من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 22-04-2015, 11:26 AM   #[16]
سجمان
:: كــاتب نشــط::
 
افتراضي

سلام يا مقدس..
ثم الشوق وبعدو..
بوست تريان بالذكريات الحميمة..

الذاكرة بقت خربانة لكن زمان عندنا حبوبتنا الله يرحما كانت حافظة الأحاجي دي بصورة عجيبة وفي كل يوم نسمع واحدة ..
من بعض الأحاجي البتذكرا في واحدة بتقول فيها..

في واحد رسلوهو لي حاجة ما بتذكرا فمشى لقى نسوان بتمشطن وواحدة منهن قاعدة في حفرة الدخان قومي يالمرا وارمي الراجل في الحفرة .. واحدة من النسوان البمشطو فيهن ديل الراجل كان زوجها قامت بالحداد عليها معطت شعرا بعد داك بعدت المناحة..
في حتة في النص كدا ما متذكرة لكن المهم قالو الزول دا أسمو برغول..
قام شافا غراب قاليها مالك الليلة يا قملة حاشكال حالة الأشعار
قالت ليهو: قملة حاشكال حالة الأشعار عشان برغول وقع في النار..
قام الغراب نتف ريشو كلو قام شافو الراعي سألو مالك الليلة ياغراب الديش منتوف الريش
قال ليهو:
غراب الديش
منتوف الريش
وقملة حاشكال
حالّة الأشعار
عشان برغول
وقع في النار
قام الراعي كسر كرعين غنمو شافو البحر سألو قال ليهو مالك الليلة يالراعي غنمك كيسور..
قال ليهو:
الراعي غنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

قام البحر عكر وحومر حداداً على برغول..
تاني قام منو جا سأل البحر
قال ليهو مالك يا بحرنا عيكور
قام البحر قال ليهو
بحركم عيكور
والراعي كيسور
وغنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

غايتو طشاش طاش فتقوم تفتش لينا القصة دي وتجيبا كاملة لامن أجيك بي واحدة تانية..



التوقيع: حليق الكف..
سجمان غير متصل   رد مع اقتباس
قديم 22-04-2015, 04:30 PM   #[17]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
سلامات يا شباب:

قاليك:

بركب الكركابة الله هوي
أدلى في أم روابة الله هوي
أدلى في أم روابة الجنني
و جنن العزابة الله هوي

بت العسكر تمشي و تسكر
بت النوبة تغني طروبة
مع عروبة في الراكوبة
تشر لي توبها

ضباح كسرة بملاح
تاكل لصباح
تك تك تك
بيت العجوز وين
قدام
أدونا موية
ما عندنا
يا فيصل ده ياهو القردونك بيهو بس

تعرف أنا حبوبتى القبطية كانت بتغنى لىّ
هللو يا هللو جاب لو عروس أكبر منو
جابلو عروسة منقوشة
بتاكل ميتين قرقوشة
تشرب بير وبحر كبير
وتقول عطشانة يا أوفا

أما حبوبتى الغرباوية
كانت مسميانة قندول عيش الريف
قندول عيش الريف
كان فكو بقع وكان مسكو بقيف
(وبعدا تجى الكلكة وهى بتقول)
حاج جقود كدا جقجقنا
وبالكربّشن كده كربشنا

ما تسألنى من ترجمة



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 04:32 PM   #[18]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة
عالم



حبوبات صحي صحي ياخ

ههههههههههههههه

أها يا عم رأفت

التور أبجاعورة ده
بعد ما قلب الهوبه في الراكوبة

مُش لقي بت العسكر السكرت لَط ديك بتنطط وترقص وتوبها مشعلق في طرف الراكوبه علي نغمات بت النوبة المعاها عروبة ؟

ياخي والله تفتحوا للواحد خيال لا عند غادي ياخ


أنت ما كان عندك حبوبة ولّ شنو



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 04:34 PM   #[19]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام يا رأفت،

البوست ما تخربو ..
حجاوي ناس فاطنة السمحمة جايبا دخل وزيادة.

