اقتباس:
المشاركة الأصلية كتبت بواسطة الزوول
....
اضافة للحزن وخيبة الأمل فقد تنبهت لثغرة كبيرة في مسالة الانتخابات في سودانيات
هي امكانية الخج السهلة
قطعاً سيحدث مثل ما عبرت عنه الأخت آمال الشيخ
(ورونا درب الخج ده ...والله كنت عملتها ليكم صلطة روب)
|
سلام يا الزوول الحزين
صحي الموضوع بالنسبة لمجموعة مننا محبط وحزين (أنا منهم)، لكن كمان كما قال البروف ما عندنا شئ نحتكم ليهو غير اللوائح، واللوائح تُبرئ ساحة (الزميلة) آمال وما عندنا عليها أي شئ قانوني بدينها.
عبارة آمال البين هلالين يا زوول واضح فيها المزاح وربطك لإمكانية إستخدام المشرف الفني مستقبلا للمفاتيح لتغيير الإنتخابات مع هزار آمال، بعيد جدا..
كنت قد سألتك يا آمال، إن كنتي طلبتي أثناء حشدك للناس للتصويت بأن يصوت الناس لX من المرشحين دون غيره؟ وكبيتي الزوغة، لكن شياختي جابتك لي تاني لنفس المربع؛ عشان أشوت ليك السؤال البعدو:
هل تبنيك حملة إنتخابية لأحد المرشحين سببو العمل العام ولّ عندك أجندة حزبية عايزة تحققيها عبر إحدى منظمات المجتمع المدني (المنتدى)؟
لانو لو ناس الأحزاب ديل دايرين يسيطروا على منظمات المجتمع المدني؛ حقوا يفضوا لينا الأحزاب نحن بنمسكها.
إضافة:
شايف انو الرسالة التي أوردها الزوول هنا لا تندرج ضمن الرسائل الخاصة الممنوع نشرها هنا بنص اللائحة؛ لأنها كُتبت في مجموعة وش كتابية مفتوحة وإدراج رابطها كان ممكن يؤدي ليها.
