من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 06-01-2013, 04:45 PM   #[1]
أسعد
:: كــاتب نشــط::
 
افتراضي في ظلال اللاموضوعية

عزيزي القاريء
هذا البوست سيكون محرابي عندما تحضر لاموضوعيتي عسى ولعل اكتشف فيه اكتشاف عظيم يساهم في ايهام وهمة البشرية.
كل المخترعين والمكتشفين العظماء كانت اختراعاتهم واكتشافاتهم نتاج ضائقة لاموضوعية المت بهم فصبروا عليها وخرجوا على الناس بي وهمات في شكل وردة.
اسي يعني انشتاين لاموضوعيتو احسن من لاموضوعيتي في شنو؟!
هو زول كان قاعد في قطر قام شاف الساعة بتتحرك وهو متحرك ، ففكر بحركة طفولية ماذا لو كان ماشي بسرعة الضوء هل الساعة دي كانت ح تتحرك؟ عليكم الله شوفتوا جنس اللاموضوعية دي؟!
اها انا غايتو عاوز استغل لاموضوعيتي عشان اساهم بيها في الارتقاء بي وهمات البشر



مافي واحد يجي يسألني كيف قدرت احدد الموضوعية من اللاموضوعية
لانو دا سؤال بدخلكم حتات ضيقة من عينة (لا تسألوا عن أشياء إن تبد لكم تسؤكم)



أسعد غير متصل   رد مع اقتباس
قديم 06-01-2013, 04:59 PM   #[2]
أسعد
:: كــاتب نشــط::
 
افتراضي

الباب الأول الأنسان والأيمان
أنا أكل اذا انا حي
وأنا حي اذا انا أفكر
وأنا افكر اذا انا مؤمن
وأنا مؤمن اذا انا انسان

الفيلسوف السوداني المجيد و. أ. بين قوسين وجدي الاسعد


(الأنسان كائن مؤمن)
عزيزي القاريء
اتخيل انك اتحشرت جوة بالونة كروية الشكل تتلون كل حين بلون مختلف
تولع وتطفيء، تسخن وتبرد ، تخضر ارضها وتتصحر، تمطر سماءها وتولع، يحضر فيها كائنات حية ويغيبون،يختلف كل كائن في فيصلته عن التاني اختلاف جذري،وتختلف كل فصيلة عن نظيرتها في الفيلق، ويختلف كل فيلق فيها عن الاخر، ولكن تصادق بعض هذه الكائنات وتعادي البقية ، تتكلم معهم وتسمعهم، تنظر اليهم وينظرون اليك، تضحك عليهم ويبكون عليك، يضحكون منك وتبكي منهم، العدو فيها قابل ان يكون صديقا والصديق قد يصبح عدو.
تجوع في هذه البالونة وتشبع، تمرض وتتعافى، تنوم وتصحى، تقعد وتقيف، تشرب وتبول، تأكل وتهر، تحب وتكره، تفرح وتحزن، تبكي وتضحك، تمشي في الأرض مرحا بين الناس وتضرب عليك المذلة بين ناس اخر، تكون أعلم من غيرك وتكون اجهل من غير غيرك، تستحمى وتتوسخ، تأكل طحنية وتجيب اولاد، تشرب شاي عشان تسف، تشرب جبنة عشان تولع سيجارة، تتعالج بعلاجات تصيبك بالمرض، وتتناول اشياء معدية يكون فيها علاجك، تولد وتموت سااااااي كدة سمبلة، الخ الخ الخ من تناقضات

فيا عزيزي القاريء وانت داخل البالونة المارست فيها كل التناقضات اعلاه
وعايش فيها لو كنت فاكر روحك انك بتستخدم فيها عقلك بحيادية مطلقة فاسمح لي ان اقول لك انت زول مجنون ^_^
فلو انت ما ارتكزت علي شعبة (ايمان) تقم بها صلب عقلك وسط الخزعبلات الحاصلة في حياتنا دي.
فهذه الحياة ذات الشكل الهلامي الغير معروف لا تستطيع ان تتعرف عليها الا ان تؤمن وتعتقد بشيء ما لكي يساعدك على فهم هذا الشكل الهلامي الغريب
لذا عزيزي القاريء فلتعلم ان الانسان كائن مؤمن وبايمانه وحده يستطيع التفكير وبتفكيره يستطيع ان يعزز حقيقة ايمانه
فمن مضحكات الامور ان تستخدم عقلك بحيادية مطلقة في حياة لاعقلانية

تنويه:بعد ما اتخيلت روحك عايش في البالونة بالمواصفات اعلاه، نرجو ان تأخذ في الاعتبار انو لحظة حياتك هذه غير معروفة هل هي حقيقية ام هي شريط سينمائي تم اعادة بثه وانت قاعد تحضر في اعادة الحلقة الانت ممثل فيها دور البطل (وما جايب خبر)!!



