نزيف الشجر - الصفحة 2

طيبان · 09-01-2009, 12:53 PM

العزيز شليل ..

اقتباس:

كان الموت يومها يمشي إلي جوارنا .وينام ويأخذ كسرته معنا علي عجل .تماما مثل الشوق والصبر والإيمان والسعادة المبهمة التي لاتفارقنا ..
كان الموت يمشي ويتنفس معنا..وكانت الأيام تعود قاسية دائمة.لاتختلف عما سبقتها إلا بعدد شهدائها الذين لم يكن يتوقع أحد موتهم علي الغالب ..أو لم يكن يتصور لسبب او لآخر أن تكون نهايتهم هم بالذات قريبة إلي ذلك الحد ..ومفجعة إلي ذلك الحد..وكان ذلك منطق الموت الذي لم أكن أدركته بعد ..
مازلت أذكرهم أولئك الذين تعوّدنا بعد ذلك ان نتحدث عنهم بالجملة ..وكان الجمع في هذه الحالة بالذات ليس إختصارا للذاكرة..وإنما لحقهم علينا ..
لم يكونوا شهداء ..كان كل واحد منهم شهيداً علي حِدة ..
كان هناك من إستشهد في أول معركة وكأنّه جاء خصيصاً للشهادة ..
وكان هناك من سقط قبل زيارته المسروقة إلي أهله بيوم واحد ..بعدما قضي عدة أسابيع في دراسة تفاصيلها والإعداد لها ..
وهناك من تزوج وعاد ليموت متزوجا ..
وهناك من كان يحلم أن يعود يوما ليتزوج ..ولم يعد
في الحروب ليس الذين يموتون هم التعساء دائماً ..إن الأتعس هم أولئك الذين يتركونهم خلفهم ثكالي ..يتامي ومعطوبي احلام ..

هكذا كتبت الجزائريةّ أحلام مستغانمي في ذاكرة الجسد بلسان مناضل اسمه خالد ..
حين أراك تكتب نزيف الشجر ..بقلم من خاض الحرب لقناعاته المثابرة - فكثيرمنّا اكتفوا بالرفض ولم يحدّثوا أنفسهم بأسمرا- أجدني أقرأ تواريخ أحزاننا الممتدّة ..وأشفق عليك من الحكي ..فهو مؤلم ..كفقد الرفاق ..بنواحي الغربة والأحراش ..
ومؤلم لأنّ الحصاد لم يكن بعمق التجربة وصدقها ..ونزيف أشجارها ..وتضحياتها الكبيرة (أو هكذا أظن)..
لا تترك شيئا ً تؤجله لكاتب يأتي بعدك ..فالبعض رمي كل شئ وراء ظهره وغاب في زحام الأيام ..
قابلتُ أحدهم بنواحي الدمازين ..يحمل ذراعاً مبتورة ..ومواجع شتّي ..ويعمل بالسوق بائعاً ..لطيفاً محبوباً من الكلّ ..لكنّه حين سألناه ليحكي ..أشاح بوجهه وسكت ..سكوت من لا يري في الحديث فائدة ..
وقابلت آخراً بدبي ..حدّثته عن مينزا وجبل النمر ..وجبل النوم ..فسكت حتي أظلم الليل فحكي عن سنواته هناك ..ظل يحكي ويحكي حتّي قلت ليته سكت ..
المرارات لاتنتهي ..في نصّك هذاالذي تفتحه علي خيبات بلادنا ..بطول الأسي ..والتأسّي ..
ارفق بنا ياصديقي ..بإسهابك في التفاصيل الموجعة ..لنعرف أنّنا ضيّعنا أجمل أصدقائنا بالصمت والمبررات الواهية ..
بيدك التاريخ ..والذكريات ..والحقيقة ..ووصايا الرّفــاق ..
لاتدعهم ينزفون بعد موتهم ..
دع الشجر ينزف ..ويسقي قبورهم أولئك الذين وسّدوا أحلامهم التراب ..وإكتفوا بالغياب ..كفعل إحتجاج ممكن ..وأخير ...
_____

أتابع بمرارة ..

فيصل سعد · 10-01-2009, 07:41 AM

ارح يا بنج واصل السرد و التداعي و الاندياح المر
عله يغسل الاحزان ،،
ان الممات هنا سلامة ..

[align=center][rams]http://sudaniyat.net/up/uploading/alra7l-fi-lallil.ram[/rams][/align]

معتصم الطاهر · 10-01-2009, 08:47 AM

عمنا فى الكتابة شليل ..
يا خوى والله حرقنى اسكت ..
لكن لفائدة الجميع فى حالة "الاطار" نرجو عمل " محاذاة الى اليمين " لأنو التحرير مهم فى الكتابة ..
ولأنو التحرير مهم .. نرجو تحديد الكلمات الغريبة والاقوال و المقصودات بعلامات الترقيم والتمييز مثل " " او داخل اقواس ( ) او - - .. كل حسب سببه ..
سأقوم بعمل تجربة فى نَصّك ..
ثم
هناك كلمات يجب ان يكون لها شرح فى الهامش ..( شرح)
ربك*
التوصيلة*

ملاحظات :- اللون للتبيين وليس بالضرورة استخدامه فى النص ..

