عناية شليل ومحبي الجمال: فلجات تودر

[اشرف السر]

تلك الفراغات بين الأسنان الأمامية، تسحر الأباب وتسقط دفاعات أعتى القلوب متى تعرضت لغارات جمالية مفاجئة..
يقول عمنا عمر البنا:

دامع لج طرفي يا أب طرفا سحر
والبسم المفلج للأكباد نحر
لا يبرد حميمي لو احسى البحر
دارى وماك مدارى يا سمح النحر



.. وانعدلوا لي:

[اشرف السر]

وقال عكير الدامر:

أخدر ليهو ضل فوقو المحاسن انشرّن
أفلج فاطرو زي برق السواري القرّن
يتقسم مقاطع في المشي ويتحرّن
زي فرخ القطا الأماتو ركّن وفرّن

[شهرزاد]

كدي يا اشرف ادينا حاجة سمارة كدة
عندي إعتقاد أكيد إنو الفلجة دي أحلي بكتيير في الناس السمر لأنو اللمي هنا بتلعب دور .. وطبعا الشقراوات الفوق ديل مافيهن كلام .

تحياتي ,,

[الفاتح]

أووه أشرف يا وجيه.. خليل فرح قال

نافرة ومن حبيبة تملي جاذبة عنانا...

تتنفل علي الدُر بي فلج أسنانا ...

القافيه فلجه في طرف شفًه (نونه وللا وجنه ما معروفه ) نساعدك بأتو خمسه وخمسه

مرفق فلجة شفويه ل Charlize Therone

ول Jessica Alba

[اشرف السر]

المشاركة الأصلية كتبت بواسطة شهرزاد

كدي يا اشرف ادينا حاجة سمارة كدة
عندي إعتقاد أكيد إنو الفلجة دي أحلي بكتيير في الناس السمر لأنو اللمي هنا بتلعب دور .. وطبعا الشقراوات الفوق ديل مافيهن كلام .

تحياتي ,,

شهرزاد

حبايك في موطن الجمال..

انحاز للسمر أيضا.. لكنه حكم القوقل.. جاري البحث عن السمر وفلجاتهن..
وبجيك بيهن ان طال الزمان أم قصر..

شكراً لمرورك

[أسامة معاوية الطيب]

المشاركة الأصلية كتبت بواسطة اشرف السر

تلك الفراغات بين الأسنان الأمامية، تسحر الأباب وتسقط دفاعات أعتى القلوب متى تعرضت لغارات جمالية مفاجئة..
يقول عمنا عمر البنا:

دامع لج طرفي يا أب طرفا سحر
والبسم المفلج للأكباد نحر
لا يبرد حميمي لو احسى البحر
دارى وماك مدارى يا سمح النحر



.. وانعدلوا لي:

الحبيب أشرف الصورة التانية يتخيل بالإضافة للفلجة المادية فيها فلجة معنوية ... ودي خلي بالك صعبة خالص!!!

[اشرف السر]

المشاركة الأصلية كتبت بواسطة شليل

أووه أشرف يا وجيه.. خليل فرح قال

نافرة ومن حبيبة تملي جاذبة عنانا...

تتنفل علي الدُر بي فلج أسنانا ...

القافيه فلجه في طرف شفًه (نونه وللا وجنه ما معروفه ) نساعدك بأتو خمسه وخمسه

مرفق فلجة شفويه ل Charlize Therone

ول Jessica Alba

عجبني الاخلاص فيك..

شارليز وجيسيكا ديل من مطاحن عظامي من زماااان
لكن ما حصل دققت لفلجات وكدا..
بجيك بيهن.. والفلجة بره تطعن في الحشا
البوست حينساق بمهلة.. والفورة مليون..
والشعر ما كمل ولا حاجة...

-----------
زولتك يارا دي عسمت قوقل زاتو.. شكلها متعقدة من الفلجة دي..

امسك واحد منها

[أسامة معاوية الطيب]

المشاركة الأصلية كتبت بواسطة اشرف السر

عجبني الاخلاص فيك..

شارليز وجيسيكا ديل من مطاحن عظامي من زماااان
لكن ما حصل دققت لفلجات وكدا..
بجيك بيهن.. والفلجة بره تطعن في الحشا
البوست حينساق بمهلة.. والفورة مليون..
والشعر ما كمل ولا حاجة...

-----------
زولتك يارا دي عسمت قوقل زاتو.. شكلها متعقدة من الفلجة دي..

امسك واحد منها

انت البوست بتاعك دا عن الفلجة الواحدة واللا الفلجات المتعددة ؟ إلتزم ياخي

[اشرف السر]

المشاركة الأصلية كتبت بواسطة أسامة معاوية الطيب

الحبيب أشرف الصورة التانية يتخيل بالإضافة للفلجة المادية فيها فلجة معنوية ... ودي خلي بالك صعبة خالص!!!

والله يا أسامة

نوعك دا ياهو الصعب.. ومنه خوفه

الناس البتقرأ كامل الصورة والجو الفيها
ياخ نصبتك شيخ طريقة في علم الجمال
يعني انت وود الرضي في سرج واحد

قلت لي يتخيل ليك..
ما يتخيل ليك .. يتيقن ليك رسميي

[اشرف السر]

المشاركة الأصلية كتبت بواسطة أسامة معاوية الطيب

انت البوست بتاعك دا عن الفلجة الواحدة واللا الفلجات المتعددة ؟ إلتزم ياخي

هههههههه

دا شغل بلاغة واضحة
زي الكلام بتاع اطلق الشاعر الكل واراد الجزء
واطلق الجزء وأراد الكل...

والجمال يعم ياخي


امسك ديل كدي وبطل رجفان









الزول اسه ما يشوف اقرب عمود كهرباء ويطق قدومو هناك.. يكسر باقي السنون الفضلن
الحقني يا شيخي طارق كاشف

[أسامة معاوية الطيب]

المشاركة الأصلية كتبت بواسطة اشرف السر

هههههههه

دا شغل بلاغة واضحة
زي الكلام بتاع اطلق الشاعر الكل واراد الجزء
واطلق الجزء وأراد الكل...

والجمال يعم ياخي


امسك ديل كدي وبطل رجفان









الزول اسه ما يشوف اقرب عمود كهرباء ويطق قدومو هناك.. يكسر باقي السنون الفضلن
الحقني يا شيخي طارق كاشف

ايواااا دا التزام صارم جدا بالفلجات المتعددة
والله الموفق والمستعان

[اشرف السر]

يا شليل
شارليز ثيرون لقيتا دكت ورقها ياخ
عرفت انها عملت تصليح لاسنانها وفقدنا الفلجة القلت عليها

[اشرف السر]

صورة ما عندها أي علاقة بالبوست دا..

مهداة لكاديلاك وصحبه الميامين رواد بوست النونات..

[اشرف السر]

"ياااااااااااااااااااااااا ود الكرسني"

او كما قال طارق جبريل حين جمكسين










اسه جيسيكا البا دي.. سياسة الدفاع بالنظر بتجيب خبرنا معاها..

تعديل: عذرا.. الصورة الاولى فتلت البوست.. ممكن تشوفوها من هنا
http://www.desktopwallpapers.co.za/u...-1920x1440.jpg

[أسامة معاوية الطيب]

دي احسن حاجة الهجوم بالنظر
لأنو الهجوم افضل وسيلة للدفاع
لو لقيت فرقة هاجم طوالي والله الحبة ما تجيك ... لكن غالبا تموت !!!