسلسل لمجريات البوست في شكل التعامل الساخر من الواقع وليس من الاعضاء هل يعقل علي انسان سوي ان ياتي زيارة لغرباء في دارهم ثم يسبهم لقد كانت النظره للجملة احاديه وروح الصراعات برميل بارود ينتظر من يفجره الملاحظ للمداخلات هنا انجرفت عن مسار البوست الذي طرحته وهي دليل علي ذلك لقد اتينا لكسب صداقات لا نبحث علي العلاقات السطحيه مع الاخوه ولا نبحث عن البطولات العاطفيه الوهميه مع الاخوات العزيزات ولا أحمل بضاعه مسروقه او فاسده اود تسويقها اذ ان مداخلتكم هذه يا جنا لبعاقله وبعض الاخوه دعوه لجرجرت الامور الي المهاترات فكفي ما سبق ذلك المواضيع التي قمت بانزالها سابقا وكما قلت وبتحدي ان يتم ادراج الرابط الذي يوضح المصدر هذا ليس دفاعا بل ثقة في ما اكتب اذ استغل الاستاذ الذي كنت في خلاف معه رد قمت بنقله بحزافيره لاحد المتداخلين بموقع انا مشترك فيه اذ مداخلته كانت مناقضة للبوست الذي طرحته فكانت وسيلة مني لرفع البوست ولفتح حوار بالمتناقضات وهذا ما ينطبق علي البوست الذي تم ذكر زريبه به كما ما اسلفت الشرح ...... نعم كنتم في امن وأمان الي ان ظهر شخصي فاصبح متنفس لاخراج ما في الصدور كما وجد البعض عود الكبريت الذي يجب اشعال فتيل البارود به ..... حقيقه ان كان العضو جديد التعامل مع المواقع كثير عليه موضوعين ليس خمسه دفعه واحده فأنا لم اكون جديدا علي الكتابة..... وان فائدة المواضيع ليس حكرا علي وجهة نظر محدده كما طرحت انت بل هنالك من تداخل معها ومن تجاوب مع الطرح وصل احدي هذه البوستات 245 مشاهدة في يومين هل وجهة نظركم هي المقياس النهائي.... اما عن شكرن للمرور ليس الاخطاء المطبعيه هي جهل ثقافة او يقاس بها المستوي التعليمي فهي وارده كما ان تعاملي مع الكتابه ليس باحترافية كاتب يرتزق منها هي هواية وصلة تعارف اخوي فليس مجبرا علي التدقيق اللغوي وليس مفرقا لاداء رسالة لغويه ملزما بتوصيلها لدارسين انها لحظات تعابير ببعض الخواطر والافكار والذكريات لمشاركة اصدقاء لم نراهم نتعامل معهم من خلال الكي بور فانا ليس ذاهب لحفلة حتي اراجع ربطة العنق وازرار القميص واحتمال كبير ان تجد في ما اكتب الان اخطاء بالكوم كما تجد في بعض الصحف وليس لي مراجعين للغة حتي ثاني يوم يتم التصحيح بالعدد الجديد المهم ان اوصل الفكره والتناجي الفكري مع الاصدقاء عبر الفضاء الاسفيري في بعض المواضيع التي يتم كتابها خلسه من زمن المشغوليات وذلك لتفريق طاقات مكبوته تخرج عبر الكتابه هذا ما يدعونا للكتابه في النت وانا يا جنا البعاقله لا يذهب تفكيرك بعيدا بانني رجل هوين ولرفعة مقامي لن انجرف معكم بمهاترات حسب تعابيركم اكبارا لنفسي ولقد اسفت شدة الاسف عندما ذهبت في هذا الطريق مع شليل اذ هذا ليس بطبعي..... وان كان شليل يعتقد بانني اخطأت في حق الاعضاء....... او اي اداري تداخل في الموضوع كما الصوره التي تم التداخل بها والانسياق وراء المهاترات فكان يجب التعامل معي حسب اللائحه ان كانت مفعله بالمنتدي وحزف المشاركة التي تسيء للاعضاء وتوجيه لفت نظر او اي اجراء اداري يتخذ حسب رؤية الاداره ولاكن التعامل كان بعنتريات لاداعي لذكرها فالمتابع لمجريات الامور يدري بما كان علي الواقع وأنا اقدم اعتزاري لكل شخص تابع من خارج البوست تلك الالفاظ التي تفوهت انا بها شخصيا واتمني ان لا تكون سببت ضررا نفسيا لاي من المشاهدين للبوست واشكر كل من ارسل رساله في الخاص ولم اقم بالكتابة مره اخري لوضع مبررات واهيه غير حقيقه ولا ان يكون هنالك تاثير من قبلي علي قرار الاداره واعترف انني اخطأت في الدخله في التعامل بعفويه مع الاعضاء كانني عضوا مرت علي سنين في هذا المنتدي واخطأت كنت امني نفسي بان اجد صداقات خاليه من الشوائب النفسيه فليس لي حوجة بان افرغ الطاقات المكبوته هنا لدي من الاعمال الاخري ما يكفيني من اعمال الجمعيات الخيريه والعضويه في ما لايقل عن خمسه منتديات سودانية زي ما قلته انت العتره بتصلح المشيه يا جنا لبعاقله

الأخ عبّاس شريف ..
مرحبا بك في سودانيات ..
عدّاك العيب .. وكلامك الفوق دا كلام عديل ..وأنا في ظنّي إنّك اتعاملت بتلقائية أكتر من اللازم ..ولو في زول هنا بعرف أسلوبك دا في المنتديات التانية .. عادي كان أمورك بتسلّك ..
الناس هنا من حقّهم يزعلوا من وصفك للمكان ب(زريبة الحناكيش ) لأنك ما شرحتها زي ما شرحت أسّة .. وكمان الناس ليها بالظاهر ..مافي زول مطالب يحسن الظن في وصف غير حسن .. وكان بإمكانك توضّح وجهة نظرك من البداية ..ودا ما حصل لامن بقيت في حردة منتدي ومخالفة اللائحة بكتابة (بوست الوداع ) ..

