الشعب لايريد تغيير النظام

[imported_فتحي مسعد حنفي]

المشاركة الأصلية كتبت بواسطة حافظ حسين

و ديني هذا اسوأ ما قرأته و ربما ما سمعته في هذه الأيام و ربما لا يفوقه سوءً الا كلام البشير .... يا راجل شنو حكاية شباب زهجانين عايزين يملوا فراغهم ديل و الزهجة راحت.... دا كلام غريب و كلام غير مسئول كونه يصدر منك يا عم فتحي... يا خي الزهجانين ديل ممكن يسكروا و ينسوا.... ممكن يتصطلوا و يفرحوا, لكن الجابرهم شنو علي البمبان, الإعتقال, الجلد, و الموت....
عارف يا فتحي من مجموع الزهجانين ديل لحد هسي في ناس في المعتقلات و عدد الزهاجي المعتقلين بزيد ما بنقص....
الزهجانين ديل فيهم ست مرضع أعتقلوها 24 ساعة و خلت طفلتها الرضيعة دا كلها زهج و بس دايرة تفرق و التحية ليك يا كريمة أينما كنتي؟
الزهجانين ديل يا فتحي فيهم 10 شباب من العيلفون حاكموهم و جلدوهم 15 جلدة لكل واحد بس زهجة و فكتها الجلد.....

و زي ما قالت وهاد كله مكتوب و محفوظ

ياحافظ الحاصل دا حارقني زي ما هو حارقك وما عاجبني انو الشرارة تنطفي قبل ما تولع باقي الحطب عشان كدا قلت زهجة شباب وفكت..والاعتقالات دي مصلحة بتضر النظام أكتر من ما بتنفعو..بس وريني شنو انت متوقع يحصل بعد كدا وسيبك من كلامي واعتبرني مخرف,,

[آدم إدريس]

واللاي صحي سودانيين !!
مافي فرق عندهم بين السياسة والكورة ,, لا فرق ,, لا فرق كلو كلو
وها نحن اليوم الوضع اصبح يا هلالابي يا مريخابي وبس
وها قد جاكم من اقصى الغربة رجل يسعى وقال ليكم يا اخوانا حاصل كيت وكيت
وايده رجل اخر ساعي في الغربة ومستظل في ضل الوطن الحارق على كيته وكيته
ولكن!!
وااااخ من لكن اذ ينط مشجعي الفريق الاخر علي زول الله وقالوا ليهو طالما انك ما بتصفق يبقى انت بتشجع فريق اخر وتراخ تراخ تراخ شيء بالكراسي وشيء بقوارير الموية وشيء بفتافيت قصب السكر وبواقي اكياس تسالي

يا عمك وجدي القصة مختلفة من قرايتك دي، و الناس البتقول عليها دي أفتكر أوعى من أن تنظر للأمور بالمنظار القلت عليهو دا...بعدين كلامك واضح إن مستبطن فكرة قديمة عن مجموعة محددة من الأعضاء أكتر من كونو يستند على وقائع تخص البوست..ثم إن:
البقول (كيت و كيت) من حق أي زول يقول ليهو كيت و كيت بتاعتك دي ما مظبوطة كما من حقك إنت و آخرين تجو تقولو مظبوطة، دا منبر حوار و الراجل كتب فكرتو في بوست متاح فيهو مستطيل الرد....بعدين ياخي التوافق في الرأي أو حتى التفكير وارد في الدنيا دي كما الإختلاف...إنت زااتك توجهاتك الجديدة دي في وصف مجموعة محددة من الأعضاء بإنهم فريق، توجهاتك دي متفقة مع ناس هنا و يمكن ببساطة بمنطقك دا ترد بضاعتك إليك...بعدين ال إتعمل في البوست دا إبداء رأي ما ليهو علاقة بقوارير موية ولا تسالي زايد إن الوصف دا فيهو شوية قسوة أكتر من ال إنت بتقول عليها بخصوص رد الناس لصاحب البوست

[imported_البديري]

المشاركة الأصلية كتبت بواسطة أسامة معاوية الطيب

ثم إنو استغفر استغفر استغفر

بس اتذكر انو حميد يوم قال
الحجر الأسود ماهو البروة ... وماها مكاوي الكعبة تجيها حين يتكرفس توب التقوى ... والمشروع الديني الخالص ما محتاج لدراسة جدوى ... يا من قال يارب من قلبو رد الخالق دايما ايوة ... دا ملخص ممتاز جدا لمانفيستو الدين كلو ...

ياخي لا يعبد الله من حيث يعصى !!!