اقتباس:

المشاركة الأصلية كتبت بواسطة شليل07

[frame="7 80"]كما ينبت العشب بين
مفاصل صخر
وجدنا غريبين معاً
وكانت السماء ربيعا
تؤلب نجماً ونجمة
وكنت أؤلف فقرة حب
لعينيك
غنيتها..

[align=right]ما بين التلًه وزقاق موسكو كانت تعبرني بعيناها المدججتان بالسواد ولثغة " الراء " التي تجيدها لتصطاد حلو الحديث. قبًلتها الآلهة فينوس ذات خليقة ما فنبتت على صفحة وجهها نونات – أو وجنات ربما- غائرة لا تستطيع منها فكاكا.
بخباثة لم أعهدها كنت أعيد تلقين قضية الملأة ، ملحة "الثولة" الوطنية "الديمقلاطية" على أمل أن أحظى بنقاش تحتدم فيه " الراء" حيث تتكوًر شفتاها بغنج ينسيك مادة الدراسة ، لاحظت أنها في كل مرة كانت تعتني بإبتسامتها وتغور وجناتها عميقاً ، فيغور النقاش إلى نشأتها في مدينة " لَبَك" وتدعمها ب" الصُوَل" وأنها ..وأنها..
وكنت أغور بعيداً
بعيداً...
لكنني كنت حريصاً أن لا يطال سهم كيوبيد نظارتي لأن العاصفة وعدتني بنبيذ وبأنخاب جديدة وبأقواس قزح
،
ولأنه وصلتني الموافقة على التوصيلة لأريتريا ،
إعتزمت مقابلتها في الوقت الذي كانت تعتزم الرحيل إلى ربك
كنت مرتبكاً ، وكانت كذلك.. أعطتني قلادة ما.. وكلاماً مبهماً
بادلتها بدوري كلاماً مبهماً وتمتمتُ قائلاً
" إذهبي إلى "رَبَك" راضية مرضية "[/align][/frame]

أسامة معاوية الطيب · 10-01-2009, 01:50 PM

" إذهبي إلى "رَبَك" راضية مرضية "

وذهبت ؟

تعرف اني كنت قاب (محطة) وأدنى من رحلتك الكونية هذي ... كنت سأحاول أن أكتب مثلما تفعل أنت ... غير أني كنت سأحس كذلك أن شيئا ما انكسر داخلي ... كما تحاول أن تداري .... وتوضح

كيفك ياخي ؟

فيصل سعد · 13-01-2009, 09:08 AM

و لا زلنا بالجوار ..
ان الممات هنا سلامة ..

الفاتح · 19-01-2009, 06:37 AM

اقتباس:

المشاركة الأصلية كتبت بواسطة فيصل سعد

و منتظرينك ..

سلامات يا بنج
درشة الشغل حالت دون أن أواصل..

ــــــــــــــــــــــــــــــــــــــــــــــــــ ـــــــــــ
الموضوع داك " شتًو " لكم جهه.

الفاتح · 19-01-2009, 06:51 AM

اقتباس:

المشاركة الأصلية كتبت بواسطة طيبان

العزيز شليل ..

هكذا كتبت الجزائريةّ أحلام مستغانمي في ذاكرة الجسد بلسان مناضل اسمه خالد ..
حين أراك تكتب نزيف الشجر ..بقلم من خاض الحرب لقناعاته المثابرة - فكثيرمنّا اكتفوا بالرفض ولم يحدّثوا أنفسهم بأسمرا- أجدني أقرأ تواريخ أحزاننا الممتدّة ..وأشفق عليك من الحكي ..فهو مؤلم ..كفقد الرفاق ..بنواحي الغربة والأحراش ..
ومؤلم لأنّ الحصاد لم يكن بعمق التجربة وصدقها ..ونزيف أشجارها ..وتضحياتها الكبيرة (أو هكذا أظن)..
لا تترك شيئا ً تؤجله لكاتب يأتي بعدك ..فالبعض رمي كل شئ وراء ظهره وغاب في زحام الأيام ..
قابلتُ أحدهم بنواحي الدمازين ..يحمل ذراعاً مبتورة ..ومواجع شتّي ..ويعمل بالسوق بائعاً ..لطيفاً محبوباً من الكلّ ..لكنّه حين سألناه ليحكي ..أشاح بوجهه وسكت ..سكوت من لا يري في الحديث فائدة ..
وقابلت آخراً بدبي ..حدّثته عن مينزا وجبل النمر ..وجبل النوم ..فسكت حتي أظلم الليل فحكي عن سنواته هناك ..ظل يحكي ويحكي حتّي قلت ليته سكت ..
المرارات لاتنتهي ..في نصّك هذاالذي تفتحه علي خيبات بلادنا ..بطول الأسي ..والتأسّي ..
ارفق بنا ياصديقي ..بإسهابك في التفاصيل الموجعة ..لنعرف أنّنا ضيّعنا أجمل أصدقائنا بالصمت والمبررات الواهية ..
بيدك التاريخ ..والذكريات ..والحقيقة ..ووصايا الرّفــاق ..
لاتدعهم ينزفون بعد موتهم ..
دع الشجر ينزف ..ويسقي قبورهم أولئك الذين وسّدوا أحلامهم التراب ..وإكتفوا بالغياب ..كفعل إحتجاج ممكن ..وأخير ...
_____

أتابع بمرارة ..