___

يازول حبابك ..

[imported_AMAL]

[quote]

المشاركة الأصلية كتبت بواسطة طيبان

[color=#8B0000]طيب ..هل المنتدي دا ما فيهو سرقات ولفحي ؟؟
color][/QUOTE

العقبي ليك يالفي بالي




ارفعو ايديكم عن عباس *


كان عارفين عباس في البلد دي خطر كيف


فاتتني دي

----------------------------------

تعارف السودانيون علي اطلاق اسم عباس علي البوليس

[imported_بدور التركي]

عباس يا ود فرناس
ما تنسحب خليك
إنت بقيت مننا وفينا
والناس وحوش حتي يتعارفوا00


آسمع :
آنت من مدني!
ياااخ مليون اهلا وسهلا بك

[imported_رأفت ميلاد]

المشاركة الأصلية كتبت بواسطة بدور التركي

عباس يا ود فرناس
ما تنسحب خليك
إنت بقيت مننا وفينا
والناس وحوش حتي يتعارفوا00


آسمع :
آنت من مدني!
ياااخ مليون اهلا وسهلا بك

سيبك من عباس يا بدر البدور .. وييين إنتى ياخ .. قربت أتشهد على روحى ياخ

[imported_AMAL]

المشاركة الأصلية كتبت بواسطة رأفت ميلاد

.. وأصدقك القول ما يحدث الآن (سابقة) لذا تجد الجميع فى ترقب وإنتظار ..

حصلت قبل كدة يارافت
ومحمد ابوعاقلة جا برضو وبستف العضو
بس تاني ماشفنا وشو
في رايي نوقف النقاش هنا
لما يجينا راي اللدارة
الذي اثق في حكمته
وياعباس حقك علينا وكان عندك حق راح تاخدو

علي داير الكيبورد

[imported_بدور التركي]

المشاركة الأصلية كتبت بواسطة رأفت ميلاد

سيبك من عباس يا بدر البدور .. وييين إنتى ياخ .. قربت أتشهد على روحى ياخ

عملت حادث
كنت مسرعة وخشيت في عربية
الحمد لله كويسة بس شوية رضوض
وكثير من الخوف والخلعة
آخخخخخخخ
فاجعة والله
حسي عايزة ابكي

[imported_رأفت ميلاد]

المشاركة الأصلية كتبت بواسطة بدور التركي

عملت حادث
كنت مسرعة وخشيت في عربية
الحمد لله كويسة بس شوية رضوض
وكثير من الخوف والخلعة
آخخخخخخخ
فاجعة والله
حسي عايزة ابكي

يبكى عدوينك إنشاءالله .. سلامة وكرامة وما تشوفى شر ياخ .. عين وصابتك وطلع الكعب كله ..

[imported_رأفت ميلاد]

المشاركة الأصلية كتبت بواسطة AMAL

حصلت قبل كدة يارافت
ومحمد ابوعاقلة جا برضو وبستف العضو
بس تاني ماشفنا وشو
في رايي نوقف النقاش هنا
لما يجينا راي اللدارة
الذي اثق في حكمته
وياعباس حقك علينا وكان عندك حق راح تاخدو

علي داير الكيبورد

ما دخلت الفلم دا يا أمال .. لكن يظل تصرف ود أبو عاقله شخصى .. نحن هنا بصدد تجميد البوستات .. بين شليل وفيصل .. ودايرين مبررات مقنعة .. فتحى نفسه حار وصبره ما ببل الآبرى .. نحن ما مغلطنو لكن لايكن الصبر .. ما القرض

[imported_رأفت ميلاد]

خطأ فى الإرسال

[imported_ZEIN ABDALLA]

المشاركة الأصلية كتبت بواسطة بدور التركي

عملت حادث
كنت مسرعة وخشيت في عربية
الحمد لله كويسة بس شوية رضوض
وكثير من الخوف والخلعة
آخخخخخخخ
فاجعة والله
حسي عايزة ابكي

سلامتك
و ان شاء الله سواق العربية الخشيتى فيها ما جاته عوجة.
هل عندك تأمين شامل ؟

[imported_أشتر]

شغال في شغل محتاج لتنظير .. بمزاج منقطع النظير ...
والله ما بخليو واقعد اباري الشغلانة المنفسة دي !!!
كونوا في أمان الله لغاية ما اجيكم ...
يا جبت معاي رقعة نار نبنشر بيها المنفسة دي ... أو تجدوا على الرقعة لظى ...
لظى صديقة يا طيبان ..
لا بتحرق .. ولا بِتّش ...