سلام
اسامة معاوية الطيب

بس اتذكر انو حميد يوم قال
الحجر الأسود ماهو البروة ... وماها مكاوي الكعبة تجيها حين يتكرفس توب التقوى ... والمشروع الديني الخالص ما محتاج لدراسة جدوى ... يا من قال يارب من قلبو رد الخالق دايما ايوة ...

المرحوم باذن الله "" حميد "" لخص الدين هكذا ، ! فى ابيات شِعر !
وهو الان بين يد خالقه ،، ندعوا له بالرحمة والمغفرة باذن خالقة ٠٠

دا ملخص ممتاز جدا لمانفيستو الدين كلو ...

يارااااااااااااااجل ، امتى الدين بقى عندو "" منفيستو "" و "" ملخص ""
وفى بيت شِعر كمان ٠٠!!!!

اذاً تتلغى جميع المناهج الاسلامية٠٠ من الروضة وحتى كليات الشريعة فى الجامعات ٠٠ ويدرس "" بيت الشعر هذا "" فى كل المراحل ٠٠

يارااااجل ٠٠ كُلنا أو مُعظمنا بنحب التغير للنظام ٠٠ لكن مابهذا الاسلوب ٠

فتك بعافية ٠٠ الله يصلح حالنا جميعاً٠





آآآه ٠٠ياربى٠

[imported_نبيل عبد الرحيم]

والانتماء للمؤتمر الوطني شرف لم اناله يوماً يارجل وإن كنت اتمنى لكن فات الأوان

إذا عنوان البوست أصبح له تفسير بعد كلامك أعلاه
الأخ ذول الله
يروج النظام وأعوانة وإعلامة إن البشير على إستعداد للتنحى لكن لا يوجد البديل
وهذا فى إعتقادى سر بقاء الإنقاذ طوال هذه الفترة الطويلة
فى نفس الوقت قام البشير ونظامة بتدمير الأحزاب بالعنف والإعتقالات فى وبيوت الأشباح فلم يجد الكثير الأمان فى الوطن الذى أصبح طارد لإبناء وطنة فهاجر
ولم يتوقف مطاردة النظام للأحزاب فقاموا بتشوية صورة المعارضة بإغراء بعض رموز الأحزاب بلإنشقاق عن أحزابهم فى مقابل تولى مناصب قيادية ووزارية حتى سال لعاب الكثير منهم والأمثلة كثيرة وأخرهم نجل الصادق والمرغنى لتوصيل رسالة للشعب إن المعارضة لا تقل عننا شغف ببريق الكراسى والسلطة وإعتقد إن الإنقاذ نجح فى ذلك .

[imported_نبيل عبد الرحيم]

ولكن الشعب إستفاق الشعب من غيبوبته وسكرته أخيرا بعد أن سقطت أوراق التوت عن هذا النظام وأوهمنا بتحرير هجليج فقام برفع الدعم عن المحروقات وإرتفاع الأسعار الجنونى وعايش والواقع إن نظام الإنقاذ تولى السلطة والسودان مليون ميل مربع والأن إنفرط عقدة وضاعت الجنوب بعد أن أهوم أعوانه
الشعب بخوض حرب جهادية للمحافظة على الجنوب راح ضحيتها الملايين وفجأه يوافق البشير على التفريط فى الجنوب ليس كما قال لأنه أراد وضع نهاية الحرب لإن الحرب لم تتوقف فبدلا من حرب أهلية تغير لحرب بين دولتين وغرضه الحقيقى مغازلة الغرب لكى لا يلاحق قضائية فى المحكمة الدولية .
وواصل نظام البشير سقوطة فقام بالتنازل طوعا ومذلة عن حلايب لمصر بغرض دفع دية لنظام مبارك تكفيرا عن محاولته إغتيالة الفاشلة وهنا أثبت مبارك أنه أكثر وطنية عن البشير لأنه فكر فى مصلحة بلده أولا.

[imported_نبيل عبد الرحيم]

الشعب السودانى كما قلت لا يحتاج لمعلم لأنه سبق تونس ومصر بثورتين ولكنه كان مخدر بحروب جهادية ساعدت وأطالت من عمر الإنقاذ التى تسعى بكل الطرق لإشعال حروب لتقوم بتخدير الشعب بأسم الجهاد .

الثورات فى مصر وتونس قامت بدون قائد ولا يستطيع حزب يقول إنه هو الى أشعل الثورات فى البلدين .

