راكوبة المجادعات.. النمة والدوباي

[تماضر حمزة]

المشاركة الأصلية كتبت بواسطة مي هاشم

جامده والله..يسلم فمّك..


هاك دي..

ما بقارنوه بالصُّبُحَ أب نجوماً غابت
ما أخّر مجيو ظنوني فيو ما خابت
بكتبلو البشيق وحياي يقول ما صابت
ياااااااااا طيفو اليطوف قول ليهو روحي انسابت


بجيك صاّدة..سمح؟؟
مافي نوم الليلة

مابقارنوهو بالدهب اب عيار معروف
الزول السماحو من الجنان مغروف
ومابوفيهو دوبيت هن مليتو حروف
طابق قلبي قلبو وخاتي في مظروف


وححححح

[طارق صديق كانديك]

المشاركة الأصلية كتبت بواسطة مي هاشم

[COLOR="Red"]


ما بقارنوه بالصُّبُحَ أب نجوماً غابت
ما أخّر مجيو ظنوني فيو ما خابت
بكتبلو البشيق وحياي يقول ما صابت
ياااااااااا طيفو اليطوف قول ليهو روحي انسابت


بجيك صاّدة..سمح؟؟
مافي نوم الليلة

النايمة ليها شنو


ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

[احمد زين]

المشاركة الأصلية كتبت بواسطة طارق صديق كانديك

النايمة ليها شنو


ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

[تماضر حمزة]

المشاركة الأصلية كتبت بواسطة طارق صديق كانديك

أرح اتي دي

الليل والنسيم اتخاوا زاد ترتيلو
هالكني المتل عوم الوزيزة وحيلو
شال مني المنام وقلبي اصبح هيلو
والعميان عديييل فَتَح بشم منديلو

الليل والنسيم مين الحبيبي مثيلو
الوققف قلبي حسو وسد منفذ سيلو
وشببع فكري ريدو اتدشا في بهديلو
ماطلب الرويح لكني ساااي بهديلو

حاااتم الطائي بس قال ليك

[طارق صديق كانديك]

المشاركة الأصلية كتبت بواسطة أحمد محمد زين حسين

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

يعلم الله كتبت وطلعت مشوار، في الشارع اتذكرتك ماخيبت ظني تسلم يا ابومازن

زاهية ولاهية ما همّاها ضُقتّا الويل
سادل ديسا كابي تتغتابو نص الليل
الخلاني في اعضاي نشفت هزيييل
مكروف المسك لي رضابا شفتو قليل

[مي هاشم]

تماضر..ياختي..
الهمباتة ديل بنصاقعن؟؟
خفت



يا أحمد طلّتك راجياها..
ويا طارق..منّك لله ياخ..

كدي النَّحاول..

[تماضر حمزة]

غمممضي وتوووشك خشي
الليلة انا مزاجي عالي

[مي هاشم]

المشاركة الأصلية كتبت بواسطة طارق صديق كانديك

أرح اتي دي

الليل والنسيم اتخاوا زاد ترتيلو
هالكني المتل عوم الوزيزة وحيلو
شال مني المنام وقلبي اصبح هيلو
والعميان عديييل فَتَح بشم منديلو

الليل والنسيم فاضحين دوام البيّا
هالكني الرّهيف لامُتّ لا ببقيت حيّه
شال مني المنام واتسهّدن عينيّا
والعميان عديييييييل شايف البلايا عليّا

[مي هاشم]

المشاركة الأصلية كتبت بواسطة تماضر حمزة

مابقارنوهو بالدهب اب عيار معروف
الزول السماحو من الجنان مغروف
ومابوفيهو دوبيت هن مليتو حروف
طابق قلبي قلبو وخاتي في مظروف


وححححح

ما بقارنوهو بالدّهب اللّصيل ومجمّر
الزول السّمح كان ناهي ولاّ اتأمّر
ما بوفيهو قول حرفي العليهو منمّر
طايع قلبي تب من هجرو ما بتذمّر


نصبر بس..

[مي هاشم]

المشاركة الأصلية كتبت بواسطة طارق صديق كانديك

النايمة ليها شنو


ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

أنوم السّهر انا


ما يشبه المطر أب رعوداً ترزم
يقدل في المشي زي أب كريك متلزّم
كاسيهو اللُّطُف بي ريدو انا متحزّم
خارب رصّتي وجايطني ما متنظّم

[مي هاشم]

المشاركة الأصلية كتبت بواسطة أحمد محمد زين حسين

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

أسألو دبل

وهاك


[justify]وشِن يشبه بلا اللّسد المشيو ضرّيع
لافّي العِمّة حاقِب ديمه للكِبِّيع
السبب المخلّي شِتايْ وصيفي ربيع
جمل الشيل وعند النّهمة تابّي سريع[/justify]

[مي هاشم]

المشاركة الأصلية كتبت بواسطة تماضر حمزة

الليل والنسيم مين الحبيبي مثيلو
الوققف قلبي حسو وسد منفذ سيلو
وشببع فكري ريدو اتدشا في بهديلو
ماطلب الرويح لكني ساااي بهديلو

حاااتم الطائي بس قال ليك

لالا مابلحق حبيبي..الشبهو معدوم نادر
رايق وراسي في الحارّات دوام متبادر
ملاني وتمسح الوجدان ريدو الهادر
سبحان الخلق ..ما الله اسمو القادر

[مي هاشم]

المشاركة الأصلية كتبت بواسطة طارق صديق كانديك

يعلم الله كتبت وطلعت مشوار، في الشارع اتذكرتك ماخيبت ظني تسلم يا ابومازن

زاهية ولاهية ما همّاها ضُقتّا الويل
سادل ديسا كابي تتغتابو نص الليل
الخلاني في اعضاي نشفت هزيييل
مكروف المسك لي رضابا شفتو قليل

دي الحالة مارق!!
كان قعدتا بتطفشنا يعني


كدي امسك..



شن همّاكَ .. ساهي وما خِبرت البي
تجدع في النّضم وتطبق علي الكي
تختف قلبي كف.. متل الصّقير وحِدَي
بتهالك عدييييييييل إن قُتّ بس (يا مي)

[مي هاشم]

المشاركة الأصلية كتبت بواسطة تماضر حمزة

غمممضي وتوووشك خشي
الليلة انا مزاجي عالي

غايتو ركّبتي شريحة السهر واشتغلت فيني..
المشكلة انا حوّلت فيها رصيد وهسي غالبني النوم..



وينك يا ام مزاج .. ماقُتّي عالي الليله؟؟
في وكر التلوب رامياني للبهديله ؟؟
نضّامين حروف قاسي وصعب تمثيلا
يا أهل الله هوووي من الضّهب والميله

[تماضر حمزة]

هاك من هناك
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو