من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > عبدالله الشقليني

إضافة رد
 
أدوات الموضوع انواع عرض الموضوع
قديم 11-06-2006, 05:55 PM   #[1]
عبدالله الشقليني
:: كــاتب نشــط::
 
افتراضي المُجادعة والقصيدة القصيرة : دعوة للمشاركة

المُجادعة والقصيدة القصيرة : دعوة للمشاركة

فن ( المجادعة ) من فنون أهل الريف ، وهو من فنون الارتجال المبدع . المناخ جلسة تحت الشجر الظليل في العصرية أو الضحوية في أزمان الراحة والأعياد . المشافهة هى اللغة المتداولة ، والمباريات يتجمع من حولها المستمعون في حلقات ، يقيِّمون فصاحة الردود وبلاغتها . على ضيافتها الشاي والقهوة أو المُتيسر من الشراب . هو ضرب من السمر الجماعي ، يتتبع أثر الفصيح من الوصف، والبليغ من التعابير ، مع السرد القصصي الذي يتبع القوافي أو يفارقها . تحتمل الهجاء والمدح والرثاء والغزل والمداعبة والفكاهة والمرح أو غيره . يتبع الرد الشِعري القوافي التي يختارها الشاعر ، كما يختار بَحَر الشِعر الذي يناسب إختياره للردود . غير مُقيَّد إلا باتباع القافية التي بدأ بها الرد . المقاطع الشعرية قصيرة توجز المعاني ، ولكنها مكتملة التصوير .
عندما بدأت المجادعة مع دكتور توفيق الطيب قبل الهجمة الكالحة على سودانيات ، كانت تلك أول تجاربي الشِعرية ، وفنون الشعر باللغة العامية لها أساطينها ، ومن يطوعون عجين المعاني فيبدعون أيما إبداع . رغم إنني ما خبرت مداخِله أو دروبه الشائكة إلا أنه كان عليّ أن ألبس لبوس الزمان والمكان الذي يتفق والبيئة التي نشأ في كنفها شِعر ( المجادعة ) . ربما ينفصل الراوي عن بيئته ، ويبدأ التخيُّل في مناخ الريف السوداني ، يعُب من ثرائه ، وينهل من بساطة الحياة في كنفه ، ويتتبع فيضه الاجتماعي الدافق . وهنا ينهض النقيض الذي يقُض المضاجع .
كيف يتسنى أن تلبس لبوس الريف من الخيال ؟. إذ لا تدعمني سوى ذاكرة بعيدة ، عبرت دروب تلك الرؤى منذ زمان بعيد و على عجل . لم أختبر تفاصيلها الحياتية بما يتيسر لشاعر المنطقة ، الذي يستنشق هواءها ويشرب ماءها ويستطعم ( فريكها ) . ترفد روحه شرايين الشعر الطَلِق و خواطره التي تأتي بلا ميعاد .
نبدأ الآن سرد كل ما كتبنا من قبل في ( المجادعة ) التي استفتحها الدكتور توفيق الطيب ، وليس لدي سوى بعض من تلك القصائد القصيرة التي اشتركت بها ضمن المجادعة ، أو القصيدة القصيرة ، والتي أرفدها ود الحسين بالكثير : ـ
)

(1)

ود الطيب هَنَاك إتْ بالأدب كَمَلتَ
بالذوق والعِلِم في وِجيهَك إتجَمَلتَ
جَلّ الإله وإتْ بى رِضَاهُو عَمَلتَ
النَصَاح عِندَك ، وأظِني اتهَبَلتَ

(2)

ود الطيب مَرَق بِِلحيل فَردتَ سَنِينَكْ
العَرْقُوب فِتِر والدُنيا راجية طَحِينَك
السِكة القديمة ارجاها ما بِتهِينَك
إت وَلَد البَحَر عُومتُو بتَرَوي حَنِينَك

(3)

في الغربةَ الصَعيبة قَعَدنا وإتَمَحنا
التَلَفون ضَرَب في بَلدنا إتْلَجَّنا
في شوك الكَتِر جَلَسنا و إتمَهَلنا
وريِنا الحَلَل ما تَرَانا إتحَسَرنا

(4)