أسعد غير متصل   رد مع اقتباس
قديم 06-01-2013, 05:01 PM   #[3]
أسعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة وجدي الأسعد الأسعد مشاهدة المشاركة
لا حياة لانسان بدون ايمان وعقيدة
فاذا الانسان بياكل عشان يعيش فالانسان ايضا يفكر لكي يؤمن ويعتقد
واذا كان يعيش لكي يأكل فانه ايضا يؤمن لكي يفكر
لذلك تجد الايمان يعادل البقاء والتفكير يساوي الأكل
ومن حكمة ارادة الحياة انها بذلت نفسها بشكل هلامي قابل لأن يفسر من قبل الفرد كيفما يشاء فنجد فيها انه لا توجد حقيقة مطلقة ولا يوجد باطل مطلق ، كل حق قابل ان يُبطل وكل باطل قابل ان يُحقق ، فاللاديني قد يستغرب من عقيدة المسلم والمسلم مستغرب من عقيدة غيره من الاديان واليهودي يستهزيء بايمان المسيحي والمسيحي يسخر من عقيدة المسلم والمسلم السني يستغرب من الصوفي والصوفي يندهش من الشيعي ، كل شيء في هذه الحياة حق في عقيدة المؤمن به وباطل في عقلية الكافر به كل شيء بلا استثناء
وهذه الحكمة هي التي تثبت لي وجود الله -لاني مؤمن بالله- قمت فهمت من Full option للحياة انها حكمة ربانية عشان يدي للانسان حرية الاختيار في (احكام عقله)
المهم الانسان بحاجة لعقيدة وايمان تحميه من الجنون وسط هذا الشكل الهلامي للحياة
فانت هشام قد انتبذت ركنا قصيا في درجات الايمان كما ينتبذها غيرك من المتطرفين الدينيين ، واتبعت دين اللادينيين وآمنت بدينهم لذلك اصبح كل شيء يعضد من عقيدتك وايمانك
لذلك يا صديقي فلتعلم انه (التفكير والتفكر) هي مرحلة ترف تأتي عقب الاعتقاد والايمان ، اي عملية تفكير وتفكر تسبق العقيدة والايمان تعتبر فعل حيواني خارج نطاق الشبكة الانسانية، فالانسان في البدء يكون منظوره الايماني ومن ثم يستخدمه في بصر تفكيره لتعضيد ايمان منظوره
لذلك يا صديقي فلتعلم ان الايمان يسبق الفكر
فصديقك كارل ماركس عندما اطلق حكمته (الدين افيون الشعب) كان منتعشاً بكوكايين عقيدة دينه الجديد (الشيوعية)
فكل انسان مفكر اذا ما تتبعت سير حياته بالتفاصيل ستجد انه في البدء آمن بشيء ومن ثم بدأ يفكر في مبررات لتعزز وتعضد اعمدة عقيدته وايمانه
المهم بالمختصر المفيد الانسان كائن مؤمن قبل ان يكون كائن مفكر
فلذلك ارجو ان تسمح لي ان اقول لي ديكارت (اركب هنا، الصحيح انك تقول انا اؤمن اذا انا موجود) لان الفكر فعل ثانوي بعد عميلة العقيدة والايمان

قبس من نور لاموضوعيتي القديمة ^_^



أسعد غير متصل   رد مع اقتباس
قديم 06-01-2013, 05:08 PM   #[4]
مواهب عبد العزيز نقد الله
:: كــاتب نشــط::
 
افتراضي

عليك الله يا وجدى عايزة استغل عدم موضوعيتك دى قبل ما تطلع من محرابك دا و,عايزاك بى عقليتك المتفتحة دى وذهنيتك المتقدة دى ,وبما انك مهتم بشئون المرأة والطفل عايزاك تفكر لينا فى حل لى مشكلة الحنة السودانية ,يعنى ما ممكن تلاتة ولا اربع ساعات تقييد لكل النشاطات , واستغلال الأطفال للفترة دى علشان يعمموا ما يحلوا لهم لانهم ضامنين حبسة الرقيب وغيرررررها من المآسى ...
المهم لو جيت بالحل تاكد انو ح تكون انشتاين السودان ومليك السودان من غير منازع



التوقيع: Please forgive me if I have ever left a 'hole' in your fence
مواهب عبد العزيز نقد الله غير متصل   رد مع اقتباس
قديم 06-01-2013, 05:09 PM   #[5]
خالد غالي
:: كــاتب نشــط::
 
افتراضي

سلامات ياوجدي

بمناسبة اللاموضوعية دي ...

