بين نغمات حنينة

[imported_بله محمد الفاضل]

سلامٌ ومحبة


شكراً لك يا ماريل على هذه السنة الحميدة
بمراعاة من هم مثلي
يستمتعون بما أدخروه بالذاكرة
من أنغام لا يستطيعون مشاركتكم إياها هنا
ذلك بكتابتك للقصائد المغناة كاملة

متابعون...


تحياتي واحترامي

[imported_ماريل]

المشاركة الأصلية كتبت بواسطة بله محمد الفاضل

سلامٌ ومحبة شكراً لك يا ماريل على هذه السنة الحميدة بمراعاة من هم مثلي يستمتعون بما أدخروه بالذاكرة من أنغام لا يستطيعون مشاركتكم إياها هنا ذلك بكتابتك للقصائد المغناة كاملة متابعون... تحياتي واحترامي

سلام ومحبة وتحيات واحترام
وانا اسعد كون مجهودى لاقى
استحسانك واعجابك ولامس
عندك مثل هكذا قبول

[imported_ماريل]

http://www.youtube.com/watch?v=KKvKUb3zNWo

[imported_ماريل]

(نورة)
كلمات:محمد جيب الله كدكى
اداء:عثمان اليمنى


عقلى يتوه مع نورة لما تكمل الرقصه
وتقلب توبها فوق راسها وتقول كدي تجري تندسه

*****************

أشيل طمبوري أباريها وأنقرش أباري كرعيها
ومعاي القمرة تاريها
تصفق ودايرالا فرصه


اتوه في طاسة وشيها وأدور بي طرفي أغتيها
في حال عين زول ما تجيها
متين من كف ليها رسى


بتتكسر من قواما متل ما بتكسر كلاما
تعوم وتحاكي الحمامة
نفس القدلة والدقسه


دموع البت بلا الفرصة تصحي مدرس الحصه
من عينو تطير النعسه
وتعال شوفلك جنس جرسه


فوقا تلبش اللبسة وجمالا الخمسة من خمسه
خدودا بلا الحرير ملسةه
وهي ما بتستحمل اللمسه


تقلب الدنيا بي حالا وتخلي الدارة ملالة
سماحتن نان يا جمالا
وقت تاخد ترسه ترسه

غناي ليها بلا مدسة غنا زولا ضارباه فلسه
يا العزب أب ليلا أمسه
كدي اتحرك يا دي العرسة

[imported_ماريل]

المشاركة الأصلية كتبت بواسطة wadosman

سهم اول فى البوست (من القديم)..

ما تحيزا لى نورى.. لكن كان لازم نجيب سيره الزول دا
فلقد قدم لتراث الشايقيه الكثير جدا...

[rams]http://sudanyat.org/vb/uploaded/741_1348947881.mp3[/rams]

لينك للحفظ

مشكور يا فنان
عبد الرحمن بلاص رقم يستحق ان تتحيز له
الرجل موسوعة من المعارف غير باعه الطويل
فى الفن....
هاك اليوتيوب كمان
http://www.youtube.com/watch?v=QLG2NniUVHI

[imported_ماريل]

(قمر زمان)
كلمات:
اداء:عبد الرحمن بلاص

ما جانا قمر زمان
ياالله ما جانا قمر زمان
****************
يا تميرة المشرق الفى ساب قنتى
يا الخربتى علي من يوم ما رحلتى
منو الشايل قليبى بلاكى انتى
يا عبيلقة الجروف وقتين تشتى

*************
يا الدباس الفى الفروع طربان يغنى
مبقع نخلوا للعرجون محنى
امش قول السلام يا اهلنا سنى
وقول لهم ابينوم ان نشدوا منى

***************
اشوفك فى البحر وقتين يهدى
واشوفك فى الجروف وقتين تندى
اشوفك عايمى فى الموج المعدى
انتى ياكى الريدة باخد فيكى وادى

**************
ود الاريل الساكن حدارو
الليلة هبالوا العاش ميح ثمارو
يولع قلبى ينزايد حسارو
وقت يندل بالوداى وخضارو


***************
متين الشوفه يا ام شعرا مهدل
متين الشوفه يا ام لهجا معسل
مجهجه فى السفر ساكت مجول
وا خسارة عمرى انا المن زولى طول

***************
افتش للسعادة وما لقيتا
وافتش ل للقوها وما لقيتا
على اثر الديار ساكت مشيتا
دموعى بلا المطر دنقر مشيتا

***********
متين نتلاقى يا السمحة ام شبابيل
ومتين نتلاقى يا شتلة عجو النيل
متين نتلاقى كترت المراسيل
على شوقى المطول شاهد الليل

************
يا الجزيرى الفى الطريف قارسيقل تابر
والله طال الليل على طيرا المسافر
منو البقدر يخود موجا ويخاتر
بلا ولدا بلا تمساحا جاسر