يا توفيق أخُوي الرَاحة لايقَة عليك
كان قَرّيتْ أَخُوي أصبُر على الرَاجِيكَ
نومَة قَليَة البُنْ مع القَرَّاص ينَتِفْ فيِكَ
حَبوبة أم حُجُول تَمرُق تَنادي عَليكَ

( 5)

يا توفيق أخُوي أرجَاهَا مويةً فَاترَة
الشَاي السَمِح بِدور رُجَال السَاترَة
الطَيب كِبِر ما بسَاعدُو غير الفَاردَة
أُمك مَعاو تَحَلِف تَصُد الشَاردَة

(6)

سُهُولَك وَاحَة للشوق ألمُسَوِّس فِينَا
وحُسنَك رَاحَة هَجِيع و النَسمَة هَابَة عَلينَا
مِن روحتَك خَلاص الدُنيا ضَاقَت بينا
في غِيابَك كِتِلنَا و عَضّ الصِبيع راجِينا

( 7)

الدُخَان مُويقِد وَ الدَعَاش راح طَشَّ
مِن شوفة الغَزالة السِحاب قَام رَشَّ
والصَفَق ألمُصَّفِر نَام بعد ما ِإتعَشَى
ومِن نومتُو خَدَّر بَرَّد غَبينتُو إتفَشى

(8)

النُوَّارة قامت أريَاحَا هَبت وُ فَاحَت
حُمَّة جِسيمِي مِنُو طَارَت رَاحَت
بُقاقة الجِلِّد تَلقَاهَا مَاحَت سَاحَت
مِريكِب جِدَّك الرَاجيَاني كَاسَت وذَاعَت

( 9)

كان شَافَا الشِتا صَفَق الشِدر ما بِحِتُو
الشاي المَبَخَّر لَفَح البَخُور مِن سِتُو
شايلاهو اللِدينة معاها الخَبَر بِتفِتُو
الغَايِب كِتِل ، والحَضَر حَضَر لى مِيتُو

( 10)

كَتَلنِي الشُوق هَجَّدتَ عِندَ الجَدوَل الرَقرَاقْ
دَمع الفُرَاق بَحَر غَطى القَدم وَالسَاقْ
ضَيَك صَحَّى المَتَوَّك كَان مُغَبِي وفَاقْ
الخَلِق بَارُو اللَتَر صِبِح الدَرِب سَاسَاقْ

( 11)

ود الطَيب شَرَد دِي الفِيكَا ما حَاريهَا
لَهَفان للبَلد إِتْ شوكةَ القَدَم حَاسِيهَا
وَلا الشوق سَكَر والدُنيَا ما دَارِيهَا

( 12 )

وَد الطَيب يِسمَع خَبَار العاشِق المَجنُون
هُو الشَقيَان يِبَارِي الرَايحَة وين ما تكُون
وهُو المَبرُوك يِشَاوِر للمُصِيبة تهُون
والرَاي العَنِيد يِنُطِط من رُويسُو قرُون

( 13 )

هَتَك بَي عِنيقرِيب … هُو شِن الصَنعَة
مَاك عَيدان وُحَبَل ..كَرَّبوك يوم جُمعَة
الرَّبَطَ عِصيبَاتَك فقد النَصَاح والسُمعَة
النَار التَهَرْدَك ، َنَنَسى اللَتِق و الرُقعَة

( 14 )

سَرحَان أهِش بعَصاتِي غَنَم إبلِيس
وأحلم بى مُنَيةَ الرِفقَة الحَنينة جَليس
قِدامِي شَيَّة.. كَفْ لَفَحها كَدِيس !

