اغاني .. واغاني

[قيقراوي]

يا ايات انا مطمني الضرس دا والله











----

طه ينقذ ما يمكن انقاذه

الله ياخي!!

[خالد غالي]

السر قدور متواطيء مع طه الضرس

بيديهو الاغاني السمحة وبيديهو وقت اطول من الباقين !!!


البت السمحة دييك ليشنو مابخلوها تغني ؟

[قيقراوي]

المشاركة الأصلية كتبت بواسطة خالد غالي

السر قدور متواطيء مع طه الضرس

بيديهو الاغاني السمحة وبيديهو وقت اطول من الباقين !!!


البت السمحة دييك ليشنو مابخلوها تغني ؟

خالد يا حاقد

طه الضرس بجمل اي غنية .. بي حقو











------

بالنسبة لسؤالك الفلسفي (العميغ)

M M

ما يعادل ام م م م م؟

جايبنها مزهرية

انا ذاتي سألت نفسي نففففس السؤال!!

اسمها (منى مجدي)

[عبدالمنعم الطيب حسن]

حضرت حلقة اليوم اول مرة باكرا...
كنت احضر في الاعادة ....
غايتو معتز صباحي دا بذكرني العتالة اخر الدوام،
مرة يخمش الغنوة من اليمين تغلبو يويديها شمال،
ومرة ينط فيها دبل كلك، ومرة يغطس بيها، ومرة يقلع،
يقيف ما تزبط، يقعد برة الخط،
عرقان في جميع الاحوال، وخجلان،
حضورو ضعيف، وصوتو خفيف،
تصدقو وترني، الله لا تاجرو!

[عبدالله وداعه الامين]

سلام عشاق اغاني و اغاني و تحياتي


سمعت اداء طه سليمان لي هوج الرياح و لكن افتكر لو كان غناها احمد مامون كان
ح ياديها احسن من طه مع اعجابي بي صوت طه و اداءه لي اغاني العمالقة

احمد مامون و هوج الرياح من حلقة نجوم الغد


https://www.youtube.com/watch?v=94TIhpG5c5E

[عكــود]

سلام قيقا والجميع،

شي جميل تخصص الحلقات للجابري المظلوم جداً من الإعلام.
الجابري فنّان فلتة ولا يتكرّر، لكن لم يحتفي الإعلام بإبداعه كما يجب، بينما احتفى كثيراً بمن هم أقصر منه قامة.
كل من يحاول أداء أغنياته يكون ورّط نفسو؛ خاصة أغنية هوج الرياح الإجتهد فيها طه، ونال حق الإجتهاد فقط لا غير.
وأنا بسمع في طه، بتجيني مرة مرة نكهة الجابري، وقدر البيصلني ده، من الفرقة، ماهو من طه. كأنّك بتاكل لك في منقة تمّ استوائها بعد قطعها، بدفنها في الدقيق.
بتّفق مع أخونا عبدالله وداعة إنو أداء أحمد المامون للأغنية دي، في التسجيل النزّلو، أقل سوءاً من أداء طه، وما بلوم أي منهما.

دحين يا اخوانا، لا يكلّف الله نفساً إلا وسعها.

[لنا جعفر]

