حبا وحقا وجمال ... للجميع

[أبوبكر عباس]

المشاركة الأصلية كتبت بواسطة الزوول

أحزنني الحماس الذي نزل على احدى الأخوات فجأة وهي تلح على ضرورة تفعيل الباسوورد لعدد من الأخوة وكأن أمرا جللا سيحدث لو تأخر عنهم الباسوورد لبضع ساعات
ثم لا اجد لهم ولو مداخلة واحدة. ولو على سبيل المجاملة

أفهم من دا، يا الزوول، انو بعض الناس إتفعلت حساباتهم من غير طلب شخصي منهم؟
إذا كانت الإجابة بنعم:
- هل الإجراء دا، صحيح منك؟
- هل لنا أن نعرف من هي هذه الأخت؟

[كيشو]

المشاركة الأصلية كتبت بواسطة أمين محمد سليمان

يا كيشو ياخي اعفي لي ... لكن البضرس بكة ده كايسنو كواسة !!
يا شيخ الجيلي، مد البتاعت دي قدر ما الله يقدرك ....مد و عين الله ترعاك !!

يا زول عافي ليك
وعليّ وعلى بابكر
مد يا الجيلي وضرِّس
لكن والله بتوجعني شديييد

[همس الشوق]

والله يا جماعة الشي البحصل دا شئ محزن ومقرف جداً
وللأسف اطاح بالتجربة الرشيدة لسودانيات والمتفرده
بجد الموضوع اصبح يصيب بالغثيان

انا بوصفي عضوة نشطة
بتمنى إعادة الإنتخابات بعد تحديث وتغيير بعض الثغرات في اللائحة
الخلت الدفارات تقيف امام باب الإنتخاب وترجع الناس لمكان نومهم

الخلت سودانيات أصبحت بين كفي شله معينة لعبت لعبتها
ثم أنه الخج دا ما لازم يكون في صندوق الإقتراع
اساليبه كتيره ومتعدده

وبجد يا أمال إنتي مو إنتي في فترة الإنتخابات
طيب يا أمال سؤال
زي ما فتحتي بوست لأسامة
ليه ما فتحتي بوستيك الفي وش الكتاب دا هنا
أقله كان ممكن نقتنع بوجهة نظرك الخلتك تقولي( البحبني يصوت لمهند وخال فاطمة)

[طارق صديق كانديك]

صباح الخير على الجميع

رؤيتي الشخصية حول كل ما أثير أجملها في الآتي:

بداية أثمن الحوار حول فكرة الانتخابات وليس حول أحداث بعينها، اذ بذلك فقط نستطيع أن نخرج بشئ يسهم في تمتين هذه التجربة، والأخذ بيدها الى مصاف أفضل مماهي عليه الآن، أما مناقشة أحداث بعينها فحتما سيقود الناس الى خنادق يستعصم فيها انصارها ويتغلب فيها الذاتي على الموضوعي.

ثم اني اتفق مع الرؤية التي تقول بحراسة صوتك الذي منحته، دون أن نستبق الأحداث لنقول أن الذين جاءوا وأدلوا باصواتهم غادرونا ولن يرجعوا، وبالتالي نصوّر الأمر وكأنه حدث بالفعل، وهو مالا يمكن القول به إلا بمرور الأيام القادمات.

إن فلسفة الانتخابات تقول بالتحشيد والدعاية لمرشح محدد والعمل على فوزه بالطرق المشروعة (لائحياً على علاتها) وهو أمر لا يدعو الى الحزن إلا حين يتعلق بخيبة الظن، الظن الذي يجعل أحدهم يعتقد أن له ذات المكان (من حيث التقديرسواءً شخصي كان أو موضوعي يرتبط بقدرته على الفعل والعطاء للموقع) في نفس الآخر الذي يختار غيره، هذا على عموم الأمر كما أعتقد.

فيما يتعلق بإيراد البوست الذي كتبته الاخت امال في الفيس بوك، لا أجد فيه ما يدعو الى كل هذا الحزن وتُقرأ(الاحباط)، إذ من الطبيعي أن يفاضل المرء بين المرشحين وليس هناك خروجا عن أي قانون في اختيار أمال للأخوين مهند وخال فاطنة والدعوة لهما.

حول ما يتعلق (بسلطة الروب)فيا أمال العوض لم يتهمك بها، بل الصحيح أن الأمر كما قال البروف، وللعوض أقول أن حديث أمال حول سلطة الروب بدأ لي أنه لم يتعدى فكرة المزاح، إذ القروب نفسه يتواجد فيه معظم الاعضاء وعضويته ليست سرية على أعضائه، بمعنى أن امال تعلم أن دكتور العوض وغيره من الأعضاء يقرأون ما تكتب.