سلامات يا بنج
أعتذر لتأخري في الرد عليك ..
نعم يا صديقي الحكي مؤلم ، ويزداد إيلاماً بمقدار ما تكتشف أن الرفيق فلان قد غادر
غير مأسوفاً عليه مخلفاً أطفاله الصغار ،
مؤلم حين تعلم أن رفيقك حين أسر قاموا بحقنه بحقنه ملوثه بفايروس HIV
مؤلم حين يصطاد عدو لم تضع له حساباً - الجهاد الأريتري- صديقك ظاناً أنه يتبع للجبهه الشعبيه الأريتريه
مؤلم حين تتساقط " الحزيه " بجانبك ولا تقوى على حمل الجميع على ظهرك
مؤلم حين يمارس المرفعين لعبة الغميضة معك ، تودع رفيقك وتلفه بملائتك ، ليقوم المرفعين بنبش قبره ثانيه
مؤلم حين تعلم أنني كونت صداقاتي من هؤلاء الموتى.

الفاتح · 19-01-2009, 06:56 AM

اقتباس:

المشاركة الأصلية كتبت بواسطة معتصم الطاهر

عمنا فى الكتابة شليل ..
يا خوى والله حرقنى اسكت ..
لكن لفائدة الجميع فى حالة "الاطار" نرجو عمل " محاذاة الى اليمين " لأنو التحرير مهم فى الكتابة ..
ولأنو التحرير مهم .. نرجو تحديد الكلمات الغريبة والاقوال و المقصودات بعلامات الترقيم والتمييز مثل " " او داخل اقواس ( ) او - - .. كل حسب سببه ..
سأقوم بعمل تجربة فى نَصّك ..
ثم
هناك كلمات يجب ان يكون لها شرح فى الهامش ..( شرح)
ربك*
التوصيلة*

ملاحظات :- اللون للتبيين وليس بالضرورة استخدامه فى النص ..

مشكوراً قمت بما يلزم
وهو مرهق
كما الكتابه.

الفاتح · 20-01-2009, 09:18 AM

[frame="7 80"]

[frame="7 80"][align=right]صباح الخير يا كومرت..
هل تغطيت جيداً البارحة ؟،
ولمن تقرأ قبل النوم ؟
ألا زالت تستهويك كتابات فيصل دراج؟
وتحرص على الإستماع إلى أميمه خليل ؟
أتصطفون لل " تمام " وال " نمره كامله عد " ؟
إن كان كذلك فبلًغ سلامي ل د/جون
وأخبره أن الثوار أصابهم الصقيع هنالك ،
صدئت بنادقهم ،
ونمت جضومهم ،
وتدلت كروشهم ببلاهه.
وإن لم يكن
فخذ حزيه قرب من تحب
فالرحم الذي أنجب بروتوس لا يزال خصيباً.[/align][/frame]

[frame="7 80"][align=right]
..
السوق الشعبي يعج ببائعي الساعات الرخيصة ، والصحف الصفراء ، والنشالين ، وأنفاس المسافرين
والعتًاله.
عبرنا صديقنا بصمت ، ليعبرنا العتًاله بنظرة مستنكرة
حين توهطنا الوهج .
نأيت بعيداً عن عبدو الفقًاع وجلست بالقرب من موريس..
حيث لذنا بالصمت ،
وتشييع الذكريات التي كان يقطعها بين الفينة والأخرى الكمساري
الذي بلا كلل أو ملل ظل يوزع أكواب الماء وقطع الكيك الفاسده ،
ويرسم إبتسامة فاسدة أمام تلك الحسناء التي تتوسدها المقاعد الأماميه وتتدفق بهدوء .
......
إجتزنا عشرات نقاط التفتيش ،
وعشرات الإحتمالات التي كانت تدور بذهننا إن حدث مكروه.
....
على المقعد الذي يقابلني كم وفير من الشخطبه لعشرات الأسهم التي تطال قلوب أماني ، سميره ، محمد ،
ودموع ما
و " حبيت عشانك كسلا.. خليت دياري عشانك "
وخطأ إملائي في كتابة الذكرى ناقوس يدق في عالم النسيان.
و..و
....
دقً ناقوس مؤخرات الركاب التي تصلًبت
فتمطًى جبل التاكا متثاقلاً ، تلف خصره سحابة بتول.

