الطلاب المقتولون فى جامعة الجزيرة...من قام بقتلهم؟

[جيجي]

المشاركة الأصلية كتبت بواسطة نغم

الادارة عشان
مسئولية الدم الجات فى البيان
الادارة عشان
الجثث فى ترعة داخل الحرم الجامعى المنتك من قبل الامن
الادارة عشان
الاعتصام كان داخل النشيشبه داهمتو 4 عربات ليفضوه بالقوة و كانت الاعتقالات و بعدها الجثث
الادارة عشان
فى كلام ساى فى اتفاقية ابوجا بقول اعفاء طلاب دارفور من الرسوم وكل مرة بتغنى بيهو النائب الاول على عثمان
وكل مرة وفى كل جامعة يحرم طلاب دارفور من الامتحانات لانهم ما دفعو رسوم تسجيل و امتحانات بعملو شنو الطلاب بعتصموا و الطلاب الاخرين يتفرجو عليهم و يدخلو الامتحانات و بعده تكون ضحايا وبرضو نسكت نحن عن التطهير و التجهيل
الادارة عشان
طلاب دارفور بذكاء يعرفون من يحاسبون لو ما الان يسجلونهم فى دفاتر للحساب الكبير
ويعرفونا نحن من وين تمسك حقوقك؟ وتعرف تطالب بيها وين؟
هى ما كلام فى الورق واتفاقيات




القصاص لكل شهداء الجامعات السودانيه





ومن المفارقات
ينبرى المحامين للدفاع عن قوش - يقول تبريرهم كى يلقنوه درسا ان المعارضة تدلفع عن مجرم كان لوقت قريب يعذيهم فى بيوت الاشباح ولكن الدفاع و الاخلاق تسرى على الكل


هل سيتقدم المحامين من اى جهة لمطالب ابناء دارفور بمحاسبة ادارة الجامعة فى جريمة جنائيه تكررت و يدفع ثمنها ابناء دارفور
ام يكون بيان شجب وادانة وعويل
ونصرخ نداء للشعب السودانى
هو الشعب السودانى ده منو؟





موت الضأن

شكرا ياتغم لتنبيهي انه كلامي يبدو انه ماكان كافي لتوضيح وجهة نظري
انا قصدت ا نه الادانة لماذا انحصرت في ادانة الادارة فقط ولم تدان الحكومة ولا جهاز الامن ولا طلاب المؤتمر الوطني
ولماذا المطالبة باقالة الاسطاف وليس الحكومة ومسؤليي الحركات التي قامت باتفاق ابوجا

[الجيلى أحمد]

تحباتى يالرشيد,
شكرآ على التنبيه

[ود المامون]

...

.. " اصمت اليوم .. تُقتل غدا " ...

[الفاتح]

سلامات يا جيجي..
كتًر خيرها نغم أسهبت في ردها عليك..
بطني طامه من الأحداث الحاصله دي.. وطامه من موقفنا السكوتي ، وتنديدنا وشجبنا السايبري .. يا أخواننا أشكال التفرقة البتمارس على الدارفوريين بقت فوق للإحتمال.. لا عيشه ، لا قرايه ، لا أمن، بل حتى على مستوى الخروج للشارع بقت مختلفه.. الشمالي رصيدو طلقة مطاطيه ، والدارفويين رصاصة حية.. أحداث نيالا نموذجا..
النسيج الإجتماعي إتزعمط ياجدعان وماساهل إنو يترتق قريب.. أطلعوا الشارع وإتنفسوا البمبان.. أطلعوا الشارع وأشربوا الدم.. أطلعوا الشارع عشان بعدين لمن تتكلموا مع أولادكم ما تتطأطئو ريسينكم ، بل تكونوا شجعان وإنتو بتلقنوهم الوطنيه..

[سارة]

انحنا زاتنا بنزيد الطين بلة
اولاد دارفور اولاد دارفور
ديل اولاد السودان ديل سودانيين
وكت ما عندنا غير الشجب والادانه
على الاسافير والدموع الما بتقدم ولا بتاخر
خلينا مع الشجب نديهم حقهم كامل غير منقوص
ديل اولاد السودان الوطن الواحد
وكانو دارفور دى جسم غريب

[ماجد تاج]

ـ


أكثر ما يحزن ، ويغيظ ، ويطحن الحشا في مثل المواقف دي هو التعليقات الهزيلة

بيت شعر

أو صورة غبية

أو حتى تقييم غير عادل للأمور

ما حدث شديد الوضوح ( قُتِل طلاب أُرسِلوا من بيوتهم الى جامعة لا الى ساحة معركة )

قتلوا لأنهم كانوا يطالبون بحق بسيط للغاية مبرر ومنطقي وعادل

بالمقابل رد الفعل المطلوب أيضاً شديد الوضوح

أن تحدث ردة فعل تناسب جسامة قتل طلاب العلم ، بغض النظر عن قبيلة أي منهم أو مكان سكنه