على الرغم من عدم مصادمة كل ذلك لأي قانون يحكم هذه العملية، إلا أنني أجد في حشد المعارف لا لشئ سوى ليقدموا المرشح الفلاني على الآخرين، دون أن يعلموا بذل مرشحهم في هذا المكان، أمراً يتقاطع مع روح وفكرة الانتداء بشكل عام ومع الشعار الذي يرفعه هذا المنبرعاليا للتواصل والمحبة. وتظل الحاجة الى وضع لائحة تتعلق بممارسة الانتخابات للمجلس والأمانة أمر ضروري.

أمر آخر يتعلق بطرح الأخ الزوول وهو نائب الأمين العام وددت لو أنه قام بتداول ما يريد قوله مع طاقم الادارة قبل أن يكتبه في المنبر، إذ ظلت هذه هي سنة العمل الاداري في هذا الموقع، بحيث تستصحب الفكرة أكثر من رؤية ويتم التداول فيها عسى ولعل أن يكون نصف رأيك عند أخيك، فيكفي به الله المؤمنين بالديمقراطية وغيرهم شر القتال.

[أزهري سيف الدين]

سلام للجميع

جئت لأسجّل إحباطي من الممارسة الديمقراطية هنا

المشاركة الأصلية كتبت بواسطة طارق صديق كانديك

على الرغم من عدم مصادمة كل ذلك لأي قانون يحكم هذه العملية، إلا أنني أجد في حشد المعارف لا لشئ سوى ليقدموا المرشح الفلاني على الآخرين، دون أن يعلموا بذل مرشحهم في هذا المكان، أمراً يتقاطع مع روح وفكرة الانتداء بشكل عام ومع الشعار الذي يرفعه هذا المنبرعاليا للتواصل والمحبة. وتظل الحاجة الى وضع لائحة تتعلق بممارسة الانتخابات للمجلس والأمانة أمر ضروري.

الحبيب طارق، مشتاقين
الشعور بالإحباط طبيعي جداً لما تفضّلت بذكره في الإقتباس أعلاه.

المشاركة الأصلية كتبت بواسطة طارق صديق كانديك

أمر آخر يتعلق بطرح الأخ الزوول وهو نائب الأمين العام وددت لو أنه قام بتداول ما يريد قوله مع طاقم الادارة قبل أن يكتبه في المنبر، إذ ظلت هذه هي سنة العمل الاداري في هذا الموقع، بحيث تستصحب الفكرة أكثر من رؤية ويتم التداول فيها عسى ولعل أن يكون نصف رأيك عند أخيك، فيكفي به الله المؤمنين بالديمقراطية وغيرهم شر القتال.

أعتقد من حق الأخ الزوول إبداء رأيه (كعضو) كما وضّح ذلك في مشاركته الأولى

المشاركة الأصلية كتبت بواسطة الزوول

...
سلامات للجميع
أتمنى أن يُقرأ ما سأكتبه في هذا الخيط بمعزل عن الصفة التي لازمتني في الفترة السابقة كأحد المرشحين في انتخابات الأمانة العامة وربما المتأثر المباشر - حسب اعتقاد كثير من الناس - بما حدث وكان مثار الكثير من النقاشات في عدد من البوستات المباشرة وغير المباشرة.
فما سأحاول التركيز عليه هو رؤية شخصية للعضو (الزوول) للإنتخابات التي جرت ، وإفادة سأسردها بمنتهى الشفافية عسى ولعل أن تسهم ولو بقدر يسير في إرساء التجربة الديمقراطية التي نفخر بها في سودانيات.
......

[طارق صديق كانديك]

المشاركة الأصلية كتبت بواسطة أزهري سيف الدين

[COLOR="purple"]

أعتقد من حق الأخ الزوول إبداء رأيه (كعضو) كما وضّح ذلك في مشاركته الأولى

وعليكم السلام والمحبة يا أزهري

لم أغمط أخونا العوض حقه كعضو ولكني قلت (وددت) لو أنه تداول رؤيته هذه قبل كتابتها. وهو أمر (جوازي) تمنيت أن يفعله ليس إلا، وربما بالمداولة تبيّن له غير ما ذهب اليه. ويظل حق الجميع محفوظا كأعضاء غض النظر عن صفاتهم الادارية.

شكرا للتصحيح المستحق.

