نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 25-05-2013, 07:53 AM   #[1]
مها عبدالمنعم
:: كــاتب نشــط::
 
افتراضي حبيت سيد اللبن

من اسمع حس الحمار تجيني حمي ووجع كرعين ووجع بطن وقدامي ما اشوف اقوم اداعي الله ياخدك قلبي الاهبل يرد ياخدك انتي دي!
في الاول كنت امي لمن تكورك جيبي اللبن من تسمع ضرب العصا علي الباب انق وانق حتي امشي واقول ليه انت الباب دا كتل ابوك!
يضحك واليوم التاني يخبت اقوي من القبله
الايام دي من يقرب المغرب اقول المس شعيراتي وامسحن بمويه اشان يرقدن واتمسح سمح واول مايدق اشيل جكي الالمون وامشي يكب اللبن ويغمز في عيني ويرفع في حواجبه


يتبع



مها عبدالمنعم غير متصل   رد مع اقتباس
قديم 25-05-2013, 08:23 AM   #[2]
مها عبدالمنعم
:: كــاتب نشــط::
 
افتراضي

يوم ورا التاني الشغله بقت زياده الولد اخوي الصغير في سنه سادسه !من يسمع نقريطة الحمار ينط علي طوله عمو علي جا
وانا مع نطته قلبي يقرررب ينط لفوق ..لمن الشغله بقت اربعه يوم الولد صاحب سيد اللبن وقلت فرصتي في روياه خطر لي اليوم الخامس فكره قريب المغرب وناديت الولد تعال يا اخوي الصغير
اها اكيييد دايره شي عاوزه شنو
عاوزه اجيب اللبن
شنو
لا عاوزه لي لبن بدره من الدكان
بس القريب دا مافيه
امش البقاله
سمح بس تشتري لي
اي
الحمدلله عدت وهو كانه راجيني سلم وقال
لايغرك بيعي للبن دا تحسبيني هوين
لالا انت ماك هوين بس
بس الشافع اخوك دا اقهري لا تخلي ياخد اللبن



مها عبدالمنعم غير متصل   رد مع اقتباس
قديم 25-05-2013, 10:33 AM   #[3]
واحة
:: كــاتب نشــط::
 
افتراضي

نتابع بجد الواحد كايس شبح ابتسامة

شاكرة ..النبى كملى بسرعه ما بحب

المسلسلات

تسلمى يا مها
واحة



التوقيع: حال الدنيا تسرق منيه فى لحظة عشم
واحة غير متصل   رد مع اقتباس
قديم 25-05-2013, 04:50 PM   #[4]
اشرف السر
:: كــاتب نشــط::
الصورة الرمزية اشرف السر
 
افتراضي



يا مها الحقينا بالباقي
قبال اللبن الفي "التُمَن" دا يقّطِع...



التوقيع:

اشرف السر غير متصل   رد مع اقتباس
قديم 25-05-2013, 05:19 PM   #[5]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

مهويه يا حبيبه
يتبع دي ما بدورها ياخي
فشنو الحقينا بالباقي

غايتو اهديك اغنية ترباس اللبن ابو لي بي



التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 26-05-2013, 07:03 AM   #[6]
مها عبدالمنعم
:: كــاتب نشــط::
 
افتراضي

وعزمت ازيح الشافع من سكتي مامعقول يدافرني في جيب اللبن وكمان عمو علي!الولد التقول موصينه قبال حادثة الحب دي حلقي ينقرش من الكوراك ياولد ...يازفت ...ويشيل الجك ويطنطن انتي مالك ماتجيبي محننه والا مقعده بس والشكله تدور مرات امي الحجاز ومرات سيد اللبن يفوت تبيت القوا ومرات كمان تعدي علي خيرواخونا الكبير يكون في هو لسانه بنقطع
اها من يوم بقيت اكون عاوزه اجيب اللبن بقي يتصيدني ليك يوم بنشوف في المسلسل وبلاا مناسبه قال
ها والله الناس الكبار ديل هبل هباله هسه دي شنو العواره دي حبيتك وشنو امي قالت هوي اسكت خلينا نشوف والا امرق بره
تطرديني عشان التركي الكضاب دا اريتني ما ضحكت الساعه اللانفجر والله مأخليك تضحكي فيني اصبري بس اصبري بجي عمو علي وبتحنسيني تجيبي اللبن وسكن الكلام اشان امي تحديدا تفرزو



