نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 31-12-2014, 08:03 PM   #[1]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي سنة سعيدة للجميع

بوست عشوائي بمناسبة ألسنة الجديدة.

كل عام و كل الأخوات والإخوة بألف خير و صحة و عافية و ربنا يديم المحبة على الجميع

هنا مزيكة و جوطة بس



التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 08:08 PM   #[2]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

واحد صاحبي نزل الصورة دي في الفيس كيفني جبنه! قلتة أجي أفكة هنا و أبقى DJ ألسنة الجديدة


أهه الزنوج الوجهين ديل منو ??





التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 08:13 PM   #[3]
أسعد
:: كــاتب نشــط::
 
افتراضي

وجينا نساعدك بالصفقة
وبيغ جو



التوقيع:
وأي كنت من الخلائق، إما أن تبدو كما أنت، وإما أن تكون كما تبدو.
مولانا جلال الدين الرومي
أسعد غير متصل   رد مع اقتباس
قديم 31-12-2014, 09:09 PM   #[4]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

اقتباس:
المشاركة الأصلية كتبت بواسطة عبدالله علي موسى مشاهدة المشاركة


أهه الزنوج الوجهين ديل منو ??



العايزين سياق يحضروا الفيلم الجميل "For Love Or Country" فيلم عن الحب والوطنية في كوبا!

أول ما نزل الممثل الذي يؤدي دور مولانا dizzy gillespie لمة فيو Andy Garcia يمثل دور البديع Arturo Sandoval عازف الترومبيت الما نصيح! أهه Dizzy نزل أول حاجة قاله " يا ناس، مين يوديني حلة ناس شانو بوزو رحمه الله" ؟ مافي زول كان عارف من هو Chano Pozo غير أندي غارسيا، طوالي تقدم قال ل- Dizzy أنا دة البوديك مكان الزول دة.
....

في الصورة، الزول الجالس لابس نظارات هذا أول أمريكي من أصل أفريقي يترشح للرئاسة في أمريكا! دة الأستاذ Dizzy Gillespie! من أباطرة الترومبيت في الأرض و موسيقار لا يشق له غبار أبداً, رجل من أكابر الأكابر يدلف للبيت الأبيض بسفنجة! الواقف ماسك دلوكة دة لوشيانو بوزو المشهور ب-Shano في كوبا!
....
أول ما وصلت الولايات المتحدة، وجدت نفسي في سلك الأعمال الهامشية،مره صبي في دكان عرب، مرة أصحح إمتحانات للمدارس، في النهاية استقريت على قيادة التاكسي على أساس إنه اقتنعت إنه هذا أفضل عمل هامشي يسمح لي بالعمل متى ما شئت الأمر الذي ساعدني على الذهاب للجامعة والعمل في العطلات، أهه مرة سائق التاكسي في أمان الله ركب معاي شخص ذو ملامح أفريقية في منتصف الستينيات من العمر وجيه لابس برنيطة، الونسة دورت، من إسمه و فصاحته في الإنجلزية خمنت أنه كوبي و فعلاً إتضح أنه من كوبا، الونسة واصلت:

قلت له: ياخي أنا بحب كوبا دي!
قال بعدم إهتمام: بتحب فيها إيه...
قلت: كثير لكن نبدأ من ال-Voodoo والموسيقى!
قال: يا ولد إنته بتعرف شنو عن الكلام الزي دة ؟
قلت: الفودو مهم لي كأفريقي يهتم بالثقافه الأفريقية، و أنتم في كوبا و معكم أهل هاييتي الوحيدين الذين ابقوا على الثقافة الأفريقية كما هي، بل أنتم ابقيتم على امور أصبحت في أفريقية نفسها نادرة لذلك يشدنا اليكم حنين خاص (الكوبي اتكيف جبنه), ثم أضفت، بعدين أنا سوداني، والهوسة والفلاتة حبايبنا و أولاد بلدنا لذالك اهتم بتعاليم اليوربا القديمة لأن هذا إرث أفريقي خالص
قال: طيبه المزيكة تعرف عنها إيه يا ولد! (what'chu know about Cuban music، young boy)
قلت له: وصلت تب! أنا أخو البنات! عندك بوينا فيستا سوشال كلوب، ديل ناسي، و إبراهيم فرير و افرو كوبان أل ستارس تغالطني بطلع ليك الألبومات الآن من الدرج
قال: بي الحيل، تاني من يا ولد
قلت له: Shano Pozo
لمحت تعابير وجهه من مرآه السائق، بدا عليه الإهتمام، إقترب من كرسي السائق، كاد يلمس كتفي ثم همس بتعجب! تعرف Shano Pozo يا ولد!
قلت: بالحيل و كمان عندي مزاج في إراكيري
قال: أنا فلان الفلاني كنت ألعب إيقاع مع Shano Pozo و نحن أصدقاء طفولة!