[AMAL]

المشاركة الأصلية كتبت بواسطة بابكر عباس

سلام يا الزوول الحزين
صحي الموضوع بالنسبة لمجموعة مننا محبط وحزين (أنا منهم)، لكن كمان كما قال البروف ما عندنا شئ نحتكم ليهو غير اللوائح، واللوائح تُبرئ ساحة (الزميلة) آمال وما عندنا عليها أي شئ قانوني بدينها.
عبارة آمال البين هلالين يا زوول واضح فيها المزاح وربطك لإمكانية إستخدام المشرف الفني مستقبلا للمفاتيح لتغيير الإنتخابات مع هزار آمال، بعيد جدا..

.

سلام يابابكر
وانا كذلك محبطة وحزينة لاني من حيث لا ادري آذيت شخص
ليس بيني وبينه هنا الا الخير
وما كان مفروض اصلا غير انها عادة السودانيين
الشخصنة وعدم الفصل بين العام والشخصي
والا كيف قرأ طلبي للتصويت في الفيس لمهند وخالد فاطمة
بانه ضده شخصيا وجلب له الحزن والاحباط
مع انو قرايتي ليه مختلفة جدا وبمنتهي الموضوعية
كنت اري خللا ما في ترشيح المشرف الفني لمنصب الامين العام
من عدة نواحي واحدة منها ال 1800 عضو ديل مافيهم زول يبقي امين عام الا المشرف الفني واصلا الجمع بين المناصب هو البخلي,, الجماعة متجدعين,, وبما انو دا حق اصيل لممثل المالك مارست حقي في اعمل دعاية لمهند وخال فاطمة ليتبؤ احداهما المنصب ويكتفي الزوول بمنصب المشرف الفني وكلنا عارفين اهمية المنصبين ديل بل هم اهم منصبين في الهرم الاداري لسودانيات وحقيقي ما كنت ناوية اناقش النقطة ولا اتطرق ليه لانها زي ماقلت حق اصيل لعكود
طيب عدم المبدئية شنو في اني اعمل دعاية لمرشحين ان شايفاهم مؤهلين وبستاهلو!!!

كنت قد سألتك يا آمال، إن كنتي طلبتي أثناء حشدك للناس للتصويت بأن يصوت الناس لX من المرشحين دون غيره؟ وكبيتي الزوغة، لكن شياختي جابتك لي تاني لنفس المربع؛ عشان أشوت ليك السؤال البعدو:
هل تبنيك حملة إنتخابية لأحد المرشحين سببو العمل العام ولّ عندك أجندة حزبية عايزة تحققيها عبر إحدى منظمات المجتمع المدني (المنتدى)؟
لانو لو ناس الأحزاب ديل دايرين يسيطروا على منظمات المجتمع المدني؛ حقوا يفضوا لينا الأحزاب نحن بنمسكها.

وكالعادة يابابكر بتمرر ليك كم حاجة في مداخلتك وتقنطر كم قون هو دا ياهو الحشد
بالله ونسة الفيسبوك وهظار القروبات !!! معقولة بالله
شابكننا حشد ودفارات ورقشات ياهن الكلمتين ديل
النصهن هظار ومكاواة ولايكني وانا بلايكك !!!
وتاني جبتو سيرة البحر
اجندة حزبية شنو وحزب منو دا المهتم
بحشد العضوية لانتخابات سودانيات
وياباكر متين شوفتني اتكلمت باسم حزب هنا
ولا قلت الحزب الفلاني فوضني الم عضوية
عليك الله ارحموني من قصة الحزب دي
بعدين وريني ياتو حزب البلمني انا ومهند وخال فاطمة vsالزوول
الكلام دا ما بستقيم ولا بجي
ولا انا بحصد اي مجد حزبي او شخصي من حشدي للعضوية
لفوز فلان او علان

شايف انو الرسالة التي أوردها الزوول هنا لا تندرج ضمن الرسائل الخاصة الممنوع نشرها هنا بنص اللائحة؛ لأنها كُتبت في مجموعة وش كتابية مفتوحة وإدراج رابطها كان ممكن يؤدي ليها.

