نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 06-04-2015, 06:51 PM   #[1]
عكــود
Administrator
الصورة الرمزية عكــود
 
افتراضي رفقاً بالحوار وبسودانيات يا أفاضل

اقتباس:
المشاركة الأصلية كتبت بواسطة عايد عبد الحفيظ مشاهدة المشاركة
فى منتداكم الجميل ابحث عن الجمال وهو موجود وبكثرة . . تقلقنى فقط المناوشات التى تكسر الاشارات الحمراء . . واعود واتعجب عن حال اناس يحملون كل هذا الجمال داخلهم ويسكبونه ويملأون مواعين الجميع به . . كيف ينقضون غزلهم بايديهم . .
مبدأ الحياة البسيط فى الاختلاف . . رأيئ صواب يحتمل الخطأ . .ورأيك خطأ يحتمل الصواب .
السلام للجميع،

أعلاه ما قاله الأخ عايد عبد الحفيظ، وهو حديث عهد بالمنتدى، في معرض ردّه على الأخ النور في بوست "الرؤيا والإمتلاء البهيج".

أتفق معه تماماً، فالناظر للعشر بوستات التي تتصدر صفحة منتدى الحوار، يجد فيها الكثير من "نقض الغزل" بأيادٍ تُحسن تطريز الكلام.

هي دعوة لجميع "المتناكفين" أن يستهدوا بالله وأن يترفقوا في الحوار، وما الأمين العام ومشرفي منتدى الحوار إلا أخوة ارتضوا أن يسهروا على خدمتنا على حساب وقتهم ووقت أسرهم، فلنعينهم بتخيّر كلماتنا.

هلّا استجبنا؟
رجاءً ..



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-04-2015, 08:20 PM   #[2]
أسعد
:: كــاتب نشــط::
 
افتراضي

يا عمدة
تحياتي

اقتباس:
رفقاً بالحوار وبسودانيات يا أفاضل
وماهو الحوار؟!
يا عمدة الحوار عندي معناه بدون وهمة اصطلاحا ولغة والحنك العاضي دااااك
الحوار عندي هو أنك تجيب العندك وأجيب العندي
In other words
تمرق الجواك وامرق الجواي... ونقطة التقاء حاجاتي الجوانية وحاجاتك الجوانية هي الحوار الجوهري، أما الحوار ذو اللغة الرفيعة والأدب الجم والأخلاق الما عارف شنو دي... دا يعتبر حوار شكلاني سااااي...
ويبقى عشان أمرق الجواي، لازم تطلع حاجاتي الجواي بطريقتها الخاصة، يعني ما تطلع بطريقة معينة أو اسلوب محدد أو اطار معلوم...
وبالتالي أنا لمن أطلع حاجاتي من دون تجميلها أو تذويقها أو تطويرها أو أي كان... دي هنا بتكون الحاجات طلعت بتلقائية... وهذه التلقائية هي الوسيلة الوحيدة لكي يعرف الانسان ذاته التي يجهلها...
وعليه فإن الحوار فائدته تعود على المتحاور وحده ولا فائدة ترجى منه للقراء
فالمتحاور حين يحاور بتلقائية، حينها تطلع حاجاته الجواهو التي كان يجهلها، وهنا سيتمكن من معرفة حاجاته عبر سلوكياته اثناء الحوار والتي كانت في ردود افعاله التي نتجت من مخاوفه والأشياء التي يرغب بها والاشياء التي لا يرغبها وما يحب وما يكره والخ الخ من سلوكيات وعواطف هي عبارة عن مخططات تشرح له بنيان تكوين هيكل ذاته الداخلي الذي يجهله...

وعليه يا عكود أنا اعتقد أن الحوار الذي يتم تأطيره بمفهوم معين وتحديده بحدود محددة... هذا الحوار أشبه ما يكون بهيفاء وهبي كما وصفها عمنا العظيم توفيق عكاشة وهو يقارن هيفاء وهبي الصناعية وبت الريف الملبن...

فما يحدث من حوار في سودانيات هو بالضبط الحوار الذي نحتاجه لكي يصبح مرآة لأنفسنا ويعرفنا بذاتنا الداخلية أكثر وأكثر....