لي فترة عايز اشكرك على حاجة لكن مالاقي لي فرصة مناسبة

شكرا يا وجدي ياخي على انك كنت السبب في اكتشافي لهذا الشيء الاسمو مسامير !!

شكرا على تمييز امسيات كثيرة ( كان يمكن ان تكون امسيات ساي زيها وزي اي امسيات تانية ) وتوشيحها بضحكة نابعة من الوجدان
شكرا على الابتسامة التي مافتئت تزور وجهي العابس كل ماخطرت ببالي عبارة (يا اخي انت ليش ماتشبهني !)
شكرا جزيلا ياوجدي وو ( هاك خمسة ريال واتوكل على الله )



خالد غالي غير متصل   رد مع اقتباس
قديم 06-01-2013, 05:14 PM   #[6]
تماضر حمزة
:: كــاتب نشــط::
الصورة الرمزية تماضر حمزة
 
افتراضي

شكراً أ. وجدي،
قول لقيت ليك بالونة قدرك..ماخايف من المسامير؟

مواهب، الحنّة دي، هي الجابت الأولاد الشايلة همهم ديل



تماضر حمزة غير متصل   رد مع اقتباس
قديم 06-01-2013, 05:22 PM   #[7]
أسعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة مواهب مشاهدة المشاركة
عليك الله يا وجدى عايزة استغل عدم موضوعيتك دى قبل ما تطلع من محرابك دا و,عايزاك بى عقليتك المتفتحة دى وذهنيتك المتقدة دى ,وبما انك مهتم بشئون المرأة والطفل عايزاك تفكر لينا فى حل لى مشكلة الحنة السودانية ,يعنى ما ممكن تلاتة ولا اربع ساعات تقييد لكل النشاطات , واستغلال الأطفال للفترة دى علشان يعمموا ما يحلوا لهم لانهم ضامنين حبسة الرقيب وغيرررررها من المآسى ...
المهم لو جيت بالحل تاكد انو ح تكون انشتاين السودان ومليك السودان من غير منازع
عزيزي العقلاني بالاقتباس اعلاه نرجو انك تكون ادركت مدى جنونك
وانت تنظر الحالة الاعلاه من نوعية البشر الممكن تقعد ليها 4 ساعات دقة واحدة بس عشان تلون اطرافها بلون الحنة!!
ونرجو الاخذ بالاعتبار البتقدد اضنيها عشان تلبس حلق!!
او بالتقدد نخرينها عشان الزمام!!
او البتتف شلوفتها
او البرسم الوشم او تقدد شلوفتها في الاجناس المتحضرة!!!!
كل هذه الحالات تشاركك الحياة وقد تكون سعيدة
اسي عليك الله يا عزيزي العقلاني دي حياة الواحد يعيش فيها بي عقل؟!



واللاي يا مواهب انا اشفق على اطفالك وهم يتدبرون حالتك (الغريبة) دي وانت تقعدي بالساعات عشان تتحنني!!gap
غايتو المجانين في نعيم ^_^



أسعد غير متصل   رد مع اقتباس
قديم 06-01-2013, 05:25 PM   #[8]
أسعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة خالد غالي مشاهدة المشاركة
سلامات ياوجدي

بمناسبة اللاموضوعية دي ...

لي فترة عايز اشكرك على حاجة لكن مالاقي لي فرصة مناسبة

شكرا يا وجدي ياخي على انك كنت السبب في اكتشافي لهذا الشيء الاسمو مسامير !!