رد الفعل دا مطالب بيه مين ؟

الشعب الذي يقتل أبناءه ؟

نعم ، لكن من ينبري لتقدم جموع العامة التي تحتاج الى قيادة ؟

من الذي يملك حق أن يسب بائع خضار في سوق ود مدني

أو مدرس في نيالا ، ويصفه بأنه مقصر لأنه لم يصدر عنه رد فعل ؟

من يُطَالب فعلاً برد فعل أولئك الذين أدموا قلوبنا

ببيانات الشجب والادانة الهزيلة والمزرية يوماً بعد يوم

الذين يحاولون اليوم تلو الاخر دفعنا عزلاً بلا قيادة وبلا توجيه

للخروج في وجه نظام أصبح لا يحتاج الى مبرر للقتل ، ولا الى هدف له

فقط يكفيه أن تقول لا في وجهه

حتى وإن كانت لا هذه لمجرد دفع ألف جنيه لسداد رسم دراسة

الحزب الشيوعي السوداني

حزب البعث

الحزب الاتحادي

الامة .. والى آخر التماثيل المتشققة المنصوبة على ساحة السياسة السودانية

كل أولئك الذين ينامون على أسرة الفنادق الفخمة في باريس ولندن وفي أمريكا

الذين لا ينتظرون منا الا واحد من أمرين

إما الخروج للشارع ومجابهة البطش والظلم والتنكيل

حتى نزيح النظام ونمسح لهم كراسي الحكم

وإما وصفنا بأننا شعب طيب ، وشعب خانع .. وشعب ميت

وشعب معلّم في أحسن الاحوال

بئس القيادات والاحزاب والساسة

وبئس النخب




ـ

[نغم]

المشاركة الأصلية كتبت بواسطة جيجي

شكرا ياتغم لتنبيهي انه كلامي يبدو انه ماكان كافي لتوضيح وجهة نظري
انا قصدت ا نه الادانة لماذا انحصرت في ادانة الادارة فقط ولم تدان الحكومة ولا جهاز الامن ولا طلاب المؤتمر الوطني
ولماذا المطالبة باقالة الاسطاف وليس الحكومة ومسؤليي الحركات التي قامت باتفاق ابوجا

يا ستى كلنا فى الهم ضحيه

لانو بيان طلبه من الاول بمسك فى ادارة جامعتهم وهى ممثلة الحكومة هنا

اما الحركات دى حكايه

الان التجانى السيسى الموقع على الاتفاق رشو قواته فى هجوم الفاشر المزعوم لانو كبر الحكومة قال فى هجوم مدبر
اصلو القصة كلها
القطة ستاكل بنيها
حكومة و حركات


اللهم اجعل الامن و الاستقرار لاهل دارفور

[الجيلى أحمد]

شباب
بليز
مامحلو ولا وكتو....


الناس دايرا تطق من الحنق والغضب,
الناس دايرا تنفجر من احساس المهانة والمزلة

[نغم]

المشاركة الأصلية كتبت بواسطة سارة

انحنا زاتنا بنزيد الطين بلة
اولاد دارفور اولاد دارفور
ديل اولاد السودان ديل سودانيين
وكت ما عندنا غير الشجب والادانه
على الاسافير والدموع الما بتقدم ولا بتاخر
خلينا مع الشجب نديهم حقهم كامل غير منقوص
ديل اولاد السودان الوطن الواحد
وكانو دارفور دى جسم غريب

لا كبيرة
سيظلوا ابناء دارفور
لانو التميز ضد ابناء دارفور
و الفلتو تصفيه عرقيه كمان

لانو خلال الست سنوات الاخبرة دى
يحرم ابناء دارفور من الجامعات

ورينى اى طلبه من اى رقعه فى السودان حرموا من الدراسه

حتى ابناء جنوب كردفان و النيل الاورق - مناطق حرب
ينعمون بالدراسة

اما الاخرين ينعمون حتى بالجامعات و المدارس الخاصة


وما نحت السودان كلو فى قفه واحدة

دارفور تغتصب و تقتل و تشرد نسائها و ينكئ بطلابها

وحقهم كمواطنين دون تمييز
ان نقول برضو لهم قضية
ولن يكونو جسم غريب وهم عقل و نبض السودان الان
وشكلو حضارته و ملامح هويته واسس دولته
و يكيفهم انهم وقود و ديزل البلد كلها
وجزاهم الدمار و الحرمان



و الاسافير فضاء مؤثر فى نشر و تحريك قضاياهم

ولولا الاسافير ما كنتى عرفتى بالقضية و مقتل طلاب

بس اى فعل تقومين به = ده بيت القصيد


المطلوب نسمى الاشياء بسميتها
ونشوف القضية وين؟

ِ
ويحيا ابناء دارفور و طلابها حياة كريمة و بموتون بشرف الشهادة

[الجيلى أحمد]

شكرأ نغم,

برغم فهمى الكامل لرأى سارة ومخاوفها
من تمدد روح العنصرية وأمراضها
لكن ياعزتزتى (ذا داميدج ايز دون)
ومايحدث عنصرية فجة وفبيحة وجرائم انسانية لاتغتفر..
لابد لهذا الأمر أن يتوقف
كما قال الشهيد سليمان ميلاد (مهما كان الثمن)
مايحدث فوق طاقة احتمال البشر..
قتل بدم بارد, وبشكل متكرر ومنظم وكامل الترتيب

