راكوبة المجادعات.. النمة والدوباي

[طارق صديق كانديك]

المشاركة الأصلية كتبت بواسطة ماريل

امبارح خيالو مشى للحبيبة وشافا
تاه فى بحر جمالا ابدع عديل فى اوصافا
الديس الغزير وسواد وطولو مساااااااااااافة
ووووووب ووبيين عليهو من العيون الشافا
كتلنو اللمى ..ودواهو يوت فى سلافا

في النوم الطيوف تجري ويزيد نزّافا
ديسا كالحرير وزايد عليهـو لطافا
الزول السمح اصفر طويل وقيافة
ده الخلاني هايم والخلوق تِتلافا

المشاركة الأصلية كتبت بواسطة قيس الصديق شحاته

البارح مساهِر من جفاهو وصدّو
خاويت النّجِم كمّلْ حسابو وعَدّو
الخلاني صبْر أيّوبنا فايت حدّو
ريد المشتهيهو الانقلب لي ضدّو

البارح كُتُر وقليبي أقرب أفصدو
قدر ما أقول أتوب عقبا يخالف وعدو
الخلاني امسك في حشاي ما يهردو
بساماً شلع جاب الرزاز بي رعدو

[علاء ابو حريرة]

المشاركة الأصلية كتبت بواسطة عبدالمنعم الطيب حسن

علاء ابوحريرة سلامات يازول
ياخ وجودك في المنتدى دا اضافة ويفرح
بس ياخ عاوزك تساعدني في شرح
الملون دا ؟ مجهجهني من زمان
ولو اللي في بالك زي اللي في بالي
لمِّح ولا تفصح

تحياتي اخي عبد المنعم وكل عام وانت بالف خير
النعام والخيل حسب ما اعتقد اسماء لي نجوم تعارف عليها اعراب البادية وتظهر متزامنة ؟؟ احدهما يكون اعلى الاخر وعند وكت السحر تنغلب الآية ؟؟ واراد الشاعر ان يحدد الوقت بالضبط ؟؟ ارجو ان تكون الصورة واضحة

[عبدالمنعم الطيب حسن]

المشاركة الأصلية كتبت بواسطة علاء ابو حريرة

تحياتي اخي عبد المنعم وكل عام وانت بالف خير
النعام والخيل حسب ما اعتقد اسماء لي نجوم تعارف عليها اعراب البادية وتظهر متزامنة ؟؟ احدهما يكون اعلى الاخر وعند وكت السحر تنغلب الآية ؟؟ واراد الشاعر ان يحدد الوقت بالضبط ؟؟ ارجو ان تكون الصورة واضحة

تزوغ بي الدو يا ابوحريرة ...
اراك قد اوغلت في التلميح ... حتى وددت ان اقول لك افصح شوية ...
لكن الصورة الان واضحة جدا ...
شكرا للاضافة العميقة
وتسلم يا امير

[عبده سعد]

ندخل معاكم ( بالرقراق) يعنى نتسرًب.
والديس هو نبات مائى وبداية لتكوين الجزر الصفيرة ، ويتواجد على إمتداد نهر النيل من المنبع وحتى المصب ، وهو قريب من نبتة الحصير والبوص لكنة أنعم وألطف فى ملمسه ومنظره ، وهو مرن مايع عندما يطول خاصة فى مرحلة الإزهار.
ونسبة لأنه واحد من مكونات البيئة السودانية ولإرتباطه بعزوبة مياه النيل والخضرة والجروف واللوبيا ( بالمناسبة ) هو غذاء ممتاذ للأبقار والضان والماغز، وهو أعشاش لطائر الوزين والسقد ،وبعض الطيور النيلية.(لما كان الحال زين الشعر مغطى اللضنين)
شعراء السودان بشفافيتهم المعهودة يتحفونا دائما بتشبيهاتهم اللطيفة ،ونبتة الديس ومفردها (ديسة) عندما تتخللها نسايم النيل تتمايل وتنساب يمنة ويسرى وهى تعكس أشعة الشمس لمعاناً يتطابق تماماً وشعر الحسان بعد تصفيفه على يد خبير متمرس.

[جيجي]

المشاركة الأصلية كتبت بواسطة عبده سعد

ندخل معاكم ( بالرقراق) يعنى نتسرًب.
والديس هو نبات مائى وبداية لتكوين الجزر الصفيرة ، ويتواجد على إمتداد نهر النيل من المنبع وحتى المصب ، وهو قريب من نبتة الحصير والبوص لكنة أنعم وألطف فى ملمسه ومنظره ، وهو مرن مايع عندما يطول خاصة فى مرحلة الإزهار.
ونسبة لأنه واحد من مكونات البيئة السودانية ولإرتباطه بعزوبة مياه النيل والخضرة والجروف واللوبيا ( بالمناسبة ) هو غذاء ممتاذ للأبقار والضان والماغز، وهو أعشاش لطائر الوزين والسقد ،وبعض الطيور النيلية.(لما كان الحال زين الشعر مغطى اللضنين)
شعراء السودان بشفافيتهم المعهودة يتحفونا دائما بتشبيهاتهم اللطيفة ،ونبتة الديس ومفردها (ديسة) عندما تتخللها نسايم النيل تتمايل وتنساب يمنة ويسرى وهى تعكس أشعة الشمس لمعاناً يتطابق تماماً وشعر الحسان بعد تصفيفه على يد خبير متمرس.