التوقيع:
وأي كنت من الخلائق، إما أن تبدو كما أنت، وإما أن تكون كما تبدو.
مولانا جلال الدين الرومي
أسعد غير متصل   رد مع اقتباس
قديم 06-04-2015, 08:46 PM   #[3]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة أسعد مشاهدة المشاركة
يا عمدة
تحياتي


وماهو الحوار؟!
يا عمدة الحوار عندي معناه بدون وهمة اصطلاحا ولغة والحنك العاضي دااااك
الحوار عندي هو أنك تجيب العندك وأجيب العندي
وجدى سلام

ما أعتقد عكود ده قصدو زى وقع لىّ .. ما أعتقد ما بيعنى نوعية الحوار لكن بقصد نوعية المصايدة والشخصنة فى العداوات

عن نفسى شايف الحوار الداير صحى شديد (لو) الناس ألتزمت بأدب الحوار .. مثلاً ما عارف (المالكيين) بيتبعوا مسارو ولّ بعبدوهو فى نفسه .. لامن قلت وطأ ألف جارية جونى كل قليلين الأدب عبدة الأصنام .. رغم وطء الجوارى حلال ما حرام وكلامى ما بسجل أى إهانة للرجل .. المشكلة العنيتا أنا كانت (الهدايا) وليس الوطء فى محاولة توصيل معلومتى بأن هؤلاء العلماء كانوا حاشية السلطان بس مين بفهم

كدة بوست عمك ضاع



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 06-04-2015, 09:40 PM   #[4]
عكــود
Administrator
الصورة الرمزية عكــود
 
افتراضي

سلام أسعد / رأفت،

بالتأكيد ما بقصد الحوار في عضمو وإن احتدّت وتيرته.
ما أقصده هو الترصّد الحاصل وتخطي الإشارات الحمراء، كما وصفها عايد، وذلك بالتنافس في تبادل الشتايم والحرص على التقليل من شأن الآخر (في شخصو) ناهيك عن التقليل من رأيه.

يا رأفت الحاصل ده أبداً ما صحّي وبيسيئ لمتخطي الخطوط الحمراء، قبل الإساءة لمحاوره، وبيقلل من قيمته عند القرّاء كمان.

مثلك الجبتو ده ما في محلو، فالبوست ليس لجلب أمثلة، وإلا كل واحد من "المتناكفين" جاب أمثلتو وختاها هنا (وهي بالكوم) وبكده بتضيع فكرة البوست.

تحياتي.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-04-2015, 09:56 PM   #[5]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام أسعد / رأفت،

بالتأكيد ما بقصد الحوار في عضمو وإن احتدّت وتيرته.
ما أقصده هو الترصّد الحاصل وتخطي الإشارات الحمراء، كما وصفها عايد، وذلك بالتنافس في تبادل الشتايم والحرص على التقليل من شأن الآخر (في شخصو) ناهيك عن التقليل من رأيه.

يا رأفت الحاصل ده أبداً ما صحّي وبيسيئ لمتخطي الخطوط الحمراء، قبل الإساءة لمحاوره، وبيقلل من قيمته عند القرّاء كمان.

مثلك الجبتو ده ما في محلو، فالبوست ليس لجلب أمثلة، وإلا كل واحد من "المتناكفين" جاب أمثلتو وختاها هنا (وهي بالكوم) وبكده بتضيع فكرة البوست.

تحياتي.


العفو يا عمدة أنا فاهمك صاح بس إستغليت الرؤيا الضعيفة بتعبير ناس الجيش .. لكن عندى راى تانى .. المتضررين زيك كده ليه ما بخشوا مكان الوجعة زى ما عمل حسين فى بوست الضبان .. الغيرة على الموقع كده دايرة حسم مع العشم



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 06-04-2015, 10:13 PM   #[6]
أسعد
:: كــاتب نشــط::
 
افتراضي

يا عم رأفت وعكود
والشخصنة والترصد دي ياها من ضمن الحاجات الجوة المتحاور...
أنا شخصنت الحوار مع خالد غالي، وبقيت اترصده في الصغيرة والكبيرة
هذا الترصد فعليا صدر من غير قصد مني، لأن هذا الترصد نبع من اللاوعي
لأن فعل الترصد والشخصنة وبالتالي المخاشنة والملاعنة والسباب ليست من السلوكيات والافعال المستقصدة...
العنف في عمومه هو البوابة الرئيسية لأفعال العقل الباطن... أها لمن تطلب مني أني أكون زول كويس... فعليا أنت تطلب مني بأن لا أكون نفسي، أي بمعنى أن أتخلى عن نفسي الماكويسة لكي أكون النموذج الكويس الذي طلبته مني...
في حين أنو لو خليتني سادر في لاكواستي دي، يمكن عسى ولعل أدرك حقيقة نفسي اللاكويسة... ومن خلال هذا الادراك ينتج التغيير الحقيقي...
لكن عندما اكبت نفسي اللاكويسة باطار كويس. أكيد هذا التأطير ستصبح عواقبه وخيمة على نفسي...

