ليه يا ناصر يوسف؟

[أبوجهينة]

منذ أن غادرنا الراحل المقيم خالد الحاج وأنا أتحاشى الدخول لهذا الحوش البديع.
أتاوق من فترة لأخرى وأرى هذه الأسماء الحبيبة إلى القلب ثم أنكص على أعقابي.

هل تصدقون أنني إلى الآن لم أسمع صوت عكود منذ رحيل خالد؟
لم يستطع أن يسمع تعزيتي.
حتى لم يستطع أن يرد على تعزيتي كتابةً هنا بالمنبر. فهو لا يصدق أن نشترك في محادثة أو مساجلة هنا دون أن يكون المرحوم يتحاوم بشخصيته التي تعرفونها.

ثم
فاجأني اليوم بمكتبي بمباني الشرق الأوسط بالرياض أخي الحبيب ناصر يوسف ومعه الزميل عصام حسن بابكر.
ونجحتُ نجاحا كبيرا في الزوغان من الولوج إلى سيرة الراحل المقيم وذلك بفتح سيرة السودان وأحواله وأحوال أهله وولجنا إلى أقاصيص كثيرة، وحمدت الله حينما غادرا مودعين، فقد نجحت في إلهائهما حتى لا ينكئا جرحا لا زال كوميض نار تحت الرماد.

تحياتي لكم جميعا

[ناصر يوسف]

المشاركة الأصلية كتبت بواسطة أبوجهينة

منذ أن غادرنا الراحل المقيم خالد الحاج وأنا أتحاشى الدخول لهذا الحوش البديع.
أتاوق من فترة لأخرى وأرى هذه الأسماء الحبيبة إلى القلب ثم أنكص على أعقابي.

هل تصدقون أنني إلى الآن لم أسمع صوت عكود منذ رحيل خالد؟
لم يستطع أن يسمع تعزيتي.
حتى لم يستطع أن يرد على تعزيتي كتابةً هنا بالمنبر. فهو لا يصدق أن نشترك في محادثة أو مساجلة هنا دون أن يكون المرحوم يتحاوم بشخصيته التي تعرفونها.

ثم
فاجأني اليوم بمكتبي بمباني الشرق الأوسط بالرياض أخي الحبيب ناصر يوسف ومعه الزميل عصام حسن بابكر.
ونجحتُ نجاحا كبيرا في الولوج إلى سيرة الراحل المقيم وذلك بفتح سيرة السودان وأحواله وأحوال أهله وولجنا إلى أقاصيص كثيرة، وحمدت الله حينما غادرا مودعين، فقد نجحت في إلهائهما حتى لا ينكئا جرحا لا زال كوميض نار تحت الرماد.

تحياتي لكم جميعا

أخوي الحبيب
جلال أبو جهينة
تحية واحترام لشخصك الغالي علينا

تعرف يمكن أول زول سألت النور يوسف عنو ونحن يا دوبنا مارقين من المطار كان هو إنت ،،،
قلت ليه أديني رقم جوالو لأني فقدتو مع جوالي الإتسرق في السودان قبل فترة

وكنت ممني نفسي ألقاك واقف في قدام وشي في المطار أو في الإستراحه المجتمعين فيها الشباب أو أعرف خارطة طريق بيت ،،، مكتبك في شان أتلم عليك ونبكي هذا الخالد مع بعض
لكنك عرفتها أو عرفتها ظروف عملك المُضني وما خلتنا نتلاقي إلا اليوم

حقيقي فرحت زي الولد السغنتوتي لما قلت لي ممكن تجوني هسي دي في مكتبي
كنا وقتها أنا والأحباب عصام وأسامه في مكتب النور يوسف إنت

النور قال لي خلاص أنا بمشي أوصل أسامه عبد الماجد لأنو عندو مشوار مهم ومربوط بزمن وإنت حتمشي مع عصام لأبو جهينة

ما صدقت نفسي ونحن داخلين علي مكتبك ،،، وصدقني ولأنو بس ده بكان عمل وكان معاك في المكتب بعض زملاءك في مهمة عمل
كنت حأقع عليك وأبكي ياخ ،،،

بس الله مرقك مني ومرقني من متل هذا الموقف

حقيقي فرحت بجيتك وبفيض كرمك وعمق إهتمامك لأمري
تعرف معظم الشباب هنا قالوا لي أقع في أبو جهينة ده زول حاره
قلت ليهم خااااااارو خابرو بالحيل
ياخي شكراً ليك بكامل البهاء الذي فيك

أما هذا العكود (جمل الشيل) ،،، ياها دي حالتو يعلم الله ،،، ياها دي حالتو ياخ
ويوم وصولو في مطار الخرطوم يا جلال صدقني قعد يتزاوغ مني برضو ،،، لكني كنت محتاج ليه شدييييييييد في اللحظة ديك ،،، وبكيت يا أبو جهينة ،،،
بكيت خالد أخوي و:اني بسمع في خبر رحيله لأووووووول مره