واصل فيهو وخليك من ناس البرلمان والأمثال الشعبية الغميسة دي.

عذبناك يا عمدة وبعدين قال لىّ بعرسك وتانى قال ما بعرسك



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 04:36 PM   #[20]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة ZEIN ABDALLA مشاهدة المشاركة
حكاية بير سعد الله "

قالو فى سخلتين و قمريتين و حمار ، و القمريتين ديل عندهن عيش ، قالن للحمار : احرس لينا العيش ده .مشن كده و جن لقنو مافى .قالن لو : العيش وين ؟قالهن : انا اتلفت كدى و جيت لقيتو مافى . بعدين اتشاكلو و كلو واحد قال للتانى اتا اكلتو .قالن لو : ارح لبير سعد الله نحلف فوقو
.جات القمرية قالت :قوق قوق !اكان اكلتو يرمينى الله فى بير سعدالله و
نطت جات القمرية التانية و قالت :قوق قوق !اكان اكلتو يرمينى الله فى بير سعدالله و نطت جات السخيلة قالت :ميع ميع !اكان اكلتو يرمينى الله فى بير سعد الله و نطت جات السخيلة التانية و قالت :ميع ميع !اكان اكلتو يرمينى الله فى بير سعد الله و نطت جاء الحمار و قال :ها ها !اكان اكلتو يرمينى الله فى بير سعد الله و نطا بببببببببببب وقع فى البير

(من كتاب احاجي سودانية لعبد الله الطيب)
فك لينا زيادة من الكتاب ده باخ



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 04:39 PM   #[21]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
أهل الشام قالوا:
سرتك مرتك
دبر حالك..
هرتك مرتك
أستر حالك..

وقال من قائل...
طلق مرتك
ريح بالك....

التوضيح ممكن يلحاءْ
حال ما حدش إفتهم
لا مفهوم وغالباً ناس أستر حالك يوهو حالنا البقينا فبهو



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 04:42 PM   #[22]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة هاني عربي مشاهدة المشاركة
عمو رافت صباحاتك

ما فهمنا حاجة
أشرب ليك كبايىة لبن مقنن وأمش نوم



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 22-04-2015, 05:01 PM   #[23]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة سجمان مشاهدة المشاركة
سلام يا مقدس..
ثم الشوق وبعدو..
بوست تريان بالذكريات الحميمة..

الذاكرة بقت خربانة لكن زمان عندنا حبوبتنا الله يرحما كانت حافظة الأحاجي دي بصورة عجيبة وفي كل يوم نسمع واحدة ..
من بعض الأحاجي البتذكرا في واحدة بتقول فيها..

في واحد رسلوهو لي حاجة ما بتذكرا فمشى لقى نسوان بتمشطن وواحدة منهن قاعدة في حفرة الدخان قومي يالمرا وارمي الراجل في الحفرة .. واحدة من النسوان البمشطو فيهن ديل الراجل كان زوجها قامت بالحداد عليها معطت شعرا بعد داك بعدت المناحة..
في حتة في النص كدا ما متذكرة لكن المهم قالو الزول دا أسمو برغول..
قام شافا غراب قاليها مالك الليلة يا قملة حاشكال حالة الأشعار
قالت ليهو: قملة حاشكال حالة الأشعار عشان برغول وقع في النار..
قام الغراب نتف ريشو كلو قام شافو الراعي سألو مالك الليلة ياغراب الديش منتوف الريش
قال ليهو:
غراب الديش
منتوف الريش
وقملة حاشكال
حالّة الأشعار
عشان برغول
وقع في النار
قام الراعي كسر كرعين غنمو شافو البحر سألو قال ليهو مالك الليلة يالراعي غنمك كيسور..
قال ليهو:
الراعي غنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

