الغزل بمرابيع النجوم والشاعر عبد الله ود شوراني

[فيصل سعد]

[align=center]

هَوَا نَفَس العِوَا
الَبًراقُو رَعَدُو يْصَيٍحْ
ذَكًرنيِ البِقْدِل
وْفيِ مَشِيهُ بِمَيِــــــــحْ
يِشُوفَ رايُو الفَتَق جَرْحيِ
الْ اكان مُقَيحْ
يِحْلم ولا يِكْتُل
مَرًه وَاحْدَه يَرَيٍــــحْ[/align]

[فيصل سعد]

[align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align]

[فيصل سعد]

[align=center]
غَابْ نَجْم النًطِحْ والحَرْ علينا اشْتَدً
ضَيًقْنَا وقِصِرْ ليلُه ونِهَارُه امْتَـــــدً
نَظِرة المِنو لِي القَانُون بِقِت اتًحدي
فَتَحَتْ عِندِي مَنطِقْة الغُنَي الْ انْسَدً [/align]

يا حبوب البوست دا
ما بتهمل، مالك راكنه ؟؟

[خالد الحاج]

فصل الشتاء :

1- عريج :[align=center]فِي آخر السّماك وَدْ عِينيِ زَاد لُجْلِيجو
وَالاهَ الشٍتاَ وُعقبْ الخَرِيف بِي عريجُو
فَاقِد لَعْبَةْ المَريُود وْحَاليِ لْهِيجُو
سيفُو الحَاد حَيَاتي خُتُورَة مِن دُهٍيجُو[/align]

انقضي الخريف بانقضاء السماك فأعقبه الشتاء بأول عينة فيه "عريج" "والاه الشتا وعقب الخريف بي عريجو " ولنر حال ود شوراني في الشتاء .
انه يقول "فاقد لعبة المريود وحالي لهيجو" فهو في شوق شديد إلي مريوده .. حبيبه الذي اتخذ الحب لعبا ولهوا ..ذي اللهجة الحلوة.. الذي أشهر سيفه الحاد وهو الفراق الذي يهدد حياته بالخطر المريب
"سيفو الحاد حياتي ختورة من دهيجو" أي ضربه .

[خالد الحاج]

[align=center][/align]

2- الغفر :

[align=center]دَخَل نَفَس الَغَفَرْ سَاَرقْ نَسِيمْ وَهَبيّبْ
جَايِ يَعوّر الجَرِح القِبيل مُو طَيٍبْ
لَجّت عيِني حَار بَيْ الدّلِيل يا مصيّبْ
مِن اْلأدعَجْ الفُوق ريدُه أَصْحي واغيّب[/align]

بدأ الشتاء زحفه علي انقاض الخريف فاذا بالغفر يرسل نسيما باردا مرة ، ومحملا بالأتربة مرة أخري.
لماذا جاء الشتاء ؟
إن الجروح في الشتاء لا تبرأ إلا بعد تعب شديد وتبقي لمدة طويلة . وهاهو ود شوراني يشكو من جراحات الحب فدخل عليه الشتاء قبل أن تبرأ فجاء إذن "يعور الجرح القبيل مو طيب"
وكانت النتيجة أن جافت عينه النوم "لجت عيني" وحار به الدليل مما يلاقي من "الأدعج" الذي ملك عليه عقله واصبح يتصرف بدونه مرة وبه مرة " من الادعج الفوق ريده أصحي واغيب"

[مبر محمود]

يا خالد يعلم الله انني من اشد الناس فتنة بهذا البوست ، ظللت اراقبة واتابع ما ترفده به انت
من مسادير والّق ، تلك يا عزيزي قمم لو بلغنا سدرة منتهاها لاحترقنا ، ولهيبة تكتسي هذاء
البوست لم تواتيني الجراة للمشاركة، حتي ولو من باب التعليق ، اما الان وقد بركت
جملك هذا وسط البوست ، فدعني اهرول مثلك ناحية صديقنا ودشوراني وأتيك منه بمسدار
دناي المسافات