مساكم حليب ياحبايب
أنا بفتكر حلقة الليلة حلقة ضعيفة جداً واحسن السيئين هو طه
فهيمة صوت ضعيف بيستعيض عن ضعفو بحيل انثوية
واللهي صحي ...
طه صوت متمكن لكن في لونيات تناسب خامة صوتو..
الأغنية أداها بمناهدة واصلا الغنية عايزة طبيعة صوت مابتشابه لي صوتو
والمشكلة انا بعتقد بعد الخامة الصوتية والموهبة بتكون الأختيار
المثلث ده مختل عند طه في الأختيار
معتز صباحي...
انا الزول ده بحب صوتو لكن عندو مشاكل لاحظتها بي أدواتي البسيطة
والمباشرة والمجردة....
معتز اتعرض لحملات هجوم ونقد شديدة افقدتو الثقة بالمناسبة في نفسو
واداءوا وتقبل الناس ليهو فبقى مهزوز جدا ومابيلافي مساحات رحبة الا في المديح على راي الغالي خالد غالي
العاصر ظهور معتز بيكون لاحظ انه برز بي خامة صوتية قوية ...
لمن اشتغل في الأول بعض اغاني الحقيبة اداها بتمكن شديد جذب الإنتباه ليهو
بشدة لغاية ما سمي من بعض (المجدفين حمانا الله ) بقيصر الأغنية السودانية وده تجديف لانه انا بعتقد انه عاصر محمود ولايمكن يكون هو قيصر ومحمود على وجه البسيطة او تحت التراب !
يللا معتز لمن انتقل لي مرحلة البحث عن ذاتو وتفردو ظهرت شتارتو ...
اضافة لي حركة تانية ...معتز بيطلع قاصد من الزمن ودي طريقة فنية للمتمكنين
وعملا محمود لكن محمود كان بيقدر يسيطر عليها...معتز بتفلت منو وبيتشنج عشان يجيبا والتشنج جا بعدو خوف لانه الناس ماهضمت مروقو
مشكلتو سبق الزمن وعملا وكان يفترض تتعمل بعد يلاقي لونو ومكانو
والخجل بتاع معتز جاي من طبيعتو ومن النقد المركز اللي اتوجه ليهو
عشان كده بيناهد وبيقوم وبيقعد عشان يهرب منها وبتعكس حركاتو قلق بيسوق لتشنج
وبيغني بالتالي وهو مامرتاح وحاسي انه ما آمن
معتز برضو مابيعرف يختار الاغاني الما بتجهدو....
السر قدور ....فقدت الثقة فيهو كزول ناقد فني ومقدم جيد ومعد ممتاز
نافق معظم الموجودين ...بيأدوا كعب وهو بيغالط اضاناتنا بوقاحة يُحسد عليها
وصارت ديدن يعني المسألة دي ومابقدر احترما من زول بقامتو خالص
السر قدور بيشتغل شغل تجريبي في اغاني عِظام ودي محنتو ومطبو الوقع فيهو....أدوها العِظام بتمكن وكانت مؤهلاتهم اقوى من العقبات القدامهم فصارعوها وصاروا ارقام
الموجودين شباب باحث في معظمهم عن أمجاد وشهرة والشغلانة صارت اسهل
طبعاً ...وواسطات ومؤثرات وفلوس وووووو
ود المامون ممكن يكون هو وفاطمة عمر استثناء ومختلفين من الجيل ده وبيتعاملو ببعض المسئولية لغاية هسا ...بس من ظهورم وهم مسئولين
الشي المحير انه الجماهير ووسائل التواصل الأجتماعي تيرمومتر مناسب لقياس رضا الجماهير عن البرنامج اللي بقى لازمة من لوازم رمضان
والسر وطواقمه ومستشاريه صامين اضاناتم عن سماع شكاوى الناس ومصرين يقدمو اي كلام ويقبضو المعلوم ويخربو الارث حقنا
عيب رقم زي السر قدور يعمل كده ومحزن جدا يختم نهاية عمرو بي اكاذيب وحرام البرنامج الجماهيري ده يتحول لي كارثة ويفقد كل مخزونات الأحترام
----

*قيقا أشرف ونازك دهب اطلقوا ع البرنامج اسم أعاني وأعاني بقلب الغين عين
ومن قبيييييل بضحك في حرقة دم اشرف دهب
* سنوية قالت هي منتظرة برنامج اعاني واعاني من شان تعرف الليلة لون طرحة معتز.....
الشباب مساطيل ياخ

[لنا جعفر]

اسمعو معتز هنا......لمن ماكان بيطلع من زمنو كتير وما متوتر


https://www.youtube.com/watch?v=-GLD...e_gdata_player

[ياسر ابراهيم]

المشاركة الأصلية كتبت بواسطة عكــود

. كأنّك بتاكل لك في منقة تمّ استوائها بعد قطعها، بدفنها في الدقيق.