ربنا يرحم خالد الحاج أخوي وأخوك وأخو عكود وأخونا كلنا
وياها هي أمانته ( سودانيات والبركل) أمانة مشي وختاها لينا في رقبتنا دي يا أبو جهينة
يلاكا نشيلها سوي ،،،
وإن كان لعكود ده ،،، أصبر خلينا ننتهي من الموضوع البديناه اليوم ده علي خير وليك مني وعد ،،، ومن غير ميعاد نمشيلو سوا فوق بطن بيتو ونفتح وميض النار الحارقة الجوف دي ياخ

أبقي طيب يا الحبيب

ثُمَّ إنو ياخي أنا مشتاق لحرفك كتير يعلم الله ،،، فضلاً لا تغيب من هذا البكان مرة تانية
فضلاً لااااااا تغيب

[معتصم الطاهر]

جلال ..

جمال ..

[جمال عبد الناصر]

المشاركة الأصلية كتبت بواسطة ناصر يوسف

أخوي الحبيب
جلال أبو جهينة
تحية واحترام لشخصك الغالي علينا

تعرف يمكن أول زول سألت النور يوسف عنو ونحن يا دوبنا مارقين من المطار كان هو إنت ،،،
قلت ليه أديني رقم جوالو لأني فقدتو مع جوالي الإتسرق في السودان قبل فترة

وكنت ممني نفسي ألقاك واقف في قدام وشي في المطار أو في الإستراحه المجتمعين فيها الشباب أو أعرف خارطة طريق بيت ،،، مكتبك في شان أتلم عليك ونبكي هذا الخالد مع بعض
لكنك عرفتها أو عرفتها ظروف عملك المُضني وما خلتنا نتلاقي إلا اليوم

حقيقي فرحت زي الولد السغنتوتي لما قلت لي ممكن تجوني هسي دي في مكتبي
كنا وقتها أنا والأحباب عصام وأسامه في مكتب النور يوسف إنت

النور قال لي خلاص أنا بمشي أوصل أسامه عبد الماجد لأنو عندو مشوار مهم ومربوط بزمن وإنت حتمشي مع عصام لأبو جهينة

ما صدقت نفسي ونحن داخلين علي مكتبك ،،، وصدقني ولأنو بس ده بكان عمل وكان معاك في المكتب بعض زملاءك في مهمة عمل
كنت حأقع عليك وأبكي ياخ ،،،

بس الله مرقك مني ومرقني من متل هذا الموقف

حقيقي فرحت بجيتك وبفيض كرمك وعمق إهتمامك لأمري
تعرف معظم الشباب هنا قالوا لي أقع في أبو جهينة ده زول حاره
قلت ليهم خااااااارو خابرو بالحيل
ياخي شكراً ليك بكامل البهاء الذي فيك

أما هذا العكود (جمل الشيل) ،،، ياها دي حالتو يعلم الله ،،، ياها دي حالتو ياخ
ويوم وصولو في مطار الخرطوم يا جلال صدقني قعد يتزاوغ مني برضو ،،، لكني كنت محتاج ليه شدييييييييد في اللحظة ديك ،،، وبكيت يا أبو جهينة ،،،
بكيت خالد أخوي و:اني بسمع في خبر رحيله لأووووووول مره

ربنا يرحم خالد الحاج أخوي وأخوك وأخو عكود وأخونا كلنا
وياها هي أمانته ( سودانيات والبركل) أمانة مشي وختاها لينا في رقبتنا دي يا أبو جهينة
يلاكا نشيلها سوي ،،،
وإن كان لعكود ده ،،، أصبر خلينا ننتهي من الموضوع البديناه اليوم ده علي خير وليك مني وعد ،،، ومن غير ميعاد نمشيلو سوا فوق بطن بيتو ونفتح وميض النار الحارقة الجوف دي ياخ

أبقي طيب يا الحبيب

ثُمَّ إنو ياخي أنا مشتاق لحرفك كتير يعلم الله ،،، فضلاً لا تغيب من هذا البكان مرة تانية
فضلاً لااااااا تغيب

ناصر
ما هكذا اتفقنا
كان اتفاقنا ان نذهب سويا لهذا الهرم النوبي العزيز
أبو جهينة الريس المبدع
فوت علي الفرصة بانقلاب دبر بصبح
كنت اتحين الفرص لأقابل هذا الرجل المتفرد
واجلس وياه وأعوج لساني وأحكي حكاوي امهاتنا
إلا انت خذلتني
العزاء الوحيد أن جهدك الدؤوب لملاقاته قد تكلل بالنجاح
واتمني أن يقيض الله لي فرصة أخرى للقائه
تحية ليك يا ناصر
وتحية عبرك لأبو جهينة
وعصام وأسامة والجنرال النور

[ناصر يوسف]

المشاركة الأصلية كتبت بواسطة معتصم الطاهر

جلال ..

