نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 04-01-2013, 07:08 PM   #[91]
مبر محمود
:: كــاتب نشــط::
 
افتراضي

اقتباس:
المشاركة الأصلية كتبت بواسطة خالد الصائغ مشاهدة المشاركة
و دعني أختلف معك هنا يا عزيزي
فالأديان ليست كذلك في جوهرها, أو لدي معتنقيها بالشكل الصحيح

قدسية الأديان لا تمنع أبدا من التحاور فيها و حولها, بالتي هي أحسن.
تحيّاتي مجدداً يا صائغ،
قد أتفق معك على أن الأديان في (جوهرها) لا تمثل تهديد للأمن والسلام، بل أذهب معك إلى أن البشرية تدين للأديان بالكثير في ما يتعلّق بتوطين الأمن وإفشاء السلام في العالم، ولكن، يا عزيزي، ما نحن بصدده ليس جوهر الأديان وإنما نحن بصدد "أنماط التدين" المتبائنة والمتناقضة والتي تفشت في عصرنا هذا بصورة ليست لها مثيل في كل العصور السابقة، وأنماط التدين، كما تعلم، تمثل موقف الجماعات والطوائف من الدين، فالكل، كما ترى، "عاجبو الصاريهو" ويعتقد إن ما ينادي به هو "جوهر الدين"! وهذا التطرف والتعصب هو الذي قادنا للإستبشار خيراً بالقوانين المدنية الضابطة للحراك الديني.



مبر محمود غير متصل   رد مع اقتباس
قديم 04-01-2013, 07:11 PM   #[92]
مبر محمود
:: كــاتب نشــط::
 
افتراضي

عزيزنا رأفت،
إن أطلعت على مداخلتك قبل إعتماد مداخلتي لإكتفيت بها ولما أدرجت مداخلتي. شكراً يا فخامة!



مبر محمود غير متصل   رد مع اقتباس
قديم 05-01-2013, 01:54 PM   #[93]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة حسين عبدالجليل مشاهدة المشاركة
الأخوان حافظ وشليل :

دعونا لاننسي بأن هشام إستمر يكتب في بوسته الأصلي حتي أنهي كل مايريد قوله وفي النهاية قال إنه سيتوقف عن الكتابة في ذلك البوست لأنه " لم أجد حوارًا حقيقيًا يُحفزني على الاستمرار،". ولد ده !

أنا شخصيا حاولت محاورته بأيرادي لأجزاء من بوسته و تفنيدها , وكل مرة كان بيدعي أن ماأوردته شيئ جانبي . أول مرة في حياتي أري شخص يصنف أجزاء كبيرة من نصه بأنها جانبية لا تستحق النقاش . يعني هو كان يريد أن يحدد لي في ماذا أنقاشه .

قوله "لم أجد حوارًا حقيقيًا يُحفزني على الاستمرار" الذي إنسحب بعده من بوسته , فيه إستعلائية شديدة لاتتوافق مع جهله الشديد بأشياء - غير دينية حتي- أوردها وتم تصحيحها له . الرجل يخلط او لايعرف حتي الفرق بين الملحد و اللاأدري ويصر أنو بعض من قالوا بأنهم كانو ملاحدة سابقا كعم فتحي و د.مصطفي محمود, وفتاة عربية التقاها في النت ماكانوا ملحدين أبدا. يعني هو اليحدد لهم رغم أنه هو يخطئ حتي في تعريف الملحد .

أقوال هشام لا تشكل أي تهديدا للإسلام. مارفضه البعض هو إساءته للرسول وعدم حصفاته في إيراده لفكره . أنا مثلا كوني مسلم أقمت معظم عمري في بلد غالبيته العظمي مسيحيين و إستمريت مسلم يعني إنو عندي رأي سلبي في المسيحية , ولكن لو كتبت بوست هنا وعنونته " قراءة في كتاب القديس بولس مخترع المسيحية "* سأكون غير حصيف و مستفز لمشاعر المسيحيين الذين يقرأون سودانيات .