لذلك في مداخلتي اعلاه اوضحت ان الحوار الحقيقي (بغض النظر عن كواسته) فائدته ستعود على المتحاور فقط... لان هذا الحوار بمثابة تنفيس لحركة الأشياء في اللاوعي...



التوقيع:
وأي كنت من الخلائق، إما أن تبدو كما أنت، وإما أن تكون كما تبدو.
مولانا جلال الدين الرومي
أسعد غير متصل   رد مع اقتباس
قديم 07-04-2015, 12:39 AM   #[7]
أبو جعفر
:: كــاتب نشــط::
الصورة الرمزية أبو جعفر
 
افتراضي

اقتباس:
المشاركة الأصلية كتبت بواسطة أسعد مشاهدة المشاركة
يا عم رأفت وعكود
والشخصنة والترصد دي ياها من ضمن الحاجات الجوة المتحاور...
أنا شخصنت الحوار مع خالد غالي، وبقيت اترصده في الصغيرة والكبيرة
هذا الترصد فعليا صدر من غير قصد مني، لأن هذا الترصد نبع من اللاوعي
لأن فعل الترصد والشخصنة وبالتالي المخاشنة والملاعنة والسباب ليست من السلوكيات والافعال المستقصدة...
العنف في عمومه هو البوابة الرئيسية لأفعال العقل الباطن... أها لمن تطلب مني أني أكون زول كويس... فعليا أنت تطلب مني بأن لا أكون نفسي، أي بمعنى أن أتخلى عن نفسي الماكويسة لكي أكون النموذج الكويس الذي طلبته مني...
في حين أنو لو خليتني سادر في لاكواستي دي، يمكن عسى ولعل أدرك حقيقة نفسي اللاكويسة... ومن خلال هذا الادراك ينتج التغيير الحقيقي...
لكن عندما اكبت نفسي اللاكويسة باطار كويس. أكيد هذا التأطير ستصبح عواقبه وخيمة على نفسي...

لذلك في مداخلتي اعلاه اوضحت ان الحوار الحقيقي (بغض النظر عن كواسته) فائدته ستعود على المتحاور فقط... لان هذا الحوار بمثابة تنفيس لحركة الأشياء في اللاوعي...
بعد التحية لصاحب المفترع وضيوفه

ده كلام كبار يا أسعد ... واصل أحتمال تلقى تلاميذ لفكرك العميق هذا.

وبعدين ياخ ربنا سبحانه وتعالى قال أكتم وأجرك على الله .. تقول فضفض؟!...

على أي حال أنا مؤمن بنظرية: (بالحوار تتنزل الحلول والأفكار) ... وطبعاً لكل قاعدة شواذ .. فاصحاب (الباطن المريض) كما أوضحت لنا يتنزلون سخرية وشتائم ... ولذلك أضعهم في قائمة التجاهل لدى أي بادرة من هذا النوع.

تحياتي.. وشكراً على التنوير.



التوقيع:
مسك العصا من النصف لا يوصلها إلى رأس الحية
آفة الرأي الهوى
أبو جعفر غير متصل   رد مع اقتباس
قديم 07-04-2015, 05:26 AM   #[8]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة


العفو يا عمدة أنا فاهمك صاح بس إستغليت الرؤيا الضعيفة بتعبير ناس الجيش .. لكن عندى راى تانى .. المتضررين زيك كده ليه ما بخشوا مكان الوجعة زى ما عمل حسين فى بوست الضبان .. الغيرة على الموقع كده دايرة حسم مع العشم
سلام يا رأفت،

الدخول في مكان الوجعة في أغلب الأحيان صعب وما بيجيب فايدة تذكر، لأنو كل طرف بيعتبر الحق معاهو وإنو هو ما البدا المناكفة ويحيلك لمداخلات سابقة وقد تكون في بوستات سابقة، ويقول ليك ما تساوي الجلاد والضحية، وكلامك ده ليه ما قلتو ساعة فلان قال كيت وكيت. هنا بدل ما تبقى حجّاز وبس، حتضطر تبقى حكم برضو وسط نفوس محتقنة.