مها عبدالمنعم غير متصل   رد مع اقتباس
قديم 26-05-2013, 07:16 AM   #[7]
مها عبدالمنعم
:: كــاتب نشــط::
 
افتراضي

انتهت المساسل وكوركت لي كدي تعالي معاي شويه والشافع يتبسم ويرفع في حواجبه زي الاهبل ومشيت وراسي يشيل ويودي ياربي ماله غريبه كانت بتتكلم قدام اخواني وانا سارحه.الساعه قالت سيد اللبن علي!
ماله؟
هوي يابت بلا ملاوعه معاك اخوك كان مو خابر شي مابطلق كلامه ساي
تصدقي الشافع وانا لا
انا لا صدقت ولا كذبت سالت بعد تجاوبي بقرر
اها وحات ترب ابوي علي بس اشان اسمه علي علي جدي الشيخ علي
المعني اي علي بتريدي!
اريد شنو انا انا
انتي شني قايله يعني ماني فاكرالك
سمح اعمل شنو انا
ماتعملي شي انا البعمل
هو زاته مو خابر بريدي دا!



مها عبدالمنعم غير متصل   رد مع اقتباس
قديم 26-05-2013, 08:11 AM   #[8]
مها عبدالمنعم
:: كــاتب نشــط::
 
افتراضي

ايقنت ان المشكله في طريقها للحل امي دي حكمته مي شويه وبس جا سيد اللبن لفحت توبه ومرقت براها تجيب اللبن واتاخرت قلبي اكلني اتدبيت علي اطراف اصابعيني سمعت خالتي فتحيه تقرقر وامي بتحكي ليها في المسلسل التركي!
قي العشاء الساعه الرمت ليك الدرابه لاخوي الكبير
علي ود اختي علويه الفي قطر قروش مطر قال داير اختك المعولقه دي
خير
وعلي سيد اللبن العنده مره وشافعين حتي هو نضم في حقها
وانتي رائك رائك ؟
يا يمه علي ود اختي قطر قروش مطر المهندس الوحيد عند امه لا تاني لا تالت
والعروس رايه شنو
انا..اتا..
اي انا طبعا علي ود خالتي يازوله خير ما عملتي ..ربنا يتم علي خير!
تمت



مها عبدالمنعم غير متصل   رد مع اقتباس
قديم 26-05-2013, 08:12 AM   #[9]
مها عبدالمنعم
:: كــاتب نشــط::
 
افتراضي

اقتباس:
المشاركة الأصلية كتبت بواسطة واحة مشاهدة المشاركة
نتابع بجد الواحد كايس شبح ابتسامة

شاكرة ..النبى كملى بسرعه ما بحب

المسلسلات

تسلمى يا مها
واحة
سلامات ياواحه
شكرا اها كملت حتي جيت اسلم



مها عبدالمنعم غير متصل   رد مع اقتباس
قديم 26-05-2013, 08:14 AM   #[10]
مها عبدالمنعم
:: كــاتب نشــط::
 
افتراضي

اقتباس:
المشاركة الأصلية كتبت بواسطة اشرف السر مشاهدة المشاركة


يا مها الحقينا بالباقي
قبال اللبن الفي "التُمَن" دا يقّطِع...
اها يااشرف انتهيت
قطع؟



مها عبدالمنعم غير متصل   رد مع اقتباس
قديم 26-05-2013, 08:19 AM   #[11]
مها عبدالمنعم
:: كــاتب نشــط::
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة
مهويه يا حبيبه
يتبع دي ما بدورها ياخي
فشنو الحقينا بالباقي

غايتو اهديك اغنية ترباس اللبن ابو لي بي
بعض التشويق لايضر
لا مابكون قاصده بكون بعمل في شي اها يتبع دي لمن اخلص الفي يدي
تعرفي غنية ترباس دي دي بتغنيها انصاف مدني اها في اخره في كلام جميل كدي عن
الدقو منو ياناس الدقو منه
اسمعيها حتضحكي لمن تنبسطي والله
تسلمي كتير



مها عبدالمنعم غير متصل   رد مع اقتباس
قديم 26-05-2013, 08:46 AM   #[12]
د عباس الرضى
:: كــاتب جديـــد ::
الصورة الرمزية د عباس الرضى
 
