من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 05-10-2009, 12:56 PM   #[1]
عكــود
Administrator
الصورة الرمزية عكــود
 
افتراضي إلى كل من بارح صفحات سودانيات أو تكاسل

[align=justify]فكرة البوست تراودني منذ زمن، وبالرجوع إلى البوستات القديمة أرى فداحة التقصير (ممّن؟ لا أدري).
لم تكن كتابتنا في سودانيات مجرّد مفاتيح كي بورد نضربها و نغلق الجهاز بعدها، فقط.
ربّما يكون الأمر كذلك وأنت حديث عهدٍ بالمنتدى. لكن أن تكتب ويتفاعل معك الآخر، ويكتب الآخر وتتفاعل أنت معه، ويستمر الأمر كذلك، ثمّ يتطوّر إلى مودّة وسبل إتّصال أخرى ولقاء البعض، يصبح الأمر أكبر من أن يكون معرفةً إسفيريّة. يصبح الأمر صداقات نشأت، لها إستحقاقات واجبة النفاذ.
إلتقيت البعض من أصدقاء سودانيّات، لم أخذل والله في أحد قط، بل شكّل لي إضافة معرفيّة أفخر بها وسأظل، وأتمنّى أن لا أكون قد خذلت البعض!

الآن، وسودانيات تزداد نُضجاً بعد نُضج، محاولة سد كل الثغرات الإداريّة أو التنظيميّة السابقة، فنحن نحتاج من بدأوا معنا درب الكتابة والتواصل، فما كانت سودانيات سوى "عالم من التواصل والمحبّة" وستكون كذلك إن شاء الله.
لا أقول أن لا نختلف في آرائنا، فما خُلقت المنتديات لنتّفق، بل أقول:
تعالوا وتعالِن لنتواصل بالمحبّة والإحترام.
تعالوا وتعالِن لنسند راية المحبّة ونوكؤها بالتواصل.

سأواصل في النداء عشمي أن يقرأني من عنيتهم من أحباب غابوا عنّا.
[/align]



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 05-10-2009, 01:06 PM   #[2]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
إلى كل من بارح صفحات سودانيات أو تكاسل
غايتو أنا عجبتنى من تكاسل دى شديد

ولا شنو يا ريس



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 05-10-2009, 01:14 PM   #[3]
عكــود
Administrator
الصورة الرمزية عكــود
 
افتراضي

سلام يا رأفت،
في ناس بيمسك قلمهم الكسل . .
وأنا واحد منّهم بعض الأحيان، صراحة . .

وأخوي أبو مناهل برضو زيّي!

نادي معانا يا رأفت.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 05-10-2009, 01:22 PM   #[4]
أبومناهل
:: كــاتب نشــط::
 
افتراضي

العمدة / عكود
أصدقك القول . . في كثير من الأحيان ينتابني إحساس بالعقوق تجاه سودانيات . . ماقدمته لنا سودانيات أكبر من نرده له فيكفيها أنها عرفتنا بأحبه توطدت علاقتنا بهم إلى درجة لا يمكن تصورها فصاروا إخوة بكل أبعاد علاقة الأخوة .
كلماتك هنا ياعمدة بقدر صدقها فهي نبيلة وتنم عن قلب أبيض كبير محب لسودانيات وأهلها .
أنا معك قلباً وقالباً . . أعترف بالتقصير ( بالرغم من مسبباته ) ولكنها لا ترقى لمستوى أن نتوقف عن عشق سودانيات . . وأرفع معك النداء عالياً لنعيد سودانيات سيرتها الأولى .
بوست (الوجيه ) طارق الحسن كان يشبه لمة العائلة بعد طول تفرق وشتات وعشم في أن تعود تلك الأيام الخوالي . . لنا عودة لنرفع النداء كل مرة .
حاشية :
صفة ( الوجيه ) أعلاه إقتضتها ( حنية ) البوست وما يجيش به من عاطفة . . ولكنها لاتعبر عن الواقع ( إطلاقاً ) . . لذا وجب التنويه .



التوقيع: نِحْنَا المَا بْسَمُّـونَا العِرَيبْ وَين جِيتُو
نِحْنَـا البِنَرْكَبْ الدُّرْشِي البِجَابِدْ خَيتُو
نِحْنَا عَشِيرْنَا مَا بنُخُونُو ونَخَرِبْ بَيتُو
نِحْنَـا عَدُونَا بِنَعَصْرُو وَنَطَلِّـعْ زَيْتُو
أبومناهل غير متصل   رد مع اقتباس
قديم 05-10-2009, 04:15 PM   #[5]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة أبومناهل مشاهدة المشاركة

ماقدمته لنا سودانيات أكبر من نرده له فيكفيها أنها عرفتنا بأحبه توطدت علاقتنا بهم إلى درجة لا يمكن تصورها فصاروا إخوة بكل أبعاد علاقة الأخوة .
[align=justify]العزيز أبو مناهل،
سلامات . .
ما أصدقك ياخي.
لا أتصوّر أبداً أن تنقطع عُرى الصداقة والأخوّة، فهي متّصلة وأصيلة، لكنها تحتاج السقيا أيضاً بماء الوصال والتواصل.