[نغم]

المشاركة الأصلية كتبت بواسطة الجيلى أحمد

شكرأ نغم,

برغم فهمى الكامل لرأى سارة ومخاوفها
من تمدد روح العنصرية وأمراضها
لكن ياعزتزتى (ذا داميدج ايز دون)
ومايحدث عنصرية فجة وفبيحة وجرائم انسانية لاتغتفر..
لابد لهذا الأمر أن يتوقف
كما قال الشهيد سليمان ميلاد (مهما كان الثمن)
مايحدث فوق طاقة احتمال البشر..
قتل بدم بارد, وبشكل متكرر ومنظم وكامل الترتيب

اياها الديلاما

ما عرفت فهم من المداخلة العملت منها الكوتيشن غير
- ابناء دارفور ليه

وكل السودان يكابد و الطغاة لا بتربعون الا على دماء العنصريه و القبليه
و الوضع لا يحتمل مجادلات و اتهامات

نظام كامل فاسد يحارب من كل الجبهات
والاسافير آليه ليس الا


و ع الجاروند
بينضج قريب

والشارع هو السيف الحاسم

[سارة]

ولولا الاسافير ما كنتى عرفتى بالقضية و مقتل طلاب
بس اى فعل تقومين به = ده بيت القصيد
المطلوب نسمى الاشياء بسميتها
ونشوف القضية وين؟
ويحيا ابناء دارفور و طلابها حياة كريمة و بموتون بشرف الشهادة

والله كتر خير الاسافير وكتر خير سيادتكم فى تنويرنا
انا الحقيقة لم اعرف بدافور الا من الاسافير طول عمرى كله وحتى تقاعدنا
اعرف السودان من حلفا لى نمولى ولكن بفضل المناضلين عرفت درافور
والنيل الازرق ومحلات تانية
عموما انتى ناديهم اولاد دافور وسمى الاشياء باسمائها وخلينى انا فى
ضلالى القديم
وبدل تقيفى لمداخلتى فى حلقها اعملى ليك حاجة اهم لدارفور وعيالها

اللهم لا تمحننا لا تبلينا

[نغم]

المشاركة الأصلية كتبت بواسطة سارة

والله كتر خير الاسافير وكتر خير سيادتكم فى تنويرنا
انا الحقيقة لم اعرف بدافور الا من الاسافير طول عمرى كله وحتى تقاعدنا
اعرف السودان من حلفا لى نمولى ولكن بفضل المناضلين عرفت درافور
والنيل الازرق ومحلات تانية
عموما انتى ناديهم اولاد دافور وسمى الاشياء باسمائها وخلينى انا فى
ضلالى القديم
وبدل تقيفى لمداخلتى فى حلقها اعملى ليك حاجة اهم لدارفور وعيالها

اللهم لا تمحننا لا تبلينا

اولاد دارفور لا تعنى ابناء دارفور ياشابه

لو قريتى كويس البيان عليه تذيل ابناء دارفور - ده اسم له مدلول بلييز لا تفريغه

ما سالتك من تاريخ و معرفة و السودان البقى نص ده ولا شيتن تانى
ولسه بقول انت ما عرفتى بالقتل الا من الاسافير
خلى الجعجعه و ركزى بس
القفه اضانها بتنقطع



العمل ما بالكتابه و القول
و لا العنتريات فى الاسافير

الشغل فى دارفور و النيل الازرق
ياخذ اسم ابناء حتى لو رقضيتها
وبكون فيه فى كل مراحله
مش حاجه بس
وما عندى شغلة بمدخلااتك كلها فى الاسافير حتى لو كنتى دارفوريه
انت ركزى ثم نقاشى


و البلاء مرفوع عنك

[سارة]

نغم
خليك من اسلوب الاستاذية دا واتكلمى على قدر قلمك
اولاد دارفور ابناء دارفور ولا عيال الشيطان الرجيم
انتى منو عشان عشان تحددى معرفتى بالحاصل
ودليلك شنو انى ما عرفت الا من الاسافير؟؟
كنتى معاى ولا انا شغالة تحت امرتك؟؟؟

العمل ما بالكتابة ولا بالعنتريات
اها انتى عملتى شنو؟؟؟
انا قلتها واقولها رضيتى ام ابيتى
يجب عدم فصلهم وتقسيمهم وتسميتهم بابناء دارفور
وديل ابناء السودان ودا رايى فهمتيه كان بها ما فهمتيه
ما عندى شغلة بيك
ما تعملى لى فيها حافظها محمد منقطها ودايرة
تورينا كيف نناضل وكيف نتكلم وكيف نقول اراءنا
اتكلمى على قدر نضالك
وحافظى على ملافظك

هو السودان بقى نص من هين
اللهم لا تمحننا لا تبلينا


ملحوظة
عجبتنى كلمة يا شابة

[نبراس السيد الدمرداش]

عجبتنى كلمة يا شابة

غايتو انتي بقيتي تحنني