ود الدينكي ماخد في القضارف مدة
بارادة الاله ايامو حسبت عده
بلد الديسو لاعند المحازم هده
بكره عليهو ناويين باعتماد الشده
حوش ابو الازهري اللام كافة الاجناس
علي روسن جنينا ليها قيمة وباس
ذكرنا محاسن الجاهله وسهرنا خلاص
لي سبب يتعب المقدر لتراس
طلع الفجر والناس اغلبن ماحسا
وانا ساهرني فرق الريدو مابندسه
مادم عندي تس قنه المقاشر اللسه
الله ان اراد مع قافي الهويد بتمسي
بعدقفلن قهاوي المنزل المضيوف
قمت علي البفر الصهب مردوف
قصدي عشيه عندو مجال حظوظ وكيف
جملي الضهرو سالم خاتي غاربه الدبره
شرع رسنو قجيتلو الزمام في الوبره
علي المقنيه بت خيل القسيم ام حبره
بشقي الساسو غالق فيتريت مو تبره
دناي المسافات البيمغي غردتو
هبر شايتو وفتح قيدو البشلشل وقدتو
علي الحاميك زورك في الارض ماتختو
انت الليلة محسوب القضارف فتو
قال لي اللمين الشوره مي في ايدك
ساعة نقضي منك قوم عليهو شديدك
ابطيت يا البضم نقع البطانة جريدك
من بلد الظريف الفرقو جارح سيدك
اخد اذني وهجر جمل الرباط لي بروكو
ماضي وعادي عينو تروغ ونايبو يسوكو
ناطح اللريل القناصو هابره شروكو
مهره عرضه ديشه مرتبلو مكوكو
جملي الفرط الميدان ابوهو وخالو
جدعلو رسانتو قدامو ودرعلو عقالو
المنعلقه فيهو الروح واريده مجالو
لا تنغش يابوشكال بعيد منوالو
غسل الصافي بلعطرون ودهن البخه
طاغهو المتل هابر الشروك الفخه
شديت سرجو عانيبو الظريفة ورخه
ما غيتلو السيور خايف الكرب يترخه
دوار البروق الفي الروينه طريفي
ختيت فوقو جرباني وفراشي وسيفي
ود اللريل الضاربابو امومكيفي
عندو عشيه ياابوشكا جلوسي وكيفي


ود شوراني مستبصر كبير، له الحب وعليه السلام

[خالد الحاج]

العزيز مبر
حبابك يا آخي في أرض المسادير والنّم ..
نعم يا صاحب هذا عالم جميل بديع.. وعليهم الرحمة والسلام بقدر ما خلفوا من جمال وثراء.. أعشق أنا المسدار... وتسحرني حياة البادية وكرم أهلها النقيض لأرضها اليباب..
كن بخير يا صاحب وتشكر علي دناي المسافت ..

[طارق صديق كانديك]

الكيف المعاك مالينا تب للقمه
تكتب وننبسط أجراس حروفك نمه
سلام يغشاك هناك بي شوفتك ينجمه
يفج لينا الدرب صنفورو لابس العمه



الجميل خالد الحاج .. اضافات مدهشة لهذا السفر الجميل .. كم سرحنا فيها وكم تمنينا .. !!

لك تقديري ومودتي

[فيصل سعد]

[align=center]
[rams]http://albrkal.com/khalid/asfai.sudanyat.org.wma[/rams][/align]

[فيصل سعد]

التحايا للجميع،،
و اليكم بعض مسادير احمد الفرجوني :

جفيل البل
علي المطر
الوقع في رشاشو
وحن القمري
لفريخاتو
في عشاشو
حنين الغربوهن
وفي المنافي بشاشو
عندى و شاهدي
ها الدمع
النزل بشاشو

عمر الدنيا للبعرف
حسابو تلاتي
يوما راح
و هسع يوم
ويوما اتي
مادام عمري زايل
زي زوال الشاتي
خلني ها النواصلو
القلبي بيهو بهاتي

مالو القمري
في فرعو
الندي بسجعلي
لايملي الزمان
البالخلا منجعلي
برجع للوطن كان
ما الموت ي
جي و يفجعلي
لكن الشباب
واحزني
مو راجعلي

يا ود طه لاتقولي
ولا تناصحني
متل القمري مالك
بغناك جارحني
من الطيفو
لابفارقني لا ببارحني
بسأل ربي كان
الموت يجي يريحني

يا لايمني
في طربي
وغنايا وشوقي
مهما تلومني
مابتحمي
القماري تقوقي
وكت الموت علي
مكتوب وقدرا فوقي
خلني ها النغنيلو
الظريف الذوقي

تبسيم التبر فى
خضرة
ارض الفودة
فى تبسيم شفاه
سمحا ضفائر و بقودا
قول للجنوا بيه
قلوبكن المفقودة
فى ناعساتو حابساهن
رموشو السوداء