اقتباس:
وأرفع معك النداء عالياً لنعيد سودانيات سيرتها الأولى .
ولنرفعه عالياً . .
عالياً . .
وبكل عشم.
[/align]



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-10-2009, 10:01 AM   #[6]
عكــود
Administrator
الصورة الرمزية عكــود
 
افتراضي

اقتباس:
أعترف بالتقصير ( بالرغم من مسبباته ) ولكنها لا ترقى لمستوى أن نتوقف عن عشق سودانيات
سلام يا أبا أماني . .
الكلام الفوق ده مهم جدّاً، فقد نعدِّد جملة من المسبّبات، لكنها تقف هشّة (جدّاً) قدّام أهميّة التواصل الإنساني مع أصدقاء وصديقات قد لا يكونوا مسبّبين.

ليس من العدل أن نفارق بيت أحببناه وساكنيه، بسبب أحد أفراده.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-10-2009, 10:18 AM   #[7]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام يا أبا أماني . .
الكلام الفوق ده مهم جدّاً، فقد نعدِّد جملة من المسبّبات، لكنها تقف هشّة (جدّاً) قدّام أهميّة التواصل الإنساني مع أصدقاء وصديقات قد لا يكونوا مسبّبين.

ليس من العدل أن نفارق بيت أحببناه وساكنيه، بسبب أحد أفراده.

ياعكود مالك داير من أول الصباح تلخبط مخناهو أبو مناهل برضو أبو أماني ولا أبو أماني دا بقي زي انفلونزا الخنازير بيضرب من طرف..
احنا ياخوي زي تلفزيونات زمان لامن تفتحها لازم تصبر عليها لغاية وما تسخن وبعدين تشتغل تش..العربية ذاتا بتقوم بي واحد لغاية ما تصل لي خمسة أوفر درايف
غايتو احنا معاك وكدي أبدا بي روحك..بالفعل مش بالنقد الذاتي



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 06-10-2009, 10:35 AM   #[8]
عكــود
Administrator
الصورة الرمزية عكــود
 
افتراضي

[align=justify]سلام يا خواجة،

شكراً للتنبيه.
الموضوع جايط راسي وزي ما قلت الحكاية شاغلاني من بدري. دحين يا خوي أعذرني في لخبطة أبوات البنات السمحات ديل، وعشان خاطرك ما حأعدّلها ولا حاجة وأبو مناهل لو عمل شخشخة أنا بعرف دواهو .
أمّا دي:
اقتباس:
وكدي أبدا بي روحك..بالفعل مش بالنقد الذاتي
في الصميم والله. البقدر أوعدك بيهو، إنّو غيباتي ما بتطول (إن وُجِدت) وأنا بدخل في الكاتوقري بتاعة (أو تكاسل).

تسلمً يا خواجة وليك المعزّة الفي القليب.
[/align]



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-10-2009, 11:20 AM   #[9]
wadosman
:: كــاتب نشــط::
 
افتراضي

[align=center]عكود...

سلااام كتار ياخى

والله فعلا اقلاام و وجوه كثيره جدا اختفت مره واحده
و ما داير اقول كعادتنا نحن كسودانيين دايما نتحسر على الزمن المضى
بل اتمنى و اضم صوتى لصوتك و لصوت كل الاخوان الذين تداخلوا هنا
ان يعود كل الاخوه و الاخوات الذين افتقدناهم خلال الفتره الماضيه..

تسلم يا حبيب...[/align]



wadosman غير متصل   رد مع اقتباس
قديم 06-10-2009, 11:33 AM   #[10]
عكــود
Administrator
الصورة الرمزية عكــود
 
افتراضي

ود عثمان الحبيّب،

ليك الشوق والريدة،

نعم، نفتقد الكثيرين/ات الكانوا مالين صفحات سودانيات وصفحاتنا بكل ما هو جميل.
ما زالوا يعنون لنا الكثير، وسيظلّوا.