لإنها ثورات إنفجرت تلقائية من شرر وأحداث لم يحسب لها أنظمة مصر وتونس حساب
فى تونس حادث الشاب بوعزيزية الى قام بإحراق نفسه لشعورة بظلم الشرطة
فى مصر الشاب خالد سعيد أبن الإسكندرية الذى قتلته الشرطة وأدعت بعدها إنه قتل لتناولة قطعة مخدرات.
فى السودان الأمل فى التغير فى الشباب الذى لا يحتاج لإحزاب ولا قائد .
لك المودة

[imported_أسامة معاوية الطيب]

المشاركة الأصلية كتبت بواسطة زول الله

والله دا حال
والانتماء للمؤتمر الوطني شرف لم اناله يوماً يارجل وإن كنت اتمنى لكن فات الأوان
اما استغفاري فتلك قصة أخرى أقدم من خصومتك مع هذا النظام ولاشأن لك بها

اقول قولي هذا واستغفر الله لي..............

المؤتمر الوطني دا عندو اربعة مشاريع كبرى
1 المشروع الديني ... فاشل بشهادة (طوب الأرض)
2 المشروع الاقتصادي ... فاشل بشهادة المؤتمر الوطني في عضمو
3 المشروع السياسي ... فاشل بشهادتك انت دا (وبدون دليل مادي ملموس) يعني لو داير تنكر انكر
4 مشروع الجزيرة ... !!!!
وحتى لا أنسى والله في مشروع خامس ... المشروع الحضاري ... دا ماعندي (احصائيات) دقيقة عشان ما يجيني حافظ ناطي ... لكن ماشي كويس خالص

إن كنت بعد كل هذا تعتبر الانتماء إليه شرف ... وأمنية لم تستطع تحقيقها ... فدع عنك الاستغفار ... فإن الله ليس معنيا بك!!

ولا تنسى
تمنّى أن يلتقطك بعض السيّارة !!

[imported_أسامة معاوية الطيب]

المشاركة الأصلية كتبت بواسطة البديري

سلام
اسامة معاوية الطيب


المرحوم باذن الله "" حميد "" لخص الدين هكذا ، ! فى ابيات شِعر !
وهو الان بين يد خالقه ،، ندعوا له بالرحمة والمغفرة باذن خالقة ٠٠



يارااااااااااااااجل ، امتى الدين بقى عندو "" منفيستو "" و "" ملخص ""
وفى بيت شِعر كمان ٠٠!!!!

اذاً تتلغى جميع المناهج الاسلامية٠٠ من الروضة وحتى كليات الشريعة فى الجامعات ٠٠ ويدرس "" بيت الشعر هذا "" فى كل المراحل ٠٠

يارااااجل ٠٠ كُلنا أو مُعظمنا بنحب التغير للنظام ٠٠ لكن مابهذا الاسلوب ٠

فتك بعافية ٠٠ الله يصلح حالنا جميعاً٠





آآآه ٠٠ياربى٠

أنا حسب فهمي أنت عندك مشكلة مع
أنا دا (كشخص غير مؤهل لتفسير الدين) ... كلمة (مانفيستو) ... الشعر كوسيلة لشرح الدين ... حميد كشاعر

أما عني أنا دا فأحب اطمنك اني ساعة كتبت كلامي الفوق دا ما كت لابس عزبة ... ولا قت - حتى في سري - من يهده الله فهو المهتد ...
أما كلمة مانفيستو ... أرجو من الإدارة الموقرة سحبها (لحساسية الكلمة)
أما عن الشعر كوسيلة لتقريب المعاني ... فأنا مختلف معاك ... يمكن للشعر أن يقرب المعاني ويبسطها ويسهل هضمها ... ولكنه ليس بالضرورة يقوم مقامها ... يعني انا ما قت لو في شاعر فسر معاني سورة (الحمدو) معناها اصلي بالقصيدة المذكورة !!!
أما لو اتكلمت في حميد كشاعر ... بخليك لي ربنا !!!
وربنا يصلح حالنا جميعا ياخي ... ويجمعنا في ساعة خير

[imported_زول الله]

المشاركة الأصلية كتبت بواسطة أسامة معاوية الطيب

............
.......فدع عنك الاستغفار ... فإن الله ليس معنيا بك!!

هو قال ليك كدا؟؟؟




اقول قولي هذا واستغفر الله لي............