ونواصل

عبد الله الشقليني
09/10/2004



التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 11-06-2006, 06:07 PM   #[2]
عبدالله الشقليني
:: كــاتب نشــط::
 
Lightbulb

هذا البوست
مُستفرَع من بوست طمَرته دعوة تجديد المنتدى ، وصار أمر نقله لكم مسألة وقت .
نشكر الإدارة
و نرجع للملفات ونشترك بالجديد :
هذا هو اللنك السابق .

http://sudaniyat.net/forum/viewtopic...FE%F5%ED%F1%E9

نأمل المشاركة من الأحباء ،

ومن ثم نواصل




التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 12-06-2006, 01:52 PM   #[3]
عبد العظيم الطاهر
:: كــاتب نشــط::
 
افتراضي

اقتباس:
المشاركة الأصلية كتبت بواسطة عبدالله الشقليني
هذا البوست
مُستفرَع من بوست طمَرته دعوة تجديد المنتدى ، وصار أمر نقله لكم مسألة وقت .
نشكر الإدارة
و نرجع للملفات ونشترك بالجديد :
هذا هو اللنك السابق .

http://sudaniyat.net/forum/viewtopic...FE%F5%ED%F1%E9

نأمل المشاركة من الأحباء ،

ومن ثم نواصل


الشقليني .....

طيب نبدا كيف هسه ......... ؟

غزل ولا حماسة ..... ولا ....

عندي ليك أقتراح ..... نمسك حاجه حاجه

الغزل مثلاً نروح فاتنِّو ........

بعدو الحماسه ....... وبعدو الاخوانيات وهكذا دواليب

دا إقتراحي في الأضية يعني .....



التوقيع: [align=center]


يـا عـروب الحِلَّه الغادي
ويـا أدروب أنا ليكا بنادي
ويا الطمبـورن غـرد شـادي
ويا الساكنين في جنوب الوادي
خلوا أرواحـنا التبقى أيادي
نكتل الـدابي الدخـل العشه
هل في طريقه ............... ؟
[/align]
عبد العظيم الطاهر غير متصل   رد مع اقتباس
قديم 12-06-2006, 04:16 PM   #[4]
عبدالله الشقليني
:: كــاتب نشــط::
 
Lightbulb




حبيبنا عبد العظيم

أبدأ مما تُحب :

لك مثال قديم :

كتب عكود :

الطيّب أخوي غشواتك دي ما بنرضاها
بندورك تقيّل وفوق البِكري نغلي تِنَاها
فرق أمّات شليخ بعد الوِلف، كتير سوّاها
حال نياقاً بعيد سَارْحة وهي فاردة جناها

وعليه رددنا :

الطيب أخُوك ماسك براهو الدَّفة
يجي بعد بَرِد الزَمهَرير يَدَّفَا
الباب مَتَاكَا والبشرُد بَرَاو إتْرَفَّا
العَاشق النَبيل يطلُب تَجِيهُو العِفَّة





التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 13-06-2006, 10:46 AM   #[5]
ريما نوفل
:: كــاتب نشــط::
 
افتراضي

الأستاذ عبدالله

هل هو نفسه ما نطلق عليه نحن تسمية "زجل"؟



ريما نوفل غير متصل   رد مع اقتباس
قديم 13-06-2006, 02:35 PM   #[6]
عبدالله الشقليني
:: كــاتب نشــط::
 
Lightbulb

اقتباس:
المشاركة الأصلية كتبت بواسطة ريما نوفل
الأستاذ عبدالله

هل هو نفسه ما نطلق عليه نحن تسمية "زجل"؟
الأستاذة ريما
تحية لكِ ، نعم هذا يشبه الزجل ، وهو نظم شعري باللغة العامية ،
وتتلون العامية في كل وطن ، وفي الوطن الواحد تتعدد العاميات .

يمتاز هذا النوع من الشعر بأن يغلب عليه الإرتجال ، ويُجيد الشاعر فيه ،
بقدر ما يتمكن من حذق وزن الشِعر بناء على الموسيقى الشفاهية .

وتلحظين بعد أن يترك المُتبارين الساحة تظهر عيوب الإرتجال في المبزان الشعر ي
مثلاً عندما أوردنا من إرتجال عكود :

الطيّب أخوي غشواتك دي ما بنرضاها
بندورك تقيّل وفوق البِكري نغلي تِنَاها
فرق أمّات شليخ بعد الوِلف، كتير سوّاها
حال نياقاً بعيد سَارْحة وهي فاردة جناها

تجدين البيت أدناه يحتاج لبعض الضبط

فرق أمّات شليخ بعد الوِلف، كتير سوّاها



التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 14-06-2006, 06:58 AM   #[7]
مهند الجيلي بادي
:: كــاتب نشــط::
الصورة الرمزية مهند الجيلي بادي
 
افتراضي


الشقليني الحبيب ،،


سلامات يا ضو ...