وماعندي اي مشكلة حتي لو جابا من صندوق البريد المعلق قدام بيتنا
بس الناس القادننا بالكلام عن الاخلاق
الفيسبوك دا مش مفروض يكون حديقتنا الخلفية وحوشنا الوراني
وقاعدين فيه بهدوم البيت وبنهظر علي راحتنا
كويس انو تتكبشر الونسة دي وتتعرض في منتدي عام
طيب ليه صفحتك مابطلع عليها الا الناس البتضيفهم انت
والقروب بكون بالاضافة برضو
ودي كدا بقت سابقة بالمناسبة
واي زول تاني ياخد بالو من كتاب وشو
لانو ممكن يتكبشر ويتجاب هنا عادي
بعد حركة الزول دي عندي ونسة في قروب,, نسوان السودان السمحات المجيهات ,,ماشة اضايرا قبال مازول يجيبا هنا

[AMAL]

المشاركة الأصلية كتبت بواسطة أمين محمد سليمان

والله يا ستهم الكلام الغريب حقك انتي دي !!
هسي دكتور عوض اتهمك وين ؟
الراجل بتكلم عن وجود ثغرة فنية بتسمح للزول العندو access إنو يخج البتاعة دي ... يعني لو في إتهام ...هو إتهم روحو (و مافي إتهام من أساسو ) ما عارفك ليه وديتي الكلام لروحك و هو فصل بين كلامو ليك و بين ملاحظتو للثغرة دي ...
من ناحية تانية العملتيهو ده ما مخالف لاي قانون أو لائحة، لكن في ناس بشوفو قصة تحشدي ناس ما قاعدين يجو هنا و بالتالي ما عايشين المسالة ولا بقدرو يحاسبو الزول البرشحو ده (كلام مبر القبيل ) مسالة ما سليمة و بتطعن الديمقراطية حبيبتنا في مقتل و دي قصة debatable و كل زول و وجهة نظرو .... عشان كده قلنا المرجعية في الأحتكام للقصة دي تكون اللائحة، الشايف إنو المسالة ما سليمة مفروض يعمل علي تغيير اللائحة البتنظم الشغلانة دي ...

يابروف الخلعة والهجيمة
ياخ انا لما مديت راسي ولقيت بروفايلي ومربعي الاسود المابغباني
طششتا عديل كدي وريني الونسة والقطيعة القطعتها مع اولاد وبنات قروبي دي مشكلتا شنو
وبعتذر لدكتور عوض عن فهمي الغلط للجزئية دي
بعدين الناس ماتمرر الحاجات وتثبت الدعايات المضادة دي
لو رجعت لاصل الكلام حتلاقي انو عادل عسوم هو البدا قصة فئام ونيام دي وهسي ماشة معاه تمام عشان يبرر بيها تذيلو للقائمة وانو مجرد صحبتو بتخلي الزول يسقط في نظر الناس ومايدوه صوتهم دا كلام سارة ما كلامي
وانا متفقة معاك تماما انو اللائحة هي الاساس والمرجعية والكلام التاني كلو ببقي اراء وشمارات وتبرير هزيمة للبعض
ودا الجاب لي الهوا والتهم المجانية والدليل ألولو شمارات فيسبوك تبقي حشد وعضوية نايمة وضرب الديمقراطية في مقتل

[أسامة معاوية الطيب]

المشاركة الأصلية كتبت بواسطة AMAL

يابروف الخلعة والهجيمة
ياخ انا لما مديت راسي ولقيت بروفايلي ومربعي الاسود المابغباني
طششتا عديل كدي وريني الونسة والقطيعة القطعتها مع اولاد وبنات قروبي دي مشكلتا شنو
وبعتذر لدكتور عوض عن فهمي الغلط للجزئية دي
بعدين الناس ماتمرر الحاجات وتثبت الدعايات المضادة دي
لو رجعت لاصل الكلام حتلاقي انو عادل عسوم هو البدا قصة فئام ونيام دي وهسي ماشة معاه تمام عشان يبرر بيها تذيلو للقائمة وانو مجرد صحبتو بتخلي الزول يسقط في نظر الناس ومايدوه صوتهم دا كلام سارة ما كلامي
وانا متفقة معاك تماما انو اللائحة هي الاساس والمرجعية والكلام التاني كلو ببقي اراء وشمارات وتبرير هزيمة للبعض
ودا الجاب لي الهوا والتهم المجانية والدليل ألولو شمارات فيسبوك تبقي حشد وعضوية نايمة وضرب الديمقراطية في مقتل

آمال ازيك
اسي دايرة تجيري كل الحاصل لمداخلة الزول بتاعة أمبارح دي ؟؟
ياخي احترمينا شوية كمان!!!
عموما انا بالنسبة لي البوست استنفد اغراضو
والأخلاق المتعبة دي خليناها اشتغلو لينا على لائحة تجنبنا ( فقه الضرورة) دا

[AMAL]

