الرشيد اسماعيل .....عريس

[فيصل سعد]

يمين دا خبر بمليون جنيه بالقديم
الف مبروك يا صاحب و بيت مال و عيال..
و بالرفاه و البنين..

[الجيلى أحمد]

طبعا خالد ووجدى بيكونو بلو شعرهم

------
قلتا لى ياوجدى، رفيق النضال باع القضية؟

[صديق عيدروس]

بارك الله لهما وبارك عليهما وجمع بينهما فى خير

[عبد المنعم حضيري]

المشاركة الأصلية كتبت بواسطة طارق صديق كانديك

انا ما عجوز يا مولانا

[عكــود]

يا سلام وتاني يا سلام!

ألف مبروك يا رشيد وربنا يتمم على خير والسعادة فالكم إن شاء الله.
--

حضيري، الموضوع ده أرخيهو شوية

[حسين أحمد حسين]

ألف مبروك اٍستاذنا الرشيد إسماعيل،
وجمع الله بينكما على الحبِّ والدِّعة والعيشِ الرَّغد والنسل الصالح.

[عادل عسوم]

مبروك ياالرشيد
أسأل الله أن يذلل ليك كل عسير ياابني ويتمم ليكم علي خير وبسعدكم دنيا واخرة يااااارب

[يحي عثمان عيسي]

المشاركة الأصلية كتبت بواسطة أسعد

يا عمنا ياخ أنا الزواج دا بقى لي زي الرسالة
عشان كدة عاوز اتزوج لمن أبلغ الأربعين
أي نعم الأربعين ما فضلنا لينا منها شيء كتير
لكن شروط نبوءة الزواج لازم أربعين ياخ

أولا ألف مبروك حبيبنا الرشيد وربنا يوفقك

تعرف يا أسعد حبيبا لينا خلاص لمن زهج مننا في موضوع العرس ومتين حتعرس قال لينا خلاص 2015 انا برمجت انو حاعرس الكلام ده كان 2005
المهم لما جات 2015 وعايزين نعرف المواعيد بالتحديد سألناه أها متين
قالينا أنا يا دوب بديت أحب

[Hassan Farah]

ألف مبروك يا الرشيد وربنا يتمم على خير

[خالد غالي]

المشاركة الأصلية كتبت بواسطة أسعد

يا معلم انت نسيت (من يضحك أخيرا، يضحك كثيرا)
أنا اصلا قنعان، وكمان منتظرك انت تتورط...
حتين بعد داك اجي انا اضحك عليكم كلكم ضحك من لا يخشى تعاسته





الشيء المحزن في خبر الرشيد دا أني ح اضطر ابقى صاحبك

لو صاحبتني مكسب ليك طبعا

صاحبك ده ايامو الهنا انا بذلت مجهود خرافي عشان اقنعو مايتهور
اتخيل فلسفتو شنو؟ قال داير يجرب!!
قلت ليهو تجرب في روحك؟! ياهم ديل الناس الجربو قاعدين يشكو ويبكو الليل والنهار
قال لي اي زول زاوية شوفو مختلفة!!
قلت ليهو سمح، انت فلسفتك دي كان ماجابت اجلك اصلو مابترتاح!، طيب اها لو بعدين زاوية شوفك طلعت زي زاوية شوف الباقين تسوي شنو؟
سكت ودنقر راسو، عاينت في عيونو لقين نظرة زول خلاص بقى مامالك زمام امرو!
فقمت طبطبت علي كتفو وطلبت ليهو من الله الرحمة


المهم
انت ذاتك اسي شايفك قايم ليك في فلقصة وفلسفة كده ماعاجباني، دحين النكلمك من بدري بدري
اتفلقص زي ماداير لكن ابعد من العرس
اهو كلمتك عشان بعدين ماتقول كنت ماعارف

[رأفت ميلاد]

المشاركة الأصلية كتبت بواسطة الجيلى أحمد

مبروك يارشيد،
ألف مبروك وربنا يتمم لكما على ألف خير..
تسعدو وتتهنو يارب

غايتو عندى شعور لخبتة فى الحسابات وكدة

[الجيلى أحمد]

المشاركة الأصلية كتبت بواسطة رأفت ميلاد

غايتو عندى شعور لخبتة فى الحسابات وكدة

لا والله ياجلكنة،
لكن العشرة الطويلة بتخلى الناس تهد فى بعض
ماشايفنى بقيت لطيف كيف

[الرشيد اسماعيل محمود]

المشاركة الأصلية كتبت بواسطة خالد غالي

ده شنو المداخلة الميتانة المستسلمة دي ياوجدي؟!!

[الرشيد اسماعيل محمود]

المشاركة الأصلية كتبت بواسطة احمد زين

...

ابريل لم يحن بعد

يتبع

شكراً يا دكتور، ياخي أنا ذاتي كنت فاكر الموضوع كذبة ابريل لكن في النهاية اقتنعت بالفكرة

[الرشيد اسماعيل محمود]

المشاركة الأصلية كتبت بواسطة رأفت ميلاد

مبروووك كبيرة

سجمك يا أسعد الأوحدت

الله يبارك فيك يا رأفت،،
ياخي أسعد دا مفروض الناس تقنع منو خلاص، الزول دا زي ما بقولو اهلنا (الدرب دخل ليهو في الموية)، قلبها وجودية وكرشنا كابور وما عارف ليك!