الله عليك والله
ماخليت للديس حاجة
شكرن ليك يا استاذ عبده
وكل سنة وانت بخير

[علاء ابو حريرة]

بدور الشد بدور الركبة فوق الشوح
بدور شقة فريق المنهن مجروح
يا شيخ طرقي يا حداد سفينة نوح
لزمي الصبر مني اليقين ما يروح

[قيس شحاتة]

آآسَجَم الرّماد، معايا شِنْ بتْسَوْ؟!
عِشْنا وشُفنا الضُلُمّة التّداقْر الضّوْ
كضّاب البقول في نضمو قولة لوْ
أنا انْ قاصْدَك بجيك؛ ما بتهرِشْنِي منّك هَوْ!!!

[جيجي]

المشاركة الأصلية كتبت بواسطة قيس الصديق شحاته

آآسَجَم الرّماد، معايا شِنْ بتْسَوْ؟!
عِشْنا وشُفنا الضُلُمّة التّداقْر الضّوْ
كضّاب البقول في نضمو قولة لوْ
أنا انْ قاصْدَك بجيك؛ ما بتهرِشْنِي منّك هَوْ!!!

اازول جيب لنا نضما حليو كدا ومدفق حنية في قبايل العيد دي
خلى البتسوي فيه دا

[قيس شحاتة]

المشاركة الأصلية كتبت بواسطة جيجي

اازول جيب لنا نضما حليو كدا ومدفق حنية في قبائل العيد دي
خلى البتسوي فيه دا

قتّي كدي؟gap طيّب أمسِكي المربوع دا واتنسّمي قبايل العيد سمِح:

الجسْم انّحَل، صِبحَتْ رويحتي شويّة
قول لي يا حكيم شخّس دحين ما بيّا
الخلّت قليبي يهيم ليلو وفجُرْ دُغشيّة
في ميزان الحريم واللهِ توزِن ميّــــة

[جيجي]

المشاركة الأصلية كتبت بواسطة قيس الصديق شحاته

قتّي كدي؟gap طيّب أمسِكي المربوع دا واتنسّمي قبايل العيد سمِح:

الجسْم انّحَل، صِبحَتْ رويحتي شويّة
قول لي يا حكيم شخّس دحين ما بيّا
الخلّت قليبي يهيم ليلو وفجُرْ دُغشيّة
في ميزان الحريم واللهِ توزِن ميّــــة

ايوة كدا خليك ناعم ولذيذوني
شنو الهرشة والهوهوة فينا

[جيجي]

المشاركة الأصلية كتبت بواسطة فيصل سعد

زينة التاجر الوزقن مراكبو و كتن
ليها شعاع وكت حس الفروع ما رتن
أكان فد يوم خديداتك معاى إتغتن
أقنع بيك و أتوب من البنات يا شتن

وين يا الكاهلي وين رحلوبا
وين البيها افكار العقول مسلوبه
وين الواعره في ميسا وصعيبه دروبا
وين الفي النميم كل الفطاحله بدوبا
.
دي عجيتني برضو يافيصل
في ناس كدا يحيروك في سمح الكلام

[قيس شحاتة]

المشاركة الأصلية كتبت بواسطة جيجي

وين يا الكاهلي وين رحلوبا

كلام سمح بلحيل والله.
لكن يا آنسة جيجي، البيت دا مكسور. ناقص جملة عشان ميزانو يتصلح. ممكن تكون:
وين يا الكاهلي، وين ست البنات رحلوبا

وشكرا لتعاونكم معنا من أجل مستقبل أفضل لأمتنا العربية.

[تماضر حمزة]

المشاركة الأصلية كتبت بواسطة علاء ابو حريرة

بدور الشد بدور الركبة فوق الشوح
بدور شقة فريق المنهن مجروح
يا شيخ طرقي يا حداد سفينة نوح
لزمي الصبر مني اليقين ما يروح

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟


ولد دا مبالغة

[مي هاشم]

المشاركة الأصلية كتبت بواسطة تماضر حمزة

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟


ولد دا مبالغة

خلاس قمتي على جنّك ودايرة تجنّنيني معاك؟؟!!


بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

[تماضر حمزة]

المشاركة الأصلية كتبت بواسطة مي هاشم

خلاس قمتي على جنّك ودايرة تجنّنيني معاك؟؟!!


بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

بدور ال في الوريد وروحي جوات روحو
بدور الوصفي في مجمل غناو وشروحو
ودّر هالعقل مجنون وطال في سروحو
ومانفعوا الشيوخ والقبة راجية ضروحو

شيخي قال ليك ياحبببة