قناة هارموني الفضائية -- قااااااادمة --- ترقبوها

[أبو العز الجنوبي]

العزيز ناصر
بالأمس فقط تمكنت من الاستمتاع بهارموني، واتمنى التوفيق ، واكثر ما اعجبني التناسق والدقة بين الموسيقى والكتابة على الشاشة، لأن القناة السودانية بها حاجتين اساسيتين هما، رداءة الاضاءة والفارق الزمني بين الموسيقى التصويرية(ان لم اخطئ في التسمية) وثبات الحروف على الشاشة، وهذه الملاحظات الآن في البث التجريبي لهارموني قد تم تفاديها...
ومزيدا من الابداع اتمناه لكم....

[ناصر يوسف]

[color=FF8C00]يا أبو العز يا صديقي

كيفنك يا زول يا ( زوّاغ وذوّاق )

الحمد لله إن هارموني مرقت من جنس لسانك البعرفو أنا داك ...

والله يا اخوي كل البتمناهو لهارموني إنها تصمد أمام هموم الإنتاج المزعجه .. وصدقني ما بتجيها أي عوجه [/color]

[أمير عمر]

تحياتي يا ناصر

للأسف الشديد قناة هارموني ما بيصلنا بثها هنا في بريطانيا لأنها على النايل سات
لكن رغم ذلك جاتني الأخبار من بعض أصدقائي الموسيقيين أنها ستكون واجهة
مُشرَّفة للفن السوداني.

يعني بالعربي كدا ما عرفت أقبل وين يا ناصر ...
الجماعة بجاي دوشوني من جهة وإنت في سودانيات من جهة تانية ...

طيب ياخ شوف لينا حل في حكاية النايل سات دي

[haneena]

الأخ أمير عمر (زول بريطانيا)
كنت في حديث مع ناصر يوسف
و طلبت منه نفس الطلب
لماذا لا يتفقون مع بعض الأقمار الفضائية الأوربية
اليوتلسات مثلآ..Eutelsat
أو حتى القمر العربي..عربسات؟
أتمنى أن نجد منه رد إيجابي

ننتظرك يا ناصر

[أمير عمر]

المشاركة الأصلية كتبت بواسطة haneena

الأخ أمير عمر (زول بريطانيا)
كنت في حديث مع ناصر يوسف
و طلبت منه نفس الطلب
لماذا لا يتفقون مع بعض الأقمار الفضائية الأوربية
اليوتلسات مثلآ..Eutelsat
أو حتى القمر العربي..عربسات؟
أتمنى أن نجد منه رد إيجابي

ننتظرك يا ناصر

دكتورتنا العزيزة حنينة
والله يا ريت يا دكتورة ، ناصر والجعيلي يلتفتوا للحتة دي خاصة والمحطة
في فترتها التجريبية ويعتبروا كلامنا دا ضمن نقاط الضعف اللي أظهرتها
الفترة التجريبية ويحاولوا تفاديها مستقبلا عشان ما يحرمونا أكتر مما نحن
محرومين.
من ناحية تانية ، الأشياء الجميلة دي مفروض تكون معكوسة للأخرين
وبالتالي حكاية الأقمار البتصل للجميع دي مفروض برضو تُدرس جيدا
لأنه برضو دا نوع من أنواع الحصر (الما مقصود طبعا!).
سمعنا على سبيل المثال أن قناة النيل الأزرق من القنوات الجيدة من ناحية
الأمكانيات والصوتيات والحاجة الما بنفهم فيها دي لكن مشكلتها أنها محصورة
وبالتالي ما راح تؤدي الغرض في عكس أي حاجة.

وما زلنا في إنتظار ناصر ،

مودتي وتقديري

[نزار حسن علي]

يا ابورحيق يا ابوالجمال والفرح
وينك والله متابعة من يوم قلته لينا هارموني ونحنا معاك يا راجل يا راقي وان شاء الله تكون بلسم لينا من النكد اليومي والنقة تلفزيون السودان هل تصدق صديقي مغربي قال لية يوم هو وزوجته قالوا عايزين يجاملوا الزول يعني انا قعدوا في القناة السودانية نقة مما بدات اكثر من ساعتين نقه بس ايه رايك ده تعليقن ليه قلته ليهم محمد معانا ما تغشانا ان شاء الله تقفل عشان يشوفوا موضوع غيره
مع حبي حتي نلتقي

[ناصر يوسف]

الأعزاء

أمير عمر
حنينه
نزار حسن علي

شكراً لطرحكم آراءكم

أمير وحنينه

الأمر مرفوع للأخ معتصم الجعيلي وإدارة القناة للنظر والبت في أمر إمكانية توسيع دائرة المشاهدة عالمياً

