وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 19-01-2009, 07:46 PM   #[1]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي فواكـــــــــــه سودانيــــــات .. سلة من السودان

خالد الحاج كان فى الأصل .. فكهاني ..

فأنشأ روضة ..

تجمعت فيها الفواكه من كل صنف ..

ومن السودان أتيتكم بسلة عرضها السماء و الأرض ..
نعم قستها بالنسيم .. عرضا
وبالبحر وزنا ..
والبهاء لونا .
وبالحب حجما ..

هاكم أقرأوا فواكهي ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 19-01-2009, 07:49 PM   #[2]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

[align=center]فاكهة الاستواء .. [/align]


على رملها المبتل فكرا..
قدل العقل .. زيّن ملامحو و حلق ..
أشعلت سرجنا الخمجان دفئا
وخفق ..
"إن النساء الصالحات توشحن الألق
و ..
إن الحقل حق ..
والله حق "
يا طينها على " قيفة" ممطورة السنين الجاية..
"قلبك الخازن البكا ..يادوبو انسرق .."
فتنادينا حضور سافرا ..
سبحان الذى أسرى الكمال على الجمال..
وأتبعه حجيجا يطوف على البنات اليثارب ..و الرفق
الآن نَفِّض ما تشعبط فى الفؤاد
و ما علق
من حسكنيت العادي ..
و لالوب و نبق ..
ثم ..نكِّـش ما اختزنا من توتر وقلق ..
إن الصبايا يتجتذبن الفراشات الى الألق
و بينهن نور تشتهيه المصابيح و يبغر منه الشفق ..
وتتكور النشوة إذ يستدير صباها إصباحا
شحتفة من رحيل الغسق ..
يا لهذي العلية تدفقت الي محطات الشبق
من تحداك فى مضمار الحوار!!
تعداك فى صهيل السبق؟
أو تغلاك منال الرهان .. ميساً
يسابق الأمطار غيثاً ..
و .. قال "أن الكتوف تلاحقت"
وافتكرنا أنّا القدم بالقدم
لكنا تباقصنا فى لفة الحديث
ومشيت ِ..
مشيتِ حادية الركب
تصوغين الكِلم ..
حديثن ما فيهو طق ..
ثم يتلو الأنس أنساً ..
حتى قرقرنا ضحكا بديها .. وحتينا الهموم حتا
ثم ..فاجأنا الرحيل بالرحيل ..وانطلق ..
.. فليهنأ المطاليق بالحذق

أيا من كنت فينا ريقا لمفردات العشم
جرتق السيرة .. و قيدومة الكمال
اختزناك سنام الوعي الثاقب والفهم
لصحارى تضيء لإشراقها الفوانيس البُعاد
فكيف و عينيك الثقات
استحالت اللقيا سراب و السقيا سقم

وما أبقيت إذ أبقيت فى القلب؟ .. "نفر والسفر؟ "
وماذا بعد إذ صرنا قنانا شوق لا تشق
و زجاجة للعطر الفطير .. أو ضريرة فى طبق
يا قشة غرقان ..
أنا شرقان ..
فرجينا قليلا قبل السفر ..
أننا فى الحب عتاقا و خير من عشق ..
إلا أننا فى الريدة بين كر وفر
و ..
قال قولته ثم " مرق"



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 19-01-2009, 08:02 PM   #[3]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

[align=center]فاكهة صبية ..[/align]

عندها فقط أدركت أني في روضة الشباب ..
نضارة .. و ألوان باهية و زاهية .. وتلمع كده ..كدا .. شايف

.. فاكهة المَزاج و المِزاج ..
فمزاجها زاهي
و مِزاجها من طابور الألوان ..
فاكهة جزلة ..
و كما فاكهتها .. تكون هي ..
وهي .. بنت تتسلبط فيها الألوان الزاهية .. خرجت من حلم يقظة .. ودخلت فى وتر كمان مشدوه على نغم من وادي عبقر
تحلم بأن تجمع كل ما حبا به الله الفواكه والأزهار .. وهي تنمو على شجرة بُكرة وفكرة
أخذت من قوس قزح فرح ألوانه و شخبطت بها سماء الشباب ..
و صاقعاني يا داك السحاب ..بارى البروق .. و كم طشيت ..
ليتنى ما زلت أدخن السجاير و أنفضه على الرمل و قدماي فى النهر ..
تخيلتها و هي على الشاطيء تدفن قدميها فى الرمل المبتل و هي تطالع المشارق بابتسامة عاقلة ..
تتسلطن على اليراع فتصوغ الأخبار بسرد ذكي و مترابط ..
وتحكي لك .. فتتنزل فاكهة و معرفة ..
فيذهل الحضور .. و ويفرشون سعف البطين .. ويؤخرون الأذين غرف عشم ..
ثم تخرج من حدائقها وأنت تجازف الأسئلة !!!
هل كنت فى حضرة نحلة ..أم وردة .. أم فراولة ..