يا حمزة الزمن
لابد يفتح طاقة
تجيك ايامو بي
راحة ومعاها رواقة
الفي الغربة بايتين
كلو ليلة شفاقة
يتلاقوا وتموت
نار اللظي الحراقة

بحلم و الحلم
يا صاحبي
ما هو ممنّّع
بركب فوق هجينا
سرجو زين و مصنع
قاصد السمحة
مستولة
التري التترنع
كاملة الحيا الليها
الطفيق ما اتدنع

[فيصل سعد]

[align=center]زينة التاجر الوزغن مراكبو وكتن
ليها شعاع بعد حس الفروع ما رتن
اكان فد يوم خديداتك معاي اتغتن
اقنع بيك و اتوب من البنات يا شتن

[align=right]و الشكية لله ..[/align]
[/align]

[فيصل سعد]

المشاركة الأصلية كتبت بواسطة خالد الحاج

[align=center][/align]

2- الغفر :

[align=center]دَخَل نَفَس الَغَفَرْ سَاَرقْ نَسِيمْ وَهَبيّبْ
جَايِ يَعوّر الجَرِح القِبيل مُو طَيٍبْ
لَجّت عيِني حَار بَيْ الدّلِيل يا مصيّبْ
مِن اْلأدعَجْ الفُوق ريدُه أَصْحي واغيّب[/align]

[align=center](الزبنان)

الزبنان دخل والقلِب طِرى المعشوقة
فمَّها نيلة المذرا وسنـــــــــاها بروقه
بـِت خيل القسيم أم ميمنــــــاً مطلوقة
عاجباني ونغمها دُقاق وجالــي نشوقة

(الإكليل)

الإكليل دخـــــــــل شـَنـَبو كياً قِيهو
ذكـَّر قلبــي أُنس الموضِعو متاقيهو
السبب المِخلي نفوسنا داخلات فيهو
زوقو كتير موفـِّر والجمال حاويهو

(العقرب)

قلب العقرب الآن غــــــاب وفكَّ نسايم
ذكـَّرني الغرامو مـــعاي أُمورو جسايم
غفر العاشقو قايـــم الليل سـُقـُد مو نايم
لابس حربي واقف سـنجة مانع الحايم

(الشولة)

صقط الشولة نفَّ وســـــاق وكيـَّر فـُوفو
ذكـَّر قلبي أُنس الروبتو غـــــامغة كتوفو
الحامينا دون الحــــــــــــي عملنا نشوفو
أدعج وريقو عسلاً صافـي حالي رشوفو

(النعايم)

يا خلـِّي النعايم زيف صقوتن سايق
ذكـَّر قلبي أُنس الراقي فـاهم ورايق
بي لهجو المعرجن وللمجالس شايق
وضَّح سري للمابعرفـو مني حقايق

(البـُلدة)

بعد رُقنا وعقلنا ونـُمـــــــا واستهدينه
عقم البلدة فكـَّت زيف صِقـوطة علينه
الليلة البتشفي سقمنــــــــــا وينا ووينه
جدية صِي ومـُهرة نيم ولـَبـَخ وجنينة[/align]

[Singawi]

يا خاااااال

الشوق والريد

يعلم الله شرقتني بي ود شوراني
الزول دا بحراً واااااسع .. يرويك وما تقدر تقوب بس . تطمع في المزيد والمزيد يعطشك تاني
راضي عنو وعافي منو
رحمة الله تغشاهو وتبيت وتقيل

تحياتي

[أحمد طه]

والله إمتاع ما بعدو إمتاع ، فتح الله عليك يا خالد الحاج ، و يا التباري و فيصل ، إن شاالله
( تلقو العافيه من غير بنسلين و دكاتره)
أنا عشان البوست ده وديت عنقريبي في الحوش الوراني و قلت للمرة قومي سوي لي الجبنة !!
جابت لي الجبنة ، قمت قريت ليها

شن خلاني بارد الليل بوح وأتغبّن
غير مُقد الدَرُو الكَبَسْ الشراية ولبّن
طلقت في جنوناً تاني ما بنطبّن
سبيكات قلبي ساحن والشنابر رقّن

قالت لي الله يشفيك ..
قتّ ليها نعم .. الله بيشفيني بي جنس الكلام ده

تحايا و مودّة خالصة

[فيصل سعد]

يوم رحيلك من البلاد
دارك موشحة بالسواد
غيَّم حزن كل اليتامى
وانشر بين كل العباد
و فارقت الناس السلامة