المشاركة الأصلية كتبت بواسطة الزوول

سلامات يا آمال
يبدو انني لم استطع توصيل فكرتي بشكل واضح
اولا أنا لم اتهمك بشيء
ما قلته انني حزنت وأصابتني خيبة أمل عميقة فيك بشكل شخصي وفي الاخوان الشيوعيين الذين تدافعوا من كل حدب وصوب لأجل ما يظنونه نصرة (زولم)
سبب هذا الحزن هو اضطراري للهبوط بمعدل تصنيف الشفافية والثبات على المبادئ لديك ولديهم
وفي هذا الزمن السيئ يا آمال أحزن كثيراً عندما اسمع بسقوط أحد الشرفاء
فما بالك بمجموعة أعزها وأعتز بها
أحزنني قولك (هناك)
عندما عاتبتك احدى الأخوات ان ما تطرحينه كلام عاطفي
فكان ردك عليها : عاطفي عاطفي ... بس المهم يفوزوا
أحزنني قولك (هناك)
عندما حذرتك إحداهن : بس اوع تخجيها
فكان جوابك : كدي وروني درب الخج ده بى وين ... كان ما خليتها ليكم سلطة روب
أحزنني البوست اليتيم الذي افترعه مولانا طارق أبوعبيدة (الرجل الذي احبه وأقدره كثيراً) ليداري به سؤة عودته المتلصلصة الخجولة والذي لم يستطع أن يزيد فيه على مداخلتين في بكائية على المرحوم خالد الحاج ووعود باستمرارية هو اول من يعلم بصدقها من كذبها
أحزنني الحماس الذي نزل على احدى الأخوات فجأة وهي تلح على ضرورة تفعيل الباسوورد لعدد من الأخوة وكأن أمرا جللا سيحدث لو تأخر عنهم الباسوورد لبضع ساعات
ثم لا اجد لهم ولو مداخلة واحدة. ولو على سبيل المجاملة
إن كان كل هذا لا يحزنك ولا ترين فيه بأسا فأنت وما تحبين
وهنيئا لك البامية *

......
*  عماً لينا ... كان مغرم بالبامية 
في العيزومات .... الناس يكابسو في محل اللحم وين
عمنا يكابس في البامية وهو شفقان الجماعة يحصلوه 

سلام دكتور عوض
ولك مني تقدير ومعزة تعلمها ولا تعلمها
التقينا في هذا المكان ولم يكن بيننا الا الاحترام
وسيظل قطعا مهما حدث
اتمني ان تخاطبني بشخصي السمين
فانا هنا قطعا لا امثل الا نفسي
واذا كان هناك كيان او حزب او غيره فليس هذا مكانه
وتداعي الشيوعيين او غيرهم لست مسئولة عنه باي حال
ولا احاسب عليه
ولو القصة كلامات وسمع يادكتور
انا ممكن اقول ليك هناك من يتحدث عن تداعي لاسباب قبلية ومناطقية
وهناك من يقول فلان طالع مداعي لناس .... ليصوتوا لفلان/ ة
وهناك من يتحدث عن جلب العضوية من موقع تؤام لسودانيات
للتصويت لعلان/ ة
هو البقولو الناس شوية !!!
فهل سنجعل من سودانيات وانتخاباتها منصة للقوالات والشمارات
وفلان عمل وفلان جاب!!!
بعدين سقوط دي مش كتيرة شوية يادكتور
الله لا جاب السقوط ياخ
هو السقوط دا مش عندو تمن ومقابل
اها سقوطي/ ناعندك هنا تمنو شنو
ومقابلو كم
وانت تعلم الببذلو من جهد ووقت هنا بالنسبة لي ماعندو تمن
فقل لي بربك البخلي الناس تسقط هنا شنو وفوق ام كم
اما بالنسبة (لهناك) ياريتك لو ناقشتني فيها هناك
لانو (هناك) ما هنا
وهناك ظروفا مختلفة وطبيعتا مختلفة
فما بجوز نلخبت الكيمان اصلا ونجيب هناك هنا
مايخص طارق ابو عبيدة يخصة وما مسئولة عنو
ولو سألتو امال الشيخ دي منو حيقول ليك ما سمعت بيها
ولو رجعت للبوست الاشرتا ليه حتلقي كتبتا ليه شنو
بعدين شايفاك ركزتا انو المدو راسهم واختفوا هم الشيوعيين بس !!!
مش غريبة !!!
متأكد كدا بدون احصاء او عدد ولا القصة شبهات ساي
كذلك الاخت الطلبت الباسويردات
فياسيدي الكوار دا ما حلو ابدا
وكل عضو هنا مسئول من نفسو
وانا شايفة لو كل الحاجات دي اتخت في سياقا
ونظرت ليها بتجرد حتكتشف انو البامية جميلة جدا
وياها بتاعت امبارح زاتا
دمت ياسيدي بكل خير
ودام الاحترام

[ناصر يوسف]

المشاركة الأصلية كتبت بواسطة أسامة معاوية الطيب

آمال ازيك
اسي دايرة تجيري كل الحاصل لمداخلة الزول بتاعة أمبارح دي ؟؟
ياخي احترمينا شوية كمان!!!
عموما انا بالنسبة لي البوست استنفد اغراضو
والأخلاق المتعبة دي خليناها اشتغلو لينا على لائحة تجنبنا ( فقه الضرورة) دا

الشئ الأنا مندهش ليه ويمكن برضو ما مندهش ذاتو ياخ
إنو البوست ده قال قولو زمانئذٍ ياخ وإنتهي
شخصياً من قول البوست وقفت منو وما دخلت عليه تاني بتاتاً ،،،
أدخلَّكُم عليه هسي دي وأشوف المِحَن والإحن ،، ده من جانبي أنا ده بــــــــــس

[حافظ حسين]

المشاركة الأصلية كتبت بواسطة سارة

الاخت امال
انا قلت تكررت الدعايات وبيدى ما يسند كلامى
ولم احجر على احد ان يقوم بدعاية
لكن لما يتقال صوتوا لفلان وفلانة وسارة بالذات صحبة عادل عسوم
الافضل تبعدوها
دى ما اظنها دعاية شريفة ولا كريمة .

انا وعدت وسانفذ وعدى لا يهمنى ما يقال عنى ما يهمنى هنا سودانيات.

مع الاحترام من قبل ومن بعد
ربى يحفظ سودانيات
من السقوط ايا كان من ياتى .

[AMAL]

المشاركة الأصلية كتبت بواسطة أسامة معاوية الطيب

آمال ازيك
اسي دايرة تجيري كل الحاصل لمداخلة الزول بتاعة أمبارح دي ؟؟
ياخي احترمينا شوية كمان!!!
عموما انا بالنسبة لي البوست استنفد اغراضو
والأخلاق المتعبة دي خليناها اشتغلو لينا على لائحة تجنبنا ( فقه الضرورة) دا

في شنو يااسامة
واجير شنو واليس شنو
وعدم الاحترام الجابو شنو
دايرني كمان ما ارد وشايف الاتهامات بي كابشراتا
ومداخلة الزول الامبارح غالبك تقول رأيك فيها مش انت القلتا

شكرًا جداً يا دكتور
وفي انتظارك ... ودعما للتجربة المأمولة ... حباب الحوار والتفاكر والشوف النضيف
شكرًا مجددا لأنك هنا
تحياتي

يلا وريني الشوف النضيف وين يااسامة
ياهو من رقراق الفيسبوك دا ولا غيرو
وليه نفضت يدك من البوست
مش انت بتطالب الناس تقول رايا
جات عندي والبوست استنفذ غرضو!!!
والاخلاق ما متعبة بالمناسبة
متعبين انتو ديل الدايرين تكسروا رقبة الحقيقة
بس لانو النتيجة ماجات علي مزاجكم
وبالمناسبة انا البوست برضو استنفذ اغراضو من زمااان بالنسبة لي
ووجابني ليه بس مداخلة الزول الذكرني فيها بالاسم

وكت نفضت يدك
عافية ليك تب
والسلام ختام


تحية خاصة جدا
للعزيز طارق صديق
ولامين وبابكر
وفعلا كلمة الحق ما كل الناس بتقدر عليها

[مهند الخطيب]

* وأُريد حبا وحقا وجمال ...... والقوالات تملأ المكان !!!

* حباً وحقاً والقوم سلخوا انتخابات الامانة العامة وهي تجري على قدم وساق ولم ينتظروا مطلع الفجر !

* القوم يتحدثون عن الديمقراطية الأخلاقية والديمقراطية اللائحية ... جميل ، لماذا الدهشة والتنقل بين الاثنتين ؟
يتحدثون عن الديمقراطية الآلية اللائحية التي تعطي المصوت الحق في مراقبة صوته وحين لا يجدون فيها منهلا لتأخر (فئامهم) في السباق الانتخابي يحدثونا في انتقال سريع عن الديمقراطية الأخلاقية وأن الحشد ليس من الديمقراطية في شئ !!!

*القوم يصابون بالخذلان لا بل ويندمون على التصويت لعضو سودانيات المرشح الفائز لأن من صوت له وحشد له هم فلان وعلان !!

* الحشد وهو الفعل الانتخابي القائم على التعبئة يغدو فعلا لا أخلاقيا بين ليلة وضحاها فقط لأن القوم لا يرضيهم تقدم فلان أو علان !!

* وصديقيّ أسامة معاوية وطيبان يريدانها دعوة للحب والحق والجمال ونشرا لقوائم من صوت !! وأحسب أن الخطوة التي تليها هي التحقيق مع كل عضو لم صوتّ ومن جاء بك فليس لباسويردك أو اللائحة أو الديمقراطية حق يكفيك أن تفعل !!

* أترى الخطوة التالية تكون تفتيش السرائر والنفوس بحثاً عن أوراق وضعت في صناديق الاقتراع؟!!

* والقوم يطالبون باعادة الانتخابات!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* والمنتدى أضحى مسرحاً للقوالات البديعة و في طريقه ليصبح معرضاً تشكيليا للرسائل الفيسبوكية والتلفونية والخاصة وجوابات البريد ... وربما نحتاج قريبا لجمع الطوابع !!

* والدهشة حاضرة أيضاً ... عادل عسوم يخبرنا مستخفاً بما تبقى فينا من عقول أن عضوا بالمنتدى لابل عضوين اثنين أرسلا له يحثانه على التصويت للمرشح مهند الخطيب ويشفع خبره باليمين والقسم !!!

* والدهشة تترى بخبر العزيزة سارة الذي يحدثنا عمّن قرن بينها وبين عسوم فأقصاها وهي التي مازالت في السباق الانتخابي وتعدت الخمسين صوتاً فهل غاب العقل؟؟ والمذكور لم يصل من الأصوات عشرينها؟؟؟ ان كانت صديقته لكانت حملته معها ولكان له صوت في جراب كل من صوت لها ... أو أن الناس فقدو العقل!!!
ومرجعها رسالة أو مقولة ممن يخشى الضوء ويرغب في اخفاء اسمه ويطلب القسم حامياً لهذا الاخفاء... ومن يخشى الضوء لا يخشاه أحد...


* والقوم الذين أبدوا (قرفهم) من الحشد الآن يحشدون !!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ونستوي سواء على ديمقراطية احتشادية حال التنافس ويضرب القوم المعترضون على حشد انتخابات الأمانة العامة عرض الحائط بكلماتهم عن "أخلاقية" الديمقراطية ويحشدون ....

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* وخذلان الأعضاء في بعضهم يصبح تيمة تزجى كل حين ، ويؤتى بغرس زميلة لنا هنا فعلت في الحشد في انتخابات الأمانة العامة علنا لتجلد ضحىً ويغض القوم الطرف عن تصاعد عداد انتخابات المجلس بصورة جنونية (تفرحني) والمصوتون يربون عن المائة وسبعين !!

* والحزن يغطي الموقع ، وقوم يدعون أن كان الله في عون سودانيات ، فالديمقراطية التي تأتي بمن لا أريد تغدو هدّامة وتضر الموقع !!!

* ومهند الخطيب يضيف الى سيرته الذاتية نجمات ونجمات بعد أن أصبح أميناً عاماً لسودانيات!!!

*والقوم يتحدثون عن الحب والحق والجمال !!!

* وتتفق بعض العضوية على أن اللائحة (القاصرة) لم تخترق وفي نفس السطر يحدثوننا عن (الخج)!!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ويستغرب القوم رضى المرشح الفائز عن نتيجة الانتخابات العامة فرضاه (لا أخلاقي) لديهم .. عليه أن يخالف (أخلاقه) الخاصة ويضرب بعرض الحائط أصوات كل من صوتوا وممثل المالك الذي رشحه ليرضي أخلاقهم!!

* واللائحة لا مكان لها أمام الأخلاق التي نعرف أنها نسبية تختلف باختلاف المكان والمرء والزمان !!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ويُذبح الحاشدون في ساحات المنبر وبعد أيام خمس يحشد ( الضباح) حشده!!

* " والما عنده لسان فقري وفلسان"

* والديمقراطية ، العملية المحترمة ، يتم انتقادها على رؤوس الأشهاد وماكنتها تدور والتصويت لم يغلق بعد بأغنيات شذى الخور وسامية باروكة !!

* وكل من له غرض أو غبينة مع عضو اتجه لتصفيتها واختيار فريق آخر ، (وكلو بالأخلاق) !!


*والحديث يترى عن احترام العملية الديمقراطية ومدى احباط القوم من (خجّها) !!

* وذيل القائمة يضحك في جذل رغم قلة الأصوات واستفتاء شعبيته التي أتى بالنسبة له فائقا للمتوقع ...

* وبعض العضوية يقررون خلق تمييز وتصنيف جديد للعضوية اتباعا لضلالة مضل ، فتغدو العضوية اما فئاماً واما خلايا نائمة واما نشطين ، والأخيرون هم من لهم القرار لأن لهم الباسويرد (الأرجل)...

* ويتبع هذا التقسيم بامكانيات وحدود أي عضو مصنف ، فالفئام عليهم بعدم نشر أفكارهم ، والخلايا النايمة عليها ألا تشارك في أي عملية انتخابية مالم (يكسروا رقبتم ويشاركو) والنشطون هم يد الله في الأرض يفعلون مايريدون ، يصنفون ويرشحون وينتخبون وفي بعض الحالات يفوزون جميعا فمرحى ....

* ومواصلة لمسلسل التمييز يحدثنا الزميل بابكر عباس ويهرف عن اقصاء كل حزبي ومسيس عن العمل العام في منظمات ومنتديات العمل المدني والاجتماعي والثقافي ، العالم يسعى لوحدة الحقوق والواجبات وتحطيم حوائط التمييز بين بني البشر والزميل العزيز يسعى لخلق تمييز جديد وأقصاء آخر !!!

* والحزبيون المنظمون يريدون حكم مملكة سودانيات العليا لينفذوا أجندة أحزابهم الطامحة للحكم !! فلقد جائوا الى سودانيات يعرضون على العضوية برامج أحزابهم ويبشرون بها حاملين بطاقات عضويتهم و أوامر التفويض من سكرتاريات أحزابهم المختلفة !!

* ومسلسل السخرية من العملية الديمقراطية المحترمة ان وافقت النشطين ، الغير محترمة ان خالفت يتواصل ، وسامية باروكة تغني وتلعلع ملئ حلقها ، وفي نفس الصيوان اقتراحات بتسمية دورتها " ذات المسج" رغم اني أرى تسمية "دورة التنور" أو " الدورة الشهرية" أقرب وربما أجمل ....!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* وبعض العقلاء ارتضوا التراجع للخطوط الخلفية...

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"


* ولاتنه عن خلق .......
فمهند الخطيب (الشيوعي) يعترف بوجود حشد ولكنه ليس مخالفا للائحة والا كان تحمل مسئولية (وخش في دور بطولة وشفافية) فهل يستطيع أن يفعلها رافضو التحشيد أمس العاملين به اليوم حال انتهاء انتخابات المجلس؟؟

* واللايحة (التلجة السايحة) اضحت الآن شرا خالصا والقوم ينشدون (مخارجة) في غيرها ....

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

[أسامة معاوية الطيب]

المشاركة الأصلية كتبت بواسطة AMAL

في شنو يااسامة
واجير شنو واليس شنو
وعدم الاحترام الجابو شنو
دايرني كمان ما ارد وشايف الاتهامات بي كابشراتا
ومداخلة الزول الامبارح غالبك تقول رأيك فيها مش انت القلتا


يلا وريني الشوف النضيف وين يااسامة
ياهو من رقراق الفيسبوك دا ولا غيرو
وليه نفضت يدك من البوست
مش انت بتطالب الناس تقول رايا
جات عندي والبوست استنفذ غرضو!!!
والاخلاق ما متعبة بالمناسبة
متعبين انتو ديل الدايرين تكسروا رقبة الحقيقة
بس لانو النتيجة ماجات علي مزاجكم
وبالمناسبة انا البوست برضو استنفذ اغراضو من زمااان بالنسبة لي
ووجابني ليه بس مداخلة الزول الذكرني فيها بالاسم

وكت نفضت يدك
عافية ليك تب
والسلام ختام


تحية خاصة جدا
للعزيز طارق صديق
ولامين وبابكر
وفعلا كلمة الحق ما كل الناس بتقدر عليها

آمال سلام
نحن منو ديل ال النتيجة ماجات على مزاجنا؟ دا طبعا انا بعتبرو شغل ما نضيف لأنو لو قاصدة الأمانة العامة رأيي قتو ومثبت ولو النتيجة الحالية ظهرت عندك كلمينا ... دا كلام ما جيد عشان ما أقول لئيم
وما انا البزوغ من نقاش ... واعتقد انك عارفة
عندك جديد نتناقش للانتخابات الجاية
ما تشتغلي معاي بالأسلوب دا أرجوك
كونك تجي تعتبري انو خلاصة البوست دا هو ما قالو الزول دي محاولة لكسب نقاط ... ما بيشبهك
وأنا قاعد ... مع انو البوست استنفد اغراضو ... واعتقد انو الصورة وضحت
نفيتي باسم الجمع الحاصل جملة وتفصيلا في بداية البوست واسي بديتي تقولي دا شوفو القالو ودا شوفو العملو ؟