-مين
-وصلنا
-مرحب ... اتفضلوا..
مكثنا معه لعدة أيام معه بعدها تقرر أن ننتقل إلى منزل آخر بحجة أن منزله مضروب ، وأن ولاده سيأتون قريباً ، و..

يقوم أحدهم بتوصيلنا إلى منزل آخر ، ويختفي عنًا كمن أصابه مس ما

آنذاك كان كل شئ معد اللفوضى وسخريات الاقدار –ان جاز لي التعبير- )
-السلااااام عليكم
-اهلا وسهلا
-كيفك يا خالة؟
.....
نتفضل بدورنا بدون ان نأخذ الاذن منها
- انشاءالله خير
- خير..نحن في الحقيقة اصحاب الدكتور..متحركين جيهة بورسودان قلنا نجي نغشاو وناخد معاو كم يوم
- .....
.......
- متغديين؟..شكلكم كده ما اكلتوليكم كم يوم
لم تتح امامنا الفرصة لنرد عليها(تلك الاجابة السودانية المتعارف عليها) لكن للحظات تبينت ان اشكالنا توضح ذلك..ابتلعت ضحكة صغيرة حين رأيت آريس بسرواله وعراقيه وشعره البوب..وموريس بسرواله ولحيته الكثيفه ..كنا –بناء على توصيات ابو شنب لم نستحم –حتى نبدو كمزارعين محترمين لكن فيما بدا لي/لها اننا مزارعين مقطعين
- يا فاطنه..فاطنه؟ كدي ناوليني شوية ملاح اكان عندك..جوني ناس بقولو انهم اصحاب ولدي

جاملناها الى حد ما..
بادرتنا بأسئلة غياظة من شاكلة إنتو جنسكم شنو ؟ ونعل ما قاعدين معانا كتير؟ وو

- احمم... الدكتور بجي بتين؟
- زي الساعه اتنين..

تدلف الى النصف الاخر من البيت..نتنفس الصعداء ..ونلعن ذلك الرفيق الذي تاخر عنا.
موريس يحصي ما تبقى لدينا من اموال – لزوم الرحلة...(م.م وكده) ..و..
فجأة يفاجأ بام الدكتور تقف في رأسه:
-ده شنو؟
....
-القروش دي جبتوها من وين
-كيف جبناها من وين ..قروشنا ومسافرين بيها..المشكلة في شنو
- كدي!!.. واللاي ان جيتو للجد انا شكلكم ده ما مطمناليو..اول امبارح جوني حراميه
.....أجي......؟ أكان في جلابيي هني... راحت وين؟. بسم اللاي
...
....ان بقت على الجلابيي الجلابيي هيني كدي اسي امرقولي من البيت ده ..يا عصام..عصام..محمد..تعالوا امرقو لي الناس ديل من البيت ده.

(كان ابناء الجيران واعيين.. تفهموا وضعنا و..(كشكروا لينا شوية باستضافتنا)..لكن حقيقة الوضع ان شكلنا كان يوحي ببعض الحرمنه.

اللعنة..كيف يتسنى لنا الوصول الى منزل ذلك الأخيرالذي سلك طريقا معقدا ليوصلنا..وماذا لو ضللنا الطريق.؟
بالقليل من ذاكرة (القدد)..وصلنا.
-دايرين شنو؟
-كيف دايرين شنو؟ افتح يا زول.... الزول ده امو طردتنا..
-انتظروني بره..المدام جات.....
مدام نسى العشره..؟

انتظرناه كثيرا..اخيرا قررنا ارسال شخص منا ..
وكان.....
عثمان الذي(تساغل عليه) و..اقنعه بالمكوث معه الى حين عودة الدكتور..

لم تمض لحظات حتى اتى الدكتوربسيارته (المكركبة)..
رمقنا (فاروق) بنظرة ملؤها

ما داير اشوف وشكم تاني)..كويس..مع السلامة

عزمنا الدكتور عرقي نضيف
...(بعدين سكت) .

في صبيحة اليوم التالي رتب لنا (عبدو) مع الصلة(ح) برنامج التسلل..وكان الاتفاق ان يتم ادخالنا الى عمق الاراضي الاريترية تسني.
رافقنا (ح) الى بيوت الرشايده..
ومن ثم تحركنا..وفي منتصف الطريق قال سائق العربة انه سيدخلنا الى احدى القرى ومن ثم سنستقل الجمال الى تسنى..
بالتاكيد اختلفنا معه ..ورجعنا ثانية الى ام الدكتور .
صببنا كل اللعنات على من يشرف على هذه( الخرمجه) ..و

اما بعد..
لاشيء...
ثلاثتنا يمعن النظر الى اللاشيء الى نقطة ممعنة في الغياب /السواد..
فدوى..ناهد..انجي....ماريل..البت الحديقة...
كان يقطع حبال تفكيرنا صوت (الودع الذي كانت ترميه الحاجة لتكسر حاجز الوحدة)
قررنا ثلاثتنا ان نقطع حاجز الجمود و..(نشيل بياضنا ونمشي عليها)
-كدي يا خاله شوفي لينا مشورانا ده عديل ولا لا؟.
-انتو عليكم الله ماشين وين؟
-ماشين بورسودان نشتغل يا خاله

بمهارة تجدع الودع..تتأمله مليا..ترمقنا بنظرة غريبة..تكرر الرمية ثانية..وثالثة..
-حتلاقو شوية مشاكل..لكن بتصلو...
.......
قصة الورق دي شنو؟..عليكم الله وروني الورق شنو..
.........