العملو حسين في بوست الذباب، كان وجّه حديثو ليك إنت مفترع البوست وقال ليك ما معناهو "عيب يا خواجة" وإنت -كتر خيرك- سمعت كلامو. يعني ما كان في طرفين في نفس البوست.

البوست بتاعي ده، نوع من التدخل وعشم برضو، والحسم بيجي من الأمين العام (أعانه الله).

تحياتي



التعديل الأخير تم بواسطة عكــود ; 07-04-2015 الساعة 05:58 AM.
التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 07-04-2015, 05:39 AM   #[9]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة أسعد مشاهدة المشاركة
يا عم رأفت وعكود
والشخصنة والترصد دي ياها من ضمن الحاجات الجوة المتحاور...
أنا شخصنت الحوار مع خالد غالي، وبقيت اترصده في الصغيرة والكبيرة
هذا الترصد فعليا صدر من غير قصد مني، لأن هذا الترصد نبع من اللاوعي
لأن فعل الترصد والشخصنة وبالتالي المخاشنة والملاعنة والسباب ليست من السلوكيات والافعال المستقصدة...
العنف في عمومه هو البوابة الرئيسية لأفعال العقل الباطن... أها لمن تطلب مني أني أكون زول كويس... فعليا أنت تطلب مني بأن لا أكون نفسي، أي بمعنى أن أتخلى عن نفسي الماكويسة لكي أكون النموذج الكويس الذي طلبته مني...
في حين أنو لو خليتني سادر في لاكواستي دي، يمكن عسى ولعل أدرك حقيقة نفسي اللاكويسة... ومن خلال هذا الادراك ينتج التغيير الحقيقي...
لكن عندما اكبت نفسي اللاكويسة باطار كويس. أكيد هذا التأطير ستصبح عواقبه وخيمة على نفسي...

لذلك في مداخلتي اعلاه اوضحت ان الحوار الحقيقي (بغض النظر عن كواسته) فائدته ستعود على المتحاور فقط... لان هذا الحوار بمثابة تنفيس لحركة الأشياء في اللاوعي...
سلام يا أسعد،

ياخوي أن يسدر الشخص في عدم كواستو ونقعد نعذرو بإنو بينفّس في اللا وعي بتاعو بالترصد والشخصنة والملاسنة والملاعنة، ونقول "يا سلااام خلوهو يكون نفسو واصبروا عليهو لغاية ما يدرك عدم كواستو دي" ده ما بيجي هنا في منتدى تحكمه لائحة ومبادئ أخلاقية.
عدم كواستو دي بيتضرّر منها باقي الأعضاء ومستوى الحوار. عشان كدي بنلفت النظر -بكثير محبة وعشم- لعدم الكواسة دي، والناس تقيف تراجع نفسها.

ثمّ، الناس عندها الجميل والله ونرجو أن لا ينطبق علينا قول المتنبي:
ولم أر في عيوب الناس عيبًا كنقص القادرين على التمامِ



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 07-04-2015, 05:42 AM   #[10]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة أبو جعفر مشاهدة المشاركة
بعد التحية لصاحب المفترع وضيوفه

ده كلام كبار يا أسعد ... واصل أحتمال تلقى تلاميذ لفكرك العميق هذا.

وبعدين ياخ ربنا سبحانه وتعالى قال أكتم وأجرك على الله .. تقول فضفض؟!...

على أي حال أنا مؤمن بنظرية: (بالحوار تتنزل الحلول والأفكار) ... وطبعاً لكل قاعدة شواذ .. فاصحاب (الباطن المريض) كما أوضحت لنا يتنزلون سخرية وشتائم ... ولذلك أضعهم في قائمة التجاهل لدى أي بادرة من هذا النوع.

تحياتي.. وشكراً على التنوير.
سلام يا أبا جعفر،

أرجو أن تدعم معنا هذا التوجه بأن نترفق في الخطاب لنسمو.

تحياتي



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 07-04-2015, 05:54 AM   #[11]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة


عن نفسى شايف الحوار الداير صحى شديد (لو) الناس ألتزمت بأدب الحوار ..
سلام تاني يا رأفت،

أنا بتحفّظ على مقولة "الحوار ده صحّي" البيرددها البعض كلما زاد عنفه والتراشق. ياخي بيكون صحّي فعلاً لو الناس قالت نفس كلامها بس بهدوء. وأهو إنت نفسك وضعت شرط صحّة للحوار بمقولتك (لو الناس التزمت بأدب الحوار).
أدب الحوار ده هو البننادي بيهو.