فهل من عودة . .
هل؟

على جنب:
شوف ليك أغنية منااااسبة كدة دودِر بيها . .
مع اللنك لمعتصم.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-10-2009, 11:37 AM   #[11]
كيشو
:: كــاتب نشــط::
 
افتراضي

[align=justify]شكراً على البوست يا عكود
عن نفسي أعترف بأني كسلان، ما تقولوا لي شايفنك يوماتي، والله البقولو ليكم في سري كتير جداً (نظام حب وكدا)، مثلاً أنا رديت على رأفت ميلاد دا خمسمية مرة في سري وربنا ما رفع الاصبع عشان أوصل ليهو كلامي البقولو ليهو، ياخ الزول دا خلانا نتعشى بالمفروكة في الدوحة
حقو إنتو في مجلس الإدارة تفرقوا بين الطلة والقراية والمشاركة وفتح البوستات، وتحاولو تشوفو ليكم آلية تشجعوا الأعضاء لمواصلة النقاش في بعض القضايا (فيصل سعد كان عندو مجهود واضح في المجال دا)
ودي فرصة أطالب فيها بإلغاء المنتدى الاجتماعي أو أضعف الإيمان أطالب بعمل إشارة في صفحة منتدى الحوار للمواضيع الواردة فيه
[/align]



كيشو غير متصل   رد مع اقتباس
قديم 06-10-2009, 11:44 AM   #[12]
أبومناهل
:: كــاتب نشــط::
 
افتراضي

اقتباس:
المشاركة الأصلية كتبت بواسطة كيشو;164219ودي فرصة أطالب فيها بإلغاء المنتدى الاجتماعي أو أضعف الإيمان أطالب بعمل إشارة في صفحة منتدى الحوار للمواضيع الواردة فيه[/color
[/font][/size][/align]
سلام ياكيشو

أثني وبشدة . .

العمدة / عكود

معتصم عرفناهو بسببو بيلخبط إنت مالك ؟؟

مداخلة من أجل أن يظل النداء عالياً



التوقيع: نِحْنَا المَا بْسَمُّـونَا العِرَيبْ وَين جِيتُو
نِحْنَـا البِنَرْكَبْ الدُّرْشِي البِجَابِدْ خَيتُو
نِحْنَا عَشِيرْنَا مَا بنُخُونُو ونَخَرِبْ بَيتُو
نِحْنَـا عَدُونَا بِنَعَصْرُو وَنَطَلِّـعْ زَيْتُو
أبومناهل غير متصل   رد مع اقتباس
قديم 06-10-2009, 11:45 AM   #[13]
wadosman
:: كــاتب نشــط::
 
افتراضي

[align=center]
اقتباس:
المشاركة الأصلية كتبت بواسطة عكــود مشاهدة المشاركة
ود عثمان الحبيّب،

ليك الشوق والريدة،

نعم، نفتقد الكثيرين/ات الكانوا مالين صفحات سودانيات وصفحاتنا بكل ما هو جميل.
ما زالوا يعنون لنا الكثير، وسيظلّوا.

فهل من عودة . .
هل؟

على جنب:
شوف ليك أغنية منااااسبة كدة دودِر بيها . .
مع اللنك لمعتصم.
[/align]
[align=center]

اللينك عليك يا حبيب....


[media]http://sudaniyat.net/wadosman/uploading/ya_alrohtto.wma[/media][/align]



wadosman غير متصل   رد مع اقتباس
قديم 06-10-2009, 11:53 AM   #[14]
عكــود
Administrator
الصورة الرمزية عكــود
 
افتراضي

[align=justify]سلام يا مولانا (طبعاً المقصود بمولانا دي كيشو يا أبو مناهل

ياخي إنت من الناس البيجعلوا صفحات سودانيات جاذبة، عشان كده غيابك غير مسموح به أبداً!
اقتباس:
وتحاولو تشوفو ليكم آلية تشجعوا الأعضاء لمواصلة النقاش في بعض القضايا (فيصل سعد كان عندو مجهود واضح في المجال دا)
كان للطلّة، أنا من المداومين عدييييل، لكن بلا قحّة الحكاية لا تُجزي.
دحين ياخوي نمسك في التشجيع لمواصلة النقاش والتفاعل في المواضيع المطروحة، ونبطّل شغل الرد بالسر ده.
اقتباس:
ودي فرصة أطالب فيها بإلغاء المنتدى الاجتماعي أو أضعف الإيمان أطالب بعمل إشارة في صفحة منتدى الحوار للمواضيع الواردة فيه
برغم إنو البوست ما بغرض مناقشة المواضيع دي، لكن بقول ليك ولأبي مناهل، موضوع المنتدى الإجتماعي تمّت مناقشته من قِبل الإدارة و سيعلن عن تفاصيل ما توصّلت إليه قريب جدّاً.

ألف حبابك يا كيشو،
[/align]



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 06-10-2009, 11:57 AM   #[15]
عكــود
Administrator
الصورة الرمزية عكــود
 
افتراضي

اقتباس:
معتصم عرفناهو بسببو بيلخبط إنت مالك ؟؟
وريّني معتصم سببو شنو،
أنا بقول لك سببي!
عن المنتدى الإجتماعي أرجع لتعليقي الفوق ده.

تشكر يا حبيب لرفع النداء (إشتغلت مؤذّن قبل كده وللا حاجة؟).



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:39 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.