وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 27-06-2015, 11:38 AM   #[1]
شبارقة
:: كــاتب نشــط::
الصورة الرمزية شبارقة
 
افتراضي عـِيـَنْ الخريف

الخريف على الأبواب .. والخريف وما أدراك ما الخريف لكل أهلنا في السودان من جميع سهول وبوادي البطانة في شرق ووسط السودان إلى بوادي كردفان ودارفور ... إلخ

أهلنا في البادية ومن زمن قديم قاموا بتقسيم فصل الخريف إلى مراحل أو ما يعرف بـ العِيـَنْ ومفردها (عـِينة) وهي تعني (مرحلة) أو ما شابه ذلك .

يقال أن الأسد في الزمن الماضي كان موجود في معظم سهول وأودية السودان.. والأسد هو ملك الحيوانات وأكثرها هيبة بلا شك.. أها الهيبة والقوة دي هي الخلت أهلنا زمان يشبهون عـِيـَنْ الخريف ببعض أعضاء الأسد أو تصرفاته (حسب قوة العضو أو شدة التصرف).. وكل عينة مدتها 13 يوم (ماعدا عينة واحدة مدتها 14يوم) والكلام ده لو تحققنا منه لوجدناه مربوط بعلوم الفلك والجغرافيا ودراسات الأرصاد الجوي والتي لم تكن متاحة في ذاك الوقت... في المداخلة القادمة سنبدأ بأول عينة وذلك حسب ترتيب العـِين وتواريخها ... الكلام ده متاح في النت بعضه منقول نقل من غير إجتهاد في تصويبه أو تنقيحه وبعضه غير صحيح ...ولأنو الخريف ده عندنا مربوط في الذاكرة بأجواء لاتينية رهيبة ونسائم وبروده وهمبريب ودعاشات معشعشة في الدواخل فسأحاول في هذا البوست التعريفي (بالذات لناس شهادة عربية ) أن أطرح المعلومات بشكل مغاير لا يخلو من السمبر وبعض الرباعيات والدوبيت (مع الترجمة) وبعض المعلومات البيولوجية الحياتية المربوطة بالخريف من عشق وشبق وتكاثر وبعض من الكلام الدقاقة .



شبارقة غير متصل   رد مع اقتباس
قديم 27-06-2015, 01:01 PM   #[2]
شبارقة
:: كــاتب نشــط::
الصورة الرمزية شبارقة
 
افتراضي

قبل ما بنبدأ بالعينة الأولى عاوز أضيف إضافة بسيطة مرتبطة بالعـِيـَنْ وهي إنو ليس الخريف فقط هو المقسـّم لعـِيـَنْ .. بل السنة كلها مقسمة إلي عـِيـَن.

والإضافة الفوق دي بتقودنا لتعريف دقيق للعـِيـَنة وهي أنها عدد من الأيام خلال السنة - في فترة محددة - تتميز بطقس مختلف عن غيره من العـِيـَنْ.

حساب العـِيـَنْ ده قد يتغير قليلا ً عند الناس الذين يحسبون بالشهور العربية.



شبارقة غير متصل   رد مع اقتباس
قديم 27-06-2015, 02:01 PM   #[3]
شبارقة
:: كــاتب نشــط::
الصورة الرمزية شبارقة
 
افتراضي

العـِيـَنة الأولى : الضـُراع

كل التسميات التي نحن بصددها كما أسلفنا مربوطة بالأسد وهي هنا تشير لضـُراع الأسد .. ويبدأ الضـُراع من يوم 7 يوليو الى يوم 21 منه .. ويقال عنه: إن صح خريف وإن بطل صيف ... يعني الـ 13 يوم دي لو كانت ممطرة فإن الخريف سيكون رائعا ً من حيث الزرع والضرع... وإلا فإنه سيكون صيف




شبارقة غير متصل   رد مع اقتباس
قديم 27-06-2015, 02:46 PM   #[4]
شبارقة
:: كــاتب نشــط::
الصورة الرمزية شبارقة
 
افتراضي

ﺩُﻋﺎﺵ ﺑﺮﻕ ﺍﻟﻀـُﺮﺍﻉ ﺍﻟﻔﻲ ﺍﻟﺴﺤﺎﺑﺔ ﺑﻼﻭﻱ
ﺟــــــﺎﺏ ﻟﻰ ﺭﻳﺤﺔ ﻣﻦ ﺍﻟﻠﻲ ﺃﺫﺍﻱ ﺑﺘﺪﺍﻭﻯ



شبارقة غير متصل   رد مع اقتباس
قديم 27-06-2015, 08:28 PM   #[5]
عكــود
Administrator
الصورة الرمزية عكــود
 
افتراضي

سلام يا شبارقة وتصوم وتفطر على خير،

موضوعك ليهو دعاش ورذاذ، وشيَق.