والبنات القاعدات يبكن وراكم ديل منو؟
..........

-الورق شنو عليكم الله

كضبنا عليها شويه..وامنّا على انها قرايّه شديد.
.اخبرناها عن حبيباتنا..وعن املنا في الإغتراب حيث انه خلالها يمكن ان نتزوج..فقط تعوزنا دعواتها..باركت لنا مشوارنا،
واستمالتنا الى حد ما.

-طيب يا شباب ..الحزب بينقل ليكم تحاياهو..وبيتمنى ليكم التوفيق..حتتحركوا هسّه..اتفقنا مع السواق انو يوصلكم لي تسني..اهم حاجه عندنا انو ما تشيلو أي ورق معاكم..اتزكروا انكم مزارعين..
عشان نطمن على انكم وصلتو ادو السواق نص المتين وخمسين جنيه دي(يخرج عملة ورقية ..- مشروطة النص بالنص)..والنص التاني معاي....
حاجه تانيه: الحبش ما عندوم أي مشكلة... حنّكوهم اصلهم بيكرهو الحكومه..اهم حاجه لّمن تصلو هناك بتلقو أي حزب عندو مكاتبو ويافطاتو ظاهره
اوع تصلو لي حزب الامة ولا الاتحادي ولا التحالف ولا أي حزب تاني..... أسألو عن كمال عبد الوهاب..او فاقان اموم في الحركة الشعبية بس
الحاجة التانية دسو نضارتكم لحدي ما تصلو..مع السلامه.
- مع السلامه
[/frame]
[/align][/frame]

معتصم الطاهر · 20-01-2009, 09:37 AM

استعد يا بنج .. فالكتاب طباعته تسهلت ..

حسين عبدالجليل · 23-01-2009, 06:08 AM

شليل أيها العزيز:
اتابع السرد باستمتاع - فواصل الحكي ياصديقي .

عبدالرحمن حمد · 23-01-2009, 09:31 AM

لا تترك شيئا ً تؤجله لكاتب يأتي بعدك ..
او كما قال صديقى طيبان ..

..
هل نحن عندما نكتب عن احبائنا الذين فارقناهم او هم فارقونا حسب جهة النظر للحدث
هل نحن ندفنهم من جديد بشكل اكثر اناقة ام نحى ذكراهم فينا ام اننا ندارى خيباتنا بالكتابة
أم هو اعتذارنا لهم لواقع حالنا...؟؟
أم ..؟؟ أم ماذا..؟؟؟

..
شليل يازول يا طاعم الحكى والكتابة ومؤلم التفاصيل الصغيرة ..
واصل فهذه ليست مجرد أقصوصة .. هذه سيدى اعادة توثيق لفترة مهمة جدا" من حياة شعبنا
مازالت ارضا" بكرا" ..

فيصل سعد · 15-02-2009, 08:31 AM

واصل يا بنج ..

خضر حسين خليل · 15-02-2009, 09:26 AM

ودأبوك
كيفنك

تخيل أنا سرحان في نضارتك وونسات الشباب في موسكو والبنية الماخمج !
ياخ أنا منتظر النزيف دة من متين ! كويس انو مزاج الكتابة غشاك
أهطل يا بني آدم إدفق رش واطات الله بالكلام الدوغري الصادق .
عجبتني الافتتاحية يا الفاتح (اللوحة) أو الغلاف البديت بيهو ذكرتني
(الورش) يا مرمة يا زول يا ترس !
كنت بتونس هسي مع بحر تعالنا في الفيس بوكـ حتلقي أمة محمد وعيسي راجنك

مشتاقين بالحيل
واصل بالله

الفاتح · 16-02-2009, 07:21 AM

[QUOTE=أسامة معاوية الطيب;126647]" إذهبي إلى "رَبَك" راضية مرضية "

وذهبت ؟

تعرف اني كنت قاب (محطة) وأدنى من رحلتك الكونية هذي ... كنت سأحاول أن أكتب مثلما تفعل أنت ... غير أني كنت سأحس كذلك أن شيئا ما انكسر داخلي ... كما تحاول أن تداري .... وتوضح

كيفك ياخي ؟[/QUO
أسامة يا صديق..
الطشاش غيب إحساس الرضا.. ومسًح الروح بالغباش
ما إنتبهت لمداخلتك دي .. " طشاش وكده"
قلت لي كنت قاب " محطة " من رحلتي! ياخ نأمة في العشق تكفي
نقطة تكفي فلا تكثر عليك الحبر والأوراق
لم ينكسر في شئ ، بيد أنني لا زلت مورطاً بهؤلاء الرفاق
عليهم السلام والكلام.. لهذا تجدني من وقت لآخر إستحضر أرواحهم
لأنهم بدورهم يستحضرون أرواحي
كل منا يتبادل موقعه ويغير أدوراه في الحياة/الموت.