شكرا على تمييز امسيات كثيرة ( كان يمكن ان تكون امسيات ساي زيها وزي اي امسيات تانية ) وتوشيحها بضحكة نابعة من الوجدان
شكرا على الابتسامة التي مافتئت تزور وجهي العابس كل ماخطرت ببالي عبارة (يا اخي انت ليش ماتشبهني !)
شكرا جزيلا ياوجدي وو ( هاك خمسة ريال واتوكل على الله )
عزيزي العقلاني نرجو اخذ الحالة اعلاه كنموذج لحالة الانسان البكون عايش وسط حياة واقعية مترفة ويجي يقعد مع اشباح السايبر عبر انابيب الالياف البصرية ^_^





عاد دي حالة دي؟!
وكمان فترتو البقعدها في اليوتيوب اكتر من فتروتو الفي الفيس بوك التي تتفوق على فترتو في الاسكايب التي تتفوق على فترتو في المنتديات
زي الكأنو يومو بي 56 ساعة في اليوم ^_^



أسعد غير متصل   رد مع اقتباس
قديم 06-01-2013, 05:27 PM   #[9]
أسعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة تماضر حمزة مشاهدة المشاركة
شكراً أ. وجدي،
قول لقيت ليك بالونة قدرك..ماخايف من المسامير؟

مواهب، الحنّة دي، هي الجابت الأولاد الشايلة همهم ديل
عزيزي العقلاني تدبر معي سماحة جمل الطين في النموذج اعلاه
سماحة ساااااااي بدون عقل ^__^
وبرضو تقول لي عقلانية؟!



أسعد غير متصل   رد مع اقتباس
قديم 06-01-2013, 05:27 PM   #[10]
مواهب عبد العزيز نقد الله
:: كــاتب نشــط::
 
افتراضي

طبعا التجلى دى ما غريب عليك يا نورانى انت ..
تماضر أها كدى حليتى معضلة كيف أتى أطفال السودان ........
لكن والله شيلتينى هم بقية العالم الما عارفين جو كيف ديل gap



التوقيع: Please forgive me if I have ever left a 'hole' in your fence
مواهب عبد العزيز نقد الله غير متصل   رد مع اقتباس
قديم 06-01-2013, 05:29 PM   #[11]
أسعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة مواهب مشاهدة المشاركة
لكن والله شيلتينى هم بقية العالم الما عارفين جو كيف ديل gap


تخيل عزيزي العقلاني انو كائن ناقص عقل ودين يهديك ضحكة غائبة سنين



أسعد غير متصل   رد مع اقتباس
قديم 06-01-2013, 05:34 PM   #[12]
خالد غالي
:: كــاتب نشــط::
 
افتراضي

يازول غايتو وصلت ليك شكري تاني ماعندك عندي اي حاجة

مع اصراري الشديد علي انك تاخد خمسة ريال وتتوكل على الله



خالد غالي غير متصل   رد مع اقتباس
قديم 06-01-2013, 05:58 PM   #[13]
تماضر حمزة
:: كــاتب نشــط::
الصورة الرمزية تماضر حمزة
 
افتراضي

اقتباس:
المشاركة الأصلية كتبت بواسطة مواهب مشاهدة المشاركة
طبعا التجلى دى ما غريب عليك يا نورانى انت ..
تماضر أها كدى حليتى معضلة كيف أتى أطفال السودان ........
لكن والله شيلتينى هم بقية العالم الما عارفين جو كيف ديل gap
لا، ديلاك مامحتاجين تشجيعات!



تماضر حمزة غير متصل   رد مع اقتباس
قديم 06-01-2013, 06:06 PM   #[14]
مواهب عبد العزيز نقد الله
:: كــاتب نشــط::
 
افتراضي

يا تماضر انتى شكلو بلاد العم سام جندتك تبع المعارضة , وعليه انا ناشدت وجدى لأجلى ولأجل القابضات على جمر القضية , القابضات على جمر (الحنة ).....
*بالمناسبة معظم السودانيات وباعترافهم انو الحنة دى لقضاء مئارب اجتماعية والأولاد برّاء من ذلك تماما"
أبو الجود آسفين والله لفتل البوست المفتول خلقة دا



التعديل الأخير تم بواسطة مواهب عبد العزيز نقد الله ; 06-01-2013 الساعة 06:22 PM.
التوقيع: Please forgive me if I have ever left a 'hole' in your fence
مواهب عبد العزيز نقد الله غير متصل   رد مع اقتباس
قديم 06-01-2013, 11:35 PM   #[15]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة وجدي الأسعد الأسعد مشاهدة المشاركة
(الأنسان كائن مؤمن)
نطالب بدمج البوست دة مع بوست "الأدلة القاطعة علي وجود الله" للبروف


__
إنت وكت قدرت تحسم موضوع لا موضوعيتك كإنسان، بالمرّة باصر ليك طريقة أحسم بيها لا موضوعيتك كعزّابي، ولو نجحت، بالله شففنا معاك



الرشيد اسماعيل محمود غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:11 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.