* بالمناسبة فعلا يوجد كتاب بعنوان "القديس بولس مخترع المسيحية " مؤلفه يهودي و عندي نسخة منه .

تحيتي و مودتي .
سلام يا حسين و محبة
النقطة الأولي الاوردتها باعتبار ان هشام عاف النقاش هنا لانه ما لقي المستوي المطلوب, أصلاً ما أتخيل لي دي مشكلة, و عادي جداً يكون شايفنا جهلة , و دي أصلاً ما ممكن تكون مدعاة يا حسين للتجريدة الاسلامية الطلعت دي .....

ثانياً: حسين انا شخصياً بثمن حوارك مع هشام أو مع غيره, و وقت كتبت كلام ان في سودانيات في ناس ممكن يحاورا هشام في أفكاره دي بدل العويل و الثكلي, و ما يفهم من كلامي دا اي تملق , كنت قاصدك انت بالتحديد ممكن تكون من ضمن الناس الهنا الممكن يناقشوا افكار هشام, لكن لقيتك طبظتها بغادي و جرفك الموج البرتقالي موج وااااا أسلاماه .....

ثالثاً و دي النقطة المهمة يا حسين كونك ما تكتب كتابة (قراءة في كتاب القديس بولس مخترع المسيحية), بتفق معاك دي ممكن تكون لباقة, فأنا مثلاً لباقة وايس ما حأقول لمعتز القبطي رأي الإسلام في المسيحية بالرغم انه عارفه كويس, لكن كون يجي يقوله زول تاني اصلاً ما بخليني أقوم بحملة زي الحصلت هنا, و لو كتر ممكن أقول الزول دا بتنقصه اللباقة , و اللباقة و الكياسة ابداً ما أجباريات



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 06-01-2013, 07:53 AM   #[94]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
سلام ناصر و كل سنة و انت طيب و حمد لله علي السلامة
ناصر معليش حأقول تاني .... انا هنا ما جاي انتقد لائحة سودانيات في عضمه و لا الادارة, لكن اللائحة و الادارة جوا في معرض الكلام بس, ما أكتر.....
طيب يا ناصر و الناس الاحساسهم الديني اتخدش و بدوا الثكلي
هشام اساء لكريم معتقدهم و الخ .... و بموجب الاساءة دي قامت الحملة و تداعياتها هشام اتعاقب , طيب سؤال هل هشام الملحد دا بحق ليه يعترض علي وصفه كالانعام بل اضل سبيلاً؟
طيب إذا كانت الاجابة بنعم, هل ممكن يقوم حملة ضد انك تصفه أو أي انسان آخر بالأنعام و الحملة دي ممكن الناس تفكر فيها ناهيك أن تدعمها؟
المشكلة يا ناصر الناس خاتا نفسها حالات خاصة تستوجب العطف و الشفقة , مما زول بس هبش الدين طوالي الخناجر بتطلع , ليه ما الناس تكون بالقوة الكافية بحيث انها تفند الكلام دا و ترد عليه....

أوعك تقول لي هو نبز ما اساء

يا ناصر مبروك عليك حوارية لمحسن انا ما حاور اي زول

مرحب حافظ وكل سنة وانت طيب برضو ياخ

الله يسلمك أنا بخير والحمد والشكر لله (الما معترف بيه هشام آدم ده ياخ )

عموماً كدي ،،، زمااااااااااااانَئِذٍ قرينا عن قوم إسمهم ( السفسطائيين)
يقوموا السفسطائيين ديل يمسكوا ليك في قَشَة ،،، وكل زول يقول فيها الهو شايفو ،،، واحد فيهم شايفه مجرررررررد قشة والتاني شايف عندها قرون والتالت شايفها إبره

فشنو ،،، أنا ما سفسطائي ياخ وفي شان كي قولي قلتو ومشيت ،،،

سَمِح ؟؟؟

أها فتكم بعافية



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:00 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.