..



التعديل الأخير تم بواسطة معتصم الطاهر ; 20-01-2009 الساعة 07:11 AM.
التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 06:50 AM   #[4]
منال
:: كــاتب نشــط::
الصورة الرمزية منال
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
خالد الحاج كان فى الأصل .. فكهاني ..

فأنشأ روضة ..

تجمعت فيها الفواكه من كل صنف ..

ومن السودان أتيتكم بسلة عرضها السماء و الأرض ..
نعم قستها بالنسيم .. عرضا
وبالبحر وزنا ..
والبهاء لونا .
وبالحب حجما ..

هاكم أقرأوا فواكهي ..
[align=center]لما الحروف تتحدى حزن الليل تشيلو من الصباح
ولما العيون تتمنى خير النيل يعم كل البطاح
ما بنلقى في جوف الزمن الا الغنى الصافي المباح

شوفو الكنار ما لاقي عيش لكنو غرد وانتشى
لمن لمح خيط الندى في صفحة الازهار مشى
ليه ما نكون زي الطيور الفيها حب الغير نشا
وليه ما نكون زي النسيم نهدي الزمان الوشوشة

لما الحروف تصبح رياح وتوزع الشوق في الضفاف
ولما العيون تمطر سماح في عزة الارض الجفاف
حتى الزمن يزهر وفا وتلبس غنيواتنا الزفاف

مليون عشم في الانتظار يتقلى في حر القلب
ومليون قمر حافّي الطريق يهدينا لو الشوق ضِهب
كل العيون تهتف تقول لازم نفي ولازم نحب
ما الطيبة يا الناس الحنان راجانا في آخر الدرب

لما الحروف تصبح عيون وناسة في جلسة هنا
ولما العيون تصبح حروف افراحا فينا ومننا
يادوب بنعرف كيف نكون ونعرف كمان معنى الغنى
[/align]

الشاعر خالد شقورى



منال غير متصل   رد مع اقتباس
قديم 20-01-2009, 07:09 AM   #[5]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
[align=center]فاكهة الاستواء .. [/align]

و ..
قال قولته ثم " مرق"
للقاكم تنشرح الصدور .. ويفرح القلب الكئيب ..

[align=center][/align]



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 07:22 AM   #[6]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

[يامعتصم انت باين عليك كنت مسقرط كتابة روائع. والسودان سقاك بالكوز..
واصل يالحبيب يمكن الواحد يلقي ليهو برتقالة أو تفاحة هربانة منك يفك بيها الريق
..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 20-01-2009, 07:24 AM   #[7]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
[align=center]فاكهة صبية ..[/align]

.. فاكهة المَزاج و المِزاج ..
فمزاجها زاهي
و مِزاجها من طابور الألوان ..
فاكهة جزلة ..
.. بنت تتسلبط فيها الألوان الزاهية .. خرجت من حلم يقظة .. ودخلت فى وتر كمان مشدوه على نغم من وادي عبقر


هل كنت فى حضرة نحلة ..أم وردة .. أم فراولة ..


..
[align=center][/align]



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 07:31 AM   #[8]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
[يامعتصم انت باين عليك كنت مسقرط كتابة روائع. والسودان سقاك بالكوز..
واصل يالحبيب يمكن الواحد يلقي ليهو برتقالة أو تفاحة هربانة منك يفك بيها الريق
..

الله لنا يا فتحي

والله لى .. بى طلتك الحلوة ..

ربنا يرحم عمنا مسعد .. لكان أبدع .. أو جنّ ..