بشوفك للكلام الزين رجعت موالف
والفت الحروف وبيهن للجميع بتآلف
مُرَبِعْ قولك بي سمح الكلام السالف
جيتك دغري وماااااا اظني ليك مخالف


الشقليني ،،

كلامك بيريح ومربعاتك سمحة
راجيك يلا قول نمك واوصف اللوحة
ام ديسا مكبكب والعيون البرحة
ياخ انا جنني الخجل وما تقول لي لفح الطرحة



مرفق :
كل المودة
بـــــادي



التوقيع: [align=center]
وَخَرجْتُ مِنْ وَجعِي
بآلافِ التَجَارِبْ ..

وأمْتَهَنْتُ الصَبْرَ
وَعَشِقْتُ بِلادِي
ثُمَ مَلَكِ المَوتِ
وَبَقِيتُ أُحَارِبْ ..


(مهند الجيلي بادي)[/align]
مهند الجيلي بادي غير متصل   رد مع اقتباس
قديم 14-06-2006, 07:41 AM   #[8]
عكــود
Administrator
الصورة الرمزية عكــود
 
افتراضي

شقليني الحبيب،
سرحت كتير وأنا أراجع قراءة البوست السابق من اللنك المرفق
لك الشكر آلاف
عشان أقدر أحفظ ما ورد فيه عندي في الكمبيوتر
وحتى أرجع ليك مرات ومرات، أقول لك ما قد كنت قلته لك هناك:

[align=center]شادّين الرِّكَـاب لو نلحق عجاج حَادِينَــا
كاربين السَـرِج شان القافية ما ترمينَــا
إنتوا أهل الجَدْعَة..ملوك القوافي الزِّينَــة
بِهَضْلِم الفانوس كان ضَوَّى وحِدَاهو رَتِيَنة
[/align]

يا رتينتنا الضاوية،



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 14-06-2006, 12:14 PM   #[9]
عبدالله الشقليني
:: كــاتب نشــط::
 
Lightbulb



كتب مُهند :

بشوفك للكلام الزين رجعت موالف
والفت الحروف وبيهن للجميع بتآلف
مُرَبِعْ قولك بي سمح الكلام السالف
جيتك دغري وماااااا اظني ليك مخالف


ولحبيبنا مُهند نرُد :

(15)

من مويةَ الدمير يا مهَنَّد هِنَاكَ رِوِّينَا
ومن نَسمَة صَباح تَغَشى الحَبيب وُ تجِينا
ومن طيرة الجَنايِن تَغَرِّد تَرِف جَنْحينا
راجيك يا الرفيق يا الخيرَك مُبَين فِينا




التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 14-06-2006, 12:16 PM   #[10]
عبدالله الشقليني
:: كــاتب نشــط::
 
Lightbulb



وكتب عكود :

شادّين الرِّكَـاب لو نلحق عجاج حَادِينَــا
كاربين السَـرِج شان القافية ما ترمينَــا
إنتوا أهل الجَدْعَة..ملوك القوافي الزِّينَــة
بِهَضْلِم الفانوس كان ضَوَّى وحِدَاهو رَتِيَنة


ونرد لحبيبنا عكود :
(16)
مُتزاملين زمان من شهَر( وَحيد ) الفات
عكود أخو السَمِح في الحَارَّة ما لَفَّـات
مُباري الكُورة دة شَات ، ودَاك ما شَات
كَرمو المُدَفِق :ضَبِح والشيَّة ديمَة سلات




التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 14-06-2006, 04:28 PM   #[11]
3ashig Alneel
:: كــاتب نشــط::
 
افتراضي

شقليني خوي شايفك فتحت الطاقة
بتدرو الكلام ينزل جمال ولباقة
لاكين الزمن الفينا زمن الفاقة
فرّقنا البعاد فرق الحوار للناقة

* * * *

الشين شن بشوف غير شنة الشوتال
والبكريك بدور يكرب كلامو كُتال
إن دُرت العشق نيلنا بيجيك أرتال
وإن درت الحماس ، حبل الرجال فتال