افتراضي

الاخت مها عثمان ما اروع الابداع (حين يخالط الخوف السكينة !!!! )
البلد ذاتا يا مها (كايسة ليها سيد لبن تحبو ) لا تخاف من (شفع الامن ) ولاتحاصرها
(صحافة الخالة والخال الرئاسي )
إفتقدتك في (الراكوبة ) لاجدك بانتظار (سيداللبن ) يامبدعة
بالله (شوكشى ) ودخالتك الفي (قطر ) دا (هناك يشترون المقالات المعلبة واخبار القاعدة وعوارات مرسي ويمهرونها بتوقيع الشيخ الغزالي لتعرض على قناة الجزيرة التي لاتمثل اكثر من (حجر في موية ) كما يقول شعار القناة
تحياتي الاستاذة مها عثمان



د عباس الرضى غير متصل   رد مع اقتباس
قديم 26-05-2013, 09:01 AM   #[13]
كيشو
:: كــاتب نشــط::
 
افتراضي

سلام يا مها
كلامك السمح دا ما كنت عايزو ينتهي نهاية تقليدية الغلبة فيها لي لبن الطير البجيبو المغتربين
أقول ليك شي:
أمسحي الجزء الأخير ودنكلي القصة، وما عليك من المستعجلين الفوق ديل، زولة حبت سيد اللبن؛ دي قصة ساهلة؟ دي سابقة ما حصلت في مجتمعنا، وكتابنا ما أظنهم انتبهو ليها، سيد اللبن دا مهمش جدا بالمناسبة
اشتري ليك كم طقم كدا بتاع يتبع، وكان ما لقيتي أنا بجيب ليك من ماجد تاج، أصلو ماجد دا قبال ما يخش سودانيات قام خزّن ليهو" يتبعات" كتيرات يغيظ بيهن أصحابو
شكراً ليك، ولو شهادتي بتنفع؛ إتّي زولة كتابة



كيشو غير متصل   رد مع اقتباس
قديم 26-05-2013, 09:03 AM   #[14]
كيشو
:: كــاتب نشــط::
 
افتراضي

اقتباس:
المشاركة الأصلية كتبت بواسطة د عباس الرضى مشاهدة المشاركة
الاخت مها عثمان ما اروع الابداع (حين يخالط الخوف السكينة !!!! )
البلد ذاتا يا مها (كايسة ليها سيد لبن تحبو ) لا تخاف من (شفع الامن ) ولاتحاصرها
(صحافة الخالة والخال الرئاسي )
إفتقدتك في (الراكوبة ) لاجدك بانتظار (سيداللبن ) يامبدعة
بالله (شوكشى ) ودخالتك الفي (قطر ) دا (هناك يشترون المقالات المعلبة واخبار القاعدة وعوارات مرسي ويمهرونها بتوقيع الشيخ الغزالي لتعرض على قناة الجزيرة التي لاتمثل اكثر من (حجر في موية ) كما يقول شعار القناة
تحياتي الاستاذة مها عثمان
عباس الشقي
والله كنت مشغول بي مداخلتي وبعض التلفونات، جيت لقيتك كتبت في نفس الخط بتاعي
أها يا مها
أتفقو في موضوعك دا حقوقيان أسيوطيان يصعب اتفاقهما على شيء



كيشو غير متصل   رد مع اقتباس
قديم 26-05-2013, 11:00 AM   #[15]
مها عبدالمنعم
:: كــاتب نشــط::
 
افتراضي

اقتباس:
المشاركة الأصلية كتبت بواسطة د عباس الرضى مشاهدة المشاركة
الاخت مها عثمان ما اروع الابداع (حين يخالط الخوف السكينة !!!! )
البلد ذاتا يا مها (كايسة ليها سيد لبن تحبو ) لا تخاف من (شفع الامن ) ولاتحاصرها
(صحافة الخالة والخال الرئاسي )
إفتقدتك في (الراكوبة ) لاجدك بانتظار (سيداللبن ) يامبدعة
بالله (شوكشى ) ودخالتك الفي (قطر ) دا (هناك يشترون المقالات المعلبة واخبار القاعدة وعوارات مرسي ويمهرونها بتوقيع الشيخ الغزالي لتعرض على قناة الجزيرة التي لاتمثل اكثر من (حجر في موية ) كما يقول شعار القناة
تحياتي الاستاذة مها عثمان
سلامات دكتور...
شاكره كتير افتقادك لي هناك تخيل مرات تجيك قرفه غريبه من كل شي عنده علاقه بالصحافه او السياسه تقول كفايه القرف الفي حياتنا اقوم بس اخش اقرا بس اكيد الراكوبه بيتي وبعتزبيه كتير
ثم قلت ابيع ود خالتي
شكرا وليك التحايا



مها عبدالمنعم غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:41 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.