الحوار الداير اليومين ديل لا صحّي ولا شاف الصحة بي عينو!
إلّا من رحم ربّي.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 07-04-2015, 06:57 AM   #[12]
بابكر مخير
:: كــاتب نشــط::
الصورة الرمزية بابكر مخير
 
افتراضي

كوكي يابا
حسي دحن عمك روفي وعمك بابكر على سبيل المثال وأمثالهم كُثر وكُتر..
من مشاغل صحتهم والدنيا الحوالينهم فيها ما يكفي لينشغلوا وحتى ظاتهو ما يشتغلوا..
آها تلقاهم بي جآي مما تصبح ليييييييييييييين تضلم في شآن شني..
ما الياها النقة ديك..
يابا الحديد بيصقر لمن يدفن
وناس إحنا والكُثر من أمثالنا
بالدفنة صقر....
أوبس
قربتا أقول صقرو والتاء سكنها بين الحروف الأبجدية..
على قول واحد مثلنا مناااااااااااااااااكف...
يلآ تتتتشششششششششآآآآآآآآآآآو



التوقيع:
بابكر مخير غير متصل   رد مع اقتباس
قديم 07-04-2015, 07:09 AM   #[13]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
والحسم بيجي من الأمين العام (أعانه الله).
تحياتي
الليييييييييييييييييييييييييلة


كوكي
دون إستئذان
بقيت تستعمل متل إسلوبي..
الأمير ماهو أكتر ولا أقل منك
طيبة وذوق
والأمين ماكا فايتهو ولا هو فايتك
حرصا علي التواصل والمحبة..
ما ظنيتهو بيحسم..
ضيعتوها فرصة وما مسكتوني ليها..
بالله عليك إلا روفي والزين يشوفوا ليهم
روضة وواحتن تانية


دي محاولات يائسة لحلج البوست
لأنه أخرهو
خوفي يبقآ
ظيتا ونقيف نتفرج من على الحيطة



التوقيع:
بابكر مخير غير متصل   رد مع اقتباس
قديم 07-04-2015, 07:18 AM   #[14]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

تحية وسلام يا عمده وضيوفك

الإحترام المتبادل مافي أفضل منو
والمحبة كمان ،،، مافي أحسن منها


انا شخصياً وقفت أتداخل فيما بين الناس

تتناقش ،،
تتناحر
تتكاتل عديييييييييل كده

لا دخل لي فيما بينهم

وما ظنيتني مجبور أقرأ مهاترات أو شخصنة في الحوار أو إساءات وتجريح وشنو شنو داك

نعم للحوار
نعم للإختلاف كشئ حتمي وطبيعي

ولكن ،،، أن نتحاور ونختلف ونحن نلبس ثوب أدب الحوار

ياخي الولد أسعد ده فلسف المسعلة ساي ياخ ،، قال شنو قال ،،،

لما تقول لي اعمل كيت وكيت بتكون لقيت السيئ الفيني وعاوزني أبقي كويس


طيب مالها الكواسة ياخ ،،، تكوس للعروس وما تلقاها مِتِل ما لقاها الرشيد



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 07-04-2015, 07:36 AM   #[15]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
كوكي يابا
حسي دحن عمك روفي وعمك بابكر على سبيل المثال وأمثالهم كُثر وكُتر..
من مشاغل صحتهم والدنيا الحوالينهم فيها ما يكفي لينشغلوا وحتى ظاتهو ما يشتغلوا..
آها تلقاهم بي جآي مما تصبح ليييييييييييييين تضلم في شآن شني..
ما الياها النقة ديك..
يابا الحديد بيصقر لمن يدفن
وناس إحنا والكُثر من أمثالنا
بالدفنة صقر....
أوبس
قربتا أقول صقرو والتاء سكنها بين الحروف الأبجدية..
على قول واحد مثلنا مناااااااااااااااااكف...
يلآ تتتتشششششششششآآآآآآآآآآآو
سلام يا حبيبنا،

ياخي إنت والذكرتهم ديل ياكم الخير والبركة والله، وماكم متل الحديد البيصقّر، إنتو للدهب أقرب، وما بيصدأ.

ومداخلتك التانية دي، أديت أمير الأمين وكانديك حقّهم، ورفعتني درجة بمماثلتي بيهم وشاكر ليك.

تسلم.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:24 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.