الخالد (عليه الرحمة) كان له موضوع مشابه عن الغزل بمرابيع النجوم والشاعر ود شوراني، وما تأتي به إضافة توثيقية مهمَة لذلك الموضوع الممتع؛
فاقدل وأخد راحتك، فإنَا لك من المتابعين.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 27-06-2015, 09:46 PM   #[6]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

سلامات شبارقة ورمضان كريم،،
دا موضوع مهم وعندي أسئلة كتيرة فيهو، بس عليك الله واصل لينا من غير يتبع :)
وما تنسى لينا عين الشتاء معاك لو ممكن تتباصر. التساؤل بتاعي هل توجد عينة قبل الضراع؟



الرشيد اسماعيل محمود غير متصل   رد مع اقتباس
قديم 27-06-2015, 10:13 PM   #[7]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة

فاقدل وأخد راحتك، فإنَا لك من المتابعين.
تصوم وتفطر على خير يا عمدة

شكرا ً لك على الدعم وعلى إيراد رابط بوست فقيدنا الغالي خالد الحاج والذي سأقطف منه بعض المرابيع الشعرية وبالذات عندما نتحدث عن كل عيـِنـَة وخواصها وصفاتها.



شبارقة غير متصل   رد مع اقتباس
قديم 27-06-2015, 10:17 PM   #[8]
عبدالله علي موسى
:: كــاتب نشــط::
الصورة الرمزية عبدالله علي موسى
 
افتراضي

سلامات شبارقة و والمرور و رمضان كريم عليكم.

كلام جميل و متابعة مستحقة.

قد يكن المقصود من تسمية عينه الأسد هو الاشارة لأن هذه العينة تقع في الوقت الذي تكون فيه الشمس في كوكبة الأسد و هي رمز الخريف إذ تأتي بعدها السنبلة/العذراء (حصاد ما زرع في الخريف) أعتقد أن هذا قد يكن أقرب من إحتمال أنها سميت على حيوان الأسد نفسه، و إسم كوكبة الأسد هذا طاعن في القدم. من اللافت للنظر أيضاً كلمه (عينه) و هي أيضاً كلمة قديمة نجد لها تجليات في لغات مختلفة، عموماً الكلمة تعني (فترة من الزمن) في اللاتنية القديمة (aion ) يعني عمر، و في السنسكرتية (أيو/عيو) عمر، و في النروجية القديمة، لغات ال-Norse (أيو) نفس المعنى

مشكور على البوست السمح و تحياتي


---


يا عمدة مشكور على التذكير ببوسط خالد الحاج رحمة الله، ذاك البوست من أفضل ما سطر في هذه الأسافير السودانية.



التوقيع: "المكان اذا لم يؤنث، لا يعول عليه"

إذا أنا أحمـــدت اللقاء فإنـنى
لأحـمد حـيــنا للفــراق أيـاديـا
عبدالله علي موسى غير متصل   رد مع اقتباس
قديم 27-06-2015, 10:37 PM   #[9]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
سلامات شبارقة ورمضان كريم،،
التساؤل بتاعي هل توجد عينة قبل الضراع؟
هلا بحبيبنا العريس الرشيد ومبارك عليكم وعلينا الشهر وكل عام وأنتم بخير

لا توجد عـِينة خريف قبل الضراع وحتى الضراع هناك من لا يعتبره عـِينة (ولكننا في مناطقنا نعتبره العـِينـَة الأولى) .. وهناك من يعتبرون النترة هي أول عين الخريف ويتجاهلون الضراع .. والسبب قد يعود لعدم هطول الأمطار عندهم في تلك الفترة المحددة (وهي علميا ً لها علاقة بالمنخفضات والإرتفعات الجوية وكل ما يحويه علم الأرصاد الجوي)

الخريف بتسبقوا عينتين واحدة بيسموها العصا العطشانة والتانية إسمها العصا الرويانة ، العصا العطشانة تتميز بالهبوب والعجاج والكتاحة ومسمى عطشانة جايي من كثرة العطش لدى الإنسان والحيوان، وعينة العصا الرويانة يعتدل فيها الجو وتقل الحاجة لشرب الماء يعني الجسم بكون رويان... والله أعلم.



شبارقة غير متصل   رد مع اقتباس
قديم 27-06-2015, 11:09 PM   #[10]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة عبدالله علي موسى مشاهدة المشاركة
سلامات شبارقة و والمرور و رمضان كريم عليكم.