أخي نزار

وراس لفان ما فتأ يناوشك بكثير عناء وشقاء

تلفزيون السودان شهد تطورات كثيره يا أخي

نعم هناك برامج تبث من خلاله مكانها الإذاعة المسموعة إن لم تطابقها صورة معقوله تماثل مفهوم هذه البرامج

[طارق الحسن محمد]

[align=center] [/align]

[طارق الحسن محمد]

[align=center] [/align]

[مُهيَّد]

المشاركة الأصلية كتبت بواسطة أبو العز الجنوبي

العزيز ناصر
بالأمس فقط تمكنت من الاستمتاع بهارموني، واتمنى التوفيق ، واكثر ما اعجبني التناسق والدقة بين الموسيقى والكتابة على الشاشة، لأن القناة السودانية بها حاجتين اساسيتين هما، رداءة الاضاءة والفارق الزمني بين الموسيقى التصويرية(ان لم اخطئ في التسمية) وثبات الحروف على الشاشة

الأخ العزيز ناصر ....

نحمد الله كثيراً علي التحسُّن الذي طرأ علي القناة - حيث سبق وكان لنا حوار في موقع آخر حول هارموني وتحديداً ما ذهب إليه الأخ أبو العز الجنوبي أعلاه

نتمني التوفيق أكثر وأكثر للقائمين علي أمر القناة - ولكن الحق يُقال أن القناة قد إستفادت كثيراً من النقد الذي وُجِه لها في بداية البث التجريبي وإن كنت أري أن بعض المحاور التي أثرناها في ذلك النقاش لم ترتقي إلي المستوي المطلوب بعد ولكن تدريجياً نظن أنها ستصل إلي الهدف.

تقديري وإحترامي ،،

مُهيَّد
(حنين يا ليل)

[بابكر مخير]

يا زين الحبايب
تعرف لمن كانت هارموني تحت التجربة كنت بشوفها وعلى نفس التررد حسي راحت مني!!
بالله ورينا كيف نرجع نشوفها بعد ما بقت بي شكلها النهائي على قول الحبيب مهيد والعزيز الجنوبي (العريس)
سلام وربنا يرجعك بالسلامة والأسرة للبلد

[معتصم الطاهر]

المشاركة الأصلية كتبت بواسطة طارق الحسن محمد

[align=center] [/align]

سلامات

عارفين
الزول البعزل المذيعات دا ذوقو واحد
ما فى تنوع ..
كأنهن تومات ( شكلا)
أما موضوعاً .. فدا نشوفو بعدين ..

[طارق الحسن محمد]

[align=center] [/align]
ابحث عن ناصر ولك جائزة

تخريمة : للباش
زيادة البنات ما غيرت من
ذوق معتصم الاخر ؟
ولا يا هو يا هو
؟ ؟ ؟

[طارق الحسن محمد]

المشاركة الأصلية كتبت بواسطة معتصم الطاهر

سلامات

عارفين
الزول البعزل المذيعات دا ذوقو واحد
ما فى تنوع ..
كأنهن تومات ( شكلا)
أما موضوعاً .. فدا نشوفو بعدين ..

أشهد انك
عـــــا يـــــــــــــا ن

[بابكر مخير]

المشاركة الأصلية كتبت بواسطة حمدي اب جقادو

[align=center]كيزان برضو يانصور ؟؟؟؟

قبلها قطوف برضو عملو ليها نفس الدعايه [/align]
[align=center][/align]

الخوف، الخوف
بكرة نشوف فيها ذي برنامج
[frame="8 80"]فتاوي ،، أفراح الروح[/frame]
إخترت الفريم دا لأنو من ذوق ديكور تلفزيون السودان (أشتر)
المهم دا برنامج في تلفزيون السودان بتقدمو واحدة ست وبنصح كل مسلم أنو ما يشوفو لأنو فيهو وبطلع منو بأن كل شئ حرام إلا التعامل في النقد إن كان أوراق وفي نفس المجلس وأنو الطهارة السنة حلال (طبعاً طهارة الإناث)
برضو بنصح العندو زول عاوز يدخلو الإسلام ما يخليهو يشوف البرنامج دا، لأنو بتبقى عليهو قصة الإمبراطور بوكاسا (دخول الإسلام والخروج من الإسلام، عارفينها مش؟)
يا الحبوب نصور، شن قولك عندكم فكرة برنامج ذي دا (قصدي عندهم ناس هارموني)
يخلي السماوي (بتاع قطع الريسيين) يشتغل