والونسة الجد بدأت! الرجل طالع أكبر كاهن Voodoo في الولاية، حلف علي طلاق قال نحن لا نحب الغرباء لكن أنت مرحباً بك في أي زمان تجي تحضر جلسة معنا, و ده تلفوني - ياخي نفسياتي ارتاحت، طبعاً لم اذهب لأنه عندي رأي اني اهتم بمعرفة الامور دي من منظور صحافي/ثقافي لكن الخوض فيها خط أحمر عندي
...
Pozo كان عراب الأحياء الأفريقية في كوبا، لاعب إيقاع مجنون و أستاذ Voodoo و الدلوكة, والفودو كما يقول أهلي الكلب ود عم البعشوم. في هذه الصورة النادرة كان عمرة لا يتعدى ال-27, مات في ال-33 ملاء الدنيا موسيقى و صخب! نبدأ بيه السنة:

هنا مع Dizzy




التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 09:12 PM   #[5]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

اقتباس:
المشاركة الأصلية كتبت بواسطة أسعد مشاهدة المشاركة
وجينا نساعدك بالصفقة
وبيغ جو
https://www.youtube.com/watch?v=iB5RCCWpWRE#t=109
أبو الزفت ذاته ياخي!! Big Joe Turner الواحد دة! أنا بعد دة يا أسعد ابداء الأوز منك! والله أستاذ و ذوقك نادر! ياخي كل عام و إنت بألف خير و شكراً على الجمال دة



التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 10:22 PM   #[6]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

الابداع بتعرف في فرقات زي دي!!

عمنا راي شارلس أيام بضرب الهروين هبطرش - مرة قبل الحفلة ما تنتهي رسمي بي 6 دقائق بداء يلم عدته، أظنه زهج أو جاته خرمه، المتعهد قال له (يا شيخنا الناس دي دافعة قروش و باقي 6 دقائق، تمه لينا ان شاء الله موية الله يرضى عليك) راي إتحزم، ما كان عنده حاجة جاهزة - قال للفرقة يا جماعة أنا بعزف و انتوا بس امشوا وراي.... الستة دقائق دي تماها مقطوعة من راسه نجره على الهواء مباشرة نجر أخضر!! تخيلوا هذه المقطوعة المنجورة تمامة أصبحت من أعظم ما تم عزفة في تاريخ الموسيقى الأمريكية بل في تاريخ الموسيقى الحديثة و سيطرت على قوائم الموسيقى في سنة 1959!!! تاني في شنو يتقال!

أجمل شئ إسم المقطوعة "ماذا أقول" "What'd I say" و هي مزيج لاتيني مع موسيقى ال R&B و بترقص الما برقص:



ياخي الأغنية المنجورة دي من شدة ما هزت العالم في في زمانه، أباطرة ثقال من وزن عمنا جوهن هوبكنس اتنازل و قال يغنيها:





التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 10:27 PM   #[7]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

سنة ما يبدوها بي عبد العزيز دي لا يعول عليها أصلاً




التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 10:29 PM   #[8]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

رمضان +. ذات نفسه - عليهم الرحمة أجمعين




التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 10:47 PM   #[9]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

صاحبي غاندي ود آدم رجال المجنون، مشكلته الوحيدة طلع في الدنيا دي جوزاء كان ما كدة والله ما سائل في Quincy Jones الكبير ذاته


الفيديو الأول تحضير لمهرجان من أجل دارفور (ليس من المهرجانات اياها) في بيت غاندي.