************
حاكيت بالنويح سقد الجزاير
احسب فى النجوم دايما مساهر
بلا الزول الدوام فى بالى حاضر
منو الخلانى تايه باكى حاير

*************
السلام رسلتو للزول النسانا
والله حارس ردوا دورين ما طرانا
تقول جاراتى اسع كان معانا
مالو يا ناس ان نعل ابليس وغشانا

[imported_ماريل]

http://www.youtube.com/watch?v=ahQTk...eature=related

[imported_ماريل]

http://www.youtube.com/watch?v=9ktOW...eature=related

[imported_ماريل]

(الزول الوسيم)
كلمات:
اداء:النعام آدم

الزول الوسيم فى طبــعو دايما هــادى
من اوصافو قول اسكرنى هات يا شادى

من حور العيون احتار غزال الوادي
الخــد كا لزهــور تلــقاه دايـــما نـــادي

من عينيك سيوف تقطع دوام فى فؤادي
فاقـــت لــى سيوف عنتر بنـــى شدادي

كل مــا مــر يوم يزداد علىّ سهــادي
عينــي دمعهن بلـل فراشى و وســـادي

ساقينى العذاب ما شفت يوم اسعادي
ولو حنيت يوم تروى القــليب الصـادي

ليه جافيتنى ليه وسمعت قول حسادي
ديل عزالى بس قاصدين دوام ابعادي


مظلوم ما حصل فى يوم وجدت مرادي
مكتوب لى العذاب فى جبينى يوم ميلادي


انا المسجون لديك راتل دوام فى اصفادي
انــــت القـــاسى ما راعـيت يوم لودادي

[imported_ماريل]

http://www.youtube.com/watch?v=6-pnK...eature=related

[imported_ماريل]

http://www.youtube.com/watch?v=oibkx...feature=relmfu

[imported_ماريل]

(الله عالم يا حبيبة)
كلمات:ابراهيم ابنعوف
اداء:يعقوب تاج السر

الله عالم يا حبيبة الله انتى فى دنياى تمنى
بيك عاد اشرق صباحى وراح ظلام احزانى منى
****************
ح يمر ايه بى خواطرك مرةلو سالوكى عنى
دار تقولى ايه لى عوازل لا تبارك لا تهنى
**************
قولى ليهم حبو سامى وقصدو يبنى معاى جنى
تانى فيها يعود ربيعنا ويحضن الازهار يغنى
*****************
احكى عن اول لقانا وكيف معاك سارت خطاى
وعن مقاطع شعرى لمن تندفع بى فيض هواى
*********************
مافى لحظة تمر بخاطرى والا اشراقك معاى
كل اول ليهو اخر الا حبنا لا نهاية
*******************
لو تكون البينا عامرى ياها جنتنا ونعيما
مالنا مال الدنيا تانى اريتا ما فاتت جحيما
**************
لو يقولى ليك خيالى وفى خيالى بقيتى صورة
اعزريهم ما بيعرفوا انتى نور عينى وسرورا
*******************
لو يقولوا ليك يفارقك كيف تفارق القمرة نورة
وانتى يوم عمرك سمعتى بالفراش هجرت زهورا
***************
اما انا ان سالونى عنك وفى هواك ايه الرمانى
لا لا والله ده سر مقدس كاتموا فى الاعماق واعانى
كل كلماتى وحروفى نظمى واشعارى وبيانى
بتوحى انى انا قطعة منك وبكرة راجع لى مكانى

[imported_سمراء]

ياسلام ياماريل ياخ !
متعة تفوق حد الوصف
كلمات والحان وغنا
بديع والله

ياريت تعصرى لينا على المرحوم يسن عبد العظيم شوية
الزول ده مع قصر سن عمرو الفنى الا انو خلد اغانى جميلة جدا
ياريت انت او ود عثمان تبرونا بيهن

[imported_ماريل]

المشاركة الأصلية كتبت بواسطة سمراء

ياسلام ياماريل ياخ !
متعة تفوق حد الوصف
كلمات والحان وغنا
بديع والله

ياريت تعصرى لينا على المرحوم يسن عبد العظيم شوية
الزول ده مع قصر سن عمرو الفنى الا انو خلد اغانى جميلة جدا
ياريت انت او ود عثمان تبرونا بيهن

سلامات يا سمراء
كونك تستمتعى هنا فهذا غاية ما ارجوا يا جميلة
المرحوم يس عبد العظيم فعلا غادر عن عمر
لا يتعدى ثلاث وثلاثين عام لكنه على صغر
سنه تلك فقد احدث نقلة فى فن الطمبور
من حيث اختيار المفردة والالحان والاداء الجميل
يكفى انه تغنى لحميد وابراهيم ابنعوف
من عيونى يا سمورة اجتهد ليك فى اغانى يس

[imported_ماريل]

http://www.youtube.com/watch?v=K7xF3xyKNiU