كلام جميل و متابعة مستحقة.

قد يكن المقصود من تسمية عينه الأسد هو الاشارة لأن هذه العينة تقع في الوقت الذي تكون فيه الشمس في كوكبة الأسد و هي رمز الخريف إذ تأتي بعدها السنبلة/العذراء (حصاد ما زرع في الخريف) أعتقد أن هذا قد يكن أقرب من إحتمال أنها سميت على حيوان الأسد نفسه
مشكور على البوست السمح و تحياتي
هلا بأخونا عبد الله وحبابك ومبارك عليكم وعلينا الشهر الفضيل وتصوموا وتفطروا على خير إن شاء الله

أعلم من خلال متابعتي لما تكتب وما شاء الله عليك فإنك ضليع بعلم الفلك والكواكب والنجوم وعليه تجدني لا أختلف معك فيما أوردته إلا في أنه لا توجد عينة بإسم الأسد .. ولكن إذا نظرنا إلى أسماء باقي العـِيـَن تجد أنها جميعها مرتبطة بالأسد الحيوان فبخلاف ضراع الأسد نجد النترة وهي (نترة الأسد - والأسد النتر) والطرفة وهي طرفة عين الأسد وهي مشهورة عند الأسد (تطرف إحدى عينيه) وكذلك الجبهة (جبهة الأسد) .. إلخ العـِين ... والله أعلم


وجودك بالإضافة إلى العمدة والرشيد يدفعني ويحثني على المواصلة فشكرا ً لكم على إحياء المنتدى.




شبارقة غير متصل   رد مع اقتباس
قديم 27-06-2015, 11:15 PM   #[11]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

متابعين باستمتاع ..وحتما سنعود مع الطرفة البكاية باذن الله

تحياتي



التوقيع: إذا فتحت ابواب خير فأقبلوا

موائد أهل الله خير الموائد
عبد المنعم حضيري غير متصل   رد مع اقتباس
قديم 27-06-2015, 11:34 PM   #[12]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة شبارقة مشاهدة المشاركة
أن أطرح المعلومات بشكل مغاير لا يخلو من السمبر


قد يتسآل البعض شنو علاقة السمبر بالبوست ده؟

السمبر (إسم جمع لطائر معروف) نطلق على أنثاه السمبرية ولكنني لا أعرف إسم المفرد لمذكره (هل فيكم من يعرف؟)

السمبر ينتشر ويتواجد بكثرة من بداية فصل الخريف وحتى نهايتة .. وكان الناس يفرحون بتحليق السمبر في أجوائهم فهو إشارة إنو خريفهم صادق الوعد لأن السمبر وبعض الطيور الأخرى ومن خلال بحثها الدائم تعرف مراتع الكلاء والماء وبمجرد ظهور هذه الطيور في المنطقة فهو دليل وبشارة على صحة الخريف.



شبارقة غير متصل   رد مع اقتباس
قديم 27-06-2015, 11:43 PM   #[13]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

كعادة شبارقة.. شغل جميل

منتظر باقى العين



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 27-06-2015, 11:47 PM   #[14]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة
متابعين باستمتاع ..وحتما سنعود مع الطرفة البكاية باذن الله

تحياتي
حباب عمنا وأستاذنا عبد المنعم حضيري ... مبارك عليكم وعلينا الشهر الفضيل .. تصوموا وتفطروا على خير

بمناسة الطرفة البكاية أهديك هذا المقطع :

ظَمْيَانِين- وُوَابْلَ الطّرْفه فُوقنا يِهَطِّـل
مِن الخَلاّ كُل عَمَلنا صَار مُتعطِّـــلْ

مرحب بيك في كل وقت .. ووجودك معنا قلادة وشرف لنا .. خليك قريب.



شبارقة غير متصل   رد مع اقتباس
قديم 28-06-2015, 12:36 AM   #[15]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة الجيلى أحمد مشاهدة المشاركة
كعادة شبارقة.. شغل جميل

منتظر باقى العين
حبيبنا الذي بمانشستر هذا الأيام .. كل عام وأنتم بخير .. رمضان يتبارك عليكم وعلينا

والله كلامكم ده هو البشجع الزول وبيدفعوا للأمام ويخليهوا يتوهط في البيت الوسيع ده (على قول أخونا ناصر) وهو صادق في ذلك.

باقي العـِيـَنْ في الطريق .. بإذن الله.

وجودكم هنا بمثابة وقود لمحركاتنا .. تسلم،،،



شبارقة غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:25 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.