10-01-2009, 07:41 AM	#[17]
فيصل سعد :: كــاتب نشــط::	ارح يا بنج واصل السرد و التداعي و الاندياح المر عله يغسل الاحزان ،، ان الممات هنا سلامة .. [align=center][rams]http://sudaniyat.net/up/uploading/alra7l-fi-lallil.ram[/rams][/align]
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

10-01-2009, 01:50 PM	#[19]
أسامة معاوية الطيب :: كــاتب نشــط::	" إذهبي إلى "رَبَك" راضية مرضية " وذهبت ؟ تعرف اني كنت قاب (محطة) وأدنى من رحلتك الكونية هذي ... كنت سأحاول أن أكتب مثلما تفعل أنت ... غير أني كنت سأحس كذلك أن شيئا ما انكسر داخلي ... كما تحاول أن تداري .... وتوضح كيفك ياخي ؟
أسامة معاوية الطيب :: كــاتب نشــط::

13-01-2009, 09:08 AM	#[20]
فيصل سعد :: كــاتب نشــط::	و لا زلنا بالجوار .. ان الممات هنا سلامة ..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

20-01-2009, 09:18 AM	#[24]
الفاتح :: كــاتب نشــط::	[frame="7 80"] [frame="7 80"][align=right]صباح الخير يا كومرت.. هل تغطيت جيداً البارحة ؟، ولمن تقرأ قبل النوم ؟ ألا زالت تستهويك كتابات فيصل دراج؟ وتحرص على الإستماع إلى أميمه خليل ؟ أتصطفون لل " تمام " وال " نمره كامله عد " ؟ إن كان كذلك فبلًغ سلامي ل د/جون وأخبره أن الثوار أصابهم الصقيع هنالك ، صدئت بنادقهم ، ونمت جضومهم ، وتدلت كروشهم ببلاهه. وإن لم يكن فخذ حزيه قرب من تحب فالرحم الذي أنجب بروتوس لا يزال خصيباً.[/align][/frame] [frame="7 80"][align=right] .. السوق الشعبي يعج ببائعي الساعات الرخيصة ، والصحف الصفراء ، والنشالين ، وأنفاس المسافرين والعتًاله. عبرنا صديقنا بصمت ، ليعبرنا العتًاله بنظرة مستنكرة حين توهطنا الوهج . نأيت بعيداً عن عبدو الفقًاع وجلست بالقرب من موريس.. حيث لذنا بالصمت ، وتشييع الذكريات التي كان يقطعها بين الفينة والأخرى الكمساري الذي بلا كلل أو ملل ظل يوزع أكواب الماء وقطع الكيك الفاسده ، ويرسم إبتسامة فاسدة أمام تلك الحسناء التي تتوسدها المقاعد الأماميه وتتدفق بهدوء . ...... إجتزنا عشرات نقاط التفتيش ، وعشرات الإحتمالات التي كانت تدور بذهننا إن حدث مكروه. .... على المقعد الذي يقابلني كم وفير من الشخطبه لعشرات الأسهم التي تطال قلوب أماني ، سميره ، محمد ، ودموع ما و " حبيت عشانك كسلا.. خليت دياري عشانك " وخطأ إملائي في كتابة الذكرى ناقوس يدق في عالم النسيان. و..و .... دقً ناقوس مؤخرات الركاب التي تصلًبت فتمطًى جبل التاكا متثاقلاً ، تلف خصره سحابة بتول. -مين -وصلنا -مرحب ... اتفضلوا.. مكثنا معه لعدة أيام معه بعدها تقرر أن ننتقل إلى منزل آخر بحجة أن منزله مضروب ، وأن ولاده سيأتون قريباً ، و.. يقوم أحدهم بتوصيلنا إلى منزل آخر ، ويختفي عنًا كمن أصابه مس ما آنذاك كان كل شئ معد اللفوضى وسخريات الاقدار –ان جاز لي التعبير- ) -السلااااام عليكم -اهلا وسهلا -كيفك يا خالة؟ ..... نتفضل بدورنا بدون ان نأخذ الاذن منها - انشاءالله خير - خير..نحن في الحقيقة اصحاب الدكتور..متحركين جيهة بورسودان قلنا نجي نغشاو وناخد معاو كم يوم - ..... ....... - متغديين؟..شكلكم كده ما اكلتوليكم كم يوم لم تتح امامنا الفرصة لنرد عليها(تلك الاجابة السودانية المتعارف عليها) لكن للحظات تبينت ان اشكالنا توضح ذلك..ابتلعت ضحكة صغيرة حين رأيت آريس بسرواله وعراقيه وشعره البوب..وموريس بسرواله ولحيته الكثيفه ..كنا –بناء على توصيات ابو شنب لم نستحم –حتى نبدو كمزارعين محترمين لكن فيما بدا لي/لها اننا مزارعين مقطعين - يا فاطنه..فاطنه؟ كدي ناوليني شوية ملاح اكان عندك..جوني ناس بقولو انهم اصحاب ولدي جاملناها الى حد ما.. بادرتنا بأسئلة غياظة من شاكلة إنتو جنسكم شنو ؟ ونعل ما قاعدين معانا كتير؟ وو - احمم... الدكتور بجي بتين؟ - زي الساعه اتنين.. تدلف الى النصف الاخر من البيت..نتنفس الصعداء ..ونلعن ذلك الرفيق الذي تاخر عنا. موريس يحصي ما تبقى لدينا من اموال – لزوم الرحلة...(م.م وكده) ..و.. فجأة يفاجأ بام الدكتور تقف في رأسه: -ده شنو؟ .... -القروش دي جبتوها من وين -كيف جبناها من وين ..قروشنا ومسافرين بيها..المشكلة في شنو - كدي!!.. واللاي ان جيتو للجد انا شكلكم ده ما مطمناليو..اول امبارح جوني حراميه .....أجي......؟ أكان في جلابيي هني... راحت وين؟. بسم اللاي ... ....ان بقت على الجلابيي الجلابيي هيني كدي اسي امرقولي من البيت ده ..يا عصام..عصام..محمد..تعالوا امرقو لي الناس ديل من البيت ده. (كان ابناء الجيران واعيين.. تفهموا وضعنا و..(كشكروا لينا شوية باستضافتنا)..لكن حقيقة الوضع ان شكلنا كان يوحي ببعض الحرمنه. اللعنة..كيف يتسنى لنا الوصول الى منزل ذلك الأخيرالذي سلك طريقا معقدا ليوصلنا..وماذا لو ضللنا الطريق.؟ بالقليل من ذاكرة (القدد)..وصلنا. -دايرين شنو؟ -كيف دايرين شنو؟ افتح يا زول.... الزول ده امو طردتنا.. -انتظروني بره..المدام جات..... مدام نسى العشره..؟ انتظرناه كثيرا..اخيرا قررنا ارسال شخص منا .. وكان..... عثمان الذي(تساغل عليه) و..اقنعه بالمكوث معه الى حين عودة الدكتور.. لم تمض لحظات حتى اتى الدكتوربسيارته (المكركبة).. رمقنا (فاروق) بنظرة ملؤهاما داير اشوف وشكم تاني)..كويس..مع السلامة عزمنا الدكتور عرقي نضيف ...(بعدين سكت) . في صبيحة اليوم التالي رتب لنا (عبدو) مع الصلة(ح) برنامج التسلل..وكان الاتفاق ان يتم ادخالنا الى عمق الاراضي الاريترية تسني. رافقنا (ح) الى بيوت الرشايده.. ومن ثم تحركنا..وفي منتصف الطريق قال سائق العربة انه سيدخلنا الى احدى القرى ومن ثم سنستقل الجمال الى تسنى.. بالتاكيد اختلفنا معه ..ورجعنا ثانية الى ام الدكتور . صببنا كل اللعنات على من يشرف على هذه( الخرمجه) ..و اما بعد.. لاشيء... ثلاثتنا يمعن النظر الى اللاشيء الى نقطة ممعنة في الغياب /السواد.. فدوى..ناهد..انجي....ماريل..البت الحديقة... كان يقطع حبال تفكيرنا صوت (الودع الذي كانت ترميه الحاجة لتكسر حاجز الوحدة) قررنا ثلاثتنا ان نقطع حاجز الجمود و..(نشيل بياضنا ونمشي عليها) -كدي يا خاله شوفي لينا مشورانا ده عديل ولا لا؟. -انتو عليكم الله ماشين وين؟ -ماشين بورسودان نشتغل يا خاله بمهارة تجدع الودع..تتأمله مليا..ترمقنا بنظرة غريبة..تكرر الرمية ثانية..وثالثة.. -حتلاقو شوية مشاكل..لكن بتصلو... ....... قصة الورق دي شنو؟..عليكم الله وروني الورق شنو.. ......... والبنات القاعدات يبكن وراكم ديل منو؟ .......... -الورق شنو عليكم الله كضبنا عليها شويه..وامنّا على انها قرايّه شديد. .اخبرناها عن حبيباتنا..وعن املنا في الإغتراب حيث انه خلالها يمكن ان نتزوج..فقط تعوزنا دعواتها..باركت لنا مشوارنا، واستمالتنا الى حد ما. -طيب يا شباب ..الحزب بينقل ليكم تحاياهو..وبيتمنى ليكم التوفيق..حتتحركوا هسّه..اتفقنا مع السواق انو يوصلكم لي تسني..اهم حاجه عندنا انو ما تشيلو أي ورق معاكم..اتزكروا انكم مزارعين.. عشان نطمن على انكم وصلتو ادو السواق نص المتين وخمسين جنيه دي(يخرج عملة ورقية ..- مشروطة النص بالنص)..والنص التاني معاي.... حاجه تانيه: الحبش ما عندوم أي مشكلة... حنّكوهم اصلهم بيكرهو الحكومه..اهم حاجه لّمن تصلو هناك بتلقو أي حزب عندو مكاتبو ويافطاتو ظاهره اوع تصلو لي حزب الامة ولا الاتحادي ولا التحالف ولا أي حزب تاني..... أسألو عن كمال عبد الوهاب..او فاقان اموم في الحركة الشعبية بس الحاجة التانية دسو نضارتكم لحدي ما تصلو..مع السلامه. - مع السلامه [/frame] [/align][/frame]
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