فلوت غاندي
كونقا مصطفى بنقز
باص محمد شرحبيل
جيتار شهاب
جيتار ياسر بوردو
غيتار (slide) واحد خواجة كندي اليوم داك أمن بالله
والزول القاعد في الطرابيزة خالف رجلة العبد لله إبن موسى عايش دور منتج

أيام

بعدها أنا أو غاندي عملنا حفل رأس سنة 2007 تشهد له العربان بعده الاتنين هربنا من القرية الظالم أهلها و لم يقم هذا المهرجان


الفيديو التاني بعد سنتين غاندي عامل شغب في فرنسة مشى يطالب ببدل إستعمار و حقارة - وده الناس أم كدادة و جابم جبال النوبة ثم المجلد و أب روف



والأخير دة جزء من فيلم وثائقي عن هذا الإنسان سيصدر قريباً




التعديل الأخير تم بواسطة عبدالله علي موسى ; 31-12-2014 الساعة 10:52 PM.
التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 31-12-2014, 11:06 PM   #[10]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

الزول الفي بداية الفيلم الوثائقي الإسمه Nemo دة مغني HipHop محترم في فرنسة، هنا في عمل مشترك له مع غاندي، غاندي يظهر في ختامة مسك، نهاية الفيديو.

داخل بي دخلة الخائن




التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 01-01-2015, 07:00 PM   #[11]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

عام سعيد عليك عبدالله
دا بوست فخيم والله وبداية جميلة لسنه نتمناها سعيده
كل عام وسكان سودانيات بخير

اسعد السنه دي لابدن من المشروع الحيوي






التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 01-01-2015, 07:30 PM   #[12]
وهاد ابراهيم محمد
:: كــاتب نشــط::
الصورة الرمزية وهاد ابراهيم محمد
 
افتراضي

سنة بقدر المنى والمشتهى يا عبدالله
يا زول يا فنان




وهاد ابراهيم محمد غير متصل   رد مع اقتباس
قديم 01-01-2015, 09:47 PM   #[13]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

اقتباس:
المشاركة الأصلية كتبت بواسطة عبدالله علي موسى مشاهدة المشاركة
العايزين سياق يحضروا الفيلم الجميل "For Love Or Country" فيلم عن الحب والوطنية في كوبا!

أول ما نزل الممثل الذي يؤدي دور مولانا dizzy gillespie لمة فيو Andy Garcia يمثل دور البديع Arturo Sandoval عازف الترومبيت الما نصيح! أهه Dizzy نزل أول حاجة قاله " يا ناس، مين يوديني حلة ناس شانو بوزو رحمه الله" ؟ مافي زول كان عارف من هو Chano Pozo غير أندي غارسيا، طوالي تقدم قال ل- Dizzy أنا دة البوديك مكان الزول دة.
....

في الصورة، الزول الجالس لابس نظارات هذا أول أمريكي من أصل أفريقي يترشح للرئاسة في أمريكا! دة الأستاذ Dizzy Gillespie! من أباطرة الترومبيت في الأرض و موسيقار لا يشق له غبار أبداً, رجل من أكابر الأكابر يدلف للبيت الأبيض بسفنجة! الواقف ماسك دلوكة دة لوشيانو بوزو المشهور ب-Shano في كوبا!
....
أول ما وصلت الولايات المتحدة، وجدت نفسي في سلك الأعمال الهامشية،مره صبي في دكان عرب، مرة أصحح إمتحانات للمدارس، في النهاية استقريت على قيادة التاكسي على أساس إنه اقتنعت إنه هذا أفضل عمل هامشي يسمح لي بالعمل متى ما شئت الأمر الذي ساعدني على الذهاب للجامعة والعمل في العطلات، أهه مرة سائق التاكسي في أمان الله ركب معاي شخص ذو ملامح أفريقية في منتصف الستينيات من العمر وجيه لابس برنيطة، الونسة دورت، من إسمه و فصاحته في الإنجلزية خمنت أنه كوبي و فعلاً إتضح أنه من كوبا، الونسة واصلت:

