اقتباس:
المشاركة الأصلية كتبت بواسطة دياب الشاهر
ي
يامعتصم الطرح لقيتو في بعض المواضيع جميل وللأسف ولا مداخلة
|
بالنسبة لمنو؟!
سلام يا دياب،،
في رأيي الشللية ممكن تكون في بوستات الونسة والمزاح، ودي حاجة طبيعية لو اعتمدنا علي معايير الإلفة المكتسبة بمرور الوقت، لكن في مواضيع بتجبر الآخر علي التداخل وإبداء رأيه، طبعاً دا بالإضافة لأسلوب طرح الموضوع، وأقرب مثال في بالي هسع، بوست "أغاني البنات، هبوط المفردة يوازي هبوط القيم" للزميلة الجديدة أنجيلا، أوّل ليها بوست، وما بتنتمي لأيِّ شلة، وما أظن بتعرف زول أو بعرفها زول، لكن الموضوع قدر يجذب الناس للتداخل.
ثمّ:
بتخيّل لي الفكرة مربوطة بأشياء عديدة، من ضمنها المزاج، الذائقة الشخصية (خاصة لو كان موضوع أدبي زي القصة والشعر والخواطر الخاصة)، واستحسان الموضوع المطروح وقوّة الطرح، دون إغفال للموود العام للمنتدي.
الشللية كفكرة، حاجة طبيعية، وموجودة في كل مكان، وكل التحالفات (سياسية، إقتصادية، إجتماعية ورياضية) في العالم هي شُلل لسبب من الاسباب، والشللية الاسفيرية ليست بمنأي عن كل ذلك، ولكن ابداً ما بتعني الانغلاق.
تحياتي
