*بي📝 الحنين،،،،،*
*د. علي الشيخ،،،،،*
*الجو ده جو شنو 🤔 🤔 🤔*
ده سؤال واحد متفق عليه،،،
زي ما بنقول،،، نترحم على الشهداء،،، عاجل الشفاء للجرحى و المصابين،،، و نتمنى عودة المفقودين،،،،
من ما تنقط 💧💧💧
و السماء يغيم 🌨️⛈️🌧️
الناس بتبتسم،،، 🤣 🤣 🤣
*محبوبي وكتين يبتسم،،،*
*الدنيا يا ناس تنقسم،،،*
في البقول ليك ده جو فول ،،،🧉
و غيره،،، ده جو سمك 🐟🐠
و منهم،،، ده جو شيه 🥩🍗
و المساكين بقولوا جو سخينه،،،،
و بعضهم،،،، ده جو سيجارات 🚬 🚬
و في طلب،،، ده جو شاي 🍵 ولا قهوه ظاااابطه ☕
و ما ننسى ناس الشيشه،،،
ولا،،، جو بوش،،،، و بيبسي،،،
ولا،،، جو،،، مكوه ،،،،،
وفي ناس حوامه ساي بالعربات،،،، 🚗🚙🚘
وفي طلبات بالدس،،،
تحت ،،، تحت 👇👇👇
جو،،،، الشمارات،،،
حتى الشفع،،، بي طلباتهم،،،
نحن شعب لذيذ جدا،،،
ناس ترطيبه بس،،، و تكيل ،،، و ونسه في الفارغه و المقدوده،،،
نحن شعب فقير جدا،،،
طموحاتنا في الأكل و الشراب،،،
نعم الله علينا كتيره،،،
ربنا أنعم علينا من أوسع الأبواب،،،
بس بنفكر نعيش اللحظة ،،،،
ليه ما نغير مطالبنا،،، الدونيه دي بي مطالب،،، للوطن ،،، للبناء،،، للتعمير،،،، للمستقبل،،، لإثبات الذات السودانيه،،، و عودة الهويه،،،
ليه ما نقول ده،،،
*جو،،، زراعه ،،،*
عندنا أرض،،،، تزرع حبة الاسبرو،،، تقوم فوقها،،،،
*جو،،، نظافه،،،*
بلدنا ما بتشبهنا،،، و سخانه ،،،، و محتاجه تغير للبيئة ،،،،،
*جو،،،، حصاد،،،*
نشد يدينا على بعض،،، نحصد،،،، و ندى غيرنا من خيرنا،،،،
*جو،،، نفير،،،*
نساعد المحتاج،،،، و نحقق،،، احلى ما أنتجته ايام اعتصام القياده،،، *كان عندك خت،،، كان ما عندك شيل،،،* لي اي حاجه،،،، علاج،،، عرس،،، نبني مدارس ،،،، نبني مستشفيات،،،
*جو،،، قرايه،،،*
محتاجين لمحو اميه،،، ما للقرايه و الكتابه بس،،، *القلم 🖊️ ما بزيل بلم*
دايرين نمحو اميه الجهل،،،، ما ننقل خبر،،، اشاعه،،،،
نمحو اميه الحقد،،،، و الحسد،،، و العنصريه،،،
دايرين جو،،، سليم،،، متعافي،،،
دايرين جو،،،، إنتاج،،، جو تغير صاح،،، جو حريه للجميع،،،، جو سلام ،،،، جو ديمقراطيه،،، حقيقه ،،،، فعاله،،،، نسمع للرأي الآخر،،،، و نحترم الغير،،، الكبير،،، و الصغير،،،
بنحلم بي جو،،، الناس تخت الوطن قدام عيونها 👀،،،👀،،،
القاعدين فوق الكراسي 🪑 و البنابر،،، يختوا الكوره ⚽ واطه،،، ماتقعدوا و تدلدلوا كرعينكم،،، انتوا قعدوا بي مهر غالي،،، غالي جدا،،، قعدتوا بي مهر عزيز،،،🩸🩸🩸
ما تعيشوا جو،،، الترطيبه 💧⛈️🌧️🌨️ و تنسوا الناس الغلابه،،، في الحر،،،🔥🔥🔥 في السخانه،،، بالجهيتين ،،،، سخانة الجيب،،،، و سخانة الكهرباء القاطعه ،،،
نتفق،،، نلتزم،،،، نحترم دماء الشهداء،،،
كده بنعيش في وطن،،، مؤسس،،،
و ده بتم ،،، في الجو السمح،،، نطلب كوريك و طوريه،،، مقشاشه 🧹 و قفه،،، منجل و محرات،،، مصطرينه و شاكوش🔨 ،،، كرك و درداقه،،،
بعد كده،،،، الاكل و الشراب ملحوق،،،،
ممكن نقول جيب واحد بوش،،، مع واحد شيه،،، و سمك ،،،، و قراصه بالدمعه ،،،،
*د. علي الشيخ*
*الحنين*
*ينبع البحر - السعوديه*
*٦ أغسطس ٢٠٢١*