جمال ..

ولأول مرة يا با معتصم

أعرف لماذا أطلق الناس لقب (الفرعون) علي الراحل المقيم

محمد عثمان وردي

ناصر
ما هكذا اتفقنا
كان اتفاقنا ان نذهب سويا لهذا الهرم النوبي العزيز
أبو جهينة الريس المبدع
فوت علي الفرصة بانقلاب دبر بصبح
كنت اتحين الفرص لأقابل هذا الرجل المتفرد
واجلس وياه وأعوج لساني وأحكي حكاوي امهاتنا
إلا انت خذلتني
العزاء الوحيد أن جهدك الدؤوب لملاقاته قد تكلل بالنجاح
واتمني أن يقيض الله لي فرصة أخرى للقائه
تحية ليك يا ناصر
وتحية عبرك لأبو جهينة
وعصام وأسامة والجنرال النور

نعم لقد إتفقنا يا إرَبَن تُوت ولكن ،،،،
جاءت هكذا ،،،
فللرجل زمن ليس بيده ولكم فرحت عندما قال لي أن تعال إلي الآن ،،،
لكن علي الوعد بلقاء قرب

[أبوجهينة]

أما هذا العكود (جمل الشيل) ،،، ياها دي حالتو يعلم الله ،،، ياها دي حالتو ياخ
ويوم وصولو في مطار الخرطوم يا جلال صدقني قعد يتزاوغ مني برضو ،،، لكني كنت محتاج ليه شدييييييييد في اللحظة ديك ،،، وبكيت يا أبو جهينة ،،،
بكيت خالد أخوي و:اني بسمع في خبر رحيله لأووووووول مره

الصبر طيب. والله بس متمني أسمع صوت عكود

ربنا يرحم خالد الحاج أخوي وأخوك وأخو عكود وأخونا كلنا

اللهم آمين

وياها هي أمانته ( سودانيات والبركل) أمانة مشي وختاها لينا في رقبتنا دي يا أبو جهينة

والله لن نخذله أبدا
دمتم

[أبوجهينة]

اقتباس:
المشاركة الأصلية كتبت بواسطة معتصم الطاهر
جلال ..

جمال ..



أخونا العزيز معتصم
سلام كبير
والله كنا نمني النفس بملاقاتك بالرياض ولكن خيرها في غيرها.
تحياتي للأسرة الكريمة

[أبوجهينة]

اقتباس:
المشاركة الأصلية كتبت بواسطة جمال عبد الناصر
ناصر
ما هكذا اتفقنا
كان اتفاقنا ان نذهب سويا لهذا الهرم النوبي العزيز
أبو جهينة الريس المبدع
فوت علي الفرصة بانقلاب دبر بصبح
كنت اتحين الفرص لأقابل هذا الرجل المتفرد
واجلس وياه وأعوج لساني وأحكي حكاوي امهاتنا
إلا انت خذلتني
العزاء الوحيد أن جهدك الدؤوب لملاقاته قد تكلل بالنجاح
واتمني أن يقيض الله لي فرصة أخرى للقائه
تحية ليك يا ناصر
وتحية عبرك لأبو جهينة
وعصام وأسامة والجنرال النور



تحياتي أخي جمال
ونتشرف والله بملاقاتك في أي وقت وخاصة أن إمتحانات الأولاد بتنتهي غدا بحول الله
دمتم أبدا

[عصام بابكر]

الزول الجميل ابوجهينة
نيل يجرى سماحة وكرما
روعة فى ترحابه وبشاشته وافراد نفسه فى استقبالنا
ترك عمله وتفرغ لنا بحب واشتياق
فخورون باننا تعارفنا وتلاقينا وحزانا على مامضى لنا من زمن
لم نلتقيك فيه ونحن غارقون فى دهاليزا الرياض الرحبه
شكرا لك على حسن الاستقبال والحفاوه
ونوعدك بان لن ننقطع عنك

[أبوجهينة]

اقتباس:
المشاركة الأصلية كتبت بواسطة عصام بابكر
الزول الجميل ابوجهينة
نيل يجرى سماحة وكرما
روعة فى ترحابه وبشاشته وافراد نفسه فى استقبالنا
ترك عمله وتفرغ لنا بحب واشتياق
فخورون باننا تعارفنا وتلاقينا وحزانا على مامضى لنا من زمن
لم نلتقيك فيه ونحن غارقون فى دهاليزا الرياض الرحبه
شكرا لك على حسن الاستقبال والحفاوه
ونوعدك بان لن ننقطع عنك




الأخ العزيز عصام
تحايا مقيمة وسلام غامر
تشرفت بملاقاتك، ورغم أنها المرة الأولى إلى أنني والله كأني أعرفك من زمن.
أتمنى أن يدوم التواصل وأتمنى أن أكون بينكم في تجمعات سودانيات الحميمة

دمتم