20-01-2009, 09:37 AM	#[25]
معتصم الطاهر :: كــاتب نشــط::	استعد يا بنج .. فالكتاب طباعته تسهلت ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

23-01-2009, 06:08 AM	#[26]
حسين عبدالجليل :: كــاتب نشــط::	شليل أيها العزيز: اتابع السرد باستمتاع - فواصل الحكي ياصديقي .
حسين عبدالجليل :: كــاتب نشــط::

23-01-2009, 09:31 AM	#[27]
عبدالرحمن حمد :: كــاتب جديـــد ::	لا تترك شيئا ً تؤجله لكاتب يأتي بعدك .. او كما قال صديقى طيبان .. .. هل نحن عندما نكتب عن احبائنا الذين فارقناهم او هم فارقونا حسب جهة النظر للحدث هل نحن ندفنهم من جديد بشكل اكثر اناقة ام نحى ذكراهم فينا ام اننا ندارى خيباتنا بالكتابة أم هو اعتذارنا لهم لواقع حالنا...؟؟ أم ..؟؟ أم ماذا..؟؟؟ .. شليل يازول يا طاعم الحكى والكتابة ومؤلم التفاصيل الصغيرة .. واصل فهذه ليست مجرد أقصوصة .. هذه سيدى اعادة توثيق لفترة مهمة جدا" من حياة شعبنا مازالت ارضا" بكرا" ..
عبدالرحمن حمد :: كــاتب جديـــد ::	التوقيع: يا الله ما يابس سوى حلقى المجرح بالدعا

15-02-2009, 08:31 AM	#[28]
فيصل سعد :: كــاتب نشــط::	واصل يا بنج ..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

15-02-2009, 09:26 AM	#[29]
خضر حسين خليل :: كــاتب نشــط::	ودأبوك كيفنك تخيل أنا سرحان في نضارتك وونسات الشباب في موسكو والبنية الماخمج ! ياخ أنا منتظر النزيف دة من متين ! كويس انو مزاج الكتابة غشاك أهطل يا بني آدم إدفق رش واطات الله بالكلام الدوغري الصادق . عجبتني الافتتاحية يا الفاتح (اللوحة) أو الغلاف البديت بيهو ذكرتني (الورش) يا مرمة يا زول يا ترس ! كنت بتونس هسي مع بحر تعالنا في الفيس بوكـ حتلقي أمة محمد وعيسي راجنك مشتاقين بالحيل واصل بالله
خضر حسين خليل :: كــاتب نشــط::	التوقيع: يــا وطن عز الشدائد ــــــــــــــــــــــــــ حميد

16-02-2009, 07:21 AM	#[30]
الفاتح :: كــاتب نشــط::	[QUOTE=أسامة معاوية الطيب;126647]" إذهبي إلى "رَبَك" راضية مرضية " وذهبت ؟ تعرف اني كنت قاب (محطة) وأدنى من رحلتك الكونية هذي ... كنت سأحاول أن أكتب مثلما تفعل أنت ... غير أني كنت سأحس كذلك أن شيئا ما انكسر داخلي ... كما تحاول أن تداري .... وتوضح كيفك ياخي ؟[/QUO أسامة يا صديق.. الطشاش غيب إحساس الرضا.. ومسًح الروح بالغباش ما إنتبهت لمداخلتك دي .. " طشاش وكده" قلت لي كنت قاب " محطة " من رحلتي! ياخ نأمة في العشق تكفي نقطة تكفي فلا تكثر عليك الحبر والأوراق لم ينكسر في شئ ، بيد أنني لا زلت مورطاً بهؤلاء الرفاق عليهم السلام والكلام.. لهذا تجدني من وقت لآخر إستحضر أرواحهم لأنهم بدورهم يستحضرون أرواحي كل منا يتبادل موقعه ويغير أدوراه في الحياة/الموت.
الفاتح :: كــاتب نشــط::