التوقيع: [motr]تبقى إيه الدنيا من بعدك تكون !!![/motr]
3ashig Alneel غير متصل   رد مع اقتباس
قديم 15-06-2006, 05:17 AM   #[12]
ود البدوي
:: كــاتب نشــط::
 
افتراضي

شقليني العزيز الحب وسيلة وغاية
في جوة القلوب متّن شجونو رعاية
أسلاكو بتجيب العاشقين نقاية
تعمل في القلوب زي عملة الغوغاية



التوقيع: كتبت ولم أكتب إليك وإنما كتبت إلى روحي بغير كتابِ
وذلك أنَّ الروحَ لافرقَ بينها وبين محبيــــها بفصلِ خطابِ
فكل كتابٍ صادرٌ منك واردٌ إليك بما رد الجواب جوابـــي
ود البدوي غير متصل   رد مع اقتباس
قديم 18-06-2006, 01:47 PM   #[13]
عبد العظيم الطاهر
:: كــاتب نشــط::
 
افتراضي

اقتباس:
المشاركة الأصلية كتبت بواسطة ود البدوي
شقليني العزيز الحب وسيلة وغاية
في جوة القلوب متّن شجونو رعاية
أسلاكو بتجيب العاشقين نقاية
تعمل في القلوب زي عملة الغوغاية

[poet font="Simplified Arabic,4,black,bold,normal" bkcolor="coral" bkimage="backgrounds/1.gif" border="solid,6,black" type=0 line=200% align=center use=ex length=0 char="" num="0,black" filter=""]
الحب يا صحاب حمناهو طفنا دروبو
والواحد هجع بعد السهر يا دوبو
وإتلاقى القلب فرحان مع محبوبو
فوق فرعو النحيل علق عبايتو وتوبو
[/poet]



التوقيع: [align=center]


يـا عـروب الحِلَّه الغادي
ويـا أدروب أنا ليكا بنادي
ويا الطمبـورن غـرد شـادي
ويا الساكنين في جنوب الوادي
خلوا أرواحـنا التبقى أيادي
نكتل الـدابي الدخـل العشه
هل في طريقه ............... ؟
[/align]
عبد العظيم الطاهر غير متصل   رد مع اقتباس
قديم 18-06-2006, 04:02 PM   #[14]
عبدالله الشقليني
:: كــاتب نشــط::
 
افتراضي

[align=center]كتب ود البدوي :

شقليني العزيز الحب وسيلة وغاية
في جوة القلوب متّن شجونو رعاية
أسلاكو بتجيب العاشقين نقاية
تعمل في القلوب زي عملة الغوغاية

و كتب عبد العظيم الطاهر :

الحب يا صحاب حُمناهُو طُفنَا درُوبُو
والواحِد هَجَع بعد السَهر يا دوبُو
واتلاقى القلب فرحان مع مَحبُوبُو
فوق فَرعُو النحيل عَلَّق عِبايتُو و تُوبُو
[/align]


[align=center]ونحن نرد عليهما :
(19)

الحُب اللذيذ شاكِك سِهامُو مُغَـرِز
لا بِعَرِف صَبي لا عَجُوز بيفَــرِّز
ود الطاهر مَرَق رَبَط الدَرِب مُتحَرِّز
شُوف أُم خِشيمَن نَبَتْ شَفَايفُو تَكَرِّز
[/align]



التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 20-06-2006, 04:21 PM   #[15]
عبدالله الشقليني
:: كــاتب نشــط::
 
Lightbulb




كتبت مي هاشم :

[align=center]الحب سرف نفسي من قدميها لا حد راسا
وكت الخلق نايمين بين النجوم جلاسه
للشوق والغرام والله ما دساسه
ما حمل النّوى لينة قلب حساسه [/align]


وكتبنا الرد :

(20)

[align=center]للملايكة دروب جابُو العرائس نايرة
من كف كلامِن شِربَت نُفوسنَا الحايرة
والآذان بِتَسمَع رَغوَة حَديثِن فايرة
حَكَاويهِن تَفَرِّح ، رَاكبَة الرواحِل سايرة[/align]



التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:13 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.