قايتو يا عمده قارنتا بين طعم المنقه المدفونه وغنا الناس ديل لقيت وصفك في مكانو
وصف يقطع حيل الكلام تب
ثم ان التحايا لي قيقراوي وضيوفه

[لنا جعفر]

تااااني مساء الخير يا حبايب
جيت اقول ملاحظتين واقفات لي في نص حلقي
ليه هم مصرين على زحمة الحضور في البرنامج ده؟؟؟
كميييييييييييية من الناس والكترة جات على حساب التجويد
بالجد حشد القصد منو دعاية للبرنامج وجذب للإعلانات
ومحاولة تشويش على المحتوى الفني للحلقات
وزي ماقال عصام عبد السلام
هذا الزحام الذي لا أحد فيه ....!
الملاحظة التانية طريفة وبتتعلق بي عوض إحمودي
الجميل ده مرة في جلسة فنية قال ...
إنه لو عجبو الفنان واداؤه وصوتو بيعيش حالة خرافية من الانسجام
لو ماعجبو الزول البيغني قال هو ومن صغرو عندو خاصية فريدة
وهي انه بيفصل المزيكا من الصوت
وبرضو بيعيش الإنسجام البتولدو المزيكا
كلامو ده اتذكرتو الليلة لمن لقيتو بيعزف وبيرقص وهو نشوان
بالجد مافي شي بيفرح شديد الا أداء الفرقة الماسية دي
وقدراتو هو في التواصل رغم العوارض بتاعت قدور....
وعجبي ياقول صاحب الرباعيات
هذا مع كامل محبتي للجميع

[طارق صديق كانديك]

https://www.youtube.com/watch?featur...&v=pys1s9F9ME0

[قيقراوي]

فهيمة صوت ضعيف بيستعيض عن ضعفو بحيل انثوية

خلونا نتكلم بالعربي:

الغنا اصلاً بدخل في مجال الانترتينمنت .. اتفقنا؟

غنا برا انوثة يسووا بيو شنو!؟
الما عندو المشهاد .. يضاير عدتو ويشوف مجالن تاني
الدار مي دارو!!
المجال دا ليو تقاليد براو


دا الكان بعيب اداء نسرين هندي تحديداً في سيد اللسم!
شفتوها بتقطع (يبتسم) بنواجز حداد كيف!؟
ياخي جملة تبدأ ب(محبوبي) ما ممكن تنتهي بابتسامة ليث سنونا مكرجة!!
شفتوا وين طلعتنا .. وحات ابتسامتك زي ما درج الاعراب، لا تظنن ان الليث يبتسمو، كان شفت انيابو بارزة!!

في الاصل هي ابتسامة ملؤها الغنج والدلال .. المافي شنو؟
ومال محبوب كيف!؟

محبوبي وكتين يبتسممممممممم

دلالُ .. ثم غنج .. ثم دلال .. فغنج

وفجأتن كدا خجلة .. حولة(.)
ولا حولااااااا!!

وهنا القطعة .. بي خجل

اصلو الجميل طابعو الخجل

هووووي يا ناس .. بي صحكم!؟
الجابري دا قمة عصية على الاقزام!!

[قيقراوي]

http://www.youtube.com/watch?v=wKm8X...ature=youtu.be

[آخـر المواني]

المشاركة الأصلية كتبت بواسطة طارق صديق كانديك

https://www.youtube.com/watch?featur...&v=pys1s9F9ME0

يا اخي رفقاً بنا .. الدنيا رمضان ..

القسوة الزائدة دي اتعلمتها من وين؟

الله يرحمهما .. ويرحمنا ..



















ــــــــــــــ
قيقا .. اعاني واعاني دي بتودرك زي ما ودرت كتير من روعة واصالة الفن السوداني بدواعي التوثيق ..

ــ
السر قدور .. صه ..

[قيقراوي]

المشاركة الأصلية كتبت بواسطة آخـر المواني

قيقا .. اعاني واعاني دي بتودرك زي ما ودرت كتير من روعة واصالة الفن السوداني بدواعي التوثيق ..

ــ
السر قدور .. صه ..

لا توثيق هناك .. نحنا ح نستهبل!؟














-----

القصة ترفيه @ ترفيه
ما تكبروا الموضوع ساي

عمك سواق اللوري دا ما زول توثيق!
علي بالحلال مرات مرات يقوم بينا بي نمرة خمسة عديل ..
ويلحق سرور .. كان ما انتبه الكورس هنا وثبتو .. بمرقنا بين طيات السحاب!!