[imported_زول الله]

المشاركة الأصلية كتبت بواسطة نبيل عبد الرحيم

إذا عنوان البوست أصبح له تفسير بعد كلامك أعلاه
الأخ ذول الله
يروج النظام وأعوانة وإعلامة إن البشير على إستعداد للتنحى لكن لا يوجد البديل
وهذا فى إعتقادى سر بقاء الإنقاذ طوال هذه الفترة الطويلة
فى نفس الوقت قام البشير ونظامة بتدمير الأحزاب بالعنف والإعتقالات فى وبيوت الأشباح فلم يجد الكثير الأمان فى الوطن الذى أصبح طارد لإبناء وطنة فهاجر
ولم يتوقف مطاردة النظام للأحزاب فقاموا بتشوية صورة المعارضة بإغراء بعض رموز الأحزاب بلإنشقاق عن أحزابهم فى مقابل تولى مناصب قيادية ووزارية حتى سال لعاب الكثير منهم والأمثلة كثيرة وأخرهم نجل الصادق والمرغنى لتوصيل رسالة للشعب إن المعارضة لا تقل عننا شغف ببريق الكراسى والسلطة وإعتقد إن الإنقاذ نجح فى ذلك .

المشاركة الأصلية كتبت بواسطة نبيل عبد الرحيم

ولكن الشعب إستفاق الشعب من غيبوبته وسكرته أخيرا بعد أن سقطت أوراق التوت عن هذا النظام وأوهمنا بتحرير هجليج فقام برفع الدعم عن المحروقات وإرتفاع الأسعار الجنونى وعايش والواقع إن نظام الإنقاذ تولى السلطة والسودان مليون ميل مربع والأن إنفرط عقدة وضاعت الجنوب بعد أن أهوم أعوانه
الشعب بخوض حرب جهادية للمحافظة على الجنوب راح ضحيتها الملايين وفجأه يوافق البشير على التفريط فى الجنوب ليس كما قال لأنه أراد وضع نهاية الحرب لإن الحرب لم تتوقف فبدلا من حرب أهلية تغير لحرب بين دولتين وغرضه الحقيقى مغازلة الغرب لكى لا يلاحق قضائية فى المحكمة الدولية .
وواصل نظام البشير سقوطة فقام بالتنازل طوعا ومذلة عن حلايب لمصر بغرض دفع دية لنظام مبارك تكفيرا عن محاولته إغتيالة الفاشلة وهنا أثبت مبارك أنه أكثر وطنية عن البشير لأنه فكر فى مصلحة بلده أولا.

المشاركة الأصلية كتبت بواسطة نبيل عبد الرحيم

الشعب السودانى كما قلت لا يحتاج لمعلم لأنه سبق تونس ومصر بثورتين ولكنه كان مخدر بحروب جهادية ساعدت وأطالت من عمر الإنقاذ التى تسعى بكل الطرق لإشعال حروب لتقوم بتخدير الشعب بأسم الجهاد .

الثورات فى مصر وتونس قامت بدون قائد ولا يستطيع حزب يقول إنه هو الى أشعل الثورات فى البلدين .

لإنها ثورات إنفجرت تلقائية من شرر وأحداث لم يحسب لها أنظمة مصر وتونس حساب
فى تونس حادث الشاب بوعزيزية الى قام بإحراق نفسه لشعورة بظلم الشرطة
فى مصر الشاب خالد سعيد أبن الإسكندرية الذى قتلته الشرطة وأدعت بعدها إنه قتل لتناولة قطعة مخدرات.
فى السودان الأمل فى التغير فى الشباب الذى لا يحتاج لإحزاب ولا قائد .
لك المودة

شكراً يانبيل
بجيك راجع برواقة





اقول قولي هذا واستغفر الله لي.................

[imported_أبو دعد]

دا ما وكتو با جماعة الخير

[imported_حافظ حسين]

و من يضحك أخيراً يضحك كثيراً

[imported_زول الله]

المشاركة الأصلية كتبت بواسطة حافظ حسين

و من يضحك أخيراً يضحك كثيراً

صدقت ياصدوق

كسرة:
الله يصبرنا لحدما "أخيراً" دي تجي





اقول قولي هذا واستغفر الله لي............

[imported_نبيل عبد الرحيم]

اقتباس:
المشاركة الأصلية كتبت بواسطة Hassan Farah
مـــعـــقـــول !!؟ مدمر ليبيا .. معمرها ! وقبيح تونس .. زينها! وجبان سوريا .. أسدها! ومفسد اليمن .. صالحها! وملعون مصر .. مباركها! واﻷغرب من ذلك أن يكون نذير السودان .. بشيرها! وضرر السودان نافعها! وعطش السودان .. كيزانها! ومارض السودان .. متعافيها! ---

[imported_محمد فرح]

زول الله
تحياتي واحترامي
قراءه ممتازه وتحليل عميق وواعي للغايه
من خلال متابعتي للناس (النعرفهم والمابعرفهم) تأكد لي رغبة غالبية الشعب في إستمرار الحكومة الحاليه
حكومة الإنجازات والحكم الرشيد
الكل على ثقه بأن التغيير سيكون وبالاً على الوطن والمواطن

مؤونة عشرة أعوام من الود