لدى من الفواكه سلة غذاء العاشقين ..
أكفيكم أنس وجن و شياطين ..
جئت مشحون و مستَّف ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 07:58 AM   #[9]
عادل عسوم
:: كــاتب نشــط::
الصورة الرمزية عادل عسوم
 
افتراضي


الباش ياعزيز
شهقت ملؤ الصدر نسيما صبا مترع بروائح الفواكه وعبير الورود...
وأمام ناظريّ ضجت السموات بشقشقة العصافير...
وقفت مليّا عند مولج حديقة الأستواء فسبّحت الأله...
وانزويت دونها الى باحة أخرى فاعتراني ألق الفواكه الصبية...
فقلت ياألطاف الله...
وبح مني الصوت وأنا أنادي بين سوامق الأشجار...
وانهد دوني الحيل وأنا أسعى لاجتياز عنفوان النهر...
واختلطت دون بصري المشاهد تكتنفها بهارج الأنوار مشبعة بزخم الألوان...
فما كان مني الاّ أن تلمست يراعي ووريقة فكتبت:
أني أغرق ...أني أغرق...أني أغرق
وانتبهت...
فاذا بي أتنفس تحت الماء!
وأرى ذات الفواكه تتمايس الغصون منها وتصطخب الألوان...
واذا بالأسماك تغني ياجمال دنيانا:

[align=center][flash=http://www.youtube.com/v/DwIKxUAmy7s&hl=en&fs=1" type]WIDTH=400 HEIGHT=350[/flash][/align]



التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)
عادل عسوم غير متصل   رد مع اقتباس
قديم 20-01-2009, 08:26 AM   #[10]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة عادل عسوم مشاهدة المشاركة
[size=4][font=Simplified Arabic][color=#0000FF]
ناظريّ ضجت السموات بشقشقة العصافير...
وقفت مليّا عند مولج حديقة الأستواء فسبّحت الأله...
وانزويت دونها الى باحة أخرى فاعتراني ألق الفواكه الصبية...
]
كل الجمال وهبوهو ليهن ..

هكذا كانت فواكه سودانيات ...
أولاد جدعان
ونساء ساميات ..

هم رياض سامقة يسقيها نيل لا كلّت روافدو و لا فتر من سقياهم وسقياهن

منال ما قصرّت .. ورّتنا درب بيتكم ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 09:12 AM   #[11]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

الله لي الله لي الله لي الليله ووووووووووووووووب أها الله يحلك ويحل بن عمي ود الحاج من هذا الجِن الما بينداوا وحلللللللوه الإندراوه :p:p;)



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 20-01-2009, 09:24 AM   #[12]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة
الله لي الله لي الله لي الليله ووووووووووووووووب أها الله يحلك ويحل بن عمي ود الحاج من هذا الجِن الما بينداوا وحلللللللوه الإندراوه :p:p;)
انت الدور جاييك
قايلها هاملة

الخال دا .. أنا ما بلحق درجتو ..
بعد دموعو تقيف شوية ويقدر يشوف ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-01-2009, 09:48 AM   #[13]
خالد الحاج
Member
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
انت الدور جاييك
قايلها هاملة

الخال دا .. أنا ما بلحق درجتو ..
بعد دموعو تقيف شوية ويقدر يشوف ..
[media]http://sudaniyat.net/up/uploading/helen.wma[/media]

ما أظنها يا باش تقيف الدموع...
والقال ليك أنا دايرها تقيف منو ؟
أبكي بكاك الجميل وأديني منديل :(



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 20-01-2009, 10:00 AM   #[14]
أسامة الكاشف
:: كــاتب نشــط::
الصورة الرمزية أسامة الكاشف
 
افتراضي

يا ريس دي على وزن "البنا مصر كان في الأصل حلواني"
زخم من الروعة والألق واللغة العصية
سهل ممتنع وغزل على عينك يا تاجر
توهج الخواطر وتداعيات اللقاء
أريت لو كنا معاكم



أسامة الكاشف غير متصل   رد مع اقتباس
قديم 20-01-2009, 10:13 AM   #[15]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

[align=justify]غايتو بطريقتكم دي يوم حتكتلو ليكم زول ما حدث عند نهاية العام المضي وبداية العام ده شئ يفوق حد الخيال وقييييقي كانت تُخمة محبة ومودة وحُب وحياة إنسانية رفيعةٌ في مقامها


أحححححححححححححححح وتاني أح وتااالت كمان بقول ليكم أح من جُوووووووووووووووووه


تسلموا كلكم وليكم حُب لا يمكنني أن أصفه
[/align]



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:29 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.