قام البحر عكر وحومر حداداً على برغول..
تاني قام منو جا سأل البحر
قال ليهو مالك يا بحرنا عيكور
قام البحر قال ليهو
بحركم عيكور
والراعي كيسور
وغنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

غايتو طشاش طاش فتقوم تفتش لينا القصة دي وتجيبا كاملة لامن أجيك بي واحدة تانية..
عايتو وقعنا فى جنس حبوبة

يا زول زيدنا

قصتك زي قصة السخلة كريت

أمها قالت ليها أمشى البيت يا كريت
قالت ليها أبيت
قالت للعصاية دقى كريت عشان أبت تمشى البيت
قالت ليها أبيت
قالت للنار أحرقى العصاية عشان أبت تدق كريت عشان أبت تمشى البيت
قالت ليها ابيت
قالت للقربة أطفى النار عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت للشوكة قدى القربة عشان أبت تطفى النار عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت ليها يا شوكة أنا غنماية باكلك
قالت ليها خلاس خلاش بقد القربة
القربة قالت ليها خلاس خلاس بطفى النار
النار قالت ليها خلاس خلاس بحرق العصاية
العصاية قالت ليها خلاس خلاس بدق كريت
كريت قالت ليها خلاس خلاس بمشى البيت



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 25-04-2015, 08:14 AM   #[24]
عماد سلمان
:: كــاتب جديـــد ::
 
افتراضي

سلام وتحية.


(افتحوا لي الباب ياوليداتي، القش كسّر قريناتي، واللبن قطّع ضريعاتي)

المقطع أعلاه من حجوة الغول والغنماية واولادها.
سمعت الحجوة من اكثر من حبوبة.
والآن قرأتها بأكثر من لهجة، والقصة منتشرة كذلك بأكثر من لغة.
وجيرانكم الالمان ينسبون القصة لتراثهم، حقق في الموضوع.

وينطبق هذا الكلام على كثير من القصص والأساطير.



عماد سلمان غير متصل   رد مع اقتباس
قديم 26-04-2015, 04:44 PM   #[25]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة عماد سلمان مشاهدة المشاركة
سلام وتحية.


(افتحوا لي الباب ياوليداتي، القش كسّر قريناتي، واللبن قطّع ضريعاتي)

المقطع أعلاه من حجوة الغول والغنماية واولادها.
سمعت الحجوة من اكثر من حبوبة.
والآن قرأتها بأكثر من لهجة، والقصة منتشرة كذلك بأكثر من لغة.
وجيرانكم الالمان ينسبون القصة لتراثهم، حقق في الموضوع.

وينطبق هذا الكلام على كثير من القصص والأساطير.
سلامات ي عماد طلتك تفرح

كل الحجاوى تلقاها فى مجتمعات تانية مع فوارق صغيرة .. بنتى (25سنة) لامن كانت فى الإبتدائى كتبت قصة (كريت) فى طلب من المعلمة المهتمة بحجاوى الشعوب .. زارتنا فى البيت وقالت فى حجاويهم لديهم قصة مشابهه .. وأستأذنت أن تنقل (كريت) الى متحف الأطفال

التداخل هذا نجده أيضاً فى الأمثال .. مثلاً مثل (أذا كنت فى أرضهم فأزرع كما يزرعون) مثل ألمانى شائع



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 28-04-2015, 07:42 AM   #[26]
سجمان
:: كــاتب نشــط::
 
افتراضي

سلام لي صاحب البوست العجيب..

(حليل قبة مهيدي الزارع القليدي
الحبو شقاني من القصر دلاني)

غايتو ما عارف الناس معروفة ليهم قصة فاطنة السمحة..
لكن المقطع الفوق دا من قصة فاطنة تاني اسمها فاطنة القصب اللحمر..

كدي يا حبوبة خواجة تمها لينا..



التوقيع: حليق الكف..
سجمان غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:00 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.