قلت له: ياخي أنا بحب كوبا دي!
قال بعدم إهتمام: بتحب فيها إيه...
قلت: كثير لكن نبدأ من ال-Voodoo والموسيقى!
قال: يا ولد إنته بتعرف شنو عن الكلام الزي دة ؟
قلت: الفودو مهم لي كأفريقي يهتم بالثقافه الأفريقية، و أنتم في كوبا و معكم أهل هاييتي الوحيدين الذين ابقوا على الثقافة الأفريقية كما هي، بل أنتم ابقيتم على امور أصبحت في أفريقية نفسها نادرة لذلك يشدنا اليكم حنين خاص (الكوبي اتكيف جبنه), ثم أضفت، بعدين أنا سوداني، والهوسة والفلاتة حبايبنا و أولاد بلدنا لذالك اهتم بتعاليم اليوربا القديمة لأن هذا إرث أفريقي خالص
قال: طيبه المزيكة تعرف عنها إيه يا ولد! (what'chu know about Cuban music، young boy)
قلت له: وصلت تب! أنا أخو البنات! عندك بوينا فيستا سوشال كلوب، ديل ناسي، و إبراهيم فرير و افرو كوبان أل ستارس تغالطني بطلع ليك الألبومات الآن من الدرج
قال: بي الحيل، تاني من يا ولد
قلت له: Shano Pozo
لمحت تعابير وجهه من مرآه السائق، بدا عليه الإهتمام، إقترب من كرسي السائق، كاد يلمس كتفي ثم همس بتعجب! تعرف Shano Pozo يا ولد!
قلت: بالحيل و كمان عندي مزاج في إراكيري
قال: أنا فلان الفلاني كنت ألعب إيقاع مع Shano Pozo و نحن أصدقاء طفولة!

والونسة الجد بدأت! الرجل طالع أكبر كاهن Voodoo في الولاية، حلف علي طلاق قال نحن لا نحب الغرباء لكن أنت مرحباً بك في أي زمان تجي تحضر جلسة معنا, و ده تلفوني - ياخي نفسياتي ارتاحت، طبعاً لم اذهب لأنه عندي رأي اني اهتم بمعرفة الامور دي من منظور صحافي/ثقافي لكن الخوض فيها خط أحمر عندي
...
Pozo كان عراب الأحياء الأفريقية في كوبا، لاعب إيقاع مجنون و أستاذ Voodoo و الدلوكة, والفودو كما يقول أهلي الكلب ود عم البعشوم. في هذه الصورة النادرة كان عمرة لا يتعدى ال-27, مات في ال-33 ملاء الدنيا موسيقى و صخب! نبدأ بيه السنة:

هنا مع Dizzy

https://www.youtube.com/watch?v=w0H5RmpAezA

سلامات يا عبدالله موسى وكل عام وأنت بخير
قعدت أأجل فى البوست ده ووصلت لحدى هنا بإستمتاع ما حصل .. بس الفرحة ما تمت والفيديو ما فتح معاى وجاتنى الرسالة العجيبة دى:

This video contains content from SME, who has blocked it in your country on copyright grounds.

كدى أحكى لى عليهو تحريرى وشنو الـ SME القفلو أو مقفول منها للسويسرين دى



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 02-01-2015, 12:30 AM   #[14]
اشرف السر
:: كــاتب نشــط::
الصورة الرمزية اشرف السر
 
افتراضي

بوست بديع وشحمان..
وبداية موفقة ل 2015..
عام سعيد عليك يا عبد الله..
وكل مرتادي البوست..


-----------

عمنا العزيز رافت ميلاد..

انسخ رابط الفيديو..
وحاول خت الرابط جوه الصفحة دي واستمتع
http://www.proxyvideo.net

وما تقول لي البروكسي دا السويسرين قافلنو.. بزعل جد واحرد جبنتهم وساعاتهم الضاربة دي



التوقيع:

اشرف السر غير متصل   رد مع اقتباس
قديم 02-01-2015, 01:27 AM   #[15]
حسين عبدالجليل
:: كــاتب نشــط::
 
افتراضي

تحياتي أخ عبدالله
وشكرا ياخ علي هذه الوليمة الدسمة في بداية العام . جعله الله عاما مباركا لنا كلنا, لمن نحب وخاصة لسوداننا الجوا وجداننا .

هاك أسمع عمك بول روبنسون , ذلك الشيوعي النبيل, ينشد النشيد الديني المعروف "ِنِعمة مُُدهِشة/Amazing Grace" وقارن أداءه لها مع كثير ممن أنشدوها قبله و بعده .




التوقيع: مدونتي:
https://hussein-abdelgalil.blogspot.